បណ្តាញសង្គម

រន្ទះបាញ់​ឆក់យក​ជីវិត​មនុស្ស​៥​នាក់ និង​ម្នាក់​រងរបួស​នៅ​ស្រុក​ថ្មបាំង​

ខេត្តកោះកុង ៖ អាជ្ញាធរខេត្តបានឱ្យដឹងថា មនុស្ស៥នាក់ស្លាប់ភ្លាមៗនៅកន្លែងកើតហេតុ និងម្នាក់ទៀតរងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ក្នុងករណីរន្ទះបាញ់ កាលពីវេលាម៉ោង៣រសៀលថ្ងៃទី១៧ ខែឧសភា ឆ្នាំ២០១៨ នៅចំណុចអូរទាពង ស្ថិតក្នុងភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង។ យោងតាមរបាយការណ៍របស់សមត្ថកិច្ចស្រុកថ្មបាំងបានឲ្យដឹងថា កាលពីវេលាខាងលើ គ្រោះធម្មជាតិរន្ទះបាញ់បានបាញ់សម្លាប់មនុស្ស៤នាក់ ទី១-ឈ្មោះ សៀម សាវឿន ទី២-ឈ្មោះ សៀម សឿន ទី៣-ឈ្មោះ ទិល សារុណ ទី៤-ឈ្មោះ ភិន ភឿន និងទី៥-ឈ្មោះ ថាន់ វ៉ាធី អាយុ៤ឆ្នាំ។ ជាមួយគ្នានោះ បណ្តាលឲ្យសត្វឆ្កែ៤ក្បាលងាបផងដែរ។ ពាក់ព័ន្ធនឹងករណីគ្រោះធម្មជាតិនេះផងដែរលោកជំទាវ មិថុនា ពូថង អភិបាល នៃគណៈអភិបាលខេត្តកោះកុងអំពាវនាវដល់ បងប្អូនប្រជាពលរដ្ឋមានការប្រុងប្រយ័ត្នឲ្យបានខ្ពស់ជៀសវាងគ្រោះថ្នាក់ជាយថាហេតុ៕