បណ្តាញសង្គម

​ភ្លើង​ឆេះ​ព្រៃ​រាលដាល​ឆេះ​ដល់ផ្ទះ​ពលរដ្ឋ​ខ្ទេច​អស់​១​ខ្នង​នៅ​ស្រុក​រវៀង​

ព្រះវិហារ៖កាលពីម៉ោង១២ថ្ងៃត្រង់ថ្ងៃទី១៦ខែធ្នូឆ្នាំ២០១៨មានអគ្គិភ័យមួយបានឆាបឆេះឆេះព្រៃរាលដាលឆេះដល់ផ្ទះពលរដ្ឋខ្ទេចអស់១ខ្នង។ផ្ទះ១ខ្នងនោះធ្វើអំពីឈើប្រកស័ង្កសីមានទំហ៊ំ៥ម៉ែត្រគុណ៦ម៉ែត្រ ស្ថិតក្នុងភូមិស្វាយប៉ាតឃុំរំដោះស្រុករវៀងខេត្តព្រះវិហារ។ ក្រោយពីមានករណីឆាបឆេះផ្ទះពលរដ្ឋខាងលើនោះរួចមកលោកហោប៊ុនហួរអភិបាលស្រុករវៀងបានដឹកនាំមន្ត្រីរាជការនិងកងកម្លាំងចម្រុះចុះមកដល់កន្លែងកើតហេតុនិងបាននាំយកអំណោយកាកបាទក្រហម។ក្នុងនោះអំណោយសប្បុរសជនមកចែកជូនដល់គ្រួសាររងគ្រោះដែលត្រូវភ្លើងឆេះផ្ទះខាងលើមានឈ្មោះ ថេង រៀម ប្រពន្ឋឈ្មោះ ប្រុញ ពៅ កូនឈ្មោះប្រុញស្រីពេជ្រ រួមមានថវិកា១២លានរៀល និងអង្ករ២៥គីឡូក្រាមតង់១ទឹកស៊ីអ៊ីវ១យួរព្រមទាំងសម្ភារប្រើប្រាស់មួយចំនួនជាច្រើនទៀត។ លោកអភិបាលស្រុកបានបញ្ជាក់ឱ្យដឹងថាមុននិងឈានដល់ការឆេះផ្ទះមួយខ្នងខាងលើនោះបណ្ដាលមកពីម្ចាស់ផ្ទះមិននៅរវល់មកចម្ការចំពេលភ្លើងឆេះព្រៃផងនោះបានរាលដាលដល់ផ្ទះពួកគាត់តែម្ដង។ដោយរដូវនេះជារដូវក្ដៅហើយមានខ្យល់ផងនោះបានឆេះស្ទើតែទាំងស្រុងដោយមិនអាចជួយពួកគាត់បានទាន់ពេលវេលាឡើយ។ លោកបានផ្ដាំផ្ញើដល់បងប្អូនប្រជាពលរដ្ឋត្រូវប្រុងប្រយ័ត្ននៅការឆេះរាលដាលពីភ្លើងឆេះព្រៃត្រូវការពារសម្អាតតាមរបងនិងជិតៗផ្ទះឱ្យបានល្អនិងត្រូវពន្លត់ភ្លើងក្រោយពេលដែលយើងឈប់តម្រូវការ ជៀសវៀងនៅហេតុការអាក្រក់ដូចខាងលើទៀត៕

​ជិះ​ម៉ូតូ​ដួល​រថយន្ត​កិន​ស្លាប់​ម្នាក់​របួស​ម្នា​ក់នៅ​ខណ្ឌ​ពោធិ៍​សែន​ជ័យ​

ភ្នំពេញ៖យុវជន២នាក់ជិះម៉ូតូលឿនមួយគ្រឿងទាក់ដៃចង្កូតជាមួយម៉ូតូមួយគ្រឿងទៀត បានដួលហើយត្រូវរថយន្តកិនបណ្តាលឱ្យស្លាប់ម្នាក់និងម្នាក់ទៀតរងរបួស។ហេតុការណ៍ការបង្កឱ្យមានការភ្ញាក់ផ្អើលបានកើតឡើងនៅតាមបណ្ដោយផ្លូវជាតិលេខ៤ ទល់មុខផ្សារពិភពថ្មីកំបូល ដែលស្ថិតនៅសង្កាត់កំបូល ខណ្ឌពោធិ៍សែនជ័យកាលពីយប់ថ្ងៃទី១៦ ខែធ្នូ ឆ្នាំ២០១៨។ ជនរងគ្រោះ(សព)មាន ឈ្មោះ សាំង ជីវ័ន្ត ភេទប្រុស អាយុ១៧ឆ្នាំ ជនជាតិខ្មែរ មុខរបរជាងសំណង់ ស្នាក់នៅក្នុងបុរីពិភពថ្មីកំបូល មានស្រុកកំណើតនៅភូមិកន្ទៀន ឃុំរោងដំរី ស្រុកបាភ្នំ ខេត្តព្រៃវែង ជាអ្នកបើក។ អ្នករួមដំណើរជាមួយត្រូវជាបងប្អូនជីដូនមួយដែលរងរបួសមានឈ្មោះ សាំង ដាវី ភេទប្រុស អាយុ១៧ឆ្នាំ ជនជាតិខ្មែរ មុខរបរជាងសំណង់ ស្នាក់នៅជាមួយគ្នា មានស្រុកកំណើត នៅភូមិ ឃុំជាមួយគ្នា។ជនរងគ្រោះជិះម៉ូតូ ម៉ាកឌ្រីមសង់ស៊េរី២០១៨ ពណ៌ខ្មៅ ពាក់ស្លាកលេខ ព្រៃវែង 1N-0791បើកបរក្នុងទិសដៅពីកើតទៅលិច៕

​បញ្ជូន​ជនសង្ស័យ​ពីរ​នាក់​ទៅ​តុលាការ​ពីបទ​លួច​ឈើ

បាត់ដំបង៖កម្លាំងអាវុធហត្ថខេត្តបាត់ដំបងកាលពីថ្ងៃទី១៧ខែធ្នូឆ្នាំ២០១៨បានកសាងសំណុំរឿងបញ្ជូនជនសង្ស័យពីរនាក់ទៅតុលាការពីបទលួចឈើអ្នកដទៃ។ក្រោយពេលកម្លាំងអាវុធហត្ថក្រុងបាត់ដំបងចាប់ខ្លួនបាននៅយប់ថ្ងៃទី១៥ខែធ្នូឆ្នាំ២០១៨នៅត្រង់ចំណុចក្រុមទី២១ភូមកាប់គោថ្មី សង្កាត់អូរចារក្រុងបាត់ដំបង។ លោកវរសេនីយ៍ត្រីសំសំនីឡុងមេបញ្ជាការមូលដ្ឋានអាវុធហត្ថក្រុងបាត់ដំបងបានឱ្យដឹងថាជនសង្ស័យទាំងពីរនាក់មានឈ្មោះគាមវុត្ថា(ហៅអូន)ភេទប្រុសអាយុ34ឆ្នាំស្នាក់បណ្តោះអាសន្ននៅភូមិព្រែកមហាទេពសង្កាត់ស្វាយប៉ោក្រុងបាត់ដំបង។ម្នាក់ទៀតឈ្មោះហៀងគឹមឡេងភេទប្រុសអាយុ27ឆ្នាំនៅភូមិព្រៃកូនសេកសង្កាត់អូរចារក្រុងបាត់ដំបង។ បានលួចឈើជនរងគ្រោះឈ្មោះវណ្ណាភេទស្រីអាយុ47ឆ្នាំនៅភូមិ សង្កាត់ខាងលើ។ចំណែកសម្ភារៈដែលដកហូតបានរួមមាន÷ឈើបេងចំនួន05សន្លឹកក្នុងនោះទី1ឈើបេងមុខ60;05ម៉ែត្រ កំរាស់1;05ម៉ែត្រប្រវែង1;80ម៉ែត្រចំនួន03សន្លឹក។ទី2ឈើបេងមុខ50;05ម៉ែត្រកំរាស់1;05ម៉ែត្រប្រវែង1;80ម៉ែត្រ1សន្លឹកនិងទី3ឈើបេងមុខ0;30 កម្រាស់1,50ម៉ែត្រប្រវែង1;80ម៉ែត្រចំនួន01ដន្លឹក។ ក្រោយពេលជនសង្ស័យឆ្លើយសារភាពរួចមកលោកឧត្តមសេនីយ៍ត្រីមាសសុវណ្ណមេបញ្ជាការកងរាជអាវុធហត្ថខេត្តបាត់ដំបងបានបញ្ជាឱ្យផ្នែកជំនាញអាវុធហត្ថខេត្តរៀបចំសំណុំរឿងបញ្ជូនជនសង្ស័យនិងវត្ថុតាងទៅតុលាការចាត់ការតាមនីតិវិធីច្បាប់។ចំណែកឈើដែលដកហូតបានប្រគល់ជូនម្ចាស់ដើមវិញ៕

កិច្ចប្រជុំប្រចាំត្រីមាសទី៤ ឆ្នាំ២០១៨ ស្តីពីការអនុវត្គផែនការ យុទ្ធសាស្រ្តគណនេយ្យភាពសង្គម និងផែនការអនុវត្តបន្ត របស់រដ្ឋបាលខេត្តបន្ទាយមានជ័យ

បាត់ដំបងៈកាលពីរសៀលថ្ងៃទី១៥ខែធ្នូឆ្នាំ២០១៨ពលរដ្ឋម្នាក់បានជីកក្តាមក៏ប្រទះឃើញកាំភ្លើងអាកាបត់១ដើមនិងមានបង់១គ្រាប់ចំនួន២៦គ្រាប់នៅចំណុចបាតអូរក្នុងភូមិអូរដំបងឃុំអូរដំបង២ស្រុកសង្កែខេត្តបាត់ដំបង។ លោកឧត្តមសេនីយ៍ត្រីស្នងការរងខេត្តបានបញ្ជាក់ថាកាំភ្លើងអាកាស្វ័យបត់១ដើមដែលប្រជាពលរដ្ឋជីកក្តាមប្រទះឃើញមានសភាពច្រេះចាប់។ក្រោយពេលជូតដុសលាងរួចនៅមានគុណភាពពី៧០ទៅ៨០ភាគរយនិងមានគ្រាប់២៦គ្រាប់ក្នុងបង់ទៀត។ លោកបានសន្និដ្នានថាកាំភ្លើងនេះអាចត្រូវជនសង្ស៏យយកទៅប្លុងចោលក្នុងអូរប្រហែល៣ខែមុនពេលនៅមានទឹក។លុះដល់ទឹកអូររីងទើបប្រជាពលរដ្ឋជីកក្តាមប្រទះឃើញក៏ប្រគល់មកឱ្យសមត្ថកិច្ចយកមករក្សាទុក។ បច្ចុប្បន្នកាំភ្លើងម៉ាកAK47ស្វ័យបត់នេះត្រូវបានកម្លាំងការិយាល័យព្រហ្មទណ្ឌកំរិតធ្ងន់ដកហូតយកទៅរក្សាទុក។កំពុងធ្វើការស្រាវជ្រាវកំណតមុខសញ្ញាម្ចាស់កាំភ្លើងខាងលើនេះ៕

December 14, 2018, 9:36 am ផ្សាយពាណិជ្ជកម្ម: (012/015) 949 001 ជាវកាសែត ទំនាក់ទំនង ផ្នែកនិពន្ធ 012 813 366, 016 970 962 រស្មីកម្ពុជា ក្នុងប្រទេស អន្តរជាតិ កម្សាន្ត សុខភាព បច្ចេកវិទ្យា-វិទ្យាសាស្ត្រ កីឡា ចំណេះដឹងទូទៅ ប្លែកៗ ស្រាវជ្រាវ បទវិភាគ ដំណឹងក្ន

ភ្នំពេញៈយោងតាមប្រភពរបស់នាយកដ្ឋានព្រហ្មទណ្ឌ បានរាយការណ៍ឲ្យដឹងថា កាលពីវេលាម៉ោង៨និង៣០នាទីយប់ ថ្ងៃទី១៣ ខែធ្នូ ឆ្នាំ២០១៨ មានករណីប្តីបាញ់សម្លាប់ប្រពន្ធ ស្លាប់យ៉ាងអាណោចអាធម៌។ក្រោយមកប្តីរូបនោះ បានបាញ់សម្លាប់ខ្លួនឯង ដោយបានប្រើប្រាស់កាំភ្លើងម៉ាករ៉ូឡូ។ហេតុការណ៍នេះ បានកើតឡើងនៅភូមិបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ ។ បុរសជាប្តីនិងជាជនបង្ក មានឈ្មោះ ហេង សុវណ្ណារ៉ា ហៅឡឹង ចំណែកប្រពន្ធដែលប្តីបាញ់ស្លាប់ មានឈ្មោះ ស៊ុន ពៅ។មូលហេតុនៃការបាញ់សម្លាប់ប្រពន្ធ យ៉ាងសាហាវព្រៃផ្សៃនេះ ត្រូវបានអ្នកជិតខាងប្រាប់ថា បណ្តាលមកពីភ្លើងប្រច័ណ្ឌ តែចំពោះរឿងហេតុលម្អិតបែបណានោះ នៅមិនទាន់ដឹងច្បាស់ផ្លូវការនៅឡើយទេ ៕

​នារី​ម្នាក់​បើករថយន្ត​បុក​ក្បាល​ថ្ម​ចែកផ្លូវ​ខូចខាត​យ៉ាងដំណំ

ភ្នំពេញ៖នារីម្នាក់ចេញពីកម្មវិធីមួយកន្លែងសង្ស័យស្រវឹងស្រាបើករថយន្តត្រឡប់ទៅផ្ទះជ្រុលចង្កូតទៅបុកក្បាលនាគចែកផ្លូវបណ្តាលឱ្យខូចខាតផ្នែកខាងមុខយ៉ាងដំណំទៅមុខលេងរួច។ហេតុការណ៍បានកើតឡើងនៅតាមបណ្តោយផ្លូវកម្ពុជាក្រោមកែងនិងផ្លូវ២៥៣ក្នុងសង្កាត់ទឹកល្អក់ទី១ ខណ្ឌទួលគោកកាលពីយប់រំលងអធ្រាត្រចូលថ្ងៃទី១៤ខែធ្នូឆ្នាំ២០១៨។ សាក្សីបានឱ្យដឹងថាមុនកើតហេតុគេឃើញនារីម្នាក់បើករថយន្តម៉ាកតូយូតាព្រូសពណ៌ទឹកមាសពាក់ស្លាកលេខភ្នំពេញ2AC2376ធ្វើដំណើរតាមបណ្តោយផ្លូវកម្ពុជាក្រោមទិសដៅពីកើតលិច។ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់នំនងទៅសមត្ថកិច្ចជំនាញបានចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់៕

​ម៉ូតូ​និង​ម៉ូតូ​ប៉ះគ្នា​នៅ​ស្រុក​ឈូក​បណ្តាលឱ្យ​បុរស​ម្នាក់​ស្លាប់

កំពតៈបុរសម្នាក់បានស្លាប់ពេលកំពុងបញ្ជូនទៅមន្ទីរពេទ្យ។ចំណែកយុវជននៃភាគីម្ខាងទៀតរងរបួសស្រាលដោយសារម៉ូតូពីរគ្រឿងប៉ះគ្នាលើផ្លូវលំមួយខ្សែស្ថិតក្នុងភូមិចំការមន ឃុំតាកែន ស្រុកឈូកខេត្តកំពតកាលពីរសៀលថ្ងៃទី១៣ ខែធ្នូ ឆ្នាំ២០១៨។ លោកវរសេនីយ៍ត្រីស៊ូវណ្ណាតនាយផ្នែកនគរបាលចរាចរណ៍ខេត្តកំពតបានប្រាប់ឱ្យដឹងថាជនរងគ្រោះដែលបាត់បង់ជីវិតក្នុងករណីខាងលើឈ្មោះអ៊ួន ផេង អាយុ ៤៧ឆ្នាំ ឃុំជំពូវ័ន្ត ស្រុកជុំគិរី ខេត្តកំពត។ ចំណែកយុវជនដែលរងរបួសឈ្មោះស៊ិន សុផាន់ អាយុ ១៩ឆ្នាំ រស់នៅភូមិបរុន ឃុំស្រៃចែង ស្រុកជុំគិរី ខេត្តកំពត។ លោកនាយផ្នែកបានរៀបរាប់ថាកាលពីវេលាម៉ោង២និង៣០នាទីរសៀលថ្ងៃទី១៣ខែធ្នូមានករណីគ្រោះថ្នាក់ចរាចរមួយបង្កឡើងម៉ូតូនិងម៉ូតូបានប៉ះគ្នាពេញទំហឹងពេលបើកបរបញ្ច្រាសទិសលើផ្លូវលំក្រាលក្រួសក្រហមក្នុងចំណុចភូមិចំការមនឃុំតាកែនស្រុកឈូក។ ភាគីម្ខាងដែលមានវ័យចំណាស់បានរងរបួសធ្ងន់ទើបសាច់ញាតិបញ្ជូនទៅកាន់មន្ទីរពេទ្យជាបន្ទាន់។តែអកុសលដោយសារស្ថានភាពរបួសធ្ងន់ធ្ងរពេកក៏បានស្លាប់តាមផ្លូវតែម្តង។ចំណែកយុវជនម្នាក់ទៀតដែលពាក់ព័ន្ធករណីគ្រោះថ្នាក់នេះរងរបួសស្រាល៕

 

 

 

ផ្ទុះមីនដាច់ជើងទាំងពីរដោយកាប់ព្រធ្វើចម្ការនៅស្រុកសំឡូត

បាត់ដំបង ៖ បុរសម្នាក់បានកាប់រានព្រៃធ្វើចម្ការហើយជាន់ប៉ះមីនផ្ទុះដាច់ជើងទាំងពីរ មិនដឹងស្លាប់ឬរស់ត្រូវបានដឹកទៅសង្គ្រោះនៅមន្ទីរពេទ្យបង្អែកខេត្ត។ហេតុការណ៍ផ្ទុះមីនដ៏គួរឲ្យរន្ធត់នេះកើតឡើងកាលពីល្ងាចថ្ងៃទី១៣ ខែធ្នូ ឆ្នាំ២០១៨នៅក្រោយចំណុច៤០០ ស្ថិតក្នុងភូមិឆករកាឃុំសំឡូតស្រុកសំឡូត ខេត្តបាត់ដំបង។ លោកវរសេនីយ៍ឯក កោ ស៊ុនកាំង អធិការនគរបាលស្រុកសំឡូតបានឲ្យដឹងថា ជនរង គ្រោះមានឈ្មោះ ឡាយ គឹមហ៊ាង ភេទប្រុស អាយុ២៧ ឆ្នាំ រស់នៅភូមិ ឃុំកើតហេតុខាងលើ បានជាន់មីនដាច់ជើងទាំងពីរ។ លោកអធិការស្រុកបានបញ្ជាក់ថាមូលហេតុ ដែលនាំឲ្យមានផ្ទុះមីនដាច់ជើងទាំងពីរនេះបណ្តាលមកពីជនរងគ្រោះបានកាប់ព្រៃរុករានដីធ្វើចម្ការ ហើយជាន់ចំមីនដែលបន្សល់ទុកតាំងពីសម័យសង្គ្រាមមកម្ល៉េះ។ ជនរងគ្រោះត្រូវបានក្រុមគ្រួសារដឹកទៅមន្ទីរពេទ្យបង្អែកខេត្តដើម្បីជួយសង្គ្រោះអាយុ ជីវិត៕

​រថយន្ត​បើក​បុក​ម៉ូតូ​ពីក្រោយ​បណ្ដាល​ឲ្យ​បុរស​ម្នាក់​ស្លាប់​នៅ​ខណ្ឌ​ព្រែក​ព្នៅ

ភ្នំពេញ៖រថយន្តលុច្សស៊ីសបានបើកបុកម៉ូតូពីក្រោយបណ្តាលឲ្យបុរសម្នាក់ស្លាប់ភ្លាមៗ បង្កឲ្យមានការភ្ញាក់ផ្អើលនៅត្រង់ចំណុចមុខការាស់សាំង តេលា (ភួង សុគន្ធារី ) ក្នុងភូមិផ្សារលិច សង្កាត់ ព្រែកព្នៅ ខណ្ឌព្រែកព្នៅ កាលពីវេលាម៉ោង ៩ និង ៣០ នាទី យប់ ថ្ងៃទី ១២ ខែធ្នូ ឆ្នាំ ២០១៨ ។ សាក្សីបានប្រាប់ឲ្យដឹងថាជនរងគ្រោះ(សព) មានឈ្មោះ សយ សុខវឿន អាយុ ៤០ឆ្នាំ ជនជាតិខ្មែរ មុខរបរជាអ្នកដើរគប់ជេដី មានស្រុកកំណើតនៅភូមិកំពង់អុស ស្រុកពញាឮ ខេត្ត កណ្តាល។ ប្រភពបានបន្តថាដំបូងឡើយគេឃើញបុរសម្នាក់បានជិះម៉ូតូឌ្រីមសង់ពណ៌ខ្មៅពាក់ស្លាកលេខកំពង់ស្ពឺ1E.3822តាមបណ្តោយផ្លូវកប់ស្រូវទិសដៅពីកើតទៅលិចក្នុងល្បឿនធម្មតា។ លុះមកដល់ចំណុចកើតហេតុស្រាប់តែមានរថយន្តលុច្សស៊ីសមិនចាំស្លាកលេខបើកមកពីខាងក្រោយយ៉ាងលឿនបុកបណ្ដាលឲ្យបុរសម្នាក់ដែលជិៈម៉ូតូប៉ើងទៅលើចិញ្ចើមផ្លូវបោកក្បាលស្លាប់ភ្លាមៗនៅកន្លែងកើតហេតុ ម៉ូតូរបស់ជនរងគ្រោះដាច់កន្ទុយខាងក្រោយ។ ចំណែកឯរថយន្តបុក ហើយមិនឈប់ទទួលខុសត្រូវនោះទេបានបន្ថែមល្បឿន បើករត់គេចបាត់ស្រមោល៕

រថយន្ដ​ដឹក​សំរាម​បុក​ម៉ូតូ​ជិះ​ឌុប​គ្នា​៣​នាក់​ឪពុកម្តាយ​និង​កូនតូច​ស្លាប់​ម្តាយ​

សៀមរាបៈកាលពីថ្ងៃទី១២ខែធ្នូឆ្នាំ២០១៨លើកំណាត់ផ្លូវជាតិលេខ៦នៅចំណុចភូមិលលៃឃុំបាគងស្រុកប្រាសាទបាគងមានគ្រោះថ្នាក់ចរាចរណ៍មួយបានកើតឡើងរវាងរថយន្ដដឹកសំរាមរបស់ក្រុមហ៊ុនGaeaនិងម៉ូតូម៉ាកហុងដាដែលជិះឌុបគ្នា៣នាក់ឪពុកម្តាយនិងកូនតូចទើបតែមានអាយុ៣ខែ។ បើកបរស្របទិសគ្នាបណ្តាលឱ្យភាគីខាងម៉ូតូគឺម្តាយបានស្លាប់ចំណែកឪពុកនិងកូនតូចបានរងរបួសធ្ងន់។ក្រោយពីកើតហេតុអ្នកបើករថយន្តដឹកសំរាមបានចុះរត់គេចខ្លួនបាត់បន្សល់ទុករថយន្តចោលនៅកន្លែងកើតហេតុ។ លោកវរសេនីយ៍ឯក មិន ចន្ថា អធិការនគរបាលស្រុកប្រាសាទបាគងបានឱ្យដឹងថា ជនរងគ្រោះមានឈ្មោះ ញៀវ សុភា ភេទប្រុស អាយុ៣៥ឆ្នាំ សញ្ជាតិខ្មែរ (បានរបួសធ្ងន់) បើកបរឌុបប្រពន្ធនិងកូនពីក្រោយ។ ប្រពន្ធឈ្មោះ ឈឿន សុសាន្ដ អាយុ២៦ឆ្នាំ (ស្លាប់) និងឈ្មោះ នឿន សុវណ្ណរ័ត្ន ភេទស្រី អាយុ៣ខែ(របួសធ្ងន់)។អ្នកទាំង៣មានទីលំនៅភូមិ តាប្រាក់ឃុំ មានជ័យ ស្រុកប្រាសាទបាគង ខេត្តសៀមរាប៕

 

​បុគ្គលិក​ម្នាក់​ចាញ់ល្បែង​បែកគំនិត​លួច​ម៉ូតូ​ទូរស័ព្ទ​និង​សម្ភារៈ​ត្រូវ​ថៅកែ​ចាប់បាន

ភ្នំពេញ៖ជនជាតិជប៉ុនប្រធានក្រុមហ៊ុន(4day)បានឃាត់ខ្លួនបុគ្គលិកម្នាក់ប្រគល់ឲ្យសមត្ថកិច្ចធ្វើការសាកសួរពាក់ព័ន្ធរឿងលួចម៉ូតូ១គ្រឿងទូរស័ព្ទ១គ្រឿងនិងសម្ភារៈក្នុងការិយាល័យមួយចំនួនរបស់ក្រុមហ៊ុន ដែលបានកើតហេតុឡើងនៅក្នុងបូរីពិភពថ្មី ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ ។ មន្ត្រីនគរបាលខណ្ឌឬស្សីកែវ បានឲ្យដឹងកាលពីព្រលប់ថ្ងៃទី១២ ខែធ្នូ ឆ្នាំ២០១៨ថា ក្រោយពីឃាត់ខ្លួនជនសង្ស័យឈ្មោះ ម៉ុក សុភក្ត្រា ភេទប្រុស អាយុ២៦ឆ្នាំ ជនជាតិខ្មែរ មុខរបរបុគ្គលិកក្រុមហ៊ុន (4day) ស្នាក់នៅភូមិតាងួន សង្កាត់កាកាប ខណ្ឌដង្កោ ។ ចំណែកជនរងគ្រោះឈ្មោះ ខេន ជីអូកា ភេទប្រុស មុខរបរប្រធានក្រុមហ៊ុន (4day) ស្នាក់នៅក្រុមហ៊ុនផ្ទះលេខ20E០ ផ្លូវបេតុង ក្រុមទី៣ ភូមិកោះអណ្តែត សង្កាត់ទួលសង្កែទី២។ នគរបាលមូលដ្ឋានបានបន្តថាក្រោយពីការសាកសួរប៉ុន្មានម៉ោងក៏បានរកឃើញដកហូតម៉ូតូ១គ្រឿងម៉ាកហុងដាគ្លីច ពណ៌ស សេរីឆ្នាំ២០១៧ ពាក់ស្លាកលេខ 1GK-6023 និងទូរស័ព្ធ១គ្រឿងទៀតម៉ាកអាយហ្វូន៧ ដើម្បីប្រគល់ជូនជនរងគ្រោះជាជនជាតិជប៉ុនវិញ។ ជនសង្ស័យបានចូលបម្រើការងារជាបុគ្គលិកក្រុមហ៊ុន 4day តាំងពីថ្ងៃទី០៨ ខែវិច្ឆិកា ឆ្នាំ២០១៨ ។លុះមកដល់ថ្ងៃទី២៥ ខែឆ្នាំដដែលនេះ ជនជាតិជប៉ុនរងគ្រោះ ជាប្រធានក្រុមហ៊ុន បានឲ្យសោរការិយាល័យក្រុមហ៊ុនទៅជនសង្ស័យកាន់ ព្រោះគាត់ (ជនរងគ្រោះ) ត្រូវទៅប្រទេសជប៉ុនមួយរយៈ ។ ស្របពេលដែលជនសង្ស័យកំពុងតែចាញ់ល្បែង និងជុំពាក់បំណុលគេផងនោះ ទើបក្លាយទៅជាឱកាសល្អ សម្រាប់លួចយកម៉ូតូ១គ្រឿង ទូរសព្ធ័១គ្រឿង និងសម្ភារក្នុងការិយាល័យខាងលើ ហើយរត់គេចខ្លួនបាត់ថ្ងៃទី1ធ្នូ រហូតមកដល់ថ្ងៃទី១២នេះ ឈានដល់ការឃាត់ខ្លួនតែម្ដង៕

​ពលរដ្ឋ​ភ្ជួរ​ដីស្រែ​ប្រទះឃើញ​មីនតោន​១​គ្រាប់​

បាត់ដំបងៈកាលពីរសៀលថ្ងៃទី១២ខែធ្នូ ឆ្នាំ២០១៨ នៅចំណុចភូមិអូរស្ងួតឃុំតាសាញ ស្រុសំឡូតខេត្តបាត់ដំបងមានការភ្ញាក់ផ្ឋ្អើលដោយប្រជាពលរដ្ឋបានភ្ជួរស្រែដាស់ដីប្រទះឃើញមីនតោន១គ្រាប់ក៏រាយការណ៍ប្រាប់នគរបាលស្រុកសំឡូតនិងអង្គភាពស៊ីម៉ាកចុះទៅយកមករក្សាទុកដើម្បីដុតបំផ្លាញចោលនៅពេលក្រោយ។ លោកម៉ៅស៊ុនកាំងអធិការនឋគរបាលស្រុកសំឡូតបានឱ្យដឹងថាគ្រាប់មីនតោន១គ្រាប់នេះត្រូវបានប្រជាពលរដ្ឋរស់នៅភូមិអូរស្ងួត ឃុំតាសាញស្រុកសំឡូតបានរត់មករាយការណ៍ជូនមន្ត្រីនគរបាលមូលដ្ឋានឃុំតាសាញឲ្យចុះទៅដល់ទីតាំងដីចំការរបស់គាត់។ ក្នុងខណៈដែលគាត់កំពុងភ្ជួរដាស់ដីហើយ ផ្លែផាលបានឆ្កឹះបំប៉ើងគ្រាប់មីនតោនមួយគ្រាប់ចេញពីក្នុងដីមកគួរឱ្យភ័យរន្ធត់។គ្រាប់មីនតោន១គ្រាប់នេះគឺជាយុទ្ឋភ័ណ្ឌមិនទាន់ផ្ទុះដែលជាសំណល់ពីសម័យសង្គ្រាមប្រយុទ្ឋគ្នាពីអតីតកាល ។ មន្ត្រីអង្គភាពស៊ីម៉ាក់បានបញ្ជាក់ថាអាចចាត់ទុកថាជាមហាសំណាងណាស់ដែលមិនមានកម្លាំងសង្កត់ធ្ងន់ណាមួយទៅលើគ្រាប់មីនមួយគ្រាប់នេះ។ដើម្បីធ្វើឱ្យវាអាចផ្ទុះបាន កុំអីមហន្តរាយនឹងកើតមានចំពោះប្រជាពលរដ្ឋជាក់ជាមិនខាន ។គ្រាប់មីនតោនមួយគ្រាប់នេះ ត្រូវបានមន្ត្រីនគរបាលមូលដ្ឋានប្រគល់ទៅអង្គភាពកំចាត់មីនស៊ីម៉ាក (CMAC) ដើម្បីយកទៅបំផ្លាញចោលតាមជំនាញ៕

យុវជន​ប្រុស​ស្រី​ពីរ​ក្រុម​ជិះ​ម៉ូតូ​ដេញ​វាយ​គ្នា​ផ្អើល​ពេញ​ផ្លូវត្រូវ​សមត្ថកិច្ច​ឃាត់ខ្លួន

នំពេញ ៖ កម្លាំងនគរបាលខណ្ឌសែនសុខធ្វើការឃាត់ខ្លួនយុវជនប្រុសស្រីចំនួន៨នាក់បន្ទាប់ពីបានជិះម៉ូតូធំជាច្រើនគ្រឿងដេញវាយគ្នាបណ្តាលឲ្យរងរបួសទាំងសង្ខាង បង្កឲ្យមានការភ្ញាក់ផ្អ្លើដល់ប្រជាពលរដ្ឋធ្វើដំណើរនៅតាមដងផ្លូវ កាលពីវេលាម៉ោង១២និង១០នាទីយប់រំលងអធ្រាត្រឈានចូលថ្ងៃ ពុធ ទី១២ ខែធ្នូ ឆ្នាំ២០១៨ ស្ថិតចំណុចមុខការាស់សាំងតូតាល់ តាបមណ្តោយផ្លូវ២០០៤ កែង និងផ្លូវដួងងៀម ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។ តាមសម្តីយុវជនប្រុសស្រី៦នាក់បានឲ្យដឹងថាមុនកើតហេតុ រូបគេបានចេញពីផឹកសុីនៅហាងមួយកន្លែងម្តុំការាស់សាំងPttផ្លូវ២០០៤បានជិះម៉ូតូធំចំនួន បីគ្រឿងបំណងត្រឡប់ទៅកន្លែងស្នាក់នៅវិញ លុះមកដល់កន្លែងកើតហេតុស្រាប់តែលេចមុខយុវជន៨នាក់ជិះម៉ូតូធំដូចគ្នាចំនួន៤គ្រឿងបានមកពីក្រោយហើយបានជិះម៉ូតូមកជិតហើយរួចបានធ្វើសកម្មភាពយបដំថ្មទៅវាយលើពួកគេបណ្តាលឲ្យរងរបួសបែកក្បាល ប្រុស៣នាក់ចំណែកប្រុសស្រី៣នាក់ទៀតមិនមានរងរបួសនោះទេ។ ចំណែកខាងយុវជន៨នាក់បានប្រាប់ឲ្យដឹងថារួបគេទើបនិងចេញពីផឹកស៊ី ដែលរួចបានជិះម៉ូតូធំចំនួន៤គ្រឿង។ លុះមកដល់ចំណុចកើតហេតុក៍ឃើញយុវជនប្រុសស្រី៦នាក់កំពុងជិះម៉ូតូធំចំនួន៣គ្រឿង នៅខាងមុខ ខណះនោះពួកគេបានស៊ីផ្លេម៉ូតូដាក់ធ្វើឲ្យខាងយុវជនប្រុសស្រី៦នាក់បានប្រាប់ទៅគ្នាគេថា ជិះម៉ូតូគៀរគេស្រាប់តែកើតជាទាស់ពាក្យសំដីគ្នាប្រាវ ឈានទៅដល់ការប្រើហិង្សាវាយគ្នាមួយប្រាវបណ្តាលពួកគេមានគ្នា៨នាក់រងរបួសម្នាក់រួចបង្កឲ្យមានការភ្ញាក់ផ្អើលដល់សមត្ថកិច្ចចុះមកអន្តរាគមន៍ឃាត់ពួកគេពីរនាក់និងម៉ូតូ២គ្រឿងនិង យុវជនប្រុសស្រីចំនួន៦នាក់និងម៉ូតូ៣គ្រឿងនៅនិងកន្លែងកើហេតុ។ចំណែកបក្ខពួកគេ៦នាក់ទៀតបាននាំគ្នាជិះម៉ូតូ២គ្រឿងគេចខ្លួនបាត់ស្រមោល។ ក្រោយកើតហេតុកម្លាំងសមត្ថកិច្ចបាននាំខ្លួនយុវជនប្រុសស្រីទាំងពីរក្រុមទៅអធិការដ្ឋនគរបាលខណ្ឌសែនសុខដើម្បីសួរនាំបន្ត៕

 

បញ្ជូន​ជនសង្ស័យ​៦​នាក់​ទៅ​តុលាការ​ពីបទ​លួច​កាប់​ឈើ​និង​ប្រើប្រាស់​អាវុធ​ខុសច្បាប់

បាត់ដំបង ៖ កម្លាំងអាវុធហត្ថខេត្តបាត់ដំបងកាលពីព្រឹកថ្ងៃទី១២ ខែធ្នូ ឆ្នាំ២០១៨បានកសាងសំណុំរឿងបញ្ជូនជនសង្ស័យចំនួន៦នាក់ទៅតុលាការខេត្តពីលួចកាប់ឈើនិងប្រើប្រាស់អាវុធខុសច្បាប់។ ជនសង្ស័យទាំង៦នាក់នេះត្រូវកម្លាំងអាវុធហត្ថស្រុកសំឡូតឃាត់ខ្លួនបានកាលពីល្ងាចថ្ងៃទី១០ ខែធ្ នូឆ្នាំ២០១៨ នៅចំណុចថ្មតម្រួត ស្ថិតក្នុងភូមិអូររំចេកក្រោម ឃុំអូរសំរិល ស្រុកសំឡូត ពីបទលួចកាប់ឈើគេហើយប្រើប្រាស់កាំភ្លើងអាកាបាញ់គំរាមម្ចាស់ឈើថែមទៀត ។ លោកវរសេនីយ៍ឯក អ៊ន ជីសៅមណ្ឌលមេបញ្ជាការរងកងរាជអាវុធហត្ថខេត្តទទួលផែនព្រហ្មទណ្ឌបានឱ្យដឹងថាជនសង្ស័យទាំង៦នាក់មាន១-ឈ្មោះយី ម៉ង់ អាយុ២៤ឆ្នាំ មុខ របរមិនពិតប្រាកដនៅភូមិអូរសំរិលលើ ឃុំអូរសំរិលស្រុកសំឡូត ,២-ឈ្មោះប៉ែត សំអ៊ុន អាយុ៣២ឆ្នាំ រស់នៅស្រុកបសេដ្ឋ ខេត្តកំពង់ស្ពឺ, ៣-ឈ្មោះឆៃ ណាក់ អាយុ២៥ឆ្នាំ មុខរបរមិនពិតប្រាកដ រស់នៅភូមិកន្តួត ឃុំសំឡូតស្រុកសំឡូត ៤-ឈ្មោះនាក់ មឿនអាយុ៣៧ឆ្នាំ មុខរបរមិនពិតប្រាកដ នៅភូមិបឹងរុន ឃុំសំឡូតស្រុកសំឡូត ៥-ឈ្មោះសៀង សុខា អាយុ២៤ឆ្នាំ មុខរបរមិនពិតប្រាកដ នៅភូមិ-ឃុំជាមួយគ្នា និង៦-ឈ្មោះគឿត សាវី អាយុ១៨ឆ្នាំ មុខរបរមិនពិតប្រាកដ រស់នៅភូមិ-ឃុំជាមួយគ្នា ។ ចំណែកវត្ថុតាងដែលដកហូតបានរួមមានអាវុធអាកាបត់១ដើមគ្រាប់៤គ្រាប់ រថ យន្តកែឆ្នៃ១គ្រឿងនិងឈើធ្នង់១ដើម។ ដោយឡែកម្ចាស់ចម្ការមានឈ្មោះសូត្រ ណុង ទៅម៉ា នឿនភេទប្រុសអាយុ៥៦ឆ្នាំនៅភូមិ ឃុំកើតហេតុខាងលើ។ លោកមេបញ្ជាការរងអាវុធហត្ថខេត្តបានបញ្ជាក់ថា ជនសង្ស័យទាំង៦នាក់នេះ ត្រូវកម្លាំងកងរាជអាវុធហត្ថស្រុកសំឡូត ឃាត់ខ្លួនជាបន្តបន្ទាប់ដែលជាប់ពាក់ព័ន្ធពីបទលួចកាប់ឈើធ្នង់មួយដើមនិងគំរាមកំហែងប្រើកាំភ្លើងអាកាបាញ់សម្លាប់ម្ចាស់ឈើទៀត ។ ជនសង្ស័យទាំង៦នាក់នេះបាននាំគ្នាលួចកាប់ឈើធ្នង់នៅក្នុងចំការរបស់ឈ្មោះសូត្រ ណុង ហៅម៉ម នឿន អាយុ៥៦ឆ្នាំ រស់នៅភូមិ-ឃុំកើតហេតុខាងលេ ។ ពេលកំពុងធ្វើសកម្មភាព កាប់ឈើរួចត្រូវម្ចាស់ចំការទៅទាន់ក៍ត្រូវក្រុមជនសង្ស័យទាញកាំភ្លើងអាកាបាញ់គំរាមមិនឲ្យម្ចាស់ចំការចូលជិតឡើយ ទើបម្ចាស់ចំការរាយការណ៏ប្ដឹងសមត្ថកិច្ចតែម្ដង ។ ជាមួយនឹងការឃាត់ខ្លួន សមត្ថកិច្ចដកហូតបានវត្ថុតាងរួមមាន កាំភ្លើងអាកា៤៨ថ្មីចែស១ដើម, គ្រាប់ចំនួន៤គ្រាប់, ម៉ាស៊ីនអាឈើ(ត្រង់ស៊ីន័រ)ចំនួនមួយ រថយន្តកែឆ្នៃ១គ្រឿងនិងឈធ្នង់១ដើម។ នៅចំពោះមុខសមត្ថកិច្ចជនសង្ស័យទាំង៦នាក់បានសារភាពថាពួកគេពិតជាបានធ្វើ សកម្មភាពលួចកាប់ឈើនិងប្រើអាវុធអាកាបាញ់គំរាមម្ចាស់ឈើពិតប្រាកដមែន។ ក្រោយពេលជនសង្ស័យទាំង៦នាក់ឆ្លើយសារភាពរួចមកលោកមាស សុវណ្ណមេបញ្ជាការកងរាជអាវុធហត្ថខេត្តបានបញ្ជាឱ្យកម្លាំងជំនាញកសាងសំណុំរឿងបញ្ជូនទៅតុលាការខេត្តនៅព្រឹកថ្ងៃទី១២ខែធ្នូដើម្បីចាត់ការតាមច្បាប់ដោយចោទពីបទលួចកាប់ឈើនិងប្រើប្រាស់អាវុធខុសច្បាប់៕

ស្រវឹងស្រា​ដក​កាំភ្លើង​បាញ់​មេឃ​បង្ក​ការភ្ញាក់ផ្អើល​នៅ​ខណ្ឌឫស្សីកែវ​

ភ្នំពេញ ៖ មន្ត្រីនគរបាលមួយរូបបានផ្ទុះអាវុធចំនួន ១ គ្រាប់បង្កឱ្យមានការភ្ញាក់ផ្អើលនៅវេលាម៉ោង ១២ និង ៤០ នាទីយប់ ថ្ងៃទី១១ ខែធ្នូ ឆ្នាំ២០១៨ ស្ថិតនៅចំណុចជិតវត្តទួលអស់លោកតាមបណ្ដោយផ្លូវ 99 ក្នុងសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។មន្ត្រី នគរបាលរូបនោះដែលដកកាំភ្លើងខ្លីបាញ់មួយគ្រាប់នោះមិនត្រូវបានស្គាល់អត្តសញ្ញាណនៅឡើយដោយសារមន្ត្រីនគរបាលរដ្ឋបាលសង្កាត់ឫស្សីកែវមិនអនុញ្ញាតឲ្យសួរនាំឡើយ។ តាមប្រភពព័ត៌មានពីកន្លែងកើតហេតុប្រជាពលរដ្ឋម្នាក់បានឃើញមន្ត្រីប៉ូលិសម្នាក់ជិះម៉ូតូម៉ាកស៊ីរ៉ូស ពណ៌ក្រហម ពាក់ស្លាកលេខនគរបាល 1.12 13 បើកដោយបុរសម្នាក់ស្រវឹងជោកជាំ តាមបណ្ដោយផ្លូវ 99 ទិសដៅពីត្បូងទៅជើងដោយសភាពស្រវឹងផងនោះ ជិៈម៉ូតូ រេឆ្វេង រេស្ដាំ ខណៈមកដល់ចំណុចកើតហេតុខាងលើស្រាប់តែមន្ត្រីនគរបាលរូបនោះ ឈប់ម៉ូតូបានដកកាំភ្លើង ខ្លីពីចង្កេះបាញ់ឡើងលើចំនួន ១គ្រាប់ដោយមិនដឹងមូលហេតុ បង្កឱ្យមានការភ្ញាក់ផ្អើលនឹងផិតភ័យដល់ប្រជាពលរដ្ឋដែលរស់នៅជិតកន្លែងកើតហេតុហើយក៏បានរាយការណ៍ទៅសមត្ថកិច្ចសមត្ថកិច្ចសង្កាត់ឬស្សីកែវបានចុះទៅដល់កន្លែងកើតហេតុក៏បានដកយកអាវុធខ្លី ១ដើម និងចាប់យកជនបង្កដែលបាញ់បោះសេរីនោះបានយកមកប៉ុស្តិ៍នគរបាលរដ្ឋបាលឫស្សីកែវ ។ ហើយបានសួរនាំនិងធ្វើកំណត់ហេតុ ក្នុងរយៈពេលជាង ១ម៉ោងសមត្ថកិច្ចបានដឹកជនបង្ក ដែលបាញ់បោះសេរីចំនួនមួយគ្រាប់នោះទៅអធិការដ្ឋាន ខណ្ឌឫស្សីកែវចុះតាមទ្វារក្រោយដោយមានការលាក់ លៀមបិទបាំងពីអ្នកសារព័ត៌មានមិនឲ្យថត ឬក៏យកឈ្មោះអត្តសញ្ញាណប័ណ្ណ ឬក៏អង្គភាពមន្ត្រីប៉ូលីសនៅ ទីណានោះទេ ដោយនាំខ្លួនជនបង្កជិះម៉ូតូយ៉ាងលឿនទៅអធិការដ្ឋាន ខណ្ឌឫស្សីកែវ។ បច្ចុប្បន្នជនបង្កដែលបាញ់បោះសេរីនោះ និងវត្ថុតាំងបានបញ្ជូនទៅអធិការដ្ឋានខណ្ឌឫស្សីកែវចាត់ការទៅតាមនីតិវិធីច្បាប់៕

​ជិះ​ម៉ូតូ​លឿន​ជ្រុល​ទៅបុក​ម៉ូតូ​កង់​បី​ស្លាប់​ម្នាក់​របួស​ពីរ​នាក់​

ភ្នំពេញ៖យុវជនពីរនាក់ចេញពីផឹកស៊ីបើកម៉ូតូមួយគ្រឿងក្នុងល្បឿនលឿនចូលចំណែកផ្លូវម្ខាងទៀតជ្រុលទៅបុកម៉ូតូកង់បីបណ្តាលឱ្យម្ចាស់ម៉ូតូកងបីស្លាប់ភ្លាមចំណែកខាងម៉ូតូរងរបួសធ្ងន់ម្នាក់ស្រាលម្នាក់។ហេតុការណ៍បានកើតឡើងនៅតាមបណ្តោយផ្លូវ៥៩៨ក្នុងសង្កាត់ភ្នំពេញថ្មីខណ្ឌសែនសុខកាលពីយប់រំលងអធ្រាត្រចូលថ្ងៃទី១១ខែធ្នូឆ្នា២០១៨។ ជនរងគ្រោះ(ស្លាប់)ជាម្ចាស់ម៉ូតូកង់បីមានឈ្មោះឡុង សារឿន ភេទប្រុស អាយុ៣៨ឆ្នាំ ជនជាតិខ្មែរ មុខរបររត់ម៉ូតូកង់បី អាស័យដ្ឋាន ភូមិប្រឡាយមាស ឃុំរមេញ ស្រុកកោះអណ្តែត ខេត្តតាកកែវ។ មានស្រុកកំណើតនៅឃុំរោងដំរីស្រុកបាភ្នំខេត្តព្រៃវែង។ចំណែកខាងម្ចាស់ម៉ូតូនិងអ្នករួមដំណើរមិនស្គាល់អត្តសញ្ណាណទេបានរងរបួសធ្ងន់ម្នាក់និងស្រាលម្នាក់។អ្នករងរបួសស្រាលបានចេញពីកន្លែងកើតហេតុបាត់។ ក្រោយកើតហេតុសមត្ថកិច្ចជំនាញចុះមកធ្វើការវាស់វែងយកម៉ូតូកង់បីនិងម៉ូតូទៅរក្សាទុកនៅការិយាល័យចរាចរណ៍ផ្លូវគោងរជធានីភ្នំពេញរងចាំដោះស្រាយគ្នាទៅតាមផ្លូវច្បាប់។ដោយឡែកសពជនរងគ្រោះសមត្ថកិច្ចជំនាញធ្វើកំណត់ហេតុរួចប្រគល់ឲ្យសាច់ញាត្តិយកទៅធ្វើបុណ្យនៅស្រុកកំណើតតាមប្រពៃណី៕

បង្ក្រាប​ទី​តាំ​ល្បែង​ហ្គេម​បាញ់​ត្រី​ឃាត់ខ្លួន​ប្រុស​ស្រី​១២​នាក់

ភ្នំពេញៈក្រុមអ្នកញៀនល្បែងហ្គេមបាញ់ត្រីខុសច្បាប់ចំនួន១២នាក់ ក្នុងនោះមានស្រី២នាក់ រួមជាមួយទូហ្គេមបាញ់ត្រីចំនួន២ទូ និងសម្ភារៈមួយចំនួន ត្រូវនគរបាលរាជធានីភ្នំពេញចុះបង្ក្រាបនិងឃាត់ខ្លួន។ការបង្ក្រាបបានធ្វើឡើង នៅចំណុចច្រមុះជ្រូកក្បាលថ្នល់ តាមបណ្ដោយផ្លូវ២៧១ ក្នុងសង្កាត់ផ្សារដើមថ្កូវ ខណ្ឌចំការមន កាលពីយប់ ថ្ងៃទី១០ ខែធ្នូ ឆ្នាំ២០១៨។ កម្លាំងនគរបាលរាជធានីភ្នំពេញ បានសហការជាមួយកម្លាំងនគរបាលប៉ុស្ដិ៍រដ្ឋបាលផ្សារដើមថ្កូវ ធ្វើការចុះបង្ក្រាបករណីខាងលើរហូតឃាត់ខ្លួនអ្នកញៀនល្បែងស៊ីសងខុសច្បាប់នេះបានចំនួន១២នាក់ ។ក្នុងនោះមានស្រី២នាក់ សូម្បីតែអ្នករត់កង់បីឥណ្ឌាក៏ចូលលេងដែរ ។ពួកគេទាំងនេះនៅមិនទាន់ស្គាល់អត្តសញ្ញាណនោះទេ ព្រមទាំងរួមជាមួយវត្ថុតាងចាប់យករួមមាន៖ ទូហ្គេមបាញ់ត្រីខុសច្បាប់ចំនួន២ទូ ,កៅអី,តង្ហាល និងសម្ភារៈមួយចំនួនទៀត ។ ក្រោយមកកម្លាំងនគរបាលប៉ុស្ដិ៍ផ្សារដើមថ្កូវបានប្រគល់ក្រុមអ្នកញៀនល្បែងខុសច្បាប់ទាំង១២នាក់និងវត្ថុតាងខាងលើឲ្យទៅកម្លាំងការិយាល័យព្រហ្មទណ្ឌកំរិតស្រាល ដើម្បីកសាងសុំណុំរឿងបន្តចាត់ការតាមផ្លូវច្បាប់ ៕

ចាប់ជនជាតិ​ចិន​​៩​នាក់​​ពាក់ព័ន្ធ​ករណី​ចែកចាយ​រូបភាព ​និង​សម្ភារៈ​អាសអាភាស​នៃ​កុមារ​​តាម​​អ៊ី​ន​ធើ​ណិ​ត​

ខេត្តសៀមរាប ៖ នគរបាលខេត្តសៀមរាប បានចុះប្រតិបត្តិការបង្ក្រាបករណីចែកចាយរូបភាព និងសម្ភារៈអាសអាភាស នៃកុមារ តាមប្រព័ន្ធអ៊ីនធើណិត នៅក្នុងទីតាំងចំនួន ៣ទីតាំងផ្សេងគ្នា ដោយឃាត់ខ្លួនជនជាតិចិន៩នាក់។ ប្រតិបត្តិការខាងលើនេះធ្វើឡើងកាលពីចុងសប្តាហ៍កន្លងទៅនេះ។ បើតាមស្នងការដ្ឋាននគរបាលខេត្តសៀមរាបបានឲ្យដឹងថា ប្រតិបត្តិការនេះធ្វើឡើងដោយកម្លាំងការិយាល័យស៊ើបអង្កេត និងអនុវត្តនីតិវិធី សហការជាមួយកម្លាំងអធិការដ្ឋាននគរបាលក្រុងសៀមរាប និងប៉ុស្តិ៍នគរបាលរដ្ឋបាលសង្កាត់ស្វាយដង្គំ-សង្កាត់ ស្លក្រាម ដឹកនាំសម្របសម្រួលនីតិវិធីដោយលោក ជួន សុបញ្ញា ព្រះរាជអាជ្ញារងអមសាលាដំបូងខេត្តសៀមរាប ដោយទីតាំង ៖ ទីតាំងទី១-ផ្ទះលេខ E២១ បុរីអាក់ខេត ភូមិគ្រួស សង្កាត់ស្វាយដង្គំ ក្រុង/ខេត្ត សៀមរាប ដោយឃាត់ខ្លួនមនុស្ស០១នាក់ រួមនឹងវត្ថុតាងមួយចំនួន។ ២-ផ្ទះវីឡាជួល ភូមិគ្រួស សង្កាត់ស្វាយដង្គំ ក្រុង/ខេត្ត សៀមរាប ឃាត់ខ្លួនមនុស្ស ០៥នាក់ រួមនឹងវត្ថុតាងមួយចំនួន និងទី៣-បន្ទប់លេខ៣០៥ ផ្ទះសំណាក់មហាមាន ភូមិទ្រាំង សង្កាត់ស្លក្រាម ក្រុង/ខេត្ត សៀមរាប ឃាត់ខ្លួនមនុស្ស០៣នាក់ រួមនឹងវត្ថុតាងមួយចំនួន។ ជនសង្ស័យទាំង០៩នាក់រួមមានៈ ៖ ១-PAN ZHIFU ភេទប្រុស កើតឆ្នាំ១៩៨៨ ជនជាតិចិន កាន់លិខិតឆ្លងដែនលេខ G៤៣៦៧១៥៧៣ ទិដ្ឋាការប្រភេទទេសចរណ៍។ ២-HUANG XINFA ភេទប្រុស កើតឆ្នាំ១៩៩៥ ជនជាតិចិន កាន់លិខិតឆ្លងដែនលេខ EE១៦២៤៨០១ ទិដ្ឋាការប្រភេទទេសចរណ៍។ ៣-HUANG FULONG ភេទប្រុស កើតឆ្នាំ១៩៩១ ជនជាតិចិន កាន់លិខិតឆ្លងដែនលេខ EC៧៤០១១៥០ ទិដ្ឋាការប្រភេទEB។ ៤-WEI JIBO ភេទប្រុស កើតឆ្នាំ១៩៩៦ ជនជាតិចិន កាន់លិខិតឆ្លងដែនលេខ EE២៦២២៩៨៧ ទិដ្ឋាការប្រភេទទេសចរណ៍។ ៥-GU SHENGFENG ភេទប្រុស កើតឆ្នាំ១៩៩៨ ជនជាតិចិន កាន់លិខិតឆ្លងដែនលេខ EE២០២៩២០៥ ទិដ្ឋាការប្រភេទទេសចរណ៍។ ៦-LI WEIMING ភេទប្រុស កើតឆ្នាំ១៩៩៣ ជនជាតិចិន កាន់លិខិតឆ្លងដែនលេខ EE២០២៩២០៦ ទិដ្ឋាការប្រភេទទេសចរណ៍។ ៧-PAN XIADONG ភេទ ប្រុស កើតឆ្នាំ ១៩៨៧ ជនជាតិចិន កាន់លិខិតឆ្លងដែនលេខ EC២៣០៣៦២១ ទិដ្ឋាការប្រភេទទេសចរណ៍។ ៨-PAN ZONGJI ភេទប្រុស កើតឆ្នាំ១៩៨២ ជនជាតិចិន កាន់លិខិតឆ្លងដែនលេខED១៦៦៧២០៥ ទិដ្ឋាការប្រភេទEI។ ៩-DAI GUANGQIANG ភេទប្រុស កើតឆ្នាំ១៩៨៤ ជនជាតិចិន កាន់លិខិតឆ្លងដែនលេខ EE៦៣៦៩៥៨៤ ទិដ្ឋាការប្រភេទ EI។ បច្ចុប្បន្នជនសង្ស័យទាំង០៩នាក់ ត្រូវបានលោក ជួន សុបញ្ញា ព្រះរាជអាជ្ញារងអមសាលាដំបូងខេត្តសៀមរាបសម្រេចឲ្យឃាត់ខ្លួនបណ្តោះអាសន្ននៅស្នងការដ្ឋាននគរបាលខេត្តសៀមរាបដើម្បីរៀបចំកសាងសំណុំរឿងបញ្ជូនទៅសាលាដំបូងខេត្តសៀមរាបដើម្បីចាត់ការបន្តតាមនីតិវិធី៕

ឃាត់ខ្លួន​ជនសង្ស័យ​ម្នាក់​ពីបទ​ហឹ​ង្សា​ដោយ​ចេតនា​មាន​អាវុធ​

បាត់ដំបងៈកាលពីរសៀលថ្ងៃទី៦ខែធ្នូឆ្នាំ២០១៨នៅចំណុចភូមិខ្សាច់ពោយ សង្កាត់វត្តគរ ក្រុងបាត់ដំបងមានការភ្ញាក់ផ្អើលដោយបុរសម្នាក់បានយកកាំបិតខ្វែវដេញកាប់ស្ត្រីម្នាក់ដែលរស់នៅជិតខាងគ្នា។ត្រូវមន្ត្រីអាវុធហត្ថខេត្តឃាត់ខ្លួនបាននិងបញ្ជូនទៅទីបញ្ជាការអាវុធហត្ថខេត្តដោយចោទពីបទហឹង្សាដោយចេតនាមានស្ថានទម្ងន់ទោស។ លោកអ៊ុន ជ្រីសៅមណ្ឌលមេបញ្ជាការរងអាវុធហត្ថខេត្តបានឱ្យដឹងថាជនសង្ស័យឈ្មោះ សួន សំណាងហៅផ្លូញភេទប្រុសអាយុ៣៨ឆ្នាំ មុខរបរកម្មករ រស់នៅចំណុចកើតហេតុខាងលើព្រមទាំងដកហូតកាំបិតខ្វែវមួយដើម។ចំណែកស្ត្រីរងគ្រោះឈ្មោះ ទេស លីណា ហៅមុំអាយុ៣០ឆ្នាំ រស់នៅភូមិ,សង្កាត់ជាមួយគ្នាមិនមានរបួសទេដោយរត់គេចខ្លួនរួចហើយហៅអ្នកស្រុកនិងសមត្ថកិច្ចឱ្យជួយអន្តរាគមន៍។ លោកមេបញ្ជាការរងខរេត្តបានបញ្ជាក់ថាចំពោះមូលហេតុដែលនាំឲ្យភាគីទាំង២ដែលនៅផ្ទះក្បែរខាងគ្នានេះផ្ទុះជម្លោះរហូតឈានដល់ទាញកាំបិតខ្វែវដេញកាប់គ្នាយ៉ាងសាហាវព្រៃផ្សៃបែបនេះនៅមិនទាន់ដឹងច្បាស់ទេ។ជនសង្ស័យរូបនេះអាចត្រូវចោទប្រកាន់ពីបទហឹង្សាដោយចេតនាមានស្ថានទម្ងន់ទោសដោយប្រើអាវុធខ្វែវដេញកាប់គេ។ ក្រោយពេលឃាត់ខ្លួនមន្ត្រីជំនាញកំពុងសួរនាំ ដើម្បីចាត់ការតាមនីតិវិធីហើយ៕

កុមារ​ពីរ​នាក់​បងប្អូន​នាំគ្នា​ចុះ​លេង​ទឹក​ត្រពាំង​បណ្តាលឱ្យ​លង់ស្លាប់​

ពង់ស្ពឺ៖កុមារពីរនាក់បងប្អូននាំគ្នាចុះលេងទឹកត្រពាំងខាងក្រោយផ្ទះបណ្តាលឲ្យលង់ស្លាប់។ហេតុការណ៍នេះកើតឡើងនៅត្រង់ចំណុចត្រពាំងទឹកខាងក្រោយផ្ទះស្ថិតក្នុងភូមិភ្នំដី សង្កាត់ច្បារមនក្រុងច្បារមនខេត្តកំពង់ស្ពឺកាលពីល្ងាចថ្ងៃទី៦ខែធ្នូឆ្នាំ២០១៨។ មន្ត្រីនគរបាលបានឲ្យដឹងថាកុមារីឈ្មោះស៊ីម ស្រីល័ក្ខអាយុ៨ឆ្នាំនិងកុមារាឈ្មោះ ស៊ីម សុខលីម អាយុ៥ឆ្នាំកុមារទាំងពីរនាក់រស់នៅភូមិភ្នុំដីសង្កាត់ច្បារមនក្រុងច្បារមន។ប្រភពបន្តថាមុនពេលកើតហេតុកុមារទាំងពីរនាក់បងប្អូនបាននាំគ្នាចុះទៅលេងទឹកខណៈជីតាកំពុងរវល់។ស្រាប់តែរអិលជើងលងង់ស្លាប់ទាំងពីរនាក់តែម្តង។ ក្រោយពីកើតហេតុកម្លាំងជំនាញបានធ្វើកោសល្យវិច័យឃើញថាកុមារទាំងពីរពិតជាស្លាប់ដោយសារលង់ទឹកប្រាកដមែន។ជំនាញបានប្រគល់សពជូនក្រុមគ្រួសារធ្វើបុណ្យតាមប្រពៃណី៕

 

បញ្ជូន​ជនជាតិ​ចិន​៦​នាក់​ទៅ​តុលាការ​ពាក់​រឿង​បង្ខាំង​មនុស្ស​និង​រក្សាទុក​អាវុធ​ខុសច្បាប់​

ព្រះសីហនុៈជនជាតិចិន៦នាក់ត្រូវកម្លាំងកងរាជអាវុធហត្ថខេត្តកសាងសំណុំរឿងបញ្ជូនជនជាតិចិនទាំងនោះព្រមទាំងវត្ថុតាងទៅសាលាដំបូងខេត្ត ព្រះសីហនុកាលពីរសៀលថ្ងៃទី៦ខែធ្នូឆ្នាំ ២០១៨ ។ ដោយពាក់ព័ន្ធករណីចាប់ឃុំឃាំងនិងការបង្ខាំងមនុស្សដោយខុសច្បាប់មានស្ថានទម្ងន់ទោសនិងកាន់កាប់រក្សាទុកអាវុធខុសច្បាប់។សមត្ថកិច្ចបានឃាត់ខ្លួនកាលពីថ្ងៃទី៤ខែធ្នូឆ្នាំ២០១៨នៅចំណុចក្រុម៤២ភូមិ៥សង្កាត់លេខ៤ក្រុងព្រះសីហនុ។ របាយការណ៍ផ្លូវការពីកងរាជអាវុធហត្ថខេត្តព្រះសីហនុឱ្យដឹងថាជនសង្ស័យមានឈ្មោះ១/ឈ្មោះសុង.ពីងអ៊ីនភេទប្រុសអាយុ៣៤ឆ្នាំជនជាតិចិននៅសង្កាត់៤.ក្រុងព្រះសីហនុ។២/ឈ្មោះឡាន.ស៊ាវជីងភេទប្រុសអាយុ២៨ឆ្នាំជនជាតិចិន.មុខរបរគ្មានស្នាក់នៅសណ្ឋាគារ Kai.Zhou ស្ថិតនៅក្រុម៨. ភូមិ១.សង្កាត់៤ ក្រងព្រះសីហនុ។ ៣/ឈ្មោះហ្វាន.ឈីភេទប្រុសអាយុ២៦ឆ្នាំជនជាតិចិន.។៤/ឈ្មោះលី.ស៊ីងម៉ាវភេទប្រុសអាយុ២៨ឆ្នាំជនជាតិចិន.។៥/ឈ្មោះលន់.វីនហ្វូភេទប្រុសអាយុ៤០ឆ្នាំជនជាតិចិន.។៦ឈ្មោះចាន់.តឺឈុនភេទប្រុសអាយុ៣៨ឆ្នាំជនជាតិចិន. មុខរបរទេសចរណ៍ ស្នាក់នៅផ្ទះជួលភូមិ២.សង្កាត់៤. ក្រុងព្រះសីហនុ។ វត្ថុតាងរួមមាន៖១/អាវុធខ្លីម៉ាកK59 ចំនួន០១ដើម. បង់ចំនួន០១. , គ្រាប់ចំនួន០៤គ្រាប់ ។ ២/ខ្នោះដៃចំនួន០១គូ៣/ដំបងដែករលាស់ចំនួន០២។៤/ទូរស័ព្ទដៃចំនួន០៦គ្រឿង៥/លិខិតឆ្លងដែនចំនួន០៩ក្បាល៦/នាឡិកាដៃចំនួន០៣គ្រឿងនឹងឯកសារពាក់ពន្ធ័មួយចំនួនទៀត៕