បណ្តាញសង្គម

ម្ចាស់​សិប្បកម្ម​ផលិត​ទឹក​សុទ្ធ​ម្នាក់​ត្រូវ​ឃាតករ​បាញ់សម្លាប់​សង្ស័យ​រឿង​គំនុំ​

ខេត្តកំពង់ឆ្នាំង ៖ ភ្នាក់ងារបានរាយកាណ៍ថា ម្ចាស់សិប្បកម្មផលិតទឹកសុទ្ធនៅស្រុកទឹកផុសម្នាក់ត្រូវត្រូវឃាតកប្រើប្រាស់កាំភ្លើង AK បាញ់៣គ្រាប់ស្លាប់យ៉ាងអាណោចអាធ័មនៅក្នុងផ្ទះ ខណៈសមត្ថកិច្ចដាក់ការសង្ស័យថា ជាករណីគំនុំ។ ករណីឃាតកម្មនេះកើតឡើងនៅម៉ោង៧ និង៥០នាទី យប់ថ្ងៃទី១៦ ខែឧសភា ឆ្នាំ២០១៨ នៅភូមិត្រពាំក្របៅ ឃុំខ្លុវពពក ស្រុកទឹកផុស ខេត្តកំពង់ឆ្នាំ។ សមត្ថកិច្ចបានឲ្យដឹងថា ជនរងគ្រោះ ឈ្មោះ ប៊ិន ធឿន អាយុ៦១ឆ្នាំ ជាម្ចាស់សិប្បកម្មផលិតទឹកសុទ្ធ។ សេចក្តីរាយការណ៍បញ្ជាក់ថា នៅពេលនេះ កម្លាំងសមត្ថកិច្ចកំពុងធ្វើការស្រាវជ្រាវ ដើម្បីស្វែងរកចាប់ខ្លួន ជនដៃដល់មកផ្តន្ទាទោសតាមច្បាប់៕