បណ្តាញសង្គម

អ្នកទេសចរ​ចិន​ទី​១០​លាន​នាក់ មកលេង​ប្រទេស​ថៃ​នៅ​ឆ្នាំនេះ​

នៅពេលដែល លោកស្រី He Wei Xin បានធ្វើដំណើរទៅប្រទេសថៃលោកស្រីមិនដឹងថានាងក្លាយជាភ្ញៀវទេសចរទី ១០លាននាក់ពីប្រទេសចិននៅឆ្នាំនេះទេ។ អ្នកទេសចរចិន ដែលបានមកដល់តាមជើងហោះហើរនៃក្រុមហ៊ុនអាកាសចរណ៍ថៃ Thai Airways មកពីទីក្រុងគុនមីញ ប្រទេសចិន កាលពីថ្ងៃពុធទី១៩ធ្នូ ត្រូវបានទទួលស្វាគមន៍ដោយក្រុមមន្ត្រី បន្ទាប់ពីដើរឆ្លងកាត់កន្លែងត្រួតពិនិត្យអន្តោប្រវេសន៍ នៅអាកាសយានដ្ឋានសុវណ្ណភូមិ។ លោកស្រីជាអ្នកទេសចរទី១០លាននាក់ដែលមកដល់ប្រទេសថៃនៅឆ្នាំនេះ។ ក្រុមអ្នកទេសចរចិនស្ថិតនៅលើលំដាប់កំពូលនៃបញ្ជីអ្នកទេសចរបរទេសដែលមកដល់ប្រទេសថៃដោយមានអ្នកទេសចរ៨,៣៧លាននាក់ នៅក្នុងរយៈពេល៩ខែដំបូងនៃឆ្នាំនេះ៕