បណ្តាញសង្គម

រាប់ម៉ឺន​នាក់​ខកដំណើរ​មុន​គ្រី​ស​ម៉ាស​ដោយសារ​ការរំខាន​ពី​ដ្រូ​ន​នៅ​អាកាសយានដ្ឋាន​អង់គ្លេស​មួយ​

ការវាយប្រហារដោយដ្រូន(យានហោះគ្មានមនុស្សបើក)មួយនៅអាកាសយានដ្ឋានដ៏មមាញឹកបំផុតមួយរបស់អង់គ្លេសបានបណ្តាលអោយអ្នកដំណើររាប់ម៉ឺនាក់ជាប់ខ្លួននៅក្នុងអាកាសយាននិងខកដំណើរនៅមុនថ្ងៃឈប់សម្រាកគ្រីសម៉ា នេះបើតាមការផ្សាយរបស់សារព័ត៌មានកាលពីថ្ងៃព្រហស្បតិ៍ទី២០ធ្នូ។ ផ្លូវចុះឡើងនៅអាកាសយានដ្ឋានGatwickក្នុងទីក្រុងឡុងដ៍បានបិទចាប់តាំងពីយប់ថ្ងៃពុធមកនៅពេលឧបករណ៍ហោះពីរត្រូវបានគេប្រទះឃើញហោះពីលើរបងអាកាសយានដ្ឋាន។ប៉ូលិសនិងយោធាត្រូវបានហៅមកចូលជួយអន្តរាគមន៍ តែប៉ូលិសបានបញ្ជាក់ថា វាមិនមែនជាឧបទ្ទវហេតុភេរវកម្មទេ និងកំពុងតាមប្រមាញ់អ្នកបង្ហោះដ្រូន ក្រោយពីដ្រូនមួយគ្រឿងទៀតត្រូវបានប្រទះឃើញកាលពីថ្ងៃ២០ធ្នូ។ អាកាសយានដ្ឋានបាននិយាយថា អ្នកដំណើរប្រមាណ១១០.០០០នាក់លើជើងហោះហើរ៧៦០ត្រូវជិះយន្តហោះនៅថ្ងៃព្រហស្បតិ៍៕