បណ្តាញសង្គម

ក្រសួង​ធនធានទឹកបញ្ជាក់ពីកម្រិត​បរិមាណ​ទឹកភ្លៀង​ដែល​បាន​ធ្លាក់​តាម​នៅបណ្តា​រាជធានី​-​ខេត្ត​

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី០៥ ខែតុលា ឆ្នាំ២០១៨នេះបានបង្ហាញរបាយការណ៍កម្រិតបរិមាណទឹកភ្លៀងដែលបានធ្លាក់តាមបណ្តារាជធានី-ខេត្ត គិតចាប់ពីម៉ោង៧ព្រឹកថ្ងៃទី០៤ ខែតុលា ដល់ម៉ោង៧ព្រឹកថ្ងៃទី០៥ ឆ្នាំ២០១៨៕

 

ទីបំផុតប្រព័ន្ធការពារអាកាស S-300 ត្រូវបញ្ជូនទៅដល់ទឹកដីស៉ីរី ក្រោយមានករណីច្រឡំបាញ់ទម្លាក់​យន្តហោះយោធា​រុស្ស៉ី

(ម៉ូស្គូ)៖ ទីបំផុតប្រព័ន្ធខែលការពារអាកាសរុស្ស៉ី S-300 ត្រូវបានបញ្ជូនទៅដល់ទឹកដីប្រទេសស៉ីរី ហើយបើតាមការបញ្ជាក់ពីរដ្ឋមន្រ្តីការពារជាតិរុស្ស៉ី លោក Sergei Shoigu វានឹងជួយធានាសុវត្ថិភាពដល់កងទ័ពរុស្ស៉ី ដែលឈរជើងនៅទីនោះ។ នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៉ីនហួរ នៅព្រឹកថ្ងៃពុធ ទី០៣ ខែតុលា ឆ្នាំ២០១៨។

លោក Sergei Shoigu បានឲ្យដឹងថា ប្រព័ន្ធ S-300 ដែលបានទៅដល់ប្រទេសស៉ីរី កាលពីដើមសប្តាហ៍នេះ មានចំនួន០៤គ្រឿង ហើយការប្រគល់សព្វាវុធនេះ ត្រូវបានធ្វើឡើងក្រោមវិធានការ ដែលមានគោលដៅពង្រឹង សមត្ថភាពការពារដែនអាកាសនៅស៉ីរី និងបង្កើនការការពារសម្រាប់យោធារុស្ស៉ីនៅទីនោះ។

គួរជម្រាបថា កាលពីថ្ងៃទី១៧ ខែកញ្ញា កន្លងទៅនេះ យន្តហោះឈ្លបការណ៍មួយគ្រឿងរបស់រុស្ស៉ីធុន Il-20 ត្រូវបានប្រព័ន្ធការពារដែនអាកាស S-200 របស់ស៉ីរី ច្រឡំបាញ់ទម្លាក់ នៅពេលយន្តហោះនោះ ត្រៀមខ្លួនចុះចតនៅបន្ទាយទ័ពអាកាសរុស្ស៉ី Hmeymin ស្របពេលដែលកងយន្តហោះចម្បាំងអ៉ីស្រាអែលចំនួន០៤គ្រឿង កំពុងបើកការវាយប្រហារទៅលើប្រទេសស៉ីរី នៅក្បែរតំបន់នោះដែរ៕

 
 

កសិករស្រុកសំបូរដង្ហោយរកពូជស្រូវ ខណៈអាជ្ញាធរថាដើររកទិញមិនទាន់បាន

(ក្រចេះ)៖ កសិករជាច្រើនឃុំនៅក្នុងស្រុកសំបូរ ខេត្តក្រចេះ ដែលរងគ្រោះដោយសារទឹកជំនន់នោះ បច្ចុប្បន្នកំពុងដង្ហោយរកពូជស្រូវ ដើម្បីព្រោះឲ្យទាន់ពេលមានទឹកភ្លៀងធ្លាក់បញ្ជូនចុងរដូវ។

អ្នកស្រី លុយ សាវី កសិករនៅក្នុងឃុំសណ្តាន់ បានប្រាប់អង្គភាពព័ត៌មាន Fresh News នៅថ្ងៃទី០៣ ខែតុលា ឆ្នាំ២០១៨នេះថា រូបគាត់មិនទាន់ទទួលបានពូជស្រូវសម្រាប់យកទៅព្រោះនៅឡើយទេ ខណៈអាជ្ញាធរបានស្រង់យកឈ្មោះរបស់គាត់រួចហើយ។ អ្នកស្រី សាវី បានលើកឡើងថា ប្រសិនបើការចែកពូជស្រូវនេះ មានភាពយឺតយ៉ាវអាចនឹងធ្វើឲ្យការព្រោះស្រូវរបស់ពួកគាត់ជួបបញ្ហា ព្រោះទឹកភ្លៀងបញ្ជូនចុងរដូវនេះជិតអស់ទៅហើយ។

កសិករក្នុងឃុំសណ្តាន់ម្នាក់ទៀត លោក ដារា បានលើកឡើងថា ប្រជាពលរដ្ឋនៅក្នុងឃុំដទៃ ដូចជាសំបុក ស្រុកចិត្របុរី បានទទួលពូជស្រូវអស់ហើយ តែសម្រាប់ភូមិរបស់លោកមិនទាន់ទទួលបាននៅឡើយនោះទេ។ លោកបានសម្តែងការងឿងឆ្ងល់ហេតុអ្វីកសិករនៅស្រុកដទៃគេបាន ហើយសម្រាប់រូបលោកហេតុអ្វីមិនទាន់បាន?

ទាំងអ្នកស្រី សាវី និងលោក ដារា សុទ្ធតែបានបង្ហាញក្តីព្រួយបារម្ភថា ប្រសិនបើការចែកចាយពូជស្រូវនេះមានការយឺតយ៉ាវការបង្កបង្កើននៅរដូវទឹកសម្រករបស់ពួកគាត់នឹងជួបបញ្ហា។

ពាក់ព័ន្ធបញ្ហាពូជស្រូវនេះ មេឃុំសណ្តាន់ លោក គីវ ផល្លា បានឲ្យដឹងថា ប្រជាពលរដ្ឋក្នុងស្រុកសំបូរដែលរងគ្រោះទឹកជំនន់ជន់លិចមានចំនួន៣ឃុំ ហើយត្រូវការពូជស្រូវប្រមាណជា ៥០តោន។ លោកមេឃុំ បានអះអាងថា អាជ្ញាធរស្រុកបានសាកសួររឿងពូជស្រូវនេះទៅខាងមន្ទីរកសិកម្មរួចហើយ តែត្រូវបានមន្ទីរកសិកម្មអះអាងថា រឿងពូជស្រូវនេះ ស្ថិតនៅលើដៃរបស់គណៈកម្មការគ្រប់គ្រងគ្រោះមហន្តរាយ។

បើតាមលោកមេឃុំសណ្តាន់ ភាពយឺតយ៉ាវក្នុងការចែកពូជស្រូវនេះ ដោយសារតែគណៈកម្មការគ្រប់គ្រងគ្រោះមហន្តរាយដើររកទិញពូជស្រូវមិនទាន់បាន។

សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានក្រើនរំលឹកដល់ក្រសួងកសិកម្ម រុក្ខប្រមាញ់ និងនេសាទ ឲ្យត្រៀមពូជស្រូវចែកជូនប្រជាកសិករឲ្យបានទាន់ពេលវេលានៅក្នុងពេលទឹកស្រកនេះ ដើម្បីឲ្យកសិកររងគ្រោះដោយសារទឹកជំនន់នេះ អាចព្រោះស្រូវបានទាន់ពេលមានភ្លៀងធ្លាក់នៅចុងរដូវនេះ៕

 
 

កម្រិត​បរិមាណ​ទឹកភ្លៀង​ដែល​បាន​ធ្លាក់​តាម​បណ្តា​រាជធានី​-​ខេត្

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី០៣ ខែតុលា ឆ្នាំ២០១៨នេះបានបង្ហាញរបាយការណ៍កម្រិតបរិមាណទឹកភ្លៀងដែលបានធ្លាក់តាមបណ្តារាជធានី-ខេត្ត គិតចាប់ពីម៉ោង៧ព្រឹកថ្ងៃទី០២ ខែតុលា ដល់ម៉ោង៧ព្រឹកថ្ងៃទី០៣ ឆ្នាំ២០១៨៕

ចាន់ វឌ្ឍនាកា ជាប់​ជម្រើសជាតិ​ជាថ្មី​ក្រោម​ការដឹកនាំ​របស់ Honda

បាល់ទាត់ ៖ ខ្សែប្រយុទ្ធ ចាន់ វឌ្ឍនាកា ត្រូវបានចុចឈ្មោះចូលក្នុងក្រុមធំជម្រើសជាតិសាជាថ្មីក្រោមការដឹកនាំពីអ្នកចាត់ការ  Honda ក្រោយជាសះស្បើយពីរបួស។ នេះបើតាមការបង្ហោះក្នុងទំព័រ Facebook សហព័ន្ធបាល់ទាត់កម្ពុជា។

សូមជម្រាបថា ការប្រកាសបញ្ជីឈ្មោះថ្មីនេះគឺដើម្បីប្រមូលផ្ដើមហ្វឹកហាត់ ត្រៀមប៉ះទីម័រ នាថ្ងៃទី១២តែតុលាខាងមុខមុនជួបសិង្ហបុរីនាថ្ងៃទី១៦ ខែតុលាក្នុងជំនួបមិត្តភាពត្រៀម Suzuki Cup៕

ស្ថានភាព​កម្ពស់​ទឹកជំនន់​នៅតាម​បណ្តា​ស្ថានីយ​ជលសា​ស្ត្រ​ថ្ងៃនេះ

រាជធានីភ្នំពេញ ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី០២ ខែតុលា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង៕

កម្រិត​បរិមាណ​ទឹកភ្លៀង​ដែល​បាន​ធ្លាក់​តាម​បណ្តា​រាជធានី​-​ខេត្ត​

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី០១ ខែតុលា ឆ្នាំ២០១៨នេះបានបង្ហាញរបាយការណ៍កម្រិតបរិមាណទឹកភ្លៀងដែលបានធ្លាក់តាមបណ្តារាជធានី-ខេត្ត គិតចាប់ពីម៉ោង៧ព្រឹកថ្ងៃទី៣០ ខែកញ្ញា ដល់ម៉ោង៧ព្រឹកថ្ងៃទី០១ ខែតុលា ឆ្នាំ២០១៨៕

 

ស្ថានភាព​កម្ពស់​ទឹកជំនន់​នៅតាម​បណ្តា​ស្ថានីយ​ជលសា​ស្ត្រ​ថ្ងៃនេះ

រាជធានីភ្នំពេញ ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី២៧ ខែកញ្ញា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង៕

ស្ថានភាព​កម្ពស់​ទឹកជំនន់​នៅតាម​បណ្តា​ស្ថានីយ​ជលសា​ស្ត្រ​ថ្ងៃនេះ​

រាជធានីភ្នំពេញ ៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី២៥ ខែកញ្ញា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង៕

កម្រិត​បរិមាណ​ទឹកភ្លៀង​ដែល​បាន​ធ្លាក់​តាម​បណ្តា​រាជធានី​-​ខេត្ត​

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី២០ ខែកញ្ញា ឆ្នាំ២០១៨នេះបានបង្ហាញរបាយការណ៍កម្រិតបរិមាណទឹកភ្លៀងដែលបានធ្លាក់តាមបណ្តារាជធានី-ខេត្ត គិតចាប់ពីម៉ោង ៧ព្រឹកថ្ងៃទី១៩ ដល់ម៉ោង ៧ព្រឹក ថ្ងៃទី២០ ខែកញ្ញា ឆ្នាំ ២០១៨៕

តម្រូវការ​លំនៅដ្ឋាន​នៅ​កម្ពុជានឹង​កើន​ឡើងដល់​ជិត​១​លាន​ខ្នងនៅ​ឆ្នាំ​២០៣០ ​

រាជធានីភ្នំពេញ ៖ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា លោកឧកញ៉ា លី ហួរ និងជាម្ចាស់គម្រោងបុរីវិមានភ្នំពេញ បានអះអាងថា នៅអំឡុងឆ្នាំ២០៣០ខាងមុខ កម្ពុជាត្រូវការលំនៅដ្ឋានប្រមាណ១លានខ្នងថែមទៀត ។ លោកឧកញ៉ាបន្ថែមថា ទីផ្សារលំនៅដ្ឋាននៅតែមានភាពល្អប្រសើរ សម្រាប់រយៈពេលវែងបន្តទៅមុខទៀត។

ស្របពេលទីផ្សារលំនៅដ្ឋានកំពុងមានភាពល្អប្រសើរនោះ លោកឧកញ៉ាលី ហួរ បានសម្រេចបើកការដ្ឋានសាងសង់គំរោងទី៩ នៃបុរីវិមានភ្នំពេញរតនៈ នាព្រឹកថ្ងៃទី១៩ ខែកញ្ញានេះ លើគម្រោងផ្ទៃដីប្រមាណជាង៣០ហិកតា ដែលសាងសង់ផ្ទះជាពីរដំណាក់កាល ដោយដំណាក់កាលទី១មានផ្ទះប្រមាណ២០០០ខ្នង និងដំណាក់កាលទី២ មានផ្ទះជាង១០០០ខ្នង លក់ក្នុងតម្លៃចាប់ពី៤៧០០០ ដល់ជាង២៥ម៉ឺនដុល្លារអាមេរិក ដែលមានទីតាំងស្ថិតនៅតាមបណ្តាយផ្លូវជាតិលេខ៦A។

នៅក្រោយបញ្ចប់ពិធីបើកការដ្ឋានសាងសង់ក្នុងគម្រោងទី៩នេះ លោកឧកញ៉ា លី ហួរ បានមានប្រសាសន៍ថា នៅឆ្នាំ២០៣០ខាងមុខ តម្រូវការលំនៅដ្ឋាននៅកម្ពុជា នឹងកើនឡើងដល់ជិត១លានខ្នងបន្ថែមទៀត ហេតុនេះទើបទីផ្សារលំនៅដ្ឋាននៅតែមានតម្រូវការខ្ពស់។

លោកឧកញ៉ាលី ហួរ បន្តថា បច្ចុប្បន្នជីវភាពប្រជាពលរដ្ឋកាន់តែប្រសើរឡើង ធ្វើឲ្យតម្រូវលំនៅដ្ឋានកើនឡើងព្រមគ្នា ដែលជាមូលដ្ឋានធ្វើឲ្យលោកបន្តវិនិយោគលើគំរោងទី៩នេះ ។ ហើយគម្រោងបន្ទាប់ថ្មីមួយទៀតរបស់បូរីវិមានភ្នំពេញនឹងបន្តលើផ្លូវជាតិលេខ៦Aដដែល ដោយគ្រោងសាងសង់ផ្ទះពី៨០០០ ទៅ ១០.០០០ខ្នង ៕

ឈ្មោះម្ហូប “ព្រះ​ផ្លោះ​ជញ្ជាំង​ស៊ុប” ត្រូវហាមមិនឲ្យប្រើប្រាស់

រាជធានីភ្នំពេញ ៖ ក្រសួងទេសចរណ៍ បានអំពាវនាវដល់ម្ចាស់អាជីវកម្មទាំងអស់ បញ្ឈប់ការប្រើប្រាស់ឈ្មោះមុខម្ហូប “ព្រះផ្លោះជញ្ជាំងស៊ុប” ដែលឈ្មោះនេះត្រូវបានប៉ះពាល់ដល់សាសនា។ នេះបើយោងតាមសារាចរណែនាំ ស្តីពីការហាមប្រាមការប្រើប្រាស់បញ្ជីមុខម្ហូបឈ្មោះ “ព្រះផ្លោះជញ្ជាំងស៊ុប” ចុះកាលពីថ្ងៃទី១៤ ខែកញ្ញា ឆ្នាំ២០១៨។

ក្រសួង បានស្នើឲ្យគ្រប់អាជីវកម្ម ភោជនីយដ្ឋាន និងអាហារដ្ឋានទាំងអស់ មិនត្រូវប្រើប្រាស់នូវឈ្មោះមុខម្ហូបទាំងឡាយណាដែលប៉ះពាល់ដល់សាសនាឡើយ។ ក្រសួងបន្ថែមថា ក្នុងករណីអនុវត្តល្មើសនឹងសារាចរណែនាំខាងលើ អាជីវកម្មទាំងនោះនឹងត្រូវរងការពិន័យតាមផ្លូវច្បាប់៕

ក្រសួងធនធានទឹក៖ ភ្លៀងនឹងបន្ដធ្លាក់រាយប៉ាយ ពីមធ្យមទៅច្រើន នៅទូទាំងប្រទេសរហូតដល់ថ្ងៃទី១៩ ខែកញ្ញា ដោយសារឥទ្ធិពលព្យុះ

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្ដីជូនដំណឹង ពីការព្យាករណ៍អាកាសធាតុ នៅប្រទេសកម្ពុជាដោយបញ្ជាក់ថា ភ្លៀងនឹងធ្លាក់រាយប៉ាយពីមធ្យមទៅច្រើន ក្នុងក្របខ័ណ្ឌទូទាំងប្រទេសកម្ពុជា ចាប់ពីថ្ងៃនេះ រហូតដល់ថ្ងៃទី១៩ ខែកញ្ញា ឆ្នាំ២០១៨ បណ្ដាលមកពីឥទ្ធិពលនៃព្យុះទី២២ ឈ្មោះ មង្ឃុត និងព្យុះទី២៣ ឈ្មោះ បារីចាត។

យោងតាមសេចក្ដីជូនដំណឹងបានឲ្យដឹងទៀតថា នៅតំបន់ខ្ពង់រាបភាគឦសាន ជាប់ព្រំដែនកម្ពុជា-ឡាវ និងតំបន់វាលទំនាប តាមបណ្ដោយព្រំដែនកម្ពុជា-វៀតណាម អាចនឹងមានភ្លៀងធ្លាក់ច្រើនជោគជាំ ដែលអាចបង្កជាទឹកជំនន់៕

សម្រាប់ព័ត៌មានលម្អិតសូមអានសេចក្ដីជូនដំណឹង របស់ក្រសួងធនធានទឹក និងឧតុនិយមខាងក្រោម៖

ក្រុមហ៊ុន Facebook នឹងសាងសង់មជ្ឈមណ្ឌលផ្ទុកទិន្នន័យមួយ តម្លៃជាង១ពាន់លានដុល្លារ នៅសិង្ហបុរី, ជាលើកដំបូងនៅទ្វីបអាស៊ី

(សិង្ហបុរី)៖ ក្រុមហ៊ុន Facebook បានប្រាប់ឲ្យដឹងថា ខ្លួននឹងវិនិយោគប្រាក់ជាង១ពាន់លានដុល្លារអាមេរិក ដើម្បីសាងសង់មជ្ឈមណ្ឌលផ្ទុកទិន្ន័យមួយ នៅក្នុងប្រទេសសិង្ហបុរី ដោយនេះគឺជាលើកដំបូង នៅក្នុងតំបន់អាស៊ី ដែលមជ្ឈមណ្ឌលនេះ ត្រូវបានផ្តល់ថាមពល ដោយថាមពលកកើតឡើងវិញ និងសមស្របទៅនឹង បរិយាកាសត្រូពិចរបស់សិង្ហបុរី, នេះបើយោងតាមសារព័ត៌មាន Bangkok Post ចេញផ្សាយឲ្យដឹង នាយប់ថ្ងៃទី៦ ខែកញ្ញានេះ។

មជ្ឈមណ្ឌលនេះត្រូវបានគេរំពឹងថា នឹងប្រតិបត្តិការ នៅអំឡុងឆ្នាំ២០២០ខាងមុខ ហើយនឹងក្លាយជា មជ្ឈមណ្ឌលផ្ទុកទិន្នន័យដ៏ធំរបស់ក្រុមហ៊ុន Facebook និងជាទីតាំងប្រតិបត្តិការកណ្តាលរបស់ខ្លួន, នេះបើតាមការបញ្ជាក់ពីលោក Thomas Furlong អនុប្រធានក្រុមហ៊ុន Facebook ទទួលបន្ទុកមជ្ឈមណ្ឌលហេដ្ឋារចនាសម្ព័ន្ធទិន្ន័យ បានឲ្យដឹងយ៉ាងដូច្នេះ។

អគារមជ្ឈមណ្ឌល ដែលនឹងមានកម្ពស់១១ជាន់នេះ ត្រូវបានគេរំពឹងថា នឹងប្រតិបត្តិការ១០០ភាគរយ ដូចទៅនឹងមជ្ឈមណ្ឌលផ្ទុកទិន្ន័យដទៃទៀតផងដែរ។ មជ្ឈមណ្ឌល ដែលមានតម្លៃ១.០២ពាន់លានដុល្លារអាមេរិកនេះ នឹងក្លាយជាមជ្ឈមណ្ឌលផ្ទុកទិន្ន័យលើកដំបូង ដែលត្រូវបានរចនា និងសាងសង់ឡើងដោយ ក្រុមហ៊ុន Facebook នៅក្នុងទ្វីបអាស៊ី ហើយនឹងក្លាយជា មជ្ឈមណ្ឌលផ្ទុកទិន្នន័យទី១៥ របស់ក្រុមហ៊ុន Facebook នៅទូទាំងពិភពលោក។

បើតាមលោក Thomas Furlong បានប្រាប់ឲ្យដឹងថា ប្រព័ន្ធទំនាក់ទំនង Facebook មានអ្នកប្រើប្រាស់សកម្ម ចំនួន២.២៣ពាន់លាននាក់ ជាប្រចាំខែ គិតត្រឹមចុងខែមិថុនាកន្លងទៅ ហើយមូលហេតុដែលក្រុមហ៊ុន ជ្រើសរើសសិង្ហបុរី ដើម្បីសាងសង់មជ្ឈមណ្ឌលនេះ ដោយសារហេដ្ឋារចនាសម្ព័ន្ធសិង្ហបុរី មានភាពរឹងមាំ, មានកម្លាំងពលកម្មដែលមានជំនាញ និងងាយស្រួលក្នុងការអាជីវកម្មជាមួយនឹងរដ្ឋាភិបាល៕

លិខិតមិត្តអ្នកអាន៖ រដ្ឋសភា និងរាជរដ្ឋាភិបាលរបស់ប្រជាជាតិខ្មែរ

(ភ្នំពេញ)៖ ថ្ងៃទី៥ ខែកញ្ញា ឆ្នាំ២០១៨នេះ ព្រឹត្តិការណ៍ជាប្រវត្តិសាស្ត្រថ្មីមួយទៀតបានកើតឡើងនៅលើទឹកដីនៃកម្ពុជាអច្ឆរិយៈគឺការបើកសម័យប្រជុំដំបូង និងសម័យប្រជុំរដ្ឋសភាលើកទី១ នីតិកាលទី៦ ក្រោមព្រះរាជាអធិបតីដ៏ខ្ពង់ខ្ពស់បំផុតរបស់ព្រះករុណា សម្តេចព្រះបរមនាថ នរោត្តម សីហមុនី ព្រះមហាក្សត្រខ្មែរ។ តំណាងរាស្ត្រ ចំនួន១២៥រូបមកពីគណបក្សប្រជាជនកម្ពុជានឹងចូលរួមប្រជុំ ដោយមានវត្តមានតំណាងពីស្ថាប័នកំពូលផ្សេងទៀតនៃព្រះរាជាណាចក្រកម្ពុជា រួមនឹងអង្គទូតនៃប្រទេសជាមិត្តផងដែរ។ 

កិច្ចប្រជុំសភាលើកទី១ នីតិកាលទី៦ ដើម្បីប្រកាសសុពលភាពនៃអាណត្តិរបស់សមាជិកសភានីមួយៗ នៅពេលនេះធ្វើឡើងស្របតាមរដ្ឋធម្មនុញ្ញ។ មាត្រា៨២ថ្មីចែងថា «រដ្ឋសភាបើកសម័យប្រជុំដំបូងហុកសិបថ្ងៃ (៦០) ថ្ងៃយ៉ាងយូរក្រោយការបោះឆ្នោតតាមការកោះប្រជុំរបស់ព្រះមហាក្សត្រ»។ កម្ពុជា មានរដ្ឋសភាថ្មីសម្រាប់នីតិកាលទី៦ប្រកបដោយមោទនភាព និងជាការឆ្លុះបញ្ចាំងឆន្ទៈប្រជាពលរដ្ឋខ្មែរយ៉ាងពិតប្រាកដ ដែលបានស្តែងឡើងតាមរយៈការបោះឆ្នោតកាលពីថ្ងៃទី ២៩ ខែ កក្កដា ឆ្នាំ ២០១៨ កន្លងទៅ ដែលមានពលរដ្ឋខ្មែរចំនួន៨៣,០២% នៃចំនួនអ្នកមានឈ្មោះក្នុងបញ្ជីបោះឆ្នោត បានអញ្ជើញទៅបោះឆ្នោតចូលរួមដំណើរការប្រជាធិបតេយ្យនៅកម្ពុជា។

ការបោះឆ្នោតថ្ងៃទី២៩ ខែកក្កដា ឆ្នាំ ២០១៨ មានភាពស្របច្បាប់ត្រឹមត្រូវ មានធាតុផ្សំប្រជាធិបតេយ្យពេញលេញព្រោះចាប់តាំងពីដំណើរការត្រៀមរៀបចំ រហូតដល់ដំណើរការបោះឆ្នោត រាប់សន្លឹកឆ្នោតបានប្រព្រឹត្តទៅស្របតាមរដ្ឋធម្មនុញ្ញ ស្របតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ មានគណៈ កម្មាធិការជាតិរៀបចំការបោះឆ្នោតដែលឯករាជ្យ និងអនុវត្តស្របតាមនីតិវិធីច្បាប់។ ពលរដ្ឋខ្មែរ ៨៣,០២% នៃចំនួនអ្នកមានឈ្មោះនៅក្នុងបញ្ជីបោះឆ្នោតជាង ៨,៣ លាននាក់ បានចេញទៅបោះឆ្នោត ដែលនេះលើសពីគោលការណ៍ប្រជាធិបតេយ្យទៅទៀត។ គណបក្សនយោបាយមានសិទ្ធិពេញលេញក្នុងការធ្វើសកម្មភាព រីឯ ប្រជាពលរដ្ឋមានសិទ្ធិសេរីភាពពេញលេញក្នុងការសម្រេចចិត្ត និងផ្តល់សេចក្តីទុកចិត្តដល់គណបក្សនយោបាយណាមួយដែលខ្លួនពេញចិត្ត។ ស្របច្បាប់ក៏ព្រោះតែការបោះឆ្នោតនេះ ត្រូវបានចូលរួមសង្កេតការណ៍ពីអ្នកសង្កេតការណ៍ជាតិ និងអន្តរជាតិជាង ៨ ម៉ឺននាក់ហើយអ្នកសង្កេតការណ៍ទាំងនេះ សុទ្ធតែបានទទួលស្គាល់ថាការបោះឆ្នោតប្រព្រឹត្តទៅដោយសន្តិវិធី សេរី ត្រឹមត្រូវ យុត្តិធម៌ តម្លាភាព និងស្របតាមគោល ការណ៍លទ្ធិប្រជាធិបតេយ្យ អាចទទួលយកបាន។

ប្រជាពលរដ្ឋខ្មែរក៏បានសាទរស្វាគមន៍លទ្ធផលនៃការបោះឆ្នោត និងភាពចាស់ទុំនៃលទ្ធិប្រជាធិបតេយ្យនៅកម្ពុជា។ គឺជាប្រជាធិបតេយ្យដែលស្ថិតក្នុងដែអធិបតេយ្យភាព ដ៏ពេញលេញរបស់កម្ពុជា និងជាប្រជាធិបតេយ្យដ៏ពិតប្រាកដឥតក្លែងក្លាយ ពីព្រោះវាជាឆន្ទៈរបស់ពលរដ្ឋខ្មែរភាគច្រើនលើសលុប ដែលជាម្ចាស់ឆ្នោត និងម្ចាស់ប្រទេស។ មុននឹងសម្រេចចិត្តគូសសន្លឹកឆ្នោត បងប្អូនប្រជាពលរដ្ឋទាំងនេះបានពិចារណាច្បាស់ថាតើនរណាដែលខ្លួនជឿជាក់ថាធ្វើឱ្យក្តីសុបិន្ត របស់ពួកគេបានសម្រេច។ តាមរយៈលទ្ធផលនៃការអញ្ជើញទៅបោះឆ្នោតយ៉ាងច្រើនេះបង្ហាញយ៉ាងច្បាស់ពីគោលបំណងរបស់ប្រជាពលរដ្ឋ ដែលជ្រើសរើសយកការបន្តការពារសន្តិភាព និងការអភិវឌ្ឍជាអាទិភាពរបស់ខ្លួនការពារសិទ្ធិនិងលទ្ធិប្រជាធិបតេយ្យនៅកម្ពុជាដែលរកមកបានដោយពិបាកនេះ។

ភាពស្របច្បាប់និងប្រកបដោយលទ្ធិប្រជាធិបតេយ្យនៃការបោះឆ្នោតនេះបានផ្តល់នីត្យានុកូលភាពពេញលេញដល់រដ្ឋសភាថ្មី ដល់រដ្ឋាភិបាលថ្មីដែលនឹងត្រូវបង្កើតនាពេលនេះ និងជាពិសេសផ្តល់នីត្យានុកូលភាពពេញលេញជូនសម្តេចតេជោ ហ៊ុន សែន ជានាយករដ្ឋមន្ត្រីនៃរាជរដ្ឋាភិបាលអាណត្តិទី៦ របស់ព្រះ រាជាណាចក្រកម្ពុជា។ កម្ពុជាពេលនេះ គ្មានវិបត្តិនយោបាយ ឬការបាតុកម្មឡាំប៉ារបស់គណបក្សនយោបាយដូចពីកាលពីការបោះឆ្នោតលើកមុនៗឡើយ។ ក្រោយការបោះឆ្នោតថ្ងៃទី២៩ ខែកក្កដា ឆ្នាំ ២០១៨ កម្ពុជាស្ថិតក្នុងស្ថានភាពនយោបាយ សេដ្ឋកិច្ច និងសង្គមមួយដែលល្អបំផុត ហើយនេះគឺជាភាពចាស់ទុំនៃលទ្ធិប្រជាធិបតេយ្យកម្ពុជាក្នុងបរិបទដែលមេរោគចលាចលសង្គមខ្មោច គណបក្សសង្គ្រោះជាតិត្រូវបានរំលាយតាមអំណាចសាលដីកាតុលាការកំពូល និងជនមេរោគនៃការញុះញង់ត្រូវបានហាមឃាត់សិទ្ធិធ្វើនយោបាយ និងខ្លះទៀតរត់ចោលស្រុក។ 
ប្រទេសកម្ពុជាពោរពេញដោយសុខសន្តិភាព និងការអភិវឌ្ឍ ស្ថិរភាពជាតិរឹងមាំនេះគឺជាអ្វីដែលពលរដ្ឋខ្មែរប្រាថ្នាចង់បាន ហើយមានតែគណបក្សប្រជាជនកម្ពុជា តែមួយគត់ដែលអាចធានាបាននូវក្តីប្រាថ្នាទាំងនេះ ហេតុដូច្នេះហើយបានជាពលរដ្ឋ ៧៧% នៃអ្នកទៅបោះឆ្នោត សរុបជិត ៧លាននាក់ បានផ្តល់សេចក្តីទុកចិត្តដល់ គណបក្សប្រជាជនកម្ពុជា ដល់សម្តេចតេជោ ហ៊ុន សែន ដើម្បីដឹកនាំការពារ កសាង និងអភិវឌ្ឍប្រទេសបន្ត ទៀតដោយក្តីមោទនភាពបំផុត។

ដូច្នេះលទ្ធផលបោះឆ្នោតថ្ងៃទី២៩ ខែកក្កដា ឆ្នាំ ២០១៨ បញ្ជាក់ពីជោគជ័យដែលកើតចេញពីឆន្ទៈរាស្ត្រខ្មែរពិតប្រាកដ និងមានភាពស្របច្បាប់ត្រឹមត្រូវ។ គេមិនត្រូវបកស្រាយដោយកេងចំណេញផ្នែកនយោបាយ ទៅលើការមិនមានវត្តមានចូលរួមរបស់មន្ត្រីអង្គទូតខ្លះ ក្នុងការបើកសម័យប្រជុំដំបូងនៃរដ្ឋសភានេះថា ជាការមិនទទួលស្គាល់រដ្ឋសភា និងរដ្ឋាភិបាលថ្មី ឬថាមិនមាននីត្យានុកូលភាពឡើយ ព្រោះមន្ត្រីអង្គទូតដែ លបានអញ្ជើញចូលរួមគឺគ្រាន់តែជាភ្ញៀវប៉ុណ្ណោះ គ្មានអ្វីលើសពីនេះឡើយ។ កម្ពុជាក៏មិនចាំបាច់ត្រូវការឱ្យបរទេសណាផ្តល់ភាពស្របច្បាប់ឱ្យរដ្ឋសភា និងរាជរដ្ឋាភិបាលថ្មីរបស់ខ្លួននោះឡើយ ពីព្រោះកម្ពុជាគឺជារដ្ឋឯករាជ្យ អធិបតេយ្យ មានសិទ្ធិពេញលេញក្នុងការចាត់ចែង និងគ្រប់គ្រងអនាគតជាតិរបស់ខ្លួន។ ពលរដ្ឋខ្មែរ ជាង ៨៣% បានសម្រេចផ្តល់នីត្យានុកូលភាពរួចហើយទៅហើយនៅក្នុងការបោះឆ្នោតថ្ងៃទី២៩ ខែកក្កដា៕

ដោយ៖ ចៅចាក់ស្មុក
រាជធានីភ្នំពេញ ថ្ងៃទី៥ ខែកញ្ញា ឆ្នាំ២០១៨

ក្រសួងធនធានទឹក បញ្ជាក់ពីស្ថានភាពកម្ពស់ទឹកជំនន់ នៅតាមបណ្តាស្ថានីយជលសាស្ត្រប្រចាំថ្ងៃទី២៣ ខែសីហានេះ

(ភ្នំពេញ)៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី២៣ ខែសីហា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង៕

សូមអានព្រឹត្តិបត្រព័ត៌មាន និងការព្យាករណ៍ពីកម្ពស់ទឹក៖

ក្រសួងធនធានទឹក បញ្ជាក់ពីស្ថានភាពកម្ពស់ទឹកជំនន់ នៅតាមបណ្តាស្ថានីយជលសាស្ត្រប្រចាំថ្ងៃទី២២ ខែសីហានេះ

(ភ្នំពេញ)៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី២២ ខែសីហា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង៕

សូមអានព្រឹត្តិបត្រព័ត៌មាន និងការព្យាករណ៍ពីកម្ពស់ទឹក៖

ទឹកទន្លេមេគង្គលើ ទាំងខេត្តស្ទឹងត្រែង ក្រចេះ និងខេត្តកំពង់ចាម បានកើនឡើងដល់កម្រិតដែលត្រូវប្រកាសឲ្យប្រុងប្រយ័ត្នហើយ !

(ភ្នំពេញ)៖ ក្រសួងធនធានទឹក និងឧតុនិយម បានចេញព្រឹត្តិបត្រព័ត៌មាន និងការព្យាករណ៍ពីកម្ពស់ទឹក ប្រចាំថ្ងៃទី២០ ខែសីហា ឆ្នាំ២០១៨នេះ ដោយបញ្ជាក់ពីស្ថានភាពកម្ពស់ទឹក នៅតាមបណ្តាស្ថានីយជលសាស្ត្រនានា រួមមាន ស្ថានីយទន្លេមេគង្គ-ស្ទឹងត្រែង, ស្ថានីយទន្លេមេគង្គ-ក្រចេះ, ស្ថានីយទន្លេ មេគង្គ-កំពង់ចាម, ស្ថានីយបាសាក់-ចតុមុខ, ស្ថានីយមេគង្គ-អ្នកលឿង, ស្ថានីយបាសាក់-កោះខែល, ស្ថានីយទន្លេសាប -ព្រែកក្តាម និងបឹងទន្លេសាប-កំពង់លួង។

ក្នុងនោះដែរ ក្រសួងធនធានទឹកបានបញ្ជាក់ថា ទឹកទន្លេមេគង្គលើ ទាំងខេត្តស្ទឹងត្រែង ក្រចេះ និងខេត្តកំពង់ចាម បានកើនឡើងដល់កម្រិតដែលត្រូវប្រកាសឲ្យប្រុងប្រយ័ត្នហើយ ។

ចាប់ពីថ្ងៃទី ០៨ ដល់ថ្ងៃទី ១៤ ខែសីហា ភ្លៀងនឹងបន្តធ្លាក់​ នៅតំបន់មួយចំនួន​ ក្នុងព្រះរាជាណាចក្រកម្ពុជា

ក្រសួងធនធានទឹក ៖ ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីការព្យាករណ៍អាកាសធាតុ នៅព្រះរាជាណាចក្រកម្ពុជាបានឲ្យដឹងថា ៖ ប្រព័ន្ធសម្ពាធទាបសកម្មមួយ និងរកិលខ្លួនឆ្ពោះទៅរក កោះហៃណាំ ហើយអំឡុងពេល៣-៤ថ្ងៃ ទៀតវានឹងវិវត្តទៅជាកូនព្យុះ ស្ថិតនៅចន្លោះកោះហៃណាំ -ហុងកុង ។ ក្នុងពេលជាមួយគ្នានេះ ខ្យល់មូសុងនិរតី និងបង្កឥទ្ធិពលខ្លាំងមកលើតំបន់ឆ្នេរប្រទេសកម្ពុជា ។ 

     លក្ខណៈបែបនេះ និងធ្វើឲ្យអាកាសធាតុព្រះរាជាណាចក្រកម្ពុជា មានស្ថានភាពដូចខាងក្រោម ៖

- តំបន់មាត់សមុទ្រ ពិសេសខេត្តកោះកុង និងខេត្តព្រះសីហនុ នឹងមានភ្លៀងជោកជាំច្រើនថ្ងៃបន្ថែមទៀត ។ នៅលើលំហសមុទ្រ មានភ្លៀង-ខ្យល់បក់បោកខ្លាំង រលកសមុទ្រខ្ពស់ៗ ។

ដូច្នេះ សូមបងប្អូនប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ៕


កម្រិត​បរិមាណ​ទឹកភ្លៀង​ដែល​បាន​ធ្លាក់​តាម​បណ្តា​រាជធានី​-​ខេត្ត

រាជធានីភ្នំពេញ ៖ ក្រសួងធនធានទឹក និងឧតុនិយម នៅថ្ងៃទី០២ ខែសីហា ឆ្នាំ២០១៨នេះបានបង្ហាញរបាយការណ៍កម្រិតបរិមាណទឹកភ្លៀងដែលបានធ្លាក់តាមបណ្តារាជធានី-ខេត្ត គិតចាប់ពីម៉ោង ៧ព្រឹកថ្ងៃទី ០១ ដល់ម៉ោង ៧ព្រឹក ថ្ងៃទី ០២ ខែសីហា ឆ្នាំ ២០១៨៕

អតីត​តារា​សម្តែង សុខ ស្រី​ម៉ុ​ច រង​ការរិះគន់​រឿង​ស្លៀក​បញ្ចេញ​ដល់​ក្រលៀន​

សូមរំលឹកថា ក្នុងពិធីជប់លៀងរបស់ គ្លីនិកកែសម្ផស្សមួយឈ្មោះ “មជ្ឈមណ្ឌលឌែរម៉ូ គ្លីនិក” ដែលជាគ្លីនិកមួយល្បីថា មានតារាជាច្រើនឧស្សាហ៍ទៅកែនិងថែរក្សាសម្ផស្ស បានរៀបចំតារាចម្រៀថៃដ៏ល្បីអ្នកនាង កាតទ្រីយ៉ាង លេចវត្តមានមកច្រៀងជាកត្តិយសសប្បាយនៃពិធីជប់លៀងធំមួយនេះរួមគ្នាជាមួយបណ្តាដៃគូសហការពីប្រទេសកម្ពុជា ថៃ កូរ៉េ។ ជាមួយគ្នានោះពិធីនេះក៏ឱ្យអ្នកនាង សុខ ស្រីម៉ុច ជាអតីតសម្តែងដែលមហាជនស្គាល់នាងក្នុងការសម្តែងជា តួឯករឿងជីដូនកាកី ក៏វត្តមានឡើងបង្ហាញខ្លួននិងរាំអមជាមួយ កាតទ្រីយ៉ាង។ វត្តមានរបស់នាងពេលនោះ ពិតធ្វើឱ្យភ្ញៀវនិងមហាជនភ្ញាក់ផ្អើលដោយសារតែរ៉ូបរបស់នាងស្លៀកបញ្ចេញសាច់ក្រោមដល់ក្រលៀន ប្រៀបដូច ស្លៀកឈុតប៊ីគីន ហែលទឹក ដែលធ្វើឱ្យឃើញច្បាស់តែម្តងរឿងប្រអប់លេខរបស់នាងនោះ។ ក្រោយបញ្ចប់កម្មវិធីជប់លៀនោះ រូបថត និងសកម្មភាពរបស់នាងត្រូវបានបង្ហោះនិងសារព័ត៌មានចុះផ្សាយជាច្រើន នាំឱ្យមានការរិះគន់ចំពោះសកម្មភាពរបស់នាង ប៉ុន្តែនៅតែមានមនុស្សឬអ្នកចូលចិត្តនាង គាំទ្ររូបនាងដែលឈប់ពីសិល្បៈយូរហើយ នៅតែបញ្ចេញភាពសិចស៊ី ហើយអ្វីដែលអ្នកគាំទ្រស្រលាញ់នាងនោះគឺ មានវ័យច្រើនហើយ មានប្តី មានកូនៗចំនួនបីនាក់ ហើយអាយុគឺជិត៤០ឆ្នាំហើយ។ជាមួយនឹងការរិះគន់យ៉ាងខ្លាំងពីអ្នកលេងហ្វេសប៊ុក ដែលផ្អើលដល់ក្រសួងនិងសមាគមនោះ បែរជាសាមីខ្លួន អ្នកនាង សុខ ស្រីម៉ុច មិនមានប្រតិកម្មវិញឡើយគ្រាន់តែបង្ហោះសារអគុណដល់អ្នកនាំជេរ ឬ រិះគន់នាង ប៉ុណ្ណោះ។ លោកស្រី ហូវ ដាណេ អគ្គនាយិកា”ឌែរម៉ូ គ្លីនិក” បានបញ្ជាក់ឲ្យដឹងថា អតីតតារាតួឯករឿងជីដូនកាកី អ្នកនាង សុខ ស្រីម៉ុច គឺជាមិត្តភ័ក្ដិជិតស្និទ្ធរបស់អ្នកនាងហើយក៏ជា តារាស្រីម្នាក់ដែលតាំងតែទទួលការថែរក្សានិងកែសម្ផស្សនៅគ្លីនិករបស់អ្នកស្រីជាប្រចាំ។ អ្នកស្រីក៏យក សុខ ស្រីម៉ុច ជាតារាតំណាងប្រចាំរបស់គ្លីនិករបស់អ្នកស្រីផងដែរ ដែលជាហេតុ សុខ ស្រីម៉ុច ត្រូវរៀបចំឡើងបង្ហាញខ្លួនលើឆាករាំបញ្ចេញរាងនិងសម្រស់ ព្រោះនាងមានវ័យច្រើន ហើយនៅតែស្អាត៕