បណ្តាញសង្គម

បើក​ភ្ជួរ​ដី​ត្រាក់ទ័រ​ប៉ះចំ​គ្រាប់មីន​កប់​ក្នុង​ដី​បណ្តាល​ឲ្យ​ផ្ទុះ​ស្លាប់​ភ្លាមៗ​

ខេត្តព្រះវិហារ ៖ បុរសម្នាក់បានស្លាប់ភ្លាមៗ ខណៈបើកត្រាក់ទ័រទៅព្យួរដីប៉ះនឹងគ្រាប់មីនដែលកប់នៅក្នុងដីបណ្តាលឲ្យផ្ទុះ ដែលករណីនេះកើតឡើងនៅព្រឹកថ្ងៃទី១៦ ខែឧសភា ឆ្នាំ២០១៨ វេលាម៉ោង១០ និង១០នាទី នៅត្រង់ចំណុចខាងកើតវរៈសេនាតូច៣៩៣ មានចំងាយប្រហែលជា៣០០ម៉ែត្រពីផ្ទះ។ សមត្ថកិច្ចបានឲ្យដឹងថា ជនរងគ្រោះឈ្មោះ វែន វួន ភេទប្រុស អាយុ៣៦ឆ្នាំ មានស្រុកកំណើត នៅភូមិទួលជ័យ ឃុំព្រះស្តេច ស្រុកព្រះស្តេច ខេត្តព្រៃវែង បច្ចុប្បន្នរស់នៅភូមិរុងរឿងពីរ ឃុំមរកត ស្រុកជាំក្សាន្ត ខេត្តព្រះវិហារ។ សពត្រូវបានគ្រួសារយកទៅធ្វើបុណ្យតាមប្រពៃណី៕