Warning: include(styles.php) [function.include]: failed to open stream: No such file or directory in /home/www/bmcradio.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/bmcradio.org/templates/as002035free/component.php on line 23

​មនុស្ស០២នាក់ស្លាប់នៅប្រទេសចិន ខណៈខ្យល់ព្យុះ​ទីហ្វុង Mangkhut ផ្ដាច់ជីវិតមនុស្សកើនដល់៥៩នាក់នៅហ្វីលីពីន

  • បោះពុម្ព

(ប៉េកាំង)៖ បន្ទាប់ពីបានវាយសង្រ្គប់លើប្រទេសហ្វីលីពីន ដោយផ្ដាច់ជីវិតមនុស្ស៥៩នាក់ ខ្យល់ព្យុះទីហ្វុង Mangkhut បាន វាយប្រហារលើតំបន់ភាគខាងត្បូងប្រទេសចិនហើយ ជាមួយការបង្កជាភ្លៀងធ្លាក់ខ្លាំង និងគ្រោះរអិលបាក់ដី។ នេះបើតាមការចេញ ផ្សាយដោយសារព័ត៌មាន CGTN នៅថ្ងៃចន្ទ ទី១៧ ខែកញ្ញា ឆ្នាំ២០១៨។

ខ្យល់ព្យុះទីហ្វុង Mangkhut បានថមថយកម្លាំង ខណៈវាកំពុងធ្វើដំណើរឆ្ពោះទៅកាន់ភាគនិរតី ក្រោយបង្កគ្រោះរអិលបាក់ដីនៅឯ តំបន់ឆ្នេរនៃទីក្រុង Jiangmen ខេត្តក្វាងទុង នៃភាគខាងត្បូងប្រទេសចិន ដោយផ្ដាច់ជីវិតមនុស្ស០២នាក់ ព្រមទាំងបង្ខំឱ្យអាជ្ញាធរ ផ្អាកចរាចរណ៍តាមផ្លូវដែកល្បឿនលឿនមួយចំនួនជាបណ្ដោះអាសន្នផងដែរ។

គួរបញ្ជាក់ថា Mangkhut គឺជាព្យុះខ្លាំងក្លាទី១៥ ហើយដែលបានបោកបក់មកលើប្រទេសហ្វីលីពីននៅក្នុងឆ្នាំ២០១៨នេះ ហើយ កាលពីថ្ងៃអាទិត្យ ខ្យល់ព្យុះដ៏កំណាចមួយនេះ បានបង្កឱ្យមនុស្ស២១៣នាក់រងរបួសបន្ទាប់ពីវាបានវាយប្រហារលើទីក្រុងហុងកុង៕