បណ្តាញសង្គម

កម្លាំង​សមត្ថកិច្ច​ចម្រុះ​ចុះបង្ក្រាប​បទល្មើស​នេសាទ នៅ​ ​ក្នុងភូមិ​សាស្ត្រ​ស្រុក​កំពង់លែង​

(កំពង់ឆ្នាំង)៖ កម្លាំងផ្នែករដ្ឋបាលជលផលផ្សារឆ្នាំង សង្កាត់រដ្ឋបាលជលផលកំពង់លែង និង កម្លាំងគណៈបញ្ជាការឯកភាពស្រុក បានចុះបង្ក្រាបបទល្មើសនេសាទរបាំងសាច់ អួអួននៅចំណុចវាលភក់ ភូមិស្លត ឃុំ ផ្លូវទូក ស្រុកកំពង់លែង។

លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំងបានឲ្យដឹងថា ក្នុងរយៈពេលពេញមួយថ្ងៃ កម្លាំងចម្រុះសម្រេចធ្វើការរុះរើ របាំងសាច់អួនចំនួន៥កន្លែង ប្រវែង៦៥០ម៉ែត្រ លូសាច់អួនចំនួន ៥មាត់ បង្គោលចំនួន៣០០ដើម និងចាក់លែងកូនត្រីចម្រុះទៅក្នុងដែនទឹកធម្មជាតិវិញ ចំនួន២០គីឡូក្រាម៕