បណ្តាញសង្គម

នគរបាល​គ្រឿងញៀន​ខេត្តសៀមរាប បញ្ជូន​ខ្លួន​យុវជន​ចំនួន​០៦​នាក់ ទៅ​តុលាការ​

សៀមរាប: យុវជនចំនួន៦នាក់ ត្រូវបានកម្លាំងការិយាល័យប្រឆាំងគ្រឿងញៀន បានចូលរួមសហការជាមួយកម្លាំងអធិការដ្ឋាននគរបាលស្រុកពួក និងស្រុកសូទ្រនិគម បានធ្វើការឃាត់ខ្លួនក្នុងការបង្ក្រាបករណីចាត់ចែងឲ្យប្រើប្រាស់ដោយខុសច្បាប់នូវសារធាតុញៀន ស្ថិតនៅភូមិទឹកថ្លា ឃុំខ្នាតនិងភូមិបន្ទាយស្រី ឃុំដំដែក។ ប្រតិបត្តការបង្ក្រាបករណីចាត់ចែងឲ្យប្រើប្រាស់ ដោយខុសច្បាប់នូវសារធាតុញៀននេះ បានធ្វើឡើងកាលពីវេលាម៉ោង១៤និង៣០នាទី ថ្ងៃទី២៥ ខែមេសា ឆ្នាំ២០១៨កន្លងទៅនេះ ស្ថិតនៅភូមិទឹកថ្លា ឃុំខ្នាត ស្រុកពួក និងភូមិបន្ទាយស្រី ឃុំដំដែក ស្រុកសូទ្រនិគម ខេត្តសៀមរាប។ សមត្ថកិច្ចនគរបាលគ្រឿងញៀនខេត្តសៀមរាប បាននិយាយថា ក្នុងករណីបង្ក្រាបនេះ កម្លាំងសមត្ថកិច្ចយើង បានឃាត់ខ្លួនជនសង្ស័យចំនួន៦នាក់ និងដកហូតបានវត្ថុតាងមួយចំនួន។ សមត្ថកិច្ចបានបន្តថា ជនសង្ស័យទាំង៦នាក់ ដែលត្រូវបានឃាត់ខ្លួនគឺមានទី១.ឈ្មោះ ពេជ្រ សុភ័ក្ត ភេទប្រុស ឆ្នាំកំណើត១៩៩៥ មុខរបរគ្មាន ទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប, ទី២. ឈ្មោះ ឆាយ មករា ហៅក្តិប ភេទប្រុស ឆ្នាំកំណើត ២០០១ មុខរបរគ្មាន ទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប, ទី៣ ឈ្មោះ ឡូ លីន ភេទប្រុស ឆ្នាំកំណើត២០០០ មុខរបរគ្មាន ទីលំនៅភូមិជ្រេស ឃុំព្រៃជ្រូក ស្រុកពួក ខេត្តសៀមរាប, ទី៤ ឈ្មោះ សាំង កុសល្យ ភេទប្រុស ឆ្នាំកំណើត១៩៩៤ មុខរបរគ្មាន ទីលំនៅភូមិទឹកថ្លា ឃុំខ្នាត ស្រុកពួក ខេត្តសៀមរាប, ទី៥ ឈ្មោះ ថោង រក្សា ភេទប្រុស ឆ្នាំកំណើត២០០២ មុខរបរគ្មាន ទីលំនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប, និងទី៦ ឈ្មោះ ឆេង កក្កដា ភេទប្រុស ឆ្នាំកំណើត២០០២ មុខរបរគ្មាន ទីលំនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប។ ជនសង្ស័យទាំង៦នាក់ត្រូវបានសមត្ថកិច្ចនគរបាលគ្រឿងញៀន កសាងសុំណុំរឿងបញ្ជូនទៅសាលាដំបូងខេត្តសៀមរាប ដើម្បីធ្វើការចោទប្រកាន់តាមផ្លូវច្បាប់៕

ផ្ទុះ​គ្រាប់ M69 បណ្តាល​ឲ្យ​ស្លាប់​ក្មេង​ម្នាក់ របួសធ្ងន់​៣​នាក់​នៅ​ស្រុក​សំឡូត​

ខេត្តបាត់ដំបង ៖ ក្មេងប្រុសម្នាក់បានបាត់បង់ជីវិតស្លាប់ និង៣នាក់ទៀតរងរបួសធ្ងន់ បន្ទាប់ពីក្មេងប្រុសទាំងយកគ្រាប់៦៩មីលីម៉ែតមកដំលេងក៏បណ្តាលឲ្យផ្ទុះយ៉ាងកក្រើក ខណៈដែលហេតុការណ៍នេះកើតឡើងនៅល្ងាចថ្ងៃទី២៦ ខែមេសា ឆ្នាំ២០១៨ នៅចំណុចទីតាំងភូមិ អូរជាំ ឃុំកំពង់ល្ពៅ ស្រុកសំឡូត ខេត្តបាត់ដំបង។ បើតាមមន្ត្រីនគរបាលមូលដ្ឋានបានឱ្យដឹងថា ហេតុការណ៍នេះបានកើតឡើងកាលពីវេលាម៉ោង៥ និង១៦នាទី ហើយក្មេងរងគ្រោះទី១ ៖ ឈ្មោះ សំ ប្រុស អាយុ១៣ឆ្នាំ (ស្លាប់នៅកន្លែង) ទី២ឈ្មោះ ភាក់ ស្រីពេជ្រ ភេទស្រី អាយុ៤ឆ្នាំ របួសធ្ងន់ ទី៣៖ ឈ្មោះ ទិត្យ វណ្ណ អាយុ១០ឆ្នាំ របួសធ្ងន់ និងទី៤៖ ឈ្មោះ សំ ថាប់ អាយុ៥ឆ្នាំ របួសធ្ងន់។ ប្រភពបញ្ជាក់ថា ក្មេងរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យបង្អែកភ្លាមៗ ខណៈសមត្ថកិច្ចថា គ្រាប់ដែលផ្ទុះនោះជាប្រភេទគ្រាប់ M69mm៕

ភ្លៀងធ្លាក់និងខ្យល់កន្ត្រាក់ បណ្ដាលឲ្យមានផ្ទះប្រជាពលរដ្ឋរបើកដំបូល និងធ្លាក់ពីលើជើងកំណល់ចំនួន១៤ខ្នង

នៅព្រឹកថ្ងៃព្រហស្បតិ៍ ១២កើត ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៦ ខែមេសា ឆ្នាំ២០១៨ លោកវីរសេនីយ៍ទោមាស ប៊ុនរុន មេបញ្ជាការកងវរសេនាតូច៥១៤ កងពលតូចថ្មើរជើងលេខ៥១ បានដឹកនាំកងកម្លាំងចំនួន៧១នាក់ ចុះជួយប្រជាពលរដ្ឋដែលរងគ្រោះដោយខ្យល់កន្ត្រាក់ចំនួន១៧គ្រួសារ នៅស្រុកថ្មពួក ខេត្តបន្ទាយមានជ័យ។ តាមរបាយការណ៌របស់នគរបាលឃុំភូមិថ្មីបានឲ្យដឹងថានៅថ្ងៃទី២៥ ខែមេសាឆ្នាំ២០១៨វេលាម៉ោង ៩ យប់ មានភ្លៀងធ្លាក់និងខ្យល់កន្ត្រាក់ បណ្ដាលឲ្យមានផ្ទះប្រជាពលរដ្ឋរបើកដំបូល និងធ្លាក់ពីលើជើងកំណល់ចំនួន១៤ខ្នង ដែលស្ថិតនៅក្នុងឃុំភូមិថ្មី ស្រុកថ្មពួក ដោយនៅក្នុងភូមិថ្មីលិចមានចំនួន៣ខ្នងរបើដំបូលខួចខាតគោយន្តមួយគ្រឿងនិងកង់មួយ ដោយឡែកនៅភូមិគោកស្វាយខួចខាត៦ខ្នង របើកដំបូល ភូមិកាប់ចោរចំនួន២ខ្នងរបើកដំបូល ភូមិរលំជ្រៃរបើកដំបូល២ខ្នងនិងភូមិថ្មីកណ្ដាលរបើកដំបូល១ ខ្នងសរុបទាំងអស់មាន១៤ខ្នង របើកស័ង្កសី១៥៧ សសរ១ដើមផ្ទោង២៥ដើម គោយន្ដ១គ្រឿង និងកង់១គ្រឿង។ លោក យ៉ង់ យឺន អភិបាលរងស្រុកថ្មពួកបន្ទាប់ពីបានទទួលព័ត៌មានបានសហការជាមួយកងកម្លាំងប្រដាប់អាវុធទាំង២ប្រភេទជាពិសេសកងពលតូចថ្មើជើងលេខ៥១បានចុះជួយជួសជុលនិងផ្ដល់ជូនសង្ក័សីដែលជាអំណោយរបស់ឯកឧត្ត ហ៊ុន ម៉ាណែត បុត្រសម្ដេចតេជោហ៊ុន សែន និងលោកជំទាវផ្ដល់ជូនដល់គ្រួសារជនរងគ្រោះដើម្បីសម្រួលការលំបាក។ ប្រជាពលរដ្ឋដែលជូបគ្រោះមហន្តរាយខាងលើសូមអំពាវនាវដល់សប្បុរសជននានាជួយឧបត្ថម្ភគាំទ្រដល់ពួកគាត់ទាំងសម្ភារៈនិងថវិការដើម្បីជួយគ្នាក្នុងគ្រាលំបាកនេះផង។សូមបញ្ជាក់ដែលថាសាខាកាកបាតក្រហមកម្ពុជាខេត្តបន្ទាយមានជ័យក្នុងរយះពេលដើមខែឆ្នាំ២០១៨នេះបានបែកអំណោយដល់គ្រួសារជនរងគ្រោះដោយសារគ្រោះថ្នាក់និងគ្រោះធម្មជាតិនានាចំនួន១២លើកស្មើរនឹង២០៨គ្រួសារក្នុងនោះដែរនៅថ្ងៃទី២៥នឹង២៦ខែមេសារ មាន៣២គ្រួសារដែលរងគ្រោះដោយសារខ្យល់កន្ត្រាក់នឹងត្រូវទទួលបានអំណោយឧបត្ថម្ភពីសាខាកាកបាតក្រហមកម្ពុជាខេត្តបន្ទាយមានជ័យ។

ត​ខ្សែភ្លើង​ឆ​ក់ត្រី ប៉ះចំ​ខ្សែភ្លើង​ដាច់​រលាត់ បណ្តាល​ឲ្យ​ឆក់​ស្លាប់​ភ្លាមៗ​

ខេត្តកំពត ៖ អ្នករកស៊ីឆក់ត្រីម្នាក់បានស្លាប់ បន្ទាប់ពីតខ្សែភ្លើងឆក់ត្រី ប៉ះចំខ្សែភ្លើងដាច់រលាត់ បណ្តាលឲ្យឆក់ស្លាប់តែម្តង ។ ហេតុការណ៍នេះបានកើតឡើង កាលពីម៉ោង២និង៣០នាទីរសៀល ថ្ងៃទី២៦ ខែមេសា ឆ្នាំ២០១៨ ចំណុចក្នុងស្ទឹង ខាងជើងផ្ទះជនរងគ្រោះ ប្រហែល ៣០ម៉ែត្រ ស្ថិតក្នុង ភូមិវត្តអង្គ ឃុំព្រៃឃ្មុំ ស្រុកទឹកឈូ ខេត្តកំពត។ ជនរងគ្រោះ មឈ្មោះ យ៉ើ ហ៊ុយសេន អាយុ ២៩ឆ្នាំ រស់នៅ ភូមិ ឃុំ កើតហេតុខាងលើ។ សមត្ថកិច្ចមូលដ្ឋានបានឲ្យដឹងថា មុនកើហេតុ ជនរងគ្រោះ បានតពង្រាយខ្សែភ្លើង ចេញពីផ្ទះឪពុកក្មេក ឈ្មោះ ម៉ាត់ ឌឹម ដើម្បីឆក់ត្រីនៅក្នុងទឹកស្ទឹងកន្លែងកើតហេតុ តែជនរងគ្រោះតខ្សែភ្លើងភ្លាត់ស្នៀត ប៉ះចំខ្សែភ្លើងដាច់រលាត់ បណ្តាលអោយឆក់ស្លាប់ភ្លាមៗ នៅកន្លែងកើតហេតុតែម្តង៕

ខ្យល់ក​ន្ទ្រា​ក់​ប៉ើង​របើក​ដំបូលផ្ទះ ទៅកាន់​ស័ង្កសី​ប្រក់​ឡើងវិញ​ត្រូវ​រន្ទះបាញ់​ទាំង​ឪពុក និង​កូន

ខេត្តស្ទឹងត្រែង ៖ មានករណីរន្ទះបាញ់ឳពុក និងកូនបណ្តាលឱ្យរងរបួសធ្ងន់បានបញ្ជូនទៅសង្គ្រោះទាន់ពេលនៅមន្ទីរពេទ្យបង្អែកខេត្តស្ទឹងត្រែង ខណៈដែលហេតុការណ៍កើតឡើងកាលពីវេលាម៉ោងប្រហែល៤និង៣២នាទី នៅចំណុចផ្លូវបំបែកអូរស្វាយ ក្រោយសាលារៀនរិទ្ធីសសែនជ័យ២ភូមិគីឡូ៨ សង្កាត់សាមគ្គី ក្រុងស្ទឹងត្រែង ផ្ទះរបស់ជនរងគ្រោះ។ បើប្រភពតាមព័ត៌មានពី ស្មៀនសង្កាត់សាមគ្គី ក្រុងស្ទឹងត្រែងឱ្យដឹងថា នាយប់ថ្ងៃទី២៥ ខែមេសា ឆ្នាំ២០១៨ថា៖ជនរងគ្រោះជាឳពុកឈ្មោះ វ៉ាន់ថា អាយុ៤៧ឆ្នាំ ជាកសិករ កូនឈ្មោះ ថា គីស អាយុ១៤ឆ្នាំ ជាសិស្ស រស់នៅភូមិភូមិគីឡូ៨ សង្កាត់សាមគ្គី ក្រុងស្ទឹងត្រែង ។ មូលហេតុដែលបណ្តាលឱ្យរន្ទះបាញ់ជនរងគ្រោះទាំង២ គឺដោយសារ កំពុងមានខ្យល់កន្ត្រាក់ខ្លាំង ធ្វើឱ្យរបើកដំបូលផ្ទះ ហើយឳពុក និងកូនក៏កាន់ស័ង្កសីដើម្បីប្រក់ផ្ទះឡើងវិញ ស្រាប់តែរន្ទះបាញ់តែម្តង។ ហើយបច្ចប្បន្នជនរងគ្រោះទាំង២ បានកំពុងសំរាប់ព្យាបាលនៅមន្ទីរពេទ្យបង្អែកខេត្ត៕

 

យុវជន​ដែល​លួច​ឡើងទៅ​រំលោភ​កូនស្រី​គេ​លើផ្ទះ​ត្រូវ​តុលាការ​ឃុំខ្លួន

ខេត្តកណ្ដាល ៖ មន្ត្រីតុលាការថ្លែងថា យុវជនម្នាក់ដែលលបលួចឡើងលើផ្ទះគេ ទៅចាប់រំលោភកូនស្រីគេត្រូវបានលោក គឹម រ័ត្នណារិន អនុប្រធានសាលាដំបូងខេត្តកណ្ដាល និងជាចៅក្រមស៊ើបសួរ នៅល្ងាចថ្ងៃទី២៥ ខែមេសា ឆ្នាំ២០១៨ សម្រេចចេញដីកាឃុំខ្លួនដាក់ពន្ធនាគារបណ្តោះអាសន្ន ក្រោមការចោទប្រកាន់ពីបទ «ប៉ុនប៉ងរំលោភសេពសន្ថវៈ» តាមមាត្រា២៧ និងមាត្រា២៣៩ នៃក្រមព្រហ្មទណ្ឌ។ ហេតុការណ៍នេះបានកើតឡើងនាយប់រំលងអធ្រាត្រ ថ្ងៃទី២៥ ខែមេសា ឆ្នាំ២០១៨ នៅចំណុចផ្ទះ ជនរងគ្រោះភូមិព្រែករុន ឃុំព្រែកគយ ស្រុកស្អាង តែមិនបានសម្រេចដោយសារនាងរើបម្រាស់ និងខាំដៃជនសង្ស័យ ស្រែកឱ្យឪពុកម្តាយជួយ រួចប្តឹងនគរបាលឃាត់ខ្លួនចាត់ការទៅតាមផ្លូវច្បាប់។ នារីរងគ្រោះ ឈ្មោះ ហ ហ ស អាយុ១៩ឆ្នាំ មានមុខរបរកម្មករ រស់នៅក្នុងបន្ទុកឪពុកម្តាយ ផ្ទះកើតហេតុ។ ចំណែកជនសង្ស័យឈ្មោះ ធួន សារ៉ាយ ហៅម៉ៅប្រុស អាយុ៣០ឆ្នាំ មុខរបរជាងសំណង់ ស្នាក់នៅក្នុងភូមិឃុំ កើតហេតុនិងមានទីលំនៅ ភូមិព្រែកប៉ុល ឃុំបន្ទាយដែក ស្រុកកៀនស្វាយ៕

សមត្ថកិច្ច​បុរស​ម្នាក់​ទៅ​តុលាការ​ពាក់ព័ន្ធ​ករណី​រំលោភ​ក្មេងស្រី​អនីតិជន​

ខេត្តកណ្តាល ៖ បុរសជាជនសង្ស័យម្នាក់ត្រូវបានប៉ូលិសព្រហ្មទណ្ឌស្រុកកៀនស្វាយបញ្ជូន ទៅតុលាការខេត្តនៅរសៀលថ្ងៃទី២៥ មេសាម្សិលមិញនេះពីបទរួមភេទជាមួយអនីតិជនក្រោម១៥ឆ្នាំដែលបានប្រព្រឹត្តឡើងកាលពីយប់ថ្ងៃទី២២ មេសា វេលាម៉ោង៨យប់ នៅភូមិស្តៅកន្លែង៥ ឃុំដីឥដ្ឋ ស្រុកកៀនស្វាយ។ នារីរងគ្រោះខាងលើអាយុ១៣ឆ្នាំ មានទីលំនៅក្នុងខេត្តកណ្តាល។ ចំណែកជនសង្ស័យឈ្មោះ ស៊ុយ រតនា ភេទប្រុស អាយុ២០ឆ្នាំ មុខរបរកម្មករ មានទីលំនៅភូមិស្រែអំពិល ឃុំឈើទាល ស្រុកកៀនស្វាយ។ តាមរបាយការណ៍សមត្ថកិច្ចបានឲ្យដឹងថានៅថ្ងៃកើតហេតុ ជនសង្ស័យបានទូរស័ព្ទបបួលនារីរងគ្រោះជាសង្សារមកលេងផ្ទះមិត្តភក្តិរបស់គេម្នាក់ឈ្មោះ អុន ភេទ នៅភូមិស្តៅកន្លែង៥ ឃុំដីឥដ្ឋ ស្រុកកៀនស្វាយ ហើយនារីរងគ្រោះក៏យល់ព្រម។ ភ្លាមនោះជនសង្ស័យក៏ជិះម៉ូតូទៅដឹកនាងមកផ្ទះមិត្តហើយនិយាយគ្នាលេង មួយសន្ទុះក្រោយមកនារីរងគ្រោះក៏ឲ្យជនសង្ស័យជូនទៅផ្ទះវិញ តែជនសង្ស័យប្រាប់ថា «យប់ហើយនៅដេកទីនេះជាមួយខ្លួនមួយយប់ទៅ» បន្ទាប់មកនារីរងគ្រោះនឹងជនសង្ស័យក៏នាំគ្នាទៅដេកនៅលើគ្រែមួយក្រោមផ្ទះរបស់មិត្ត។ ឆ្លៀតពេលនោះជនសង្ស័យក៏ធ្វើសកម្មភាពចាប់ឱបថើប និងរួមភេទជាមួយនារីរងគ្រោះសម្រេចម្តង រួចក៏នាំគ្នាដេក លុះដល់យប់ជ្រៅជនសង្ស័យបម្រុងម្តងទៀត តែនារីរងគ្រោះមិនព្រមក៏នាំគ្នាដេកទៅ រហូតដល់ម៉ោង៤ទៀបភ្លឺឈានចូលថ្ងៃទី២៣ មេសា ជនសង្ស័យក៏ជូននារីរងគ្រោះត្រឡប់ទៅផ្ទះវិញ។ លុះដល់ថ្ងៃទី២៤ មេសា វេលាម៉ោង២រសៀល ទើបម្តាយនារីរងគ្រោះមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលដីឥដ្ឋឲ្យសមត្ថកិច្ចចាប់ខ្លួនតែម្តង៕

​ថៅកែ​ខារ៉ាអូខេ​ម្នាក់​ប្រើ​អំពើ​ហឹ​ង្សា​លើ​នារី​២​នាក់​បង្ខំ​ឱ្យ​រួមភេទ​ជាមួយ​ភ្ញៀវ​បង្ក​ការភ្ញាក់ផ្អើល​

ភ្នំពេញៈហេតុការណ៍ភ្ញាក់ផ្អើលមួយបានកើតឡើង បន្ទាប់ពីបុរសជនជាតិចិនម្នាក់និងជាថៅកែហាងខារ៉ាអូខេយីហោ”QI HAOGONGGOAN”បានបង្ខំឱ្យនារី២នាក់ជាអ្នកបំរើភ្ញៀវឱ្យទៅក្រៅជាមួយ(ទៅដេក)ជាមួយមិត្តភក្តិខ្លួន។ពេលនោះនាងមិនព្រមថៅកែបានប្រើហឹង្សាដោយបានធាក់និងទះកំភ្លៀងនារី២នាក់បណ្ដាលឱ្យរងរបួស។ ទើបភ្ញាក់ផ្អើលដល់សមត្ថកិច្ច រួមទាំងប្រជាពលរដ្ឋកាលពីវេលាម៉ោង៨យប់ ថ្ងៃទី២៣ ខែមេសា ឆ្នាំ២០១៨ នៅចំណុចមុខ KTV QI HAO GONG GOAN ជាប់ផ្សារបឹងត្របែកផ្លាហ្សា ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។ តាមការបភ្លឺពីនារីរងគ្រោះបានឱ្យដឹងថានាងមិនមែនជាបុកគ្គលិកនៅហាងខារ៉ាអូខេខាងលើនោះទេដោយសារតែមានមិត្តភក្តិនាងជាបុគ្គលិកនៅទីនោះនាងក៏មកលេងហើយពេលខ្លះថៅកែហាងក៏ហៅមកទទួលភ្ញៀវម្តងម្កាលពេលចប់ភ្ញៀវក៏ទៅវិញ។សាក្សីបន្តថា នៅមុនពេលកើតហេតុ មានមិត្តភក្តិម្នាក់ដែលជាបុគ្គលិក(នារីកំដរភ្ញៀវ)បានខលហៅនាងមកជួយកំដរភ្ញៀវ ដែលជាមិត្តភក្តិថៅកែពេលនោះនាងក៏បានមកមានគ្នាចំនួន៣នាក់ខណៈមកដល់ក្នុងបន្ទប់ពួកនាងក៏ដើរចេញមកក្រៅវិញព្រោះភ្ញៀវទាំងនោះតែងតែបង្ខំនារីៗដែលជាដៃគូរទៅដេកជាមួយ។បន្ទាប់មកស្រាប់តែថៅកែមកសួរនាំហើយបានធាក់នាងពីក្រោយបណ្តាលឱ្យដួលហើយចាប់ទះកំភ្លៀងចំនួន២ដៃទើបបង្កការភ្ញាក់ផ្អើលតែម្តង។ សាក្សីបានបន្តទៀតថា ក្រោយពីកើតហេតុភ្លាមៗថៅកែហាងខារ៉ាអូខេខាងលើបានសងថ្លៃជំងឺចិត្តចំនួន៥០០ដុល្លារ។ តែនារីរងគ្រោះមិនព្រម ទើបនាងទំនាក់ទំនងទៅសមត្ថកិច្ចមូលដ្ឋានចុះមកជួយអន្តរាគមន៍ ហៅជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលបឹងត្របែក ដើម្បីហៅជនបង្កទៅដោះស្រាយតាមច្បាប់។ គួបញ្ជាក់ថាទីតាំងខាងលើតែងតែមានអំពើហឹង្សាដាក់នារីៗខ្មែរជាអ្នកកំដរភ្ញៀវជាញឹកញាប់តែមិនដែលមានអាជ្ញាធរមានសមត្ថកិច្ចមានវិធានការយ៉ាងណានោះទេ ។ឬក៏ទីតាំងខាងលើមានខ្សែជាអ្នកធំទើបសមត្ថកិច្ចមិនហ៊ានបែបនេះ ហើយសូម្បីតែស្លាកយីហោខាងមុខ ក៏គ្មានដាក់អក្សរខ្មែរដែរ ធ្វើដូចជានៅស្រុកក្រៅអញ្ចឹង ៕

កូន​តិរច្ឆានចាក់​​ម្តាយបង្កើត​ខ្លួនឯងស្លាប់​យ៉ាង​អាណោចអាធ័មក្នុងថ្លុកឈាម​

ខេត្តកំពត ៖ នៅយប់ថ្ងៃទី២២ ខែ មេសា ឆ្នាំ ២០១៨ វេលាម៉ោង ៧ និង៣០នាទីយប់មានករណី ឃាតកម្ម (កូនសម្លាប់ម្តាយបង្កើត) ហេតុការណ៍នេះកើតឡើងនៅក្នុងភូមិដំណាក់កន្ទួត ឃុំដំណាក់កន្ទួតខាត្បូង ស្រុកកំពង់ត្រាច ខេត្តកំពត។ ជនរងគ្រោះឈ្មោះ រៀម ហែ ភេទស្រី អាយុ៥០ឆ្នាំ ជនជាតិខ្មែរ មានស្រុកកំណើត នៅភូមឃុំ កើតហេតុខាងលើ។ តាមការសាកសួរបំភ្លឺពីប្តីជនរងគ្រោះបានឲ្យដឹងថា ជនរងគ្រោះបានស្លាប់តាំងពីវេលាម៉ោងប្រមាណ៧ និង៣០នាទី យប់ថ្ងៃទី២២ ខែមេសា ឆ្នាំ២០១៨ ពេលដែលរូបត្រឡប់មកពីផ្ទះម្តាយវិញ នៅវេលា ម៉ោង១០ និង៣០នាទី ហើយឃើញឈាមនៅក្រោមផ្ទះចាក់សោផ្ទះទៀត ពេលនោះគាត់ក៏គាស់ ជញ្ជាំងផ្ទះមើលទៅឃើញប្រពន្ធគាត់ដេកស្លាប់ទៅហើយ។ សមត្ថកិច្ចមូលដ្ឋានបានឲ្យដឹងថា គាត់បានទទួលព័ត៌មាននៅវេលាម៉ោង១១យប់ពីប្រជាពលរដ្ឋ ហើយក៍ចុះមកដល់កន្លែងហេតុ ឃើញជនរងគ្រោះដេកស្លាប់នៅលើផ្ទះតែម្តង។ សមត្តកិច្ចបានបន្តទៀតថា ជនល្មើសដែលស្លាប់ម្តាយនោះជាកូនប្រុសបង្កើតមានឈ្មោះ ណុំ សុរឿន ភេទប្រុស អាយុជាង២០ឆ្នាំ អីឡូវនេះ កំពុងរត់គេចខ្លួន ទោះជាយ៉ាងណាក៏ដោយ សមត្ថកិច្ចយើងនឹងតាមចាប់ខ្លួនជនល្មើសនេះ មកផ្តន្ទាទោសតាមផ្លូវច្បាប់៕

ចាក់​សម្លាប់​ប្រពន្ធ ហើយ​ប្រឹង​រត់​បាន​ប្រហែល​២​គីឡូម៉ែត្រ ខ្យល់គរ​ស្លាប់

ខេត្តកំពង់ចាម ៖ ស្ត្រីម្នាក់បានស្លាប់នៅក្នុងថ្លុកឈាមគួរឱ្យរន្ធត់បន្ទាប់ពីជនសង្ស័យជាប្តីបានយកកូនកាំបិតចុងចាក់ចំបំពង់ក ខណៈដែលប្តីដែលចាក់ប្រពន្ធស្លាប់ ហើយភ័យប្រឹងរត់គេចពីកន្លែងកើតហេតុបានប្រហែល២គីឡូម៉ែត្រក៏កើតខ្យល់គរស្លាប់ផងដែរ។ ករណីឃាតកម្មខាងលើបានកើតឡើងនៅថ្ងៃទី២៣ ខែមេសា ឆ្នាំ២០១៨ ចន្លោះម៉ោងប្រហែល២ទៅ៣យប់ នៅភូមិអំពិល ឃុំព្រែកដំបូក ស្រុកស្រីសន្ធរ ខេត្តកំពង់ចាម។ សាកសពទី១-ឈ្មោះ ឡាច ធា ភេទប្រុស អាយុ៣៨ឆ្នាំ ជនជាតិខ្មែរ ជាប្តី មានទីលំនៅភូមិអំពិល ឃុំព្រែកដំបូក ស្រុកស្រីសន្ធរ ខេត្តកំពង់ចាម តាមការពិនិត្យពុំមានស្នាក់ស្នាមអ្វីទេ ការវាយតម្លៃរបស់ គណៈកម្មាធិការ និងពេទ្យជំនាញបានសន្និដ្ឋានថា ស្លាប់ដោយសារខ្យល់គរ។ ចំណែកសាកសពទី២-ឈ្មោះ ស ស្រីនាង ភេទស្រី អាយុ៣៨ឆ្នាំ ជនជាតិខ្មែរ ជាប្រពន្ធ មានទីលំនៅភូមិ អំពិល ឃុំព្រែកដំបូក ស្រុកស្រីសន្ធរ ខេត្តកំពង់ចាម តាមការសន្និដ្ឋានរបស់ជំនាញពេទ្យបញ្ជាក់ថា ស្លាប់ដោយសារប្តីជាអ្នកចាក់សម្លាប់ រួចប្តីរត់គេចខ្លួនបានចម្ងាយប្រហែល២គីឡូម៉ែត្រ ក៏ដួលដាច់ខ្យល់ស្លាប់ខ្លួនឯងតែម្តង។ តាមការពិនិត្យកន្លែងកើតហេតុបន្សល់ទុកនូវកូនកាំបិតចុងស្រួចមួយ។ តាមការបំភ្លឺពីបងស្រី រួមនឹងអ្នកជិតខាងក្បែរកន្លែងកើតហេតុបានឱ្យដឹងថា ឈ្មោះ ឡាច ធា ផឹកស្រាច្រើនរាល់ថ្ងៃ (ស្រវឹងខួប) អត់ហូបបាយប្រហែល៣ថ្ងៃហើយ មានជំងឺប្រព័ន្ធប្រសាទលេបថ្នាំសរសៃប្រសាទ, ជំពាក់ប្រាក់គេច្រើន, ហើយចេះតែឈ្លោះប្រចណ្ឌប្រពន្ធសឹងរាល់ថ្ងៃ។ ឆ្លងតាមការស្រាវជ្រាវស៊ើបអង្កេតជំនាញបានធ្វើការវាយតម្លៃសន្និដ្ឋានបានថា ឈ្មោះ ឡាយ ធា ភេទប្រុស អាយុ៣៨ឆ្នាំ ជនជាតិខ្មែរ ជាប្តី មានទីលំនៅភូមិអំពិល ឃុំព្រែកដំបូក ស្រុកស្រីសន្ធរ ខេត្តកំពង់ចាម ពិតជាបានប្រើប្រាស់កាំបិតចុងស្រួចចាក់ទៅលើប្រពន្ធឈ្មោះ ស ស្រីនាង អាយុ៣៨ឆ្នាំ ជនជាតិខ្មែរ ត្រូវចំបពង់កបណ្តាលឱ្យស្លាប់នៅហ្នឹងកន្លែង ក្រោយពីសម្លាប់ហើយបាន រត់គេចខ្លួនចេញពីកន្លែងកើតហេតុបានចម្ងាយប្រហែល២គីឡូម៉ែត្រក៏ដួលដាច់ខ្យល់គរស្លាប់ខ្លួនឯងតែម្តង៕

បុរស​ម្នាក់​ត្រូវ​ខ្សែភ្លើង​ដែល​រាយ​តាមផ្លូវ​ឆក់​ស្លាប់​នៅ​ស្រុក​កំពង់ត្របែក​

ខេត្តព្រៃវែង ៖ បុរសម្នាក់បានដើរចេញពីផ្ទះ ហើយត្រូវខ្សែភ្លើងរាយតាមផ្លូវចូលផ្ទះប្រជាពលរដ្ឋដែលធ្លាក់មកលើដីឆក់ស្លាប់នៅចំណុចខាងជើងផ្ទះរបស់ខ្លួនចម្ងាយ៣៥ម៉ែត្រ (ដោយម្រាមដៃខាងស្តាំកាន់ខ្សែភ្លើងជាប់)។ ករណីនេះកើតឡើងនៅថ្ងៃទី២៣ ខែមេសា ឆ្នាំ២០១៨ វេលាម៉ោង៦ និង៣០នាទី។ សពជនរងគ្រោះឈ្មោះ យឹម ផល្លា (ហៅម៉ៅ) អាយុ៥៩ឆ្នាំ រស់នៅភូមិអង្កាញ់ ឃុំប្រធាត ស្រុកកំពង់ត្របែក ក្រោយពីសមត្ថកិច្ចជំនាញស្រុកចុះពិនិត្យលើខ្លួនសាកសពមិនមានស្នាកស្នាមអ្វីសោះ មានតែស្នាមខ្លោចគល់ម្រាមដៃស្តាំបីម្រាម។ សមត្ថកិច្ចជំនាញសន្និដ្ឋានថា ពិតជាស្លាប់ដោយសារឆក់ខ្សែភ្លើងប្រាកដមែន។ សាកសពសមត្ថកិច្ចបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

ឃាត់ខ្លួន​ជនជាតិ​ចិន​១២១​នាក់ ពាក់ព័ន្ធ​ករណី​ជំរិត​ទារប្រាក់​តាម​អ៊ី​ន​ធើ​ណិ​ត​

រាជធានីភ្នំពេញ ៖ ជនជាតិចិនជាង១០០នាក់ពាក់ព័ន្ធករណីជំរិតទារប្រាក់តាមប្រព័ន្ធអ៊ីនធើណិត(VOIP) ត្រូវបានកម្លាំងនគរបាលអន្តោប្រវេសន៍បង្ក្រាប ខណៈដែលប្រតិបត្តិការបង្ក្រាបបទល្មើសតាមប្រព័ន្ធអ៊ីធើណិតខាងលើបានធ្វើឡើងនៅព្រឹកម្សិលមិញនៅក្នុងខណ្ឌទួលគោកនិងខណ្ឌសែនសុខ។ នាយការិយាល័យស៊ើបអង្កេតនិងអនុវត្តនីតិវិធីនៃស្នងការដ្ឋាននគរបាលរាជធានីភ្នំពេញ លោកវរសេនីយ៍ឯក ជា ចិត្រា បានឱ្យដឹងថា ដោយបានទទួលបទបញ្ជារបស់ឯកឧត្តម នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញនិងស្នងការរងទទួលផែនបានចាត់កម្លាំងការិយាល័យស៊ើបអង្កេតនិងអនុវត្តនីតិវិធី បានចុះសហការជាមួយកម្លាំងនាយកដ្ឋានស៊ើបអង្កេតនិងអនុវត្តនីតិវិធី កម្លាំងមូលដ្ឋានខណ្ឌទួលគោកនិងខណ្ឌសែនសុខ ក្រោមការសម្របសម្រួលផ្លូវច្បាប់ដោយលោ សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញចុះបង្ក្រាបបទល្មើសជនបរទេស(ជនជាតិចិន) ដែលកំពុងប្រព្រឹត្តបទល្មើសតាមប្រព័ន្ធអ៊ីនធើណិត(VOIP)ចំនួន០២ទីតាំង។ លោកការិយាល័យបានបន្តថា គោលដៅទី១៖ផ្ទះលេខ៣៨ផ្លូវ លេខ៦០៦ក្រុម៤២ ភូមិ៩ សង្កាត់បឹងកក់ទី២ ខណ្ឌទួលគោក ជាលទ្ធផលពិនិត្យឃើញ(ជនជាតិចិន) សរុបៈ៧១នាក់ (ស្រី០៤នាក់) គ្មានលិខិតឆ្លងដែន បានឃាត់និងបញ្ជូនទៅអគ្គនាយកដ្ធានអន្តោប្រវេសន៍។ គោលដៅទី២៖ផ្ទះគ្មានលេខ ផ្លូវលេខ១៩៧២ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ជាលទ្ធផល ពិនិត្យឃើញ(ជនជាតិចិន)សរុបៈ១១៦នាក់ (ស្រី១៥នាក់) មានលិខិតឆ្លងដែនចំនួនៈ៦៦នាក់ និងគ្មានលិខិតឆ្លងដែនចំនួនៈ៥០នាក់ (ស្រី១៥នាក់) បានឃាត់និងបញ្ជូនទៅអគ្គនាយកដ្ធានអន្តោប្រវេសន៍។ក្រោយប្រតិបត្តិការអស់ជាច្រើនម៉ោងកម្លាំងជំនាញបានបញ្ជូនជនជាតិទៅអគ្គនាយកដ្ឋានអន្តោប្រវេសន៍ទាំង០២គោលដៅ សរុបៈ១២១នាក់(ស្រី១៩នាក់) ដើម្បីចាត់ការតាមនិតិវិធីបន្ត៕

ទាហាន​ថៃ​បិទ​ច្រក​មិន​ឲ្យ​រថយន្ត​តាក់ស៊ី​ខ្មែរ​ចូលទៅ​ប្រទេស​ថៃ​ដឹក​ភ្ញៀវ

ខេត្តឧត្តរមានជ័យ ៖ ភាគីថៃបានបិទមិនឱ្យរថយន្តតាក់ស៊ីខ្មែរ ដែលធ្លាប់ដឹកភ្ញៀវ មិនឱ្យចូលទៅប្រទេសថៃ តាមទ្វារព្រំដែនអន្តរជាតិអូរស្មាច់-ឆងចម ដោយមូលហេតុ ភាគីថៃ បានចោទប្រកាន់ថា រថយន្តតាក់ស៊ីដឹកភ្ញៀវ ទាំងនោះ បានលួចដឹកមនុស្សឆ្លងដែនខុសច្បាប់ បន្លំ ជាមួយអ្នកជំងឺ ទៅព្យាបាលជំងឺនៅប្រទេសថៃ នឹងបន្លំលួចដឹកឈើ គ្រញូងពីប្រទេសថៃ ចូលមកកម្ពុជា។ ករណីនេះកើតឡើងនៅថ្ងៃទី២២ ខែមេសា ឆ្នាំ២០១៨ នៅវេលាម៉ោង០៧ និង៣០នាទី។ ជាមួយគ្នានោះនៅវេលាម៉ោង០៩ និង២០នាទី ថ្ងៃខែឆ្នាំដដែលក្រុមអ្នករត់តាក់ស៊ីខ្មែរ បានមកប្រមូលផ្តុំគ្នា នៅមុខច្រកទ្វារព្រំដែនអន្តរជាតិអូរស្មាច់ ដើម្បីទប់ស្កាត់មិនឱ្យរថយន្តថៃ ឆ្លងដែនចូលមកកម្ពុជាដូចគ្នាដែលភាគីថៃបានបិទ។ បន្ទាប់មកអាជ្ញាធរមូលដ្ឋាន(សង្កាត់) បានជួយអន្តរាគមន៍ឲ្យរថយន្តថៃចរាចរធម្មតាឡើងវិញ និងបានឱ្យអ្នករត់តាក់ស៊ីមកជួបជុំគ្នានៅសាលាសង្កាត់អូរស្មាច់ ដើម្បីដោះស្រាយតាមសន្តិវិធី៕

 

អាណោចអាធ័ម​! ក្មេងស្រី​អាយុ​១​ខួប​កន្លះ​ម្នាក់​ត្រូវ​រថយន្ត​កិន​ស្លាប់

រាជធានីភ្នំពេញ ៖ ក្មេងស្រីម្នាក់មានវ័យទើបតែ១ខួប៦ខែស្លាប់ភ្លាមៗ នៅនឹងកន្លែង ខណះពេលរត់តាមបងប្រុសអាយុ៥ឆ្នាំ ទិញម្រេចឲ្យម្តាយធ្វើម្ហូបត្រូវរថយន្ដកាមេរីឆ្លាម១គ្រឿង បើកថយក្រោយកិនបណ្ដាលឲ្យធ្លាយខួរចេញមកខាងក្រៅ។ ហេតុការណ៍ដ៏គួរឲ្យនេះកើតឡើងនៅម៉ោង១១ និង៣០នាទីថ្ងៃទី១៩ ខែមេសា ឆ្នាំ២០១៨នេះ ស្ថិតនៅតាមបណ្តោយផ្លូវបេតុង ត្រង់ចំណុចមុខផ្ទះគ្មានលេខ ក្នុងភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។ ក្មេងស្រីរងគ្រោះ ត្រូវបានគេស្គាល់ថា មានឈ្មោះ ពុទ្ធ លក្ខណា អាយុ១ខួប៦ខែ មានឪពុកឈ្មោះ ពុទ្ធ ប៊ុនថន អាយុ២៨ឆ្នាំ មុខរបរបើកឡាន និងម្តាយឈ្មោះ គង់ ស៊ីចាន់ អាយុ២៦ឆ្នាំ មានមុខរបរនៅផ្ទះ ស្នាក់នៅក្បែរទីតាំងកើតហេតុ។ ឯរថយន្តបង្កម៉ាកកាមរីឆ្លាម ពណ៌ស្ករ ពាក់ផ្លាកលេខភ្នំពេញ 2Q-4513 អ្នកបើកបរមានឈ្មោះ សាន់ នី ភេទប្រុស អាយុ៣៣ឆ្នាំ មានមុខរបរលក់ដូរ មានទីលំនៅ ភូមិកណ្តាលទួល ឃុំកំពង់ត្រាចលិច ស្រុកកំពង់ត្រាច ខេត្តកំពត បច្ចុប្បន្នស្នាក់នៅក្បែរភូមិ-សង្កាត់កើតហេតុ។ ប្រភពពីកន្លែងកើតហេតុ បានឲ្យដឹងថា មុនក្មេងស្រីស្លាប់បាត់បង់ជីវិត គេបានឃើញរថយន្តខាងលើ បើកតាមផ្លូវបេតុង ក្នុងទិសដៅពីលិចទៅកើត ខណៈមកដល់ចំណុចកើតហេតុ ដែលមានរោងការនៅបាំងបើកទៅមុខមិនរួច ក៏បានបើករថយន្តថយក្រោយ ដោយខ្វះការប្រុងប្រយ័ត្នបណ្ដាលឲ្យកិនកុមារីរងគ្រោះតែម្ដង។ ចំណែកឯសពក្មេងស្រីរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ រីឯអ្នកបើកបរ ជាមួយនិងរថយន្ដត្រូវបានអ្នកជិត ខាងឃាត់ខ្លួនប្រគល់ឲ្យសមត្ថកិច្ចមូលដ្ឋាន រងចាំបញ្ជូនទៅកាន់ការិយាល័យចរារណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយគ្នា ទៅតាមច្បាប់នៅពេលក្រោយ៕

ស្លាប់​២​នាក់​របួសធ្ងន់​ម្នាក់​ករណី​រថយន្ត​ដឹក​ជ្រូក​បើក​បុក​រះ​ម៉ូតូ​៥​គ្រឿង​

រាជធានីភ្នំពេញ ៖ មនុស្ស២នាក់ស្លាប់ និងម្នាក់ទៀតរងរបួសធ្ងន់នៅក្នុងករណីរថយន្តហ៊ីយ៉ាន់ដាយ ដឹកជ្រូកបើកបុករះម៉ូតូ៥គ្រឿង និងរថយន្តមួយគ្រឿង ហើយមិនទាន់អស់ល្បឿន បុកចូលផ្ទះប្រជាពលរដ្ឋថែមទៀត ។ ហេតុការណ៍នេះបានកើតឡើងកាលពីវេលាម៉ោង ៨និង២៥នាទី ថ្ងៃទី១៩ ខែមេសា ឆ្នាំ២០១៨ លើកំណាត់ផ្លូវជាតិលេខ៥ ត្រង់ចំណុច ភូមិពន្លៃ ឃុំពន្លៃ ស្រុកបរិបូណ៍ ខេត្តកំពង់ឆ្នាំង ។ សមត្ថកិច្ចបញ្ជាក់ថា រថយន្តបង្កម៉ាកហ៊ីយ៉ាន់ដាយ ពាក់ស្លាកលេខតាកែវ 3A-0844 បានជ្រុលចង្កូតទៅបុករះម៉ូតូគ្រឿងចំនួន ៥គ្រឿងរថយន្ត ១គ្រឿង ម៉ាងហាយឡែនឌ័រពណ៌ទឹកប្រាក់ និងបង្កការខូចខាតទ្រព្យសម្បត្តិ របស់ប្រជាពលរដ្ឋ អស់ជាច្រើនទៀត ។ ករណីនេះបណ្តាលឲ្យក្មេងប្រុសម្នាក់ អាយុប្រហែល៦ឆ្នាំ និង បុរសជាឪពុកបានស្លាប់ ពេលបញ្ជូនទៅសង្គ្រោះ នៅមន្ទីរពេទ្យបង្អែកស្រុកបរិបូណ៍ និងបុរសម្នាក់រងរបួសធ្ងន់បាក់ភ្លៅ ៕

ឃាត់ខ្លួន​ស្ត្រី​ម្នាក់​ពាក់ព័ន្ធ​ករណី​ឃាតកម្ម​(​ជះ​ទឹក​អាស៊ី​) នៅ​ស្រុក​ព្រៃឈរ​

ខេត្តកំពង់ចាម ៖ ស្ត្រីម្នាក់ត្រូវបានកម្លាំងនគរបាលឃាត់ខ្លួនពាក់ព័ន្ធករណីឃាតកម្ម(ជះទឹកអាស៊ីត)កាលពីថ្ងៃ១៧ ខែមេសា ឆ្នាំ២០១៨ នៅចំណុចភូមិអូជ្រូក ឃុំក្រូច ស្រុកព្រៃឈរ ខេត្តកំពង់ចាម។ ឧត្តមសេនីយ៍ត្រី ហេង វុទ្ធី ស្នងការរងផែនព្រហ្មទណ្ឌបានឱ្យដឹងថាក្នុងប្រតិបត្តិការស្រាវជ្រាវតាមចាប់ខ្លួនជនសង្ស័យខាងលើលោកបានដឹកនាំកម្លាំងជំនាញព្រហ្មទណ្ឌស្រុកព្រៃឈរ សហការជាមួយលោកវរសេនីយ៍ទោ ឆាន់ គឹមលី ជំនាញនាយកដ្ឋានព្រហ្មទណ្ឌ បានឃាត់ខ្លួនជនសង្ស័យនៅថ្ងៃទី១៩ ខែមេសា ឆ្នាំ២០១៨ ម៉ោង១៦និង១៥នាទី លើកំណាត់ផ្លូវជាតិលេខ៧ ស្ថិតនៅភូមិត្រពាំងធំ ឃុំស្រង៉ែ ស្រុកព្រៃឈរ ខេត្តកំពង់ចាម។ លោកស្នងការរងផែនព្រហ្មទណ្ឌបានបន្តថាជនសង្ស័យឈ្មោះ ពិន ជា ភេទស្រី អាយុ៤៤ឆ្នាំ នៅភូមិអូរជ្រក ឃុំក្រូច ស្រុកព្រៃឈរ ខេត្តកំពង់ចាម។ បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្ននៅស្នងការដ្ឋាននគរបាលខេត្តកំពង់ចាមដើម្បីចងក្រងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕

ថ្លើមធំ​ណាស់​ជនជាតិ​វៀតណាម​មក​ទិញ​គោក្របី​ខ្មែរ​ឲ្យ​សុទ្ធតែ​ដុល្លារ​ក្លែងក្លាយ​

ខេត្តស្វាយរៀង ៖ បុរសជនជាតិវៀតណាម្នាក់ត្រូវសមត្ថកិច្ចនគរបាលប៉ុស្តិ៍រដ្ឋបាលច្រកម្ទេសឃាត់តាមពាក្យបណ្តឹងរបស់ប្រជាពលរដ្ឋដែលបានចាញ់បោកលក់ក្របីឲ្យទៅជនល្មើសខាងលើ ហើយបានតែលុយក្លែងក្លាយ។ ករណីឃាត់ខ្លួននេះកាលពីវេលាម៉ោង៩ និង២៥នាទីថ្ងៃទី១៩ ខែមេសា ឆ្នាំ២០១៨ នៅប៉ុស្ដិ៍នគរបាលរដ្ឋបាលច្រកម្ទេស ស្ថិតនៅក្នុងសង្កាត់ច្រកម្ទេស ក្រុងបាវិត ខេត្តស្វាយរៀង ។ បើយោងតាមសមត្ថកិច្ចបានឲ្យដឹងថា ក្រោយពីទទួលព័ត៌មានពីម្ចាស់ក្របីមានឈ្មោះដូចខាងក្រោម ៖ ទី១ ឈ្មោះ ស្រី ស៊ន់ ភេទប្រុស អាយុ ៥២ ឆ្នាំ ( ម្ចាស់គោ ) ទី២ ឈ្មោះ ស្រី វៀន ភេទប្រុស អាយុ ៦៥ ឆ្នាំ ( ម្ចាស់ ក្របី ) ៣ ឈ្មោះ ចាន់ សារឿន ភេទស្រី អាយុ៦៣ឆ្នាំ ( ម្ចាស់ក្របី ) អ្នកទាំង៣មានទីលំនៅ ភូមិ វាល សង្កាត់ច្រកម្ទេស ក្រុងបាវិត ខេត្តស្វាយរៀង។ ប្រភពបានបន្តឲ្យដឹងទៀតថា កាលពីថ្ងៃទី១៨ មេសា ២០១៨ ពួកគាត់ (ត្រូវជាម្ចាស់គោក្របី) បានលក់ក្របីចំនួន០២ក្បាល (ឈ្មោល ) និងគោចំនួន០១ ក្បាល ( ឈ្មោល ) លក់ទៅអោយ ឈ្មោះ លី ហ្វៀង ខាង ភេទប្រុស អាយុ៥២ ជនជាតិវៀតណាម មានលំនៅភូមិ ឡុងហ៊ឹង ឃុំឡុងធឹង ស្រុកប៊េនកូវ ខេត្តតៃនិញ ប្រទេសវៀតណាម តំលៃសរុប ២៣០០ ដុល្លារ ហើយនៅពេលប្រគល់លុយអោយពួកគាត់អត់ស្គាល់ថាជាលុយសុទ្ធឬលុយក្លែងក្លាយនោះទេ។ លុះដល់ថ្ងៃទី១៩ មេសា ២០១៨ តតែទៅរកទិញអីវ៉ាន់ទើបដឹងថា គឺសុទ្ធតែលុយដុល្លារក្លែងក្លាយ ទាំងអស់រួចបាននាំគ្នាមកដាក់ពាក់បណ្តឹងតែម្តង។ ក្រោយទទួលព័ត៌មានសមត្តកិច្ច ចុះទៅដល់កន្លែងកើតហេតុធ្វើការស្រាវជ្រាវហើយ ពិនិត្យឃើញថាប្រាក់ចំនួន ២០០០ ដុល្លា គឺសុទ្ធជា ប្រាក់ក្លែងក្លាយទាំងអស់ក្រោយមកម្ចាស់ក្របីក៏បានទូរស័ព្ទទាក់ទងទៅជនសង្ស័យឲ្យឡើងមកក្របីមួយក្បាលទៀត។ ប្រភពដដែលបានឲ្យដឹងទៀតថា នៅពេលជនសង្ស័យមកដល់រកទិញក្របីដូចតាមការណាត់តាមទូរស័ព្ទនោះក៏ត្រូវបានសមត្ថកិច្ចយើងនាំខ្លួនមកធ្វើការសាកសួ នៅប៉ុស្តិ៍រដ្ឋបាលហើយនៅពេលនោះសមត្ថកិច្ចបានឆែកឆេរត្រួតពិនិត្យ លើខ្លួនជនសង្ស័យឃើញមាន ប្រាក់ដុល្លារចំនួន ២០០ដុល្លារទៀតសុទ្ធតែលុយក្លែងក្លាយ។ សរុបប្រាក់ក្លែងក្លាយដែលសមត្តកិច្ចយើងដកហូត គឺ២០០ដុល្លារ ។ បច្ចុប្បន្ននេះជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងបាវិតដើម្បីកសាងសំណុំរឿងបញ្ជូនទៅការរិយាល័យជំនាញខេត្តចាត់ការបន្តតាមនីតិវិធីនៃច្បាប់៕

សំរាម​គរ​ដូច​ភ្នំ​ក្នុង​ក្រុង​ស្វាយរៀង​ឡើង​រលួយ​ចេញ​ទឹកស្អុយ​អាជ្ញាធរ​មើលរំលង​

ខេត្តស្វាយរៀង ៖ ពលរដ្ឋរស់នៅជុំវិញផ្សារវាលយន្តក្រុងស្វាយរៀងបាននាំគ្នារិះគន់អាជ្ញាធរមូលដ្ឋានហាក់បីមើលរំលងសំរាមឡើងគរដូចភ្នំថែមទាំងមានក្លិនស្អុយអាសោចខណះដែលដើរឆ្លងកាត់់ស្ទើរពុំបាន។ ការរិះគន់របស់ពលរដ្ឋនៅក្រុងស្វាយរៀងនេះបានធ្វើឡើងនៅថ្ងៃទី១៩ ខែមេសាឆ្នាំ២០១៨។ ពលរដ្ឋបានថ្លែងប្រាប់អោយដឹងថានៅតាមមុខផ្ទះរបស់ពួកគាត់សំរាមរលួយចេញទឹកទៅហើយនោះនៅតែគ្មានអ្នកមកប្រមូលទៀត។ហើយជាពិសេសនៅជុំវិញផ្សារវាលយន្តគេពេញនិយមយកសំរាមមកដាក់ចោលលើលើផ្លូវកៅស៊ូដែលអាជ្ញាធរខេត្តបានស្ថាបនាយ៉ាងល្អស្អាតក្រាលសុទ្ធកៅស៊ូបេទីមតែនាំគ្នាយកមកចោលសំរាមយ៉ាងអាណាធិបតេយ្យដោយមិនគិតពីផលប៉ះពាល់ដល់សុខមាលភាពប្រជាពលរដ្ឋបន្តិចសោះ។ ពលរដ្ឋបានថ្លែងឲ្យដឹងទៀតថា ម្យ៉ាងវិញទៀតនោះនៅខាងលិចឈៀងខាងត្បូងផ្សារគឺសំរាមឡើងគរនិងគេយកមកដាក់ចំកណ្តាលផ្លូវបែកជាបួនដូចជារង្វង់មូលទៅហើយ។ រីឯនៅខាងជើងផ្សារខ្ពស់ជាងដំបូលឡានតូចទៅទៀតសង្ស័យអ្នកម៉ៅការផ្សារមិនបើកភ្នែកមើលទេដឹងតែប្រមូលលុយពីអាជីវករមិនខ្វល់ឈឺហាលថ្ងៃអ្វីឡើយ។ ពលរដ្ឋខ្លះបានលើកឡើងថា ប្រហែលជាអ្នកប្រមូលសំរាមមិនទាន់អស់ចំហាយចូលឆ្នាំទេដឹងបានជាមិនឃើញមកប្រមូលសំរាមយ៉ាងដូច្នេះទុកឲ្យរលួយស្អុយដើកាត់ស្ទើតែសន្លប់ម្តងៗទៅហើយ។ បើតាមពលរដ្ឋដែលមានលំនៅដ្ឋានជុំវិញផ្សារវាយន្តបានរអ៊ូរទាំទៀតថាសំរាមមិននាំគ្នាមកប្រមូលឲ្យអស់ទេតែបើដល់ខែវិញគឺសំបុត្រយកលុយសំរាមមកដល់ផ្ទះខ្វះតែមួយសេនមិនបានផង។ ទន្ទឹមនោះពលរដ្ឋបានសំណូមពរដល់អាជ្ញាធរមានពាក់ព័ន្ធជួយពន្លឿនឲ្យខាងក្រុមហ៊ុនឬអ្នកម៉ៅការផ្សារវាលយន្តមកប្រមូលយកសំរាមផង ព្រោះផុតចូលឆ្នាំមានរយៈ៤ថ្ងៃហើយ បើនៅតែមិនមកប្រមូលសំរាមទេនោះបើមានភ្លៀងកក់ខែវិញមិនដឹងថា ក្លិនស្អុយ និងស្ទះលូដល់កំរិតណានោះទេ។ ពាក់ព័ន្ធនឹងការរិះគន់នេះភ្នាក់ងារយើងមិនអាចសុំការបំភ្លឺពីអាជ្ញាធរក្រុងស្វាយរៀងបានទេនៅរសៀលថ្ងៃទី១៩ខែមេសាឆ្នាំ២០១៨នេះ៕

ស្រវឹង​ងោក​មួយភាំង​រេ​ចង្កូត​បុក​ឡើងលើ​ឃឿន​សួនច្បារ​ពុះ​ចែក​ទ្រូងផ្លូវ​

រាជធានីភ្នំពេញ ៖ បុរសម្នាក់ស្រវឹងស្រាបើករថយន្តក្នុងល្បឿនលឿនងោកមួយភាំងរេចង្កូតបុកឡើងលើឃឿនសួនច្បារពុះចែកទ្រូងផ្លូវ បុកបាក់ដើមជ្រៃក្រឹមរលើង២គុម្ព និងបុកបាក់ស្លាកប៉ាណូស្រាបៀរ។ ករណីនេះកើតឡើងកាលពីវេលាម៉ោង៣ និង៣០នាទីទាបភ្លឺថ្ងៃទី២០ ខែមេសា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចមុខបុរីសុភមង្គល ស្ថិតនៅក្នុងសង្កាត់ជ្រោយចង្វា ខណ្ឌជ្រោយចង្វា ។ តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្តបង្កមួយគ្រឿង ពណ៌ស ពាក់ស្លាកលេខ ភ្នំពេញ 2F- 9266 បើកបរតាមបណ្តោយផ្លូវជាតិលេខ៦ ក្នុងទិសដៅពីជើងទៅត្បូងបើកបរក្នុងល្បឿនយ៉ាងលឿន ខណៈមកដល់ចំណុចកើតហេតុខាងលើ ក៏ស្រាប់តែតៃកុងរថយន្តងោកមួយភាំងរេចង្កូតទៅខាងឆ្វេងទៅបុកឡើងលើឃឿនសួនច្បារពុះចែកទ្រូងផ្លូវ បណ្តាលឲ្យបាក់ដើមជ្រៃក្រឹមនៅលើសួនច្បារអស់២ដើម និងបុកបាក់ស្លាកប៉ាណូស្រាបៀរទៀត ទើបរថយន្តទៅមុខលែងរួច តែមិនមានអ្នករងរបួសទេ។ ក្រោយពេលកើតហេតុអ្នកបើកបររត់គេចខ្លួនបាត់ នៅសល់តែរថយន្តបង្កត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នានៅពេលក្រោយទៀត ៕

ឃាតករ​ចិត្តឃោរឃៅ​ដែល​រំលោភ​សម្លាប់​កុមារី​អាយុ​៥​ឆ្នាំ​ត្រូវ​នគរបាល​ឃាត់ខ្លួន

ខេត្តព្រៃវែង ៖ ស្នងការរងទទួលបន្ទុកផ្នែកព្រហ្មទណ្ឌខេត្ត លោក ពៅ ជីវី បានឱ្យដឹងថា បន្ទាប់ពីធ្វើការស្រាវជ្រាវយ៉ាងញាប់ដៃញាប់ជើងអស់រយៈពេលជិត២៤ម៉ោង សមត្ថកិច្ចស្រុកព្រះស្តេច សហការជាមួយកម្លាំងជំនាញនៃស្នងការនគរបាលខេត្តព្រៃវែងបានវែកមុខឃាតករចិត្តឃោរឃៅដែលរំលោភសម្លាប់កុមារីវ័យ៥ឆ្នាំនៅស្រុកព្រះស្តេច។ លោកបន្តថា ជនសង្ស័យឈ្មោះ ពេជ ពិសី ភេទប្រុស អាយុ២៥ឆ្នាំ រស់នៅភូមិសទ្ធា ឃុំរំចេក ស្រុកព្រះស្ដេច ដែលបានប្រព្រឹត្តបទល្មើសករណីរំលោភសម្លាប់ ទៅលើក្មេងស្រីអាយុ៥ឆ្នាំ កាលពីថ្ងៃទី១៧ ខែមេសា ឆ្នាំ២០១៨ វេលាម៉ោងប្រហែល១រសៀល ទៅលើក្មេងស្រីឈ្មោះ ចាន់ ស្រីដេត អាយុ៥ឆ្នាំ រស់នៅភូមិសទ្ធា ឃុំរំចេក ស្រុកព្រះស្តេច ខណៈដែលក្មេងស្រីរងគ្រោះរត់តាមបងស្រីមកមើលគេរាំនៅក្នុងវត្ត ដោយបងស្រីមិនបានដឹងថាប្អូនរត់តាមមកនោះទេ ដែលធ្វើឱ្យឃាតករឆ្លៀតឱកាសដែលឃើញក្មេងដើរម្នាក់ឯងក៏ចាប់យកទៅរំលោភតែម្តងទៅ។ ឪពុកឈ្មោះ ពុត ចាន់ អាយុ៤៨ឆ្នាំ ម្តាយឈ្មោះ រស់ ហេន អាយុ៣២ឆ្នាំ នៅភូមិសទ្ធា ឃុំរំចេក ស្រុកព្រះស្ដេច។ លោកបញ្ជាក់ថា បច្ចុប្បន្នជនសង្ស័យត្រូវសមត្ថកិច្ចឃាត់ខ្លួននៅអធិការដ្ឋាននគរបាលស្រុកព្រះស្ដេច ហើយសមត្ថកិច្ចកំពុងកសាងសំណុំរឿងទៅតាមនីតិវិធី។ សូមរម្លឹកថា កាលពីវេលាម៉ោង១ និង៣០នាទីរសៀល ថ្ងៃទី១៧ ខែមេសា ឆ្នាំ ២០១៨ មានការភ្ញាក់ផ្អើលមួយដោយប្រជាពលរដ្ឋបានប្រទះឃើញសាកសពក្មេងស្រីម្នាក់ ដែលត្រូវបានឃាតកររំលោភនៅក្នុងចេតីយមួយក្នុងវត្តសទ្ធា រួចក៏ច្របាច់កសម្លាប់ ហើយបានយកសពមកទម្លាក់ចោលក្បែរមាត់ស្រះដែលនៅជិតនោះ៕

 

រំលោភ​ក្មេងស្រី​អាយុ​១៥​ឆ្នាំ​បានសម្រេច​២​លើក​ត្រូវ​សមត្ថកិច្ច​ចាប់ខ្លួន​

ខេត្តព្រះសីហនុ ៖ យុវជនជាបើកបររថយន្តម្នាក់ត្រូវបានប៉ូលិសប៉ុស្តិ៍រដ្ឋបាល ឃុំរាមចាប់ខ្លួន ពីបទរំលោភសេពសន្ថវៈ លើក្មេងស្រីអាយុ១៥ឆ្នាំបានសម្រេចចំនួន២ដង ហើយគំរាមជនរងគ្រោះមិនឲ្យឮមាត់ទៀតផង។ ការចាប់ខ្លួនជនសង្ស័យរូបនេះធ្វើឡើងនៅចំណុច០៥ក្រុមហ៊ុនយិះចៀ ស្ថិតនៅភូមិរាម ឃុំរាម ស្រុកព្រៃនប់ ខេត្តព្រះសីហនុ កាលពីព្រលប់ថ្ងៃទី១៧ ខែមេសា ឆ្នាំ២០១៨ តាមបណ្តឹងរបស់គ្រួសារ ក្មេងស្រីរងគ្រោះ។ តាមសមត្ថកិច្ចបានឲ្យដឹងថា ជនសង្ស័យ ឈ្មោះ ណៃ សុភ័ក្រ ភេទប្រុស អាយុ២២ឆ្នាំ មុខរបរបើកបររថយន្ដ មានស្រុកកំណើតភូមិថ្កូវ ឃុំថ្កូវ ស្រុកកំពង់ត្របែក ខេត្តព្រៃវែង បច្ចុប្បន្ន ស្នាក់នៅបណ្ដោះអាសន្ននៅខេត្តព្រះសីហនុ។ រីឯយុវតីជនរងគ្រោះអាយុ១៥ឆ្នាំ មានទីលំនៅភូមិរាម ឃុំរាម ស្រុកព្រៃនប់ ខេត្តព្រះសីហនុ មុខរបរ ផ្នែកខាងរៀបចំបន្ទប់នៅក្រុមហ៊ុនយិះចៀ។ ប្រភពបន្តថា ជនសង្ស័យបានធ្វើសកម្មភាពរំលោភ លើក្មេងស្រីរងគ្រោះបានសម្រេចចំនួនពីរដង នៅក្នុងបន្ទប់ដេករបស់ជនរងគ្រោះ។ ប្រភពដដែលបន្តថា បទល្មើសនោះបានកើតឡើងកាលពីយប់ថ្ងៃទី១៣ ខែមីនា ឆ្នាំ២០១៨ម្តង និងលើកទីពីរ នៅវេលាម៉ោង២៣យប់ថ្ងៃទី១៦ ខែមីនា ឆ្នាំ២០១៨ ហើយជនសង្ស័យគេចខ្លួន។ ក្រោយពេលកើតហេតុភ្លាមៗ ជនរងគ្រោះមិនបានមកប្ដឹងទេ ពីព្រោះមានកាគំរាមពីជនសង្ស័យ ហើយម្យ៉ាងទៀតខ្លាចសាច់ញាតិខ្លួនវាយធ្វើបាប។ បន្ទាប់មករឿងរ៉ាវក៏បានបែកចេញទាំងអស់ សាច់ញាតិក៏បាននាំជនរងគ្រោះមកដាក់ពាក្យប្ដឹងនៅប៉ុស្តិ៍តែម្តងទៅ។ បច្ចុប្បន្នសមត្ថកិច្ចបានបញ្ជូនជនសង្ស័យ ទៅអធិការដ្ឋាននគរបាលស្រុកព្រៃនប់ដើម្បីបំពេញបែបបទតាមនីតិវិធី៕