បណ្តាញសង្គម

ប្រេង​ពី​នាវា​អ៊ីរ៉ង់​ដែល​លិច​នឹង​អណ្តែត​ទៅដល់​កោះ​ភាគខាងត្បូង​ប្រទេស​ជប៉ុន

ជប៉ុន ៖ យោងតាមឆ្មាំឆ្នេរសមុទ្រជប៉ុនបានឲ្យដឹងនៅថ្ងៃនេះថា ប្រេងពីនាវាប្រេងអ៊ីរ៉ង់ឈ្មោះ Sanchi ដែលលិចដែលបានអណ្តែតទៅដល់កោះភាគខាងត្បូងជប៉ុនកាលពីដើមខែនេះ។ ឆ្មាំឆ្នេរសមុទ្របានបន្តថា គំរូនៃជាតិប្រេងដែលអណ្តែតមកកាលពីថ្ងៃទី៨ខែកុម្ភៈនៅលើឆ្នេរនៃកោះ Okinoerabu និងកោះ Yoron នៅក្នុងខ្សែសង្វាក់កោះ Amami គឺត្រូវបានគេរកឃើញថាត្រូវបានផ្សារភ្ជាប់ជាមួយការលិចរបស់នាវា Sanchi។នាវា Sanchi បានលិចកាលពីថ្ងៃទី១៤ខែមករាបន្ទាប់ពីបុកជាមួយនាវាដឹកទំនិញមួយគ្រឿងនៅថ្ងៃទី៦ខែមករាក្នុងគ្រោះមហន្តរាយនាវាដឹកប្រេងដ៏អាក្រក់បំផុតរបស់ពិភពលោកក្នុងរយៈពេលប៉ុន្មានទសវត្សរ៍ចុងក្រោយនេះ។ មន្ត្រីឆ្មាំសមុទ្របានប្រាប់រ៉យទ័រតាមទូរស័ព្ទថា “ប្រេងដែលបានមកដល់ឆ្នេរនៃកោះទាំងពីរនេះគឺទំនងជាត្រូវបានផ្សារភ្ជាប់ទៅនឹងឧប្បទ្ទវហេតុនាវាដឹកប្រេង Sanchi ដោយពិចារណាលើភាពស្រដៀងគ្នានៃប្រេងនិងការពិតដែលថា មិនមានគ្រោះមហន្តរាយសមុទ្រណាមួយដែលទាក់ទងនឹងការកំពប់ប្រេងនៅក្នុងតំបន់សមុទ្រក្បែរនោះទេ”។ ប្រេងពណ៌ខ្មៅត្រូវបានគេប្រទះឃើញអណ្តែតជាដំបូងនៅលើឆ្នេរកោះ Takarajima កាលពីថ្ងៃទី ២៨ខែមករាហើយចាប់តាំងពីពេលនោះមកសារធាតុរាវផ្សេងទៀតបានទៅដល់កោះចំនួន២១ ផ្សេងទៀតនៅភាគនិរតីនៃប្រទេសជប៉ុនដែលជាផ្នែកនៃប្រជុំកោះដោយរួមមានទាំងកោះ Amami-Oshima និង Okinawa ផងដែរដែលជាតំបន់ល្បីឈ្មោះដោយសារឆ្នេរដ៏ស្អាតនិងប្រព័ន្ធថ្មប៉ប្រះទឹករបស់វា។ គួរបញ្ជាក់ថា នាវា Sanchi ដែលឆ្មាំសមុទ្របាននិយាយថាមានដឹកប្រេងចំនួន១១១,០០០តោនឬប្រហែល៨១០,០០០បារ៉ែលគឺបានលិចបន្ទាប់ពីផ្ទុះជាច្រើនលើកក្រោយការប៉ះទង្គិច៕

កូរ៉េខាងត្បូង​ចំណាយ​ថវិកា​ប្រមាណ​២៤០​លាន​វ៉ុ​ន​លើ​ប្អូនស្រី​មេដឹកនាំ​កូរ៉េខាងជើង​

កូរ៉េខាងត្បូង ៖ មន្ត្រីរដ្ឋាភិបាលម្នាក់បាននិយាយនៅថ្ងៃព្រហស្បតិ៍ថា ប្រទេសកូរ៉េខាងត្បូងបានចំណាយថវិកាប្រមាណ២៤០លានវ៉ុន (២២៣,២៣៧ដុល្លារអាមេរិក)ទៅលើប្អូនស្រីរបស់មេដឹកនាំកូរ៉េខាងជើងគីមជុងអ៊ុននិងក្រុមការងាររបស់នាងក្នុងអំឡុងពេលដំណើររយៈពេលបីថ្ងៃរបស់ពួកគេសម្រាប់ព្រឹត្តិការណ៍ការប្រកួតកីឡាអូឡាំពិករដូវរងាទីក្រុង Pyeongchang ។ មន្ត្រីមួយរូបនៅក្រសួងបង្រួបបង្រួមកូរ៉េខាងត្បូងបាននិយាយក្នុងលក្ខខណ្ឌសុំមិនបញ្ចេញឈ្មោះថា ភាគច្រើននៃប្រាក់នេះគឺត្រូវបានចំណាយលើការស្នាក់នៅ ដឹកជញ្ជូននិងម្ហូបអាហារសម្រាប់សមាជិកគណៈប្រតិភូចំនួន៤នាក់និងបុគ្គលិករបស់ខ្លួនចំនួន១៨នាក់។ ប្អូនស្រីរបស់លោកគីមនាង Kim Yo Jong និងមន្ត្រីកូរ៉េខាងជើងផ្សេងទៀតបានស្នាក់នៅសណ្ឋាគារ Walkerhill ដែលជាសណ្ឋាគារមាត់ទន្លេលំដាប់ផ្កាយប្រាំនៅភាគខាងកើតទីក្រុងសេអ៊ូល។នាងនិងគណៈប្រតិភូរបស់នាងបានធ្វើដំណើរចន្លោះទីក្រុងសេអ៊ូលនិងទីលាននៃព្រឹត្តិការណ៍កីឡាអូឡាំពិករដូវរងានៅឆ្នេរសមុទ្រភាគខាងកើតរបស់ប្រទេសកូរ៉េខាងត្បូងហើយមន្ត្រីកូរ៉េខាងត្បូងក៏បានរៀបចំអាហារសម្រាប់ពួកគេនៅសណ្ឋាគារលំដាប់កំពូលក៏ដូចជានៅវិមាន Blue House ផងដែរដែលជាកន្លែងពួកគេបានជួបជាមួយលោកប្រធានាធិបតី Moon Jae-in ។ ជាការប្រៀបធៀប, គណៈកម្មាធិការអូឡាំពិកអន្តរជាតិបានចំណាយប្រាក់ប្រហែល៥០,០០០ ដុល្លារចំពោះការហ្វឹកហាត់និងការរៀបចំសម្រាប់អត្តពលិកអូឡាំពិកទាំង២២នាក់របស់កូរ៉េខាងជើងឬស្មើនឹងប្រហែល២,៣០០ដុល្លារក្នុងម្នាក់។ប៉ុន្មានខែមុនពេលកូរ៉េខាងត្បូងទទួលគណៈប្រតិភូកូរ៉េខាងជើង, យោធារបស់ខ្លួនបានរួមចំណែកដល់កិច្ចខិតខំប្រឹងប្រែងបន្ធូរបន្ថយភាពតានតឹងរបស់លោក Moon ដោយដកឈ្មោះមេដឹកនាំកូរ៉េខាងជើងគីមជុងអ៊ុនចេញពីការផ្សព្វផ្សាយឃោសនានៅឯព្រំដែនរវាងប្រទេសកូរ៉េខាងជើងនិងប្រទេសកូរ៉េខាងត្បូង។ ជំនួយការនៅការិយាល័យរបស់លោក Kim Hack-yong ដែលជាប្រធានគណៈកម្មាធិការការពារជាតិរបស់សភាបាននិយាយថា “ការសម្រេចចិត្តនេះត្រូវបានធ្វើឡើងដោយអគ្គសេនាធិការរួមរបស់កូរ៉េខាងត្បូងកាលពីចុងឆ្នាំកន្លងទៅដោយការព្រួយបារម្ភថា ការវាយប្រហារដោយពាក្យសម្ដីលើលោកគីមជុងអ៊ុនអាចនាំមកនូវអារម្មណ៍អវិជ្ជមានក្នុងចំណោមប្រជាជនកូរ៉េខាងជើង”៕

កូរ៉េខាងត្បូង​ជំរុញ​ឲ្យ​ជប៉ុន​បញ្ឈប់​ការទាមទារ​ទឹកដី​នៅលើ​កោះ​ដែលមាន​ជម្លោះ​

កូរ៉េខាងត្បូង ៖ នៅថ្ងៃព្រហស្បតិ៍នេះ រដ្ឋាភិបាលកូរ៉េខាងត្បូងបានធ្វើការតវ៉ាប្រឆាំងនឹងព្រឹត្តិការណ៍មួយដែលរដ្ឋាភិបាលជប៉ុនបានរៀបចំនៅលើដែនកោះដែលមានជម្លោះ។ កោះតូចមួយដែលមានជម្លោះនោះត្រូវបានគេស្គាល់ថាជាកោះដូកដូ (Dokdo) នៅក្នុងប្រទេសកូរ៉េខាងត្បូង និងជាកោះតាកិស៊ីម៉ា (Takeshima) នៅក្នុងប្រទេសជប៉ុន។ ថ្លែងទៅកាន់សន្និសីទសារព័ត៌មានមួយនៅថ្ងៃព្រហស្បតិ៍នេះ អ្នកនាំពាក្យឲ្យក្រសួងការបរទេសកូរ៉េខាងត្បូងបានជំរុញឲ្យប្រទេសជប៉ុនលុបចោលព្រឹត្តិការណ៍នោះ និងបញ្ឈប់ការទាមទារទឹកដីនៅលើប្រជុំកោះនោះផងដែរ។ នៅព្រឹកថ្ងៃព្រហស្បតិ៍នេះ ប្រទេសជប៉ុនបានបញ្ជូនមន្ត្រីជាន់ខ្ពស់ម្នាក់ដែលជាតំណាងរដ្ឋាភិបាលទៅកាន់កោះនោះដើម្បីចូលរួមព្រឹត្តិការណ៍មួយអបអរសាទរទិវាកោះតាកិស៊ីម៉ា (Takeshima) ។ គួរបញ្ជាក់ថា ប្រទេសកូរ៉េខាងត្បូងជាអ្នកគ្រប់គ្រងប្រជុំកោះដូកដូ (Dokdo) ប៉ុន្តែប្រទេសជប៉ុនបានប្រឆាំងទៅនឹងអធិបតេយ្យភាពរបស់ពួកគេ ហើយចាប់តាំងពីឆ្នាំ២០០៥មកជប៉ុនបានកំណត់យកថ្ងៃទី២២ ខែកុម្ភៈនេះជាទិវាកោះតាកិស៊ីម៉ា (Takeshima)៕

កូរ៉េខាងត្បូងចង់ចរចារឿងនុយក្លេអ៊ែរជាមួយកូរ៉េខាងជើង ក្រោយកីឡាអូឡំាពិកបញ្ចប់

(សេអ៊ូល)៖ ក្រសួងការបរទេសកូរ៉េខាងត្បូង នៅថ្ងៃពុធនេះ បាននិយាយថា ខ្លួននឹងផ្ដោតសំខាន់លើកិច្ចចរចាស្ដីពីការលុប បំបាត់អាវុធនុយក្លេអ៊ែរ នៅលើឧបទ្វីបកូរ៉េ ក្រោយព្រឹត្តិការណ៍កីឡាអូឡាំពិរដូវរងាលើកទី២៣ នៅទីក្រុង PyeongChang បិទបញ្ចប់នៅថ្ងៃទី២៥ ខែកុម្ភៈនេះ។ នេះបើតាមការចេញផ្សាយដោយទីភ្នាក់ងារសារព័ត៌មានចិនស៊ីនហួរ នៅយប់ថ្ងៃពុធ ទី២១ ខែកុម្ភៈ ឆ្នាំ២០១៨។

យោងតាមរបាយការណ៍ របស់ក្រសួងការបរទេសកូរ៉េខាងត្បូងដាក់ជូនសភាជាតិ កូរ៉េខាងត្បូងនឹងផ្ដោតសំខាន់លើកិច្ច ប្រឹងប្រែងផ្នែកការទូតលើសន្ទុះនៃកិច្ចសន្ទនា បង្កើតឡើងដោយការចូលរួមពីសំណាក់កូរ៉េខាងជើងក្នុងព្រឹត្តិការណ៍កីឡា អូឡាំពិក ក្នុងគោលបំណងឆ្ពោះទៅរកការផ្សះផ្សា និងឈានដល់កិច្ចចរចាស្ដីពីការលុបបំបាត់អាវុធនុយក្លេអ៊ែរនៅលើ ឧបទ្វីបកូរ៉េដោយសន្តិវិធី។

គួររំលឹកថា កូរ៉េខាងជើង ធ្លាប់បានអះអាងជាច្រើនដងថាខ្លួននឹងមិនយកសំណុំរឿងនុយក្លេអ៊ែរទៅពិភាក្សាជាមួយ កូរ៉េ ខាងត្បូង និងសហរដ្ឋអាមេរិកជាដាច់ខាត ដារាបណា ទីក្រុងវ៉ាស៊ីនតោនមិនព្រមបោះបង់ចោលគោលនយោបាយប្រឆាំង នឹងទីក្រុងព្យុងយ៉ាង។ លើសពីនេះទៅទៀត របបកុម្មុយនីស្ដមួយនេះក៏បានអះអាងដែរថាអាវុធនុយក្លេអ៊ែររបស់ខ្លួនមាន គោលដៅតែទៅលើសហរដ្ឋអាមេរិកតែមួយគត់ ហើយថាវាគឺជាវិធានការដ៏សំខាន់ក្នុងការចូលរួមចំណែករក្សាសន្តិភាព នៅក្នុងតំបន់ ក៏ដូចជាបង្កើតតុល្យភាពជាមួយអាមេរិក៕

នាវាចម្បាំងមហាយក្ស​ចិន​១១​គ្រឿង​ធ្វើដំណើរ​ចូល​មហាសមុទ្រ​ឥណ្ឌា​ខាងកើត​

ឥណ្ឌា ៖ ស្របពេលមានវិបត្តិធម្មនុញ្ញក្នុងប្រទេសម៉ាល់ឌីវ ដែលក្នុងពេលបច្ចុប្បន្ននេះកំពុងតែស្ថិតនៅក្រោមភាពអាសន្ន នាវាចម្បាំងចិនចំនួន១១គ្រឿងត្រូវបានគេរាយការណ៍ថា បានធ្វើដំណើរចូលទៅមហាសមុទ្រ ឥណ្ឌាខាងកើតនៅក្នុងខែនេះ។ គេហទំព័រព័ត៌មានចិន Sina.com.cn បាននិយាយថា កងនាវាពិឃាត នាវាចម្បាំងតិចបំផុតមួយគ្រឿង នាវាដឹកជញ្ជូនបើកបានទាំងក្នុងទឹកនិងលើគោក ទម្ងន់៣០ពាន់តោនមួយគ្រឿង និងនាវាដឹកគ្រឿងផ្គត់ផ្គង់ចំនួន៣គ្រឿង បានចូលទៅក្នុងដល់មហាសមុទ្រឥណ្ឌា ប៉ុន្តែមិនប្រាប់ពីពេលដែលនាវាចម្បាំងទាំងនេះ ត្រូវបញ្ជូនទៅ ឬក៏នឹងស្ថិតនៅយូរប៉ុណ្ណានោះទេ។ ការប្រកួតប្រជែងគ្នា សម្រាប់ឥទ្ធិពលក្នុងប្រទេសម៉ាលឌីវ រវាងមហាយក្សឥណ្ឌានិងចិន ដែលជាសត្រូវ ចាស់នឹងគ្នា តាមសេចក្តីរាយការណ៍ បានក្លាយជាជាក់ស្តែងឡើង បន្ទាប់ពីលោកប្រធានាធិបតីនៃ ប្រទេសម៉ាលឌីវ លោក Abdulla Yameen បានចុះហត្ថលេខាលើគោលគំនិត ក្រវ៉ាត់ផ្លូវរបស់ទីក្រុងប៉េកាំង ដើម្បីកសាងការតភា្ជប់ផ្នែកពាណិជ្ជកម្ម និងគមនាគមន៍ នៅទៅទាំងអាស៊ីនិងលើសពីនោះ៕

ទំនាក់ទំនង​រវាង​ប្រទេស​កូរ៉េ​ទាំង​២​កំពុង​រលាយ​ទៅវិញ​បន្តិច​ម្ដងៗ​

កូរ៉េខាងត្បូង ៖ ទំនាក់ទំនងរវាងប្រទេសកូរ៉េទាំង២ ដែលផ្ដើមចេញពីកីឡាអូឡាំពិករដូវរងាកំពុងរលាយទៅវិញបន្តិចម្ដងៗ ហើយអាចឈានទៅរកភាពជាប់គាំងម្ដងទៀតក្នុងពេលឆាប់ៗនេះ បន្ទាប់ពីកូរ៉េខាងត្បូងប្រកាសធ្វើសមយុទ្ធយោធារួមជាមួយសហរដ្ឋអាមេរិកឡើងវិញ។ ក្រសួងការពារជាតិក្រុងសេអ៊ូលនិយាយកាលពីថ្ងៃអង្គារថា ខ្លួននឹងបង្ហាញនូវផែនការនានាសំរាប់សមយុទ្ធប្រចាំឆ្នាំ ជាមួយសហរដ្ឋអាមេរិកនៅមុនខែមេសាខាងមុខ បន្ទាប់ពីបានពន្យារពេលធ្វើសមយុទ្ធយោធារួមជាមួយសហរដ្ឋអាមេរិក ដោយសារតែមានការប្រកួតកីឡាអូឡាំពិករដូវរងា និងការប្រកួតកីឡាជនពិការមក។ ក្រុមមន្ត្រីនិយាយថា កិច្ចពិភាក្សាស្តីពីសមយុទ្ធនោះកំពុងចាប់ដំណើរការទៅមុខហើយ។ សូមជម្រាប់ថា នៅពេលដែលសមយុទ្ធត្រូវបានគេផ្អាកទៅវិញ កូរ៉េខាងជើងបានយល់ព្រមទៅចូលរួមកីឡាអូឡាំពិក ហើយក៏បានអញ្ជើញប្រធានាធិបតីកូរ៉េខាងត្បូងលោក មូន ចេអ៊ីន ឲ្យទៅជួបលោក គីម ជុងអ៊ុន នៅក្នុងប្រទេសកូរ៉េខាងជើងទៀតផង៕

 

 

DARPA ប្រគល់​នាវា​ឥត​មនុស្ស​បើក​ដល់​កងទ័ពជើងទឹក​អាមេរិក​

នាវាស្វ័យប្រវត្តិមួយ ដែលមានឈ្មោះថា “អ្នកប្រមាញ់លើសមុទ្រ” (Sea Hunter) ត្រូវបានប្រគល់ជាផ្លូវការដល់កងទ័ពជើងទឹកអាមេរិក បន្ទាប់ពីបញ្ចប់សព្វគ្រប់នូវការធ្វើតេស្តរយៈពេល២ឆ្នាំនៅក្នុងទីតាំងរបស់ទីភ្នាក់ងារគម្រោងស្រាវជ្រាវការពារជាតិកម្រិតខ្ពស់ (DARPA)។ នាវា Sea Hunter ត្រូវបានបង្កើតឡើងដើម្បីធ្វើសង្គ្រាមប្រឆាំងនឹងនាវាមុជទឹក និងអាចធ្វើបដិវត្តសង្គ្រាមជើងទឹក ព្រោះវាគឺជា “នាវាដំបូងគេនៃអ្វីដែលអាចក្លាយជាប្រភេទនាវាថ្មីដែលអាចបើកកាត់លើសមុទ្ររាប់ពាន់គីឡូម៉ែត្ររយៈពេលជាច្រើនខែក្នុងមួយជើង ដោយមិនចាំបាច់មាននាវិកសូម្បីតែម្នាក់នៅលើនោះ”។ នេះបើតាម DARPA និយាយនៅក្នុងសេចក្តីប្រកាសកាលពីថ្ងៃទី ៣០ ខែមករា។ ខណៈពេលគេមិនទាន់ច្បាស់ថាពេលណាដែលការិយាល័យស្រាវជ្រាវកងទ័ពជើងទឹកនឹងបញ្ជូននាវានេះទៅក្នុងកងនាវាប្រតិបត្តិការប្រចាំថ្ងៃនោះ សេចក្តីថ្លែងការណ៍របស់ DARPA បានចង្អុលបង្ហាញថា វាអាចត្រូវបានដាក់បញ្ចូលជាមួយកងទ័ពជើងទឹកអាមេរិកនៅដំណាច់ឆ្នាំនេះ។ អតីតអនុរដ្ឋមន្ត្រីការពារជាតិអាមេរិក លោក រ៉ូបឺត វើក និយាយក្នុងកិច្ចសម្ភាសន៍ជាមួយទីភ្នាក់ងារសារព័ត៌មានរ៉យទ័រក្នុងឆ្នាំ ២០១៦ ថា “ឈ្មោះរបស់នាវានេះអាចធ្វើឱ្យគេយល់ច្រឡំចំពោះសមត្ថភាពរបស់វា។ នាវាប្រវែង ៣៩ ម៉ែត្រនេះត្រូវបានបំពាក់សម្ភារៈយ៉ាងគត់មុតបំផុតសម្រាប់ឈ្លបយកការណ៍ និងមិនត្រូវបានបំពាក់ដោយអាវុធណាមួយឡើយ ដោយហេតុថាវាមិនមានមនុស្សសម្រាប់បើកឡើយ។ គ្មានហេតុផលអ្វីដែលត្រូវខ្លាចនាវាបែបនេះទេ”។ យោងតាមវេបសាយ Digital Trends បានឱ្យដឹងថា នាវានេះមានតម្លៃថោកជាងនាវាដទៃទៀតក្នុងការសាងសង់ ដោយមានតម្លៃត្រឹមតែ ២០ លានដុល្លារប៉ុណ្ណោះ៕

ឧទ្ធម្ភាគចក្រ​ដឹក​មន្ត្រីជាន់ខ្ពស់​ច្រើន​នាក់ ធ្លាក់ ស្លាប់​១៤​នាក់ ក្នុងពេល​កំពុងធ្វើការ​វាយតម្លៃ​ការខូចខាត​នៃ​រញ្ជួយ​ដី​នៅ​ម៉ិ​ក​ស៊ិ​ក​

ឧទ្ធម្ភាគចក្រដែលដឹកមន្ត្រីជាន់ខ្ពស់ច្រើននាក់បានធ្លាក់ ខណៈដែលពួកគេបានកំពុងធ្វើការវាយតម្លៃការខូចខាតនៃការរញ្ជួយដីកាលពីថ្ងៃសុក្រទី១៦កុម្ភៈនៅម៉ិកស៊ិក ដោយបានសម្លាប់មនុស្សយ៉ាងហោចណាស់១៤នាក់ ដោយរួមទាំងទារកម្នាក់។ រដ្ឋមន្ត្រីក្រសួងមហាផ្ទៃនិងអភិបាលរដ្ឋអូអាសាកា បានជិះឧទ្ធម្ភាគចក្រនេះ ប៉ុន្តែពួកគេមិនរងរបួសទេ។ លោក អាល់ហ្វុនសូ ណាវ៉ារ៉េត រដ្ឋមន្ត្រីក្រសួងមហាផ្ទៃ បាននិយាយថា អ្នកបើកឧទ្ធម្ភាគចក្រនេះបានបាត់បង់ការគ្រប់គ្រងនៅពេលវាបានកំពុងចុះចត។ រញ្ជួយដីកម្លាំង៧,២រិច្ឆទ័រ បានកើតឡើងនៅរដ្ឋអូអាសាកា ប៉ុន្តែ វាបានរង្គើរញ័រអគារជាច្រើននៅទីក្រុងម៉ិកស៊ីកូ ចម្ងាយ៣៥០គីឡូម៉ែត្រ ពីរដ្ឋនេះ។ មិនមានសេចក្តីរាយការណ៍អំពីអ្នកស្លាប់ដោយការរញ្ជួយដីនេះទេ។ គេមិនច្បាស់ទេថាតើអ្នកណាខ្លះដែលស្ថិតនៅក្នុងឧទ្ធម្ភាគចក្រនោះ បានស្ថិតនៅក្នុងចំណោមអ្នកស្លាប់ទាំងនោះទេ ប៉ុន្តែ លោក អាល់ហ្វុនសូ បាននិយាយថាអ្នកដំណើរខ្លះបានរងរបួស៕

យន្តហោះ​អាកាសចរណ៍​អ៊ីរ៉ង់​ធ្លា​ក់នៅ​តំបន់ភ្នំ​ស្លាប់​អ្នកដំណើរ​ទាំងអស់​

តេហេរ៉ង់ ៖ មនុស្សចំនួន៦៦នាក់ត្រូវបានគេរាយការណ៍ថា បានស្លាប់បាតបង់ជីវិតទាំងអស់ បន្ទាប់ពីយន្តហោះដឹកអ្នកដំណើរអ៊ីរ៉ង់មួយគ្រឿងដែលពួកគេជិះបានធ្លាក់នៅតំបន់ភ្នំភាគខាងត្បូងប្រទេសនោះ ខណៈមូលហេតុពិតប្រាកដនៃការធ្លាក់ នៅមិនទាន់មានការបញ្ជាក់នោះឡើយ។ នេះបើតាមទីភ្នាក់ងារព័ត៌មានចិន ស៊ីនហួរ។ យន្តហោះខាងលើនេះត្រូវបានផ្នែកអាកាសចរណ៍អ៊ីរ៉ង់អះអាងថា ATR-72 ធ្វើដំណើរពីទីក្រុងតេហេរ៉ង់ សំដៅទៅទីក្រុង Yasuj ភាគខាងត្បូង ដែលមានចម្ងាយ៦២០គីឡូម៉ែត្រពីគ្នា ប៉ុន្តែយន្តហោះបានធ្លាក់នៅក្នុងតំបន់ភ្នំ Dena ភាគខាងត្បូងប្រទេសអ៊ីរ៉ង់៕

ប្រធានាធិបតី​កូរ៉េខាងត្បូង​អាច​ទៅ​បំពេញ​ទស្សនកិច្ច​នៅ​ក្រុង​ព្យុងយ៉ាង ប្រសិនបើ​កូរ៉េខាងជើង​ផ្លាស់ប្តូរ​ជំហរ​

លោក វូ យុន គឿន ឯកអគ្គរដ្ឋទូតកូរ៉េខាងត្បូងប្រចាំនៅប្រទេសរុស្ស៊ី កាលពីថ្ងៃព្រហស្បតិ៍ ទី១៥ កុម្ភៈ បាននិយាយអំពីលទ្ធភាពនៃការចរចារវាង សហរដ្ឋអាមេរិក និង កូរ៉េខាងជើង ព្រមទាំងការដាក់ពង្រាយប្រព័ន្ធការពារមីស៊ីលអាមេរិកនៅកូរ៉េខាងត្បូង។ លោក វូ បាននិយាយកាលពីថ្ងៃព្រហស្បតិ៍ថា កូរ៉េខាងត្បូងមើលឃើញលទ្ធភាពសម្រាប់កិច្ចសន្ទនារវាងសហរដ្ឋអាមេរិកនិងកូរ៉េខាងជើង ហើយសមាជិកសភាអាមេរិកចង់បង្កើតកិច្ចសន្ទនាបែបនេះ។ លោក វូ បានននិយាយប្រាប់ក្រុមអ្នកយកព័ត៌មានថា “សមាជិកសភា នៅសហរដ្ឋអាមេរិក គិតថាការសន្ទនាជាមួយកូរ៉េខាងជើងគួរតែត្រូវបានបង្កើតឡើងឥឡូវនេះ។ នោះហើយជាមូលហេតុដែលខ្ញុំមើលឃើញលទ្ធភាពសម្រាប់កិច្ចសន្ទនារវាងកូរ៉េខាងជើងនិងសហរដ្ឋអាមេរិក” ។ ឯកអគ្គរដ្ឋទូតកូរ៉េខាងត្បូងនេះបានបន្ថែមថា រដ្ឋាភិបាលក្រុងវ៉ាស៊ីនតោននិងរដ្ឋាភិបាលក្រុងតូក្យូបានឃើញការផ្លាស់ប្តូរចុងក្រោយនៃជំហរបស់កូរ៉េខាងជើង ដែលជាលទ្ធផលមកពីការដាក់ទណ្ឌកម្ម៕

 

 

ចិន ៖ ក្នុងអំឡុងពេល​បុណ្យចូលឆ្នាំថ្មី​នឹងមាន​ការបំពុល​ខ្យល់អាកាស​ខ្លាំង​ 15-February-2018 / ព័ត៌មានអន្តរជាតិ

ចិន ៖ ក្រសួងការពារបរិស្ថានបានព្រមានថាតំបន់មួយចំនួននៃប្រទេសចិនអាចនឹងរងការបំពុលយ៉ាងធ្ងន់ធ្ងរដោយសារតែកាំជ្រួចនិងលក្ខខណ្ឌអាកាសធាតុមិនអំណោយផលក្នុងអំឡុងពិធីបុណ្យចូលឆ្នាំថ្មីទោះជាមានការហាមប្រាមការដុតផាវនៅក្នុងទីក្រុងជាង ៤០០ ក៏ដោយ ។ក្រសួងបាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា “តំបន់ខ្លះទំនងជានឹងមានការបំពុលបរិស្ថានធ្ងន់ធ្ងរ ដោយសារតែការដុតកាំជ្រួច និងផាវ” ។ បុណ្យចូលឆ្នាំចិនដែលចាប់ផ្តើមនៅថ្ងៃទី ១៥ ខែកុម្ភៈឆ្នាំនេះគឺជាថ្ងៃឈប់សម្រាកដ៏សំខាន់បំផុតរបស់ប្រទេសចិន ហើយក្រុមគ្រួសារ និងការប្រារព្ធពិធីប្រពៃណីនេះមានការដុតកាំជ្រួច និងផាវជាច្រើនយប់ផងដែរ ។ ប្រពៃណីនេះត្រូវបានគេជឿជាក់ថានឹងធ្វើឲ្យស្មារតីអាក្រក់ចៀសឆ្ងាយ និងនាំមកនូវការចាប់ផ្ដើមដ៏ល្អដល់ឆ្នាំនេះ ។ យ៉ាងណាក៏ដោយទីក្រុងជាង ៤០០ នៅទូទាំងប្រទេសចិនបានហាមឃាត់ការដុតកាំជ្រួចចាប់តាំងពីឆ្នាំមុនមកម្ល៉េះដើម្បីទប់ស្កាត់ការបំពុលបរិយាកាសអំឡុងថ្ងៃឈប់សម្រាករយៈពេល ១៥ ថ្ងៃ និងកាត់បន្ថយគ្រោះថ្នាក់ផងដែរ ។ ក្រសួងបរិស្ថានបានឲ្យដឹងថា តំបន់ភាគខាងជើងប្រទេសចិនដែលមានផ្សែងអ័ព្ទរួមមានទាំងទីក្រុងប៉េកាំងផងដែរនោះអាចមានការបំពុលខ្លាំងចាប់ពីថ្ងៃព្រហស្បតិ៍រហូតដល់ថ្ងៃសៅរ៍ ។ការបំពុលខ្យល់អាកាសធ្ងន់ធ្ងរនេះក៏ទំនងជានឹងមាននៅខេត្ត Heilongjiang និងខេត្ត Liaoning ភាគឦសាននៃប្រទេសចិន ចំណែកនៅភាគខាងកើតមានខេត្ត Anhui និងខេត្ត Zhejiang ខណៈដែលនៅភាគខាងលិចមានខេត្ត Sichuan និងតំបន់ Xinjiang ហើយក្នុងនោះក៏មានតំបន់មួយចំនួននៅភាគខាងត្បូងប្រទេសផងដែរ ។ សូមបញ្ជាក់ផងដែរថា អាជីវកម្មមួយចំនួននឹងពន្យារពេលថ្ងៃឈប់សម្រាករហូតដល់ថ្ងៃទី ៣ ខែមីនា បើទោះជាថ្ងៃឈប់សម្រាកជាផ្លូវការនឹងបន្តរហូតដល់ថ្ងៃទី ២១ ខែកុម្ភៈ ក៏ដោយ ៕

គ្រូៗ​ហុងស៊ុយ​ហុងកុង ទស្សន៍ទាយ​ជោគជតារាសី​មេដឹកនាំ​ពិភពលោក ឆ្នាំ ច​, ដូ​ណា​ល់ ត្រាំ រាសី​ដាក់​ខ្លាំង​ទាំង​សុខភាព និង លុយកាក់

ខណៈដែលតារារាស្ដ្រចិនប្តូរទៅរកឆ្នាំចនៅចុងសប្តាហ៍នេះ គ្រូៗហុងស៊ុយហុងកុងបាននាំគ្នាព្យាករណ៍អំពីជោគជតារាសីសម្រាប់មេដឹកនាំពិភពលោក។ កើតក្នុងឆ្នាំច ឆ្នាំ ១៩៤៦ ប្រធានាធិបតីអាមេរិក លោក ដូណាល់ ត្រាំ ប្រឈមមុខនឹងសំណាងអាក្រក់ជាច្រើន ព្រោះឆ្នាំរបស់គាត់ប្រឆាំងគ្នាជាមួយឆ្នាំឆ្កែធាតុដី ឆ្នាំ ២០១៨។ នេះបើយោងតាមពួកគ្រូហុងស៊ុយហុងកុងលើកឡើងដូច្នេះ។ ហុងស៊ុយ ដែលមានន័យថា “ទឹកនិងខ្យល់” មានឥទ្ធិពលយ៉ាងខ្លាំងនៅអាស៊ី កន្លែងដែលមនុស្សតម្រែតម្រង់ជីវភាពរស់នៅរបស់ពួកគេដោយប្រុងប្រយ័ត្នតាមរយៈការដាក់វត្ថុដូចជាពែងស្រាឬត្បូងនៅក្នុងការិយាល័យនិងផ្ទះដើម្បីបង្កើនសុភមង្គល លាភសំណាង និងទ្រព្យសម្បត្តិរបស់ពួកគេ។ តាមក្បួនហុងស៊ុយ រាល់ព្រឹត្តិការណ៍ទាំងអស់ត្រូវបានបកស្រាយតាមរយៈតុល្យភាពផ្សេងៗគ្នាក្នុងធាតុទាំង៥ដែលបង្កើតចក្រវាល គឺ ធាតុ ដែក ឈើ ទឹក ភ្លើង និងដី។ ថ្ងៃកំណើតរបស់លោកត្រាំ ធ្វើឱ្យគាត់ក្លាយជា “ឆ្កែធាតុភ្លើង” ប៉ុន្តែឆ្នាំ ២០១៨ ជាឆ្នាំ “ឆ្កែធាតុដី” ដែលជាធាតុមិនត្រូវគ្នាឡើយ។ គ្រូហុងស៊ុយឈ្មោះ ធារី ចូវ និយាយថា ធាតុភ្លើងក្នុងឆ្នាំកំណើតរបស់លោកត្រាំ នឹងជះឥទ្ធិពលដល់សុខភាពរបស់គាត់ ខណៈពាក្យសម្តីរបស់គាត់ (ធាតុភ្លើងក៏តំណាងឱ្យសម្តីដែរ) អាចនឹងនាំមកនូវ “បញ្ហា” និងផលវិបាកជាក់ស្តែងជាច្រើន។ លោកស្រី ធារី ចូវ បានប្រាប់ទីភ្នាក់ងារសារព័ត៌មានបារាំង (AFP) ថា “ធាតុទាំង២មានភ្លើងខ្លាំងពេក និងមានដីខ្លាំងពេក ដូច្នេះវានឹងធ្វើឱ្យគាត់ (ត្រាំ) ជួបអតុល្យភាពទ្រព្យសម្បត្តិ”។ លោកស្រីចូវ បានប្រើប្រព័ន្ធ “ផ្កាយហោះ” ដើម្បីធ្វើឱ្យការទស្សន៍ទាយរបស់លោកស្រីផ្អែកលើទីតាំងផ្កាយនីមួយៗ ដោយបានមើលឃើញភាពតានតឹងកាន់តែខ្លាំងឡើងរវាងសហរដ្ឋអាមេរិកនិងកូរ៉េខាងជើង ដែលរងឥទ្ធិពលពីផ្កាយលេខ ៥ ដែលជាផ្កាយអាក្រក់។ លោកស្រីក៏បានព្រមានពីហានិភ័យនៃជម្លោះរវាងលោកត្រាំនិងប្រទេសចិនលើបញ្ហាពាណិជ្ជកម្មនិងសេដ្ឋកិច្ចផងដែរ។ លោកស្រីចូវ និយាយថា “ផ្កាយទី ៧ កំពុងធ្លាក់ទៅទិសខាងកើត។ ផ្កាយនេះធ្វើឱ្យប៉ះពាល់ដល់ការប្រាស្រ័យទាក់ទងគ្នា ហើយវាបង្កឱ្យមានការនិយាយដើមគ្នា និងការយល់ច្រឡំ” ។ – “កាតព្វកិច្ចនិងភក្ដីភាព” ហុងស៊ុយជារបស់មិនអាចអត់បាននៅក្នុងទីក្រុងហុងកុង ជាមួយមនុស្សភាគច្រើនស្វែងរកដំបូន្មានពីគ្រូហុងស៊ុយ មុនពេលធ្វើការសម្រេចចិត្តសំខាន់ៗចាប់ពីការជ្រើសរើសថ្ងៃរៀបការរហូតដល់ការជ្រើសរើសផ្ទះថ្មី។ ក្រុមហ៊ុនធំៗក៏ជួលគ្រូហុងស៊ុយផ្ទាល់ខ្លួនផងដែរដើម្បីពិគ្រោះយោបល់អំពីប្លង់ខាងក្នុងការិយាល័យ និងផ្ដល់ដំបូន្មានក្នុងការវិនិយោគ។ ជារៀងរាល់ឆ្នាំ ក្រុមហ៊ុនឈ្មួញកណ្តាល CLSA បានចេញសន្ទស្សន៍ហុងស៊ុយរបស់ខ្លួន ដោយព្យាករណ៍ពីអ្វីដែលនឹងកើតឡើងក្នុងរយៈពេល ១២ ខែខាងមុខសម្រាប់ពិភពលោក។ ក្នុងឆ្នាំ ២០១៨ ក្រុមហ៊ុននេះព្យាករណ៍ថា វិស័យទាក់ទងនឹងអ៊ីនធឺណេត ឧបករណ៍ប្រើប្រាស់ និងបច្ចេកវិជ្ជា នឹងរកស៊ីទទួលទានកាក់កបសម្បើមណាស់។ វិស័យទាំងនេះត្រូវបានចាត់ទុកជាឧស្សាហកម្ម “ទាក់ទងនឹងភ្លើង” ហើយនឹងធ្វើបានល្អបំផុតរវាងខែឧសភា និងកក្កដា។ នេះបើតាមសម្តីគ្រូៗហុងស៊ុយ។ ទោះយ៉ាងណា ជាមួយផ្សារហ៊ុនទីក្រុងហុងកុងឡើងចុះមិនទៀង ពួកគ្រូហុងស៊ុយបានណែនាំឱ្យពួកអ្នកជំនួញប្រកាន់ខ្ជាប់នូវអតិថិជនស្មោះត្រង់បំផុតរបស់ពួកគេ ហើយពួកវិនិយោគិនមិនគួរចំណាយប្រាក់វិនិយោគច្រើនហួសមត្ថភាពពេកទេ។ ក្រៅពីនយោបាយនិងហិរញ្ញវត្ថុ លោកស្រីចូវបានទស្សន៍ទាយឃើញមង្គលការដ៏រីករាយសម្រាប់ព្រះអង្គម្ចាស់ហារីរបស់អង់គ្លេសនិងនាងមេហ្គាន ម៉ាកិល នៅខែឧសភាខាងមុខផងដែរ។ ធាតុដីតំណាងឱ្យព្រះមហាក្សត្រនៅក្នុងប្រក្រតិទិនចិន និងការរួមបញ្ចូលគ្នាជាមួយនឹងភ្លើងទៀនខែឧសភាទៀតសោតនោះ ធាតុទាំង ៥ គឺស្របគ្នាបំផុតសម្រាប់ការប្រារព្ធពិធីរៀបការ៕

កូរ៉េខាងត្បូង​ជួយ​ចេញថ្លៃ​ចំណាយ​ដល់​កូរ៉េខាងជើង​ចំនួន ២,៦ លាន​ដុល្លារ សម្រាប់​ការចូលរួម​កីឡា​អូឡាំពិក​

ទីភ្នាក់ងារសារព័ត៌មានយ៉ុនហាប់បានរាយការណ៍ថា កូរ៉េខាងត្បូងបានអនុម័តកាលពីថ្ងៃពុធទី១៤កុម្ភៈនូវផែនការទ្រទ្រង់ដល់ការចូលរួមរបស់កូរ៉េខាងជើងនៅក្នុងកីឡាអូឡាំពិករដូវរងាពីមូលនិធិរដ្ឋាភិបាល។ ក្រុមប្រឹក្សាជំរុញការផ្លាស់ប្តូរនិងសហប្រតិបត្តិការកូរ៉េខាងជើងនិងខាងត្បូងបានយល់ព្រមលើការលៃលកទឹកប្រាក់ចំនួន ២,៦ លានដុល្លារដើម្បីរ៉ាប់រងលើការចំណាយរបស់កូរ៉េខាងជើងសម្រាប់ការបញ្ជូនអត្តពលិក អ្នកសម្តែង និងគណៈប្រតិភូរបស់រដ្ឋាភិបាលក្រុងព្យុងយ៉ាង មកចូលរួមការប្រកួតកីឡាអូឡាំពិករដូវរងានៅក្រុងព្យឹងចាងរបស់កូរ៉េខាងត្បូង។ នេះបើតាមទីភ្នាក់ងារសារព័ត៌មានយ៉ុនហាប់។ រដ្ឋមន្ត្រីក្រសួងបង្រួបបង្រួមកូរ៉េខាងត្បូងលោក ឆូ ម្យុង យឹន បាននិយាយថា ការចូលរួមរបស់កូរ៉េខាងជើងនៅក្នុងព្រឹត្តិការណ៍នេះបានផ្តល់ឱកាសដើម្បីបង្កើតសន្តិភាពនៅឧបទ្វីបកូរ៉េ។ ទីភ្នាក់ងារសារព័ត៌មានយ៉ុនហាប់បានដកស្រង់សម្តីលោក ឆូ ម្យុងយឹន ដោយនិយាយថា “ការចូលរួមរបស់គណៈប្រតិភូកូរ៉េខាងជើងក្នុងទម្រង់ផ្សេងៗគ្នាគឺជាឱកាសដ៏ល្អដើម្បីសម្រេចបានគោលដៅរបស់រដ្ឋាភិបាលក្រុងសេអ៊ូលដើម្បីរៀបចំអូឡាំពិកសន្តិភាពនិងក្លាយជាឱកាសដ៏សំខាន់សម្រាប់ភាពសុខដុមរមនាដែលធ្វើឱ្យប្រសើរឡើងនូវទំនាក់ទំនងអន្តរកូរ៉េ និងបើកទ្វារសម្រាប់សន្តិភាពនៅឧបទ្វីបកូរ៉េ”។ យោងតាមយ៉ុនហាប់ បញ្ហានៃការជួយចេញថ្លៃចំណាយលើកីឡាប៉ារ៉ាឡាំពិករបស់កូរ៉េខាងជើង នឹងត្រូវសម្រេចនៅឯកិច្ចប្រជុំដាច់ដោយឡែកមួយទៀតរបស់ក្រុមប្រឹក្សានេះ ដែលនឹងធ្វើឡើងនាពេលខាងមុខ៕

 

ចិន​ព្រមាន​ចាត់វិធានការ​ភ្លាមៗ បើ​ឥណ្ឌា​បញ្ជូន​កងទ័ព​ចូល​ប្រទេស​ម៉ា​ល់​ឌី​វ​

បញ្ជូនកងទ័ពទៅចូលក្នុងប្រទេសម៉ាល់ឌីវ ខណៈដែលការព្រមានធ្វើឡើងចំពេលមានវិបត្តិនយោបាយនៅម៉ាល់ឌីវចាប់ផ្តើមកាលពីដើមខែនេះ បន្ទាប់ពីតុលាការជាន់ខ្ពស់បានបដិសេធការផ្តន្ទាទោសអ្នកនយោបាយប្រឆាំងធំក្នុងប្រទេសនេះ។ ក្នុងវិចារណកថា មួយនៅក្នុងកាសែត Global Times ដែលគ្រប់គ្រងដោយរដ្ឋចិនបានសរសេរថា "ប្រទេស ឥណ្ឌាគួរតែអត់ធ្មត់" ។ បើគ្មានការផ្តល់អំណាចពីអង្គការសហប្រជាជាតិនោះទេ វានឹងគ្មានហេតុផលត្រឹមត្រូវសម្រាប់ប្រើប្រាស់កងកម្លាំងប្រដាប់អាវុធធ្វើអន្តរាគមន៍នោះដែរ។ កាសែតបញ្ជាក់ថា "ប្រទេសចិននឹងមិនជ្រៀតជ្រែកនៅក្នុងកិច្ចការផ្ទៃក្នុងរបស់ម៉ាល់ឌីវនោះទេ ប៉ុន្តែនោះមិនមែនមានន័យថា ក្រុងប៉េកាំងនឹងអង្គុយនៅស្ងៀមស្ងាត់នោះដែរ នៅពេលដែលក្រុងញូវដេលីរំលោភទៅលើគោលការណ៍។ ប្រសិនបើប្រទេសឥណ្ឌាបញ្ជូនកងទ័ពទៅឱ្យប្រទេស ម៉ាល់ឌីវតែម្នាក់ឯងនោះ ប្រទេសចិននឹងចាត់វិធានការ ដើម្បីបញ្ឈប់រដ្ឋាភិបាលទីក្រុងញូវដេលីភ្លាម។ ឥណ្ឌាមិនគួរមើលស្រាលការ ជំទាស់របស់ ចិនចំពោះអន្តរាគមន៍យោធាឯកតោភាគីនោះទេ។ សូមបញ្ជាក់ថា តុលាការជាន់ខ្ពស់បានបដិសេធការផ្តន្ទាទោស ទៅលើមេដឹកនាំគណបក្សប្រឆាំង និងអតីតប្រធានាធិបតី ដែលបាននិរទេសចេញពី ប្រទេសគឺលោក Mohammed Nasheed និងបានបញ្ជាឱ្យប្រគល់អសនៈដល់សមាជិកសភា ១២នាក់ដែលត្រូវបានគេដកហូតនោះមកវិញ។ ប៉ុន្តែប្រធានាធិបតីលោក Abdulla Yameen បានច្រានចោលសេចក្តីសម្រេចរបស់តុលាការបានដាក់រដ្ឋក្នុងភាពអាសន្ន ហើយក៏បានចាប់ ខ្លួនមេបញ្ជាការតុលាការកំពូលពីរនាក់៕

បាញ់ប្រហារ​ក្នុង​សាលារៀន​មួយកន្លែង​នៅ​រដ្ឋ Florida សម្លាប់​មនុស្ស​១៧​នាក់

មេរិក ៖ ខ្មាន់កាំភ្លើងដែលអតីតសិស្សសាលាមួយរូបអាយុ១៩ឆ្នាំ បានបើកការបាញ់ប្រហារបង្កឲ្យ សិស្សចំនួន១៧នាក់ស្លាប់បាត់បង់ជីវិត ស្ថិតនៅក្នុងសាលារៀនមួយកន្លែង ក្នុងរដ្ឋ Florida សហរដ្ឋអាមេរិក។ នេះបើយោងតាមសារព័ត៌មាន CNN ចេញផ្សាយមុននេះបន្តិច។ សមត្ថកិច្ចបានឲ្យដឹងថា ករណីបាញ់ប្រហារ ដោយសារខ្មាន់កាំភ្លើងមានគំនុំខឹង ក្រោយពីសាលារៀនបានពិន័យ និងបណ្តេញរូបគេចេញពីសាលា ក៏បានត្រឡប់មកវិញ ហើយបើកការបាញ់ប្រហារតែម្តង។ ខ្មាន់កាំភ្លើងត្រូវបានគេដឹងថា មានឈ្មោះ Nikolaus Cruz ជាសិស្សគ្មានគោរពវិន័យសាលា ហើយត្រូវបានបណ្តេញចេញ។ ទោះបីយ៉ាងណាខ្មាន់កាំភ្លើងត្រូវបានសមត្ថកិច្ចចាប់ខ្លួនភ្លាមៗផងដែរ៕

ចិន​ដោះលែង​អ្នកទោស​ប្រមាណ​១.៣០០​នាក់​ក្នុងអំឡុង​បុណ្យចូលឆ្នាំថ្មី​

ប៉េកាំង ៖ ក្រសួងយុត្តិធម៌ចិន ហៅកាត់ (MOJ) បានឲ្យដឹងថា អ្នកទោសប្រមាណ១.៣០០នាក់មកពីបណ្តាពន្ធនាគារចំនួន៣០០កន្លែងនៅទូទាំងប្រទេសនឹងត្រូវបានប្រកាសដោះលែងជាបណ្តោះអាសន្ន សម្រាប់ការជួបជុំគ្រួសារនៅក្នុងពេលនៃចូលឆ្នាំប្រពៃណីចិនមកដល់។ នេះបើយោងតាមទីភ្នាក់ងារព័ត៌មានចិនស៊ិនហួ។ នៅក្នុងកំណត់ហេតុឲ្យដឹងកាលពីពេលថ្មីៗនេះ ក្រសួងបានតម្រូវឲ្យអាជ្ញាធរយុត្តិធម៌ក្នុងស្រុកដើម្បីជ្រើសរើសអ្នកទោសជាច្រើននាក់ ដែលមានលក្ខណៈសម្បតិ្តល្អ ដែលបានធ្វើការវិនិច្ឆ័យជាក់ស្តែង សម្រាប់ កម្មវិធី និងការបង្កើនបន្តិចម្តង់ៗ បង្កើតនូវយន្តការជាប្រព័ន្ធ និងវិន័យ។ នេះជាផ្នែកនៃការផ្តួចផ្តើមឡើងកាលពីពេលថ្មីៗនេះ ដោយក្រសួងដើម្បីធ្វើការប្រកាសអំពីយន្តការថ្មីឡើងវិញ ដែលបានផ្អាកនៅក្នុងប៉ុន្មានឆ្នាំមកនេះ ដោយពន្ធនាគារភាគច្រើន ដោយសារតែហានិភ័យខ្ពស់មួយចំនួន និងមូលហេតុផ្សេងៗទៀត៕

រកឃើញ​គ្រាប់បែក​សម័យ​សង្គ្រាមលោក​ទី​២​មិនទាន់​ផ្ទុះ​នៅ​អាកាសយានដ្ឋាន​ទីក្រុង​ឡុង​ដ៍

អង់គ្លេស ៖ អាកាសយានដ្ឋាននៅទីក្រុងឡុងដ៍កាលពីថ្ងៃទី១១ កុម្ភៈត្រូវបានបិទផ្អាកដំណើរការក្រោយពីគ្រាប់បែកសម័យសង្គ្រាមលោកទី២ មិនទាន់ផ្ទុះមួយគ្រាប់ត្រូវបានគេរកឃើញ ក្នុងទន្លេ Thames River ដែលស្ថិតនៅក្បែរអាកាសយានដ្ឋាននោះ។ តំបន់រង្វង់២១៤ម៉ែត្រ ត្រូវប៉ូលិសហាមមិនឱ្យមានមនុស្សចេញ-ចូលជាការប្រុងប្រយ័ត្ន រួចព្រលានយន្តហោះឡុងដ៍-ស៊ីធីត្រូវបិទបណ្តោះអាសន្ន ។ ក្នុងសេចក្តីប្រកាសមួយព្រលានយន្តហោះនេះឱ្យដឹងថា បណ្តាអ្នកដំណើរស្នើទាក់ទងជាមួយក្រុមហ៊ុនអាកាសចរណ៍ ហើយចៀសវាងកុំទៅកាន់ព្រលានយន្តហោះនេះ ។ គ្រាប់បែកមិនទាន់ផ្ទុះនេះត្រូវបានគេរឃើញ ក្នុងអំឡុងដំណើរការអភិវឌ្ឍន៍តាមគម្រោង នៅចំណតផែ King George V ហើយក្រោយពីរកឃើញគ្រាប់បែកនេះ។ ក្នុងពេលបច្ចុប្បន្ននេះ ប៉ូលិសកំពុងតែធ្វើការងារ ជាមួយអាជ្ញាធរក្នុងតំបន់ ដើម្បីផ្តល់ទីស្នាក់នៅបណ្ដោះអាសន្ន និងការផ្គត់ផ្គង់ដ៏សមស្រប ដល់ប្រជាពលរដ្ឋ ចំណែកកងទ័ពជើងទឹកអង់គ្លេស តាមសេចក្តីរាយការណ៍ កំពុងសហការជាមួយប៉ូលិស ដើម្បីយកគ្រាប់បែកនោះ ចេញពីទីតាំងរបស់វា។ គ្រាប់បែកច្រើនពាន់គ្រាប់ត្រូវបានទម្លាក់លើទីក្រុងឡុងដ៍ ដោយកងទ័ពអាកាសអាល្លឺម៉ង់រវាងខែកញ្ញា ឆ្នាំ១៩៤០ និងខែឧសភា ឆ្នាំ១៩៤១៕

 

 

យន្តហោះ​ផ្ទុក​មនុស្ស​៧១​នាក់​ធ្លា​ក់នៅ​ជិត​ទីក្រុង​ម៉ូស្គូ អ្នកជិះ​នៅលើ​នោះ​ស្លាប់​ទាំងអស់​

រុស្ស៊ី ៖ យន្តហោះដឹកអ្នកដំណើរមួយគ្រឿងដែលផ្ទុកដោយមនុស្សចំនួន៧១នាក់បានធ្លាក់នៅក្នុងប្រទេសរុស្ស៊ី បានបណ្តាលឲ្យមនុស្សជិះនៅលើនោះស្លាប់បាត់បង់ជីវិតទាំងអស់។ នេះបើយោងតាមការចេញផ្សាយរបស់សារព័ត៌មានស៊ិនហួរ។ អាជ្ញាធរអាកាសចរណ៍រុស្ស៊ី (Rosaviatsia) បានបញ្ជាក់ថា យន្តហោះ ប្រភេទ AN-148 បានហោះចេញពីអាកាសយាន្តដ្ឋាន Domodedovo នៅវេលាម៉ោង២ និង២១នាទីល្ងាច ហើយបានបាត់ខ្លួនចេញពីប្រព័ន្ធរ៉ាដាភ្លាមៗ ក្រោយពីហោះឡើងបានបន្តិច។ យន្តហោះដែលធ្លាក់មានជើងហោះហើរលេខ៧០៣ ដែលប្រតិបត្តិដោយក្រុមហ៊ុន Saratov Airlines ផ្ទុកដោយអ្នកធ្វើដំណើរ៦៥នាក់ និងសហសេវិក៦នាក់ បានហោះចេញពីអាកាសយាន្តដ្ឋាន Domodedovo ឆ្ពោះទៅកាន់ទីក្រុង Orsk របស់រុស្ស៊ី នៅពេលដែលវាបានធ្លាក់ក្បែរជិតភូមិ Argunovo មានចម្ងាយជាង៨០គីឡូម៉ែត្រ ភាគខាងត្បូង ឆៀងខាងលិចទីក្រុង Moscow។ ក្រុមជួយសង្គ្រោះបាននិយាយថា បំណែកយន្តហោះ និងសាកសពមនុស្សជាច្រើនត្រូវបានគេរកឃើញនៅជិតភូមិ Stepanovskoe ក្បែរទីក្រុងម៉ូស្គូ ។ ប្រធានាធិបតីរុស្ស៊ី លោកពូទីន បានបង្ហាញសម្តែងសមានចិត្តរំលែកទុក្ខ និងបានចេញបញ្ជាឲ្យគណៈរដ្ឋមន្ត្រីរបស់លោក បង្កើតគណៈកម្មការមួយដើម្បីធ្វើការស៊ើបអង្កេត ពាក់ព័ន្ធនឹងគ្រោះថ្នាក់ធ្លាក់យន្តហោះ ដែលបានសម្លាប់មនុស្សទាំងអស់៧១នាក់ ជិះនៅលើយន្តហោះនោះ៕

លោក ថាក់ស៊ីន និង​ប្អូនស្រី យី​ង​ឡាក់ ស៊ីណាវ៉ាត្រា មាន​វត្ត​មាននៅ​ចិន​

ប៉េកាំង ៖ អតីតនាយករដ្ឋមន្ត្រីថៃ លោក Thaksin Shinawatra និងប្អូនស្រី អ្នកស្រី Yingluk Shinawatra ត្រូវបានគេឃើញនៅប៉េកាំងប្រទេសចិន ត្រៀមស្វាគមន៍ចូលឆ្នាំចិន។ នេះបើតាមការចុះផ្សាយរបស់ Bangkok Post។ Pactangtarn Shinawatra កូនស្រីរបស់អតីតនាយករដ្ឋមន្ត្រីថៃ Thaksin Shinawatra កាលពីថ្ងៃទី ១០ កុម្ភៈ បានបង្ហោះផ្សាយរូបភាពលោកថាក់ស៊ីន កំពុងឈរក្បែរនិមិត្តរូបឆ្នាំថ្មី ហើយក្មេងតូចនិមិត្តរូប ២នេះ ស្លៀកសម្លៀកបំពាក់ប្រពៃណីចិន ឡើងបណ្តាញសង្គម។ អមជាមួយរូបភាពនេះ នៅមានសារ១សរសេរថា “ពីប៉េកាំង ខ្ញុំផ្ញើសារជូនពរឆ្នាំថ្មី បុណ្យប្រពៃណីចិនដល់ពលរដ្ឋថៃទាំងមូល”។ អ្នកនាំពាក្យប៉ូលិសថៃ លោក Weerachai Songmetta បានថ្លែងថា សមត្ថកិច្ចពុំទាន់មានព័ត៌មានផ្លូវការពីកន្លែងស្នាក់នៅរបស់អ្នកស្រីយីងឡាក់ទេ។ ទោះបីយ៉ាងណាថៃពុំអាចបញ្ជូនបទបញ្ជាតាមចាប់ខ្លួនទៅកាន់ប៉ូលិសអន្តរជាតិ ព្រោះតែអតីតនាយករដ្ឋមន្ត្រីរូបនេះ ចលនាប្តូរទីកន្លែងជាបន្តបន្ទាប់។ Interpol ទាមទារឲ្យមានអាសយដ្ឋានជាក់លាក់មុនពេលគេអនុវត្តមុខងារ។ សូមបញ្ជាក់ថា លោកថាក់ស៊ីន ត្រូវរស់នៅនិរទេសពីឆ្នាំ ២០០៨ ដើម្បីបញ្ចៀសពីសាលក្រមជាប់ពន្ធនាគារ ២ឆ្នាំ រីឯអ្នកស្រីយីងឡាក់ ក៏និរទេសគេចចេញពីសាលក្រមជាប់ពន្ធនាគារ ៥ឆ្នាំផងដែរ៕

មនុស្ស​២​នាក់​ស្លាប់ និង​ម្នាក់​បាត់​ខ្លួន​ក្នុង​គ្រោះថ្នាក់​រអិល​បាក់​ដី​នៅ​បូ​លី​វី​

បូលីវី ៖ អាជ្ញាធរនៅក្នុងប្រទេសបូលីវីបាននិយាយថា មនុស្សយ៉ាងតិច២នាក់បានបាត់បង់ជីវិត និងម្នាក់ទៀតបានបាត់ខ្លួននៅក្នុងគ្រោះថ្នាក់រអិលបាក់ដីមួយកន្លែងបន្ទាប់ពីមានភ្លៀងធ្លាក់ខ្លាំងដែលបានបណ្ដាលឲ្យទឹកទន្លេឡើងខ្ពស់ផុតច្រាំង។ អភិបាលខេត្ត ខូឆាបាំបា (Cochabamba) បាននិយាយថា ក្មេងប្រុសវ័យ១២ឆ្នាំម្នាក់ និងកុមារម្នាក់ទៀតត្រូវបានប្រទះឃើញបាត់បង់ជីវិតកាលពីថ្ងៃពុធ។ ទឹកទន្លេ ថាគ្វីណា (Taquina) ដែលបានឡើងខ្ពស់ផុតច្រាំងនាពេលយប់នៅក្នុងភាគកណ្ដាលប្រទេសបូលីវីបានប៉ះពាល់ទៅដល់សហគមន៍មួយកន្លែងចម្ងាយប្រមាណ២៥០គីឡូម៉ែត្រភាគខាងកើតនៃរដ្ឋធានី ឡាប៉ាស់ (La Paz)។ ប្រព័ន្ធផ្សព្វផ្សាយនៅក្នុងប្រទេសបូលីវីបានបង្ហាញពីរូបភាពលំនៅដ្ឋានប្រជាពលរដ្ឋជាច្រើនកន្លែងដែលត្រូវបានទឹកជន់លិច និងរថយន្តដែលកំពុងអណ្ដែតនៅតាមដងផ្លូវដែលជន់លិចដោយល្បាប់ភក់ដ៏ក្រាស់។ ប្រធានាធិបតីប្រទេសបូលីវី លោក អ៊ីវ៉ូ ម៉ូរ៉ាឡេស (Evo Morales) បានប្រកាសដាក់តំបន់ជាច្រើនដែលរងគ្រោះខ្លាំងបំផុតដោយភ្លៀងធ្លាក់ខ្លាំងក្នុងគ្រាអាសន្នកាលពីថ្ងៃពុធ ខណៈដែលទីភ្នាក់ងារគ្រប់គ្រងគ្រោះអាសន្នរបស់រដ្ឋកំពុងតែត្រៀមបញ្ចេញប្រាក់ដើម្បីជួយទៅដល់គ្រួសារជាង៦ពាន់ដែលទទួលរងផលប៉ះពាល់៕

ហ៊ានស៊ី ហ៊ាន​សង​! បុរស​ម្នាក់​សម្លាប់​មិត្តស្រី ​រួច​ដឹក​សព​ទៅ​ប៉ុស្តិ៍​ប៉ូលិស

ម៉ាឡេស៊ី ៖ បុរសម្នាក់បានលើកដៃចាក់សម្លាប់មិត្តស្រីរបស់ខ្លួន រួចបើករថយន្តដឹកសពទៅកាន់ប៉ុស្តិ៍ប៉ូលិស និងចូលខ្លួនសារភាពអំពីអំពើមនុស្សឃាតរបស់ខ្លួន ដោយសារតែខឹងនាងច្រានចោលសំណើរៀបការ និងនិយាយថា នាងចង់រៀបការជាមួយបុរសផ្សេង។ យោងតាម The Star បានរាយការណ៍ថា អំពើមនុស្សឃាតដោយចេតនានេះត្រូវបានឃាតករវ័យ៣៧ឆ្នាំរូបនោះសារភាពថា រូបគេបានសម្លាប់មិត្តស្រីរបស់ខ្លួនឈ្មោះ D. Tharani ដោយសារតែខឹងនាងច្រានចោលសំណើរៀបការ និងនិយាយថា នាងចង់រៀបការជាមួយបុរសផ្សេង។ ដោយពុំអាចទទួលយកបានការបដិសេធនេះ ជនរូបនេះក៏សម្រេចសម្លាប់នាង ដោយប្រើកាំបិតចាក់ត្រង់កយ៉ាងសាហាវ ។ ក្នុងរយៈពេលពីរបីថ្ងៃកន្លងមកនេះព័ត៌មានខាងលើនេះបានបង្ករលកកំហឹងយ៉ាងខ្លាំងក្លា ពីសំណាក់ប្រជាជននៅទូទាំងប្រទេសម៉ាឡេស៊ី។ បុរសរូបនោះបានដឹកសាកសពមិត្តស្រីខ្លួនទៅកាន់ប៉ុស្តិ៍ប៉លិស Damansara និងដើរចូលទៅកាន់កន្លែងទទួលភ្ញៀវ និងសារភាពពីអំពើឃោរឃៅរបស់ខ្លួន ក្នុងសភាពគ្មានទុក្ខព្រួយ ឬជាមនុស្សសរសៃប្រសាទនោះឡើយ៕