បណ្តាញសង្គម

ស្លាប់​៤​នាក់ និង​៨​នាក់​រងរបួស​ក្នុង​គ្រោះថ្នាក់​ចរាចរណ៍​ទូទាំងប្រទេស​ម្សិលមិញ​

រាជធានីភ្នំពេញ ៖ នៅថ្ងៃទី០១ ខែមីនា ឆ្នាំ២០១៨ម្សិលមិញមានគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន៨លើក បណ្តាលឲ្យមនុស្ស៤នាក់ បានស្លាប់ និង៨នាក់បានរងរបួសធ្ងន់ស្រាល។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការនគរបាលជាតិ។ របាយការណ៍ដដែលបញ្ជាក់ថា ក្នុងគ្រោះថ្នាក់ចរាចរណ៍៨លើក បណ្តាលឲ្យខូចខាតម៉ូតូ៩គ្រឿង រថយន្តតូច៤គ្រឿង រថយន្តធំ១គ្រឿង និងរ៉ឺម៉ក១គ្រឿង។ មូលហេតុដែលនាំឲ្យគ្រោះថ្នាក់ចរាចរណ៍មានបើកល្បឿនលឿន ៣លើក មិនគោរពសិទ្ធិ១លើក មិនប្រកាន់ស្តាំ២លើក ប្រជែង១លើក និងបត់គ្រោះថ្នាក់១លើក៕