បណ្តាញសង្គម

ឃាតករចិត្តខ្មៅរំលោភសម្លាប់ក្មេងស្រីបងប្អូន២នាក់ញាត់ចូលក្នុងកេសនៅស្រុកបរិបូរណ៌ត្រូវបានចាប់ខ្លួន

ខេត្តកំពង់ឆ្នាំង ៖ ជនដៃដល់ដែលរំលោភ ហើយសម្លាប់ក្មេងស្រីបងប្អូនបង្កើត២នាក់នៅស្រុកបរិបូរណ៌ ខេត្តកំពង់ឆ្នាំង ត្រូវបានកម្លាំងនគរបាលឃាត់ខ្លួនបានហើយនៅរសៀលថ្ងៃទី២១ ខែតុលានេះ បន្ទាប់ពីការសួរនាំរយៈពេល២ថ្ងៃ។

លោកឧត្តមសេនីយ៍ទោ ឡុច វណ្ណារ៉ា ស្នងការនគរបាលខេត្តកំពង់ឆ្នាំងបានឲ្យដឹងថា ជនដៃដល់មានឈ្មោះ ឆុំ ពយ គឺជាអ្នកជិតខាងក្មេងស្រីរងគ្រោះ។ ជនសង្ស័យរូបនេះបានឡើងទៅរំលោភក្មេងស្រីជាបង តែខណៈនោះក្មេងស្រីជាប្អូនបានឃើញ និងស្រែក ហើយដោយសារខ្លាចធ្វើឲ្យបែកការណ៍ ជនសង្ស័យបានយកខ្នើយ សង្កត់ដង្ហើមបណ្តាលឲ្យស្លាប់ទាំង២នាក់ភ្លាមៗ។

ជនរងគ្រោះទាំងពីរ ទី១៖ឈ្មោះ អ.ល.ណ អាយុ១៤ឆ្នាំ និងទី២៖ឈ្មោះ អ.ធ.ត អាយុ៧ឆ្នាំ។ អ្វីដែលកាន់តែគួរឲ្យអាសូរនោះ ឪពុកម្ដាយរបស់ក្មេងស្រីទាំងពីរ មិនបាននៅផ្ទះជាមួយនោះទេ ព្រោះម្ដាយទៅធ្វើការរោងចក្រនៅរាជធានីភ្នំពេញ និងឪពុកទៅធ្វើកម្មករនៅប្រទេសថៃ។

សូមជម្រាបថា ក្មេងស្រី២នាក់បងប្អូនបង្កើត ត្រូវឃាតករចិត្តខ្មៅសម្លាប់រួចញាត់ចូលក្នុងកេស ហើយយកទៅដាក់លើផ្ទះខ្ទម ដែលជនរងគ្រោះស្នាក់នៅរាល់ថ្ងៃ បង្កឲ្យមានការភ្ញាក់ផ្អើល នៅវេលាថ្ងៃត្រង់ថ្ងៃទី១៨ ខែតុលា ឆ្នាំ២០១៨ ស្ថិតនៅភូមិថ្មី ឃុំផ្សារ ស្រុកបរិបូណ៌ ខេត្តកំពង់ឆ្នាំង៕

រថយន្ត​ TOYOTA​ TONDRA ​បែក​កង់​ក្រឡាប់​៣​ត្រឡប់​បណ្តាលឲ្យ​ស្លាប់​២​នាក់​ និង​​របួសស្រាល​ម្នាក់

ខេត្តបន្ទាយមានជ័យ ៖ មនុស្សស្លាប់២នាក់នៅហ្នឹងកន្លែង និងរងរបួសស្រាលម្នាក់ក្នុងឧបទ្ទវហេតុរថយន្តម៉ាក TOYOTA TONDRA មួយគ្រឿងបែកកង់ក្រឡាប់៣ត្រឡប់ ខណៈដែលករណីនេះកើតឡើង នៅវេលាម៉ោង១៥ និង៣០នាទីថ្ងៃទី១៨ ខែតុលា ឆ្នាំ២០១៨ នៅលើកំណាត់ផ្លូវជាតិលេខ៦ ត្រង់ចំណុចបង្គោលខ្សែភ្លើងលេខ០២-០៤ ស្ថិតនៅភូមិគោកទ្រាស ឃុំឈ្នួរមានជ័យ ស្រុកព្រនេត្រព្រះ ខេត្តបន្ទាយមានជ័យ។

មន្ត្រីនគរបាលចរាចរណ៍ខេត្តឲ្យដឹងថា មុនពេលកើតហេតុមានរថយន្តមួយគ្រឿងម៉ាកTOYOTA TONDRA ពណ៌ខ្មៅប្រផេះ ពាក់ស្លាកលេខភ្នំពេញ ២AQ-០០៤១ បើកបរដោយឈ្មោះ លី ទីគា ភេទប្រុស អាយុ៥៩ ឆ្នាំរស់នៅភូមិក្រឡែកលើ ឃុំល្វាលើ ស្រុកចំកាលើខេត្តកំពង់ចាម(រងបួសស្រាល) និងអ្នករួមដំណើរចំនួន២នាក់ទី១.ឈ្មោះឈីវ ងីម ភេទស្រី អាយុ៥៨ឆ្នាំ ត្រូវជាប្រពន្ធ នៅភូមិឃុំជាមួយគ្នា(ស្លាប់) ទី២.ឈ្មោះលី ហួង ភេទស្រី អាយុ៣២ឆ្នាំ ត្រូវជាកូនបង្កើត(ស្លាប់) បានបើកបរពីទិសខាងកើតទៅទិសខាងលិច ពេលដល់កន្លែងកើតហេតុខាងលើ បានបែកកង់ក្រឡាប់ចំនួន៣ត្រឡប់ទើបបណ្តាបអោយមានគ្រោះថ្នាក់តែម្តង។
ក្រោយកើតហេតុអ្នកបើកបររថយន្តរបួសស្រាល បញ្ជូនទៅសង្គ្រោះបន្ទាន់ នៅមន្ទីរពេទ្យបង្អែកស្រុកព្រះនេត្រព្រះ៕

 

ខ្យល់​កន្ត្រាក់ ​ភ្លៀង​ផ្គរ​រន្ទះបាញ់​សម្លាប់​អ្នក​ឃ្វាលគោ​៣​នាក់​ និង​រលំ​ផ្ទះ​១០​ខ្នងនៅ​ស្រុក​ភ្នំស្រុក

ខេត្តបន្ទាយមានជ័យ ៖ នៅវេលាម៉ោង៣ និង១៥នាទីរសៀលថ្ងៃទី១៨ ខែតុលា ឆ្នាំ២០១៨នេះភ្លៀងធ្លាក់មួយធំលាយឡំខ្យល់កន្ត្រាក់ និងរន្ទះបាញ់ ស្លាប់មនុស្ស០៣នាក់ នៅវាលខាងលិចឈៀងខាងត្បូងទីរួមស្រុកភ្នំស្រុក ចំងាយ២០០០ម៉ែត្រ ម្តុំឈូកធំ ភូមិស្រះជីក ឃុំស្រះជីក ស្រុកភ្នំស្រុក ខេត្តបន្ទាយមានជ័យ ខណៈទៅឃ្វាលគោ ហើយរត់ទៅជ្រកទឹកភ្លៀងក្នុងខ្ទមស្រែ។

បើយោងតាមរបាយការណ៍របស់អធិការដ្ឋាននគរបាលស្រុកភ្នំស្រុកឱ្យដឹងថា ជនរងគ្រោះទី១-ឈ្មោះម៉ក់ យឿយ ភេទប្រុស អាយុ៥៨ឆ្នាំ នៅភូមិមាត់ស្រះ ឃុំស្រះជីក ទី២-ឈ្មោះព្រឺល ឆេង ភេទប្រុស អាយុ៤៤ឆ្នាំ នៅភូមិជាមួយ ទី៣-ឈ្មោះមឿន សាម៉េត ភេទប្រុស អាយុ៤៣ឆ្នាំ នៅភូមិស្រះជីក ឃុំស្រះជីកហើយខ្យល់កន្ត្រាក់នៅភូមិគោកតាសុខ ឃុំពន្លៃ បណ្តាលឲ្យរបើកខូចខាតផ្ទះ១០ខ្នង៕

 

 

 

 

ស្លាប់៣នាក់ និងជាង៣០នាក់ទៀតបញ្ជូនទៅសង្រ្គោះនៅមន្ទីរពេទ្យ ដោយសារពុលស្រាស នៅស្រុកសំបូរ

ខេត្តក្រចេះ ៖ តាមសេចក្តីរាយការណ៍ពីភ្នាក់ងារឲ្យដឹងថា នាព្រលប់ថ្ងៃទី១៨ ខែតុលា ឆ្នាំ២០១៨ មានករីពុលស្រាសបណ្តាលឲ្យប្រជាពលរដ្ឋ៣នាក់បានស្លាប់ភ្លាមៗ និងជាង៣០នាក់ផ្សេងទៀត ត្រូវបានបញ្ជូនទៅសង្រ្គោះនៅមន្ទីរពេទ្យខេត្តជាបន្តបន្ទាប់។ ករណីនេះកើតឡើងនៅភូមិដំរ៉ែ ឃុំបឹងចារ ស្រុកសំបូរ  ខេត្តក្រចេះ។

បើតាមសមត្ថកិច្ចឲ្យដឹងថា ការពុលនេះកើតមានឡើងក្រោយពីពលរដ្ឋរស់នៅភូមិដំរ៉ែ ឃុំបឹងចារ ស្រុកសំបូរ បានច្រូតស្រូវរួច កាលពីរសៀលថ្ងៃទី១៨ ខែតុលា ហើយបាននាំគ្នាផឹកស្រាស។ ក្នុងចំណោមអ្នកស្លាប់៣នាក់ មានបុរស២នាក់ និងស្រ្តីម្នាក់ ដោយបានដាច់ខ្យល់ស្លាប់ក្នុងសភាពណែនដើមទ្រូង ថបដង្ហើម និងបានដាច់ខ្យល់ស្លាប់ជាបន្តបន្ទាប់ ក្រោយពីនាំទៅសង្រ្គោះនៅមន្ទីរពេទ្យខេត្ត។

សមត្ថកិច្ចបញ្ជាក់ថា សម្រាប់ហេតុការណ៍សង្ស័យពុលស្រាសនេះបណ្តាលឲ្យមនុស្សស្លាប់នេះដែរ អាជ្ញាធរក៏បានឃាត់ខ្លួនម្ចាស់ផលិតស្រាសមួយកន្លែងនៅក្នុងភូមិនោះដើម្បីសាកសួរ។ យ៉ាងណាមិញករណីនេះសមត្ថកិច្ចកំពុងស្រាវជ្រាវបន្តទៀត៕

 

ក្មេងប្រុសម្នាក់ហូបនំកញ្ចប់ Cookie Creme អស់៤កញ្ចប់​ និងទឹកក្រូចដបជ័រអស់១ដប ពុលស្លាប់

ខេត្តព្រះវិហារ ៖ អាណោចអាធ័មក្មេងប្រុសអាយុ១៨ខែម្នាក់បានស្លាប់ បន្ទាប់ពីហូបនំកញ្ចប់ (cookie creme) ប្រភេទសុកូលា អស់៤កញ្ចប់ និងទឹកក្រូចដបជ័រ (sanumpueng) អស់១ដប ដែលករណីនេះកើតឡើងវេលាម៉ោង១៤ និង១៥នាទី ថ្ងៃទី១៨ ខែតុលា ឆ្នាំ២០១៨ នៅចំណុច ផ្ទះឈ្មោះ ហុន សៀងហៃ ភូមិស្រយង់ជើង ឃុំស្រយង់ ស្រុកគូលែន ខេត្តព្រះវិហារ។ ក្មេងរងគ្រោះឈ្មោះ ហៃ វ៉ាន់ឆាយ ភេទប្រុស អាយុ១៨ខែ រស់នៅកន្លែងកើតហេតុ ។

តាមការបំភ្លឺរបស់ម្តាយក្មេងបានឲ្យដឹងថា មុនកើតហេតុ ក្មេងបានហូបនំកញ្ចប់ (cookie creme) ប្រភេទសុកូលា អស់៤កញ្ចប់ និងទឹកក្រូចដបជ័រ (sanumpueng) អស់១ដប ហូបរួចក៏រត់លេង៣០នាទី ក្រោយមកស្រាប់តែបែកពពុះមាត់ទន់ខ្លួន ម្តាយរបស់ក្មេងបានយកទៅមណ្ឌលុខភាពកោះកេរ តែក្មេងស្លាប់មុនទៅដល់មណ្ឌលសុខភាព។ ក្មេងងរងគ្រោះបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

 

ស្លាប់៥នាក់ និងរបួស១៧នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី១៨ ខែតុលា​ម្សិលមិញ

រាជធានីភ្នំពេញ ៖ នៅថ្ងៃទី១៨ ខែតុលា ឆ្នាំ២០១៨ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៨លើក បណ្ដាលឲ្យមនុស្សស្លាប់៥នាក់, របួសស្រាល២នាក់ និងរបួសធ្ងន់១៥នាក់។ នេះបើយោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។

របាយការណ៍ដដែលបន្តថា ក្នុងហេតុការណ៍គ្រោះថ្នាក់ចរាចរណ៍ទាំង៨លើកនេះ បណ្ដាលឲ្យខូតខាតម៉ូតូចំនួន១១គ្រឿង, រថយន្ដធុនតូច១គ្រឿង, រថយន្ដធុនធំ១គ្រឿង និងថ្មើរជើងម្នាក់។ មូលហេតុដែលបណ្ដាលឲ្យកើតមាន គ្រោះថ្នាក់ចរាចរណ៍រួមមាន ៖ ល្មើសល្បឿន, កត្ដាយានយន្ដ, មិនប្រកាន់ស្ដាំ, មិនគោរពសិទ្ធិ និងងងុយដេក។

របាយការណ៍បញ្ជាក់ថា រយៈពេល១៨ថ្ងៃ ចាប់ពីថ្ងៃទី០១ ដល់ថ្ងៃទី១៨ ខែតុលា ឆ្នាំ២០១៨នេះ មានករណីគ្រោះថ្នាក់ចរាចរណ៍ កើតឡើងចំនួន១៩៩លើក បណ្ដាលឲ្យមនុស្សសា្លប់១១០នាក់, របួសធ្ងន់២៣៣នាក់ និងរបួសស្រាល៩៩នាក់៕

នគរបាលជំនាញព្រហ្មទណ្ឌខេត្តបន្ទាយមានជ័យ បង្ហាញមុខឃាតករសម្លាប់មិត្តភ័ក្រ្តឯង

បន្ទាយមានជ័យ ៖ ឃាតករ ដែលសម្លាប់មិត្តភ័ក្រ្តឯង ព្រោះតែក្នុងរឿងគំនុំ ត្រូវបានកម្លាំងនគរបាលជំនាញផែននគរបាលព្រហ្មទណ្ឌខេត្ត សហកាជាមួយកម្លាំងនគរបាលក្រុងសិរីសោភ័ណ ដឹកនាំបញ្ជាផ្ទាល់របស់លោកឧត្តមសេនីយ៍ទោអាត់ ខែម ស្នងការនគរបាលខេត្ត និងលោកឧត្តមសេនីយ៍ត្រី សិទ្ធ ឡោះ ស្នងការរង ទទួលផែន នគរបាលព្រហ្មទណ្ឌ ចុះស្រាវជ្រាវឈានចាប់ឃាត់ខ្លួនបាន និងបង្ហាញមុខជាសាធារណៈ នៅថ្ងៃទី១៧ខែតុលាឆ្នាំ២០១៨និងរៀបចំសំណុំរឿងបញ្ជូនខ្លួនទៅសាលាដំបូងខេត្តសាលាដំបូខេត្តនាថ្ងៃនេះផងដែរ។

លោកឧត្តមសេនីយ៍ត្រី សិទ្ធិ  ឡោះ ស្នងការរងនគរបាលខេត្ត ទទួលផែននគរបាលព្រហ្មទណ្ឌ បានឲ្យដឹងថា៖បន្ទាប់ពីទទួទលបាននូវព័ត៌មាន ពីប្រជាពលរដ្ឋនៅម៉ោង១២ថ្ងៃត្រង់ថ្ងៃទី១៥ខែតុលាឆ្នាំ២០១៨ ថាបានប្រទះឃើញសាកសពបុរសម្នាក់ស្លាប់នៅវេលាក្នុងគុម្ពស្បូវផ្លាំង ចំណុចសាលាអ៊ិនតាំក្បែរផ្លូវជាតិលេខ៥ ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ  ដែលត្រូវបានឃាតករសម្លាប់។ លោកឧត្តមសេនីយ៍ទោ អាត់ ខែម ស្នងការនគរបាលខេត្ត បានដឹកនាំកម្លាំងជំនាញនិង កម្លាំងនគរបាលក្រុងសិរីសោភ័ណ ចុះដល់កន្លែងសព ដើម្បីធ្វើការត្រួតពិនិត្យលើខ្លួនសពរួចបើកការស៊ើបអង្កេតឈាន ដល់ការបង្រ្កាបជនដៃដល់នៅល្ងាចថ្ងៃដដែលគឺថ្ងៃទី១៥ ខែតុលា ឆ្នាំ២០១៨ ។

លោកឧត្តមសេនីយ៍ត្រី សិទ្ធ ឡោះ ស្នងការរង បានបញ្ជាក់ថា៖ ជនរងគ្រោះឈ្មោះ ជុង  អ៊ុង ភេទប្រុស អាយុ៣១ឆ្នាំ នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ និងជនដៃដល់ឈ្មោះ មាស គីហុង ភេទប្រុស អាយុ២១ឆ្នាំ នៅភូមិសូភី សង្កាត់កំពង់ស្វាយ ក្រុងសិរីសោភ័ណ ។ជនរងគ្រោះគឺជាបងធំ របស់ជនដៃដល់ ក្នុងករណីជួញដូរគ្រឿងញៀន។ ចំពោះករណីឈានដល់កើតមានឃាតកម្មនេះ គឺផ្តើមចេញពី បញ្ហា៣ចំណុច គឺ ១/-ជនរងគ្រោះបានយកម៉ូតូរបស់ជនសង្ស័យ ជាកម្មសិទ្ធ  ជាមធ្យោបាយក្នុងការលក់ចែកចាយគ្រឿងញៀន ។២/-ករណីជនរងគ្រោះមិនឲ្យខ្លួនចេញពីបន្ទប់ជួល បង្អត់បាយ និងបំបាត់ទំនុកទុកចិត្តមកលើខ្លួនព្រោះក្នុងរឿងស្រីញី(ប្រចណ្ឌខ្លួននិងសង្សាគេ)និងទី៣/-បញ្ហាគ្រឿងញៀន នេះបើតាម សំដីសារភាពរបស់ជនដៃដល់។

លោកឧត្តមសេនីយ៍ស្នងការរង បានបន្តទៀតថា៖ចម្លើយរបស់ជនសង្ស័យ បានបន្តទៀតនៅយប់ថ្ងៃកើតហេតុខ្លួននិងជនរងគ្រោះឈ្មោះ ជុង  អ៊ុង បានជិៈម៉ូតូទៅទិញថ្នាំញៀនពីឈ្មោះ អ៊ុក  ពិន នៅភូមិបាលិលេយ្យ២ សង្កាត់ប៉យប៉ែត ខេត្តបន្ទាយមានជ័យ  ដោយខ្លួនជាអ្នកឌុប ពេលត្រឡប់មកវិញ ខ្លួនមានបំណងចង់ព្រមានជនរងគ្រោះ ដោយឲ្យជនរងគ្រោះជាអ្នកបើកម៉ូតូម្តង តែឈ្មោះ អ៊ុង មិនព្រម ពេលនោះខ្លួនបានបើកម៉ូតូឲ្យលឿន ដល់ចំណុចកើតហេតុ ក៏លោតចេញពីម៉ូតូ បណ្តាលជនរងគ្រោះនិងម៉ូតូធ្លាក់ពីលើថ្នល់សន្លប់  ជាឱកាសល្អខ្លួនក៏ច្របាច់បំពង់ករបណ្តាលឲ្យស្លាប់ នៅវេលាម៉ោង១រំលងអាធ្រាត ឈានចូលថ្ងៃទី១៥ខែតុលាឆ្នាំ២០១៨  បន្ទាប់មករូបគេក៏យកម៉ូតូជិៈគេខ្លួន។

លោកឧត្តមសេនីយ៍ស្នងការរង បានបញ្ជាក់ថា៖ក្នុងករណីបង្រ្កាបអំពើឃាតកម្មនេះ  កម្លាំងនគរបាលជំនាញ ក៏បានស្រាវជ្រាវនិងឈានដល់ការបង្រ្កាបចាប់ឃាត់ខ្លួនឈ្មោះ អ៊ុក  ពិន នៅភូមិបាលិលេយ្យ២ សង្កាត់ប៉ោយប៉ែត ខេត្តបន្ទាយមានជ័យ ក្នុងករណីជួញដូរគ្រឿងញៀន ដែលធ្វើសកម្មភាពលក់ ឲ្យជនដៃដល់និងជនរងគ្រោះនោះផងដែរ។ បច្ចុប្បន្នជនសង្ស័យ ក្នុងករណីអំពើឃាតកម្មនិងករណីជួញដូរគ្រឿងញៀន កម្លាំងជំនាញកំពុងរៀបចំណុំរឿងបញ្ជូនទៅសាលាដំបូងខេត្តផងដែរ៕


ស្លាប់៣នាក់ និងរបួស៦នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី១៤ ខែតុលាម្សិលមិញ

រាជធានីភ្នំពេញ ៖ នៅថ្ងៃទី១៤ ខែតុលា ឆ្នាំ២០១៨ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៤លើក បណ្ដាលឲ្យមនុស្សស្លាប់៣នាក់, របួសស្រាលម្នាក់ និងរបួសធ្ងន់៥នាក់។ នេះបើយោងតាមរបាយការណ៍ ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។

របាយការណ៍ដដែលបន្តថា នៅក្នុងហេតុការណ៍ គ្រោះថ្នាក់ចរាចរណ៍ទាំង៤លើកនេះ បណ្ដាលឲ្យខូតខាតម៉ូតូចំនួន៣គ្រឿង, រថយន្តតូច២គ្រឿង, រថយន្ដធុនធំ១គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍ រួមមានល្មើសល្បឿន និងមិនប្រកាន់ស្ដាំ។

របាយការណ៍បញ្ជាក់ថា រយៈពេល១៤ថ្ងៃចាប់ពីថ្ងៃទី១ដល់ថ្ងៃទី១៤ ខែតុលា ឆ្នាំ២០១៨នេះ មានករណីគ្រោះថ្នាក់ចរាចរណ៍កើតឡើងចំនួន១៦២លើក បណ្ដាឲ្យមនុស្សស្លាប់ចំនួន៩១នាក់, របួសធ្ងន់១៨២នាក់ និងរបួសស្រាល៧៧នាក់៕

 

នគរបាលស្រុកមង្គលបូរី ស្រាវជ្រាវបង្រ្កាបក្រុមក្មេងទំនើងគប់កញ្ចក់ឡានពេលយប់បានចំនួន៤នាក់ ក្នុងចំណោមបក្សពួកជិត១០នាក់

បន្ទាយមានជ័យ ៖ ក្រោយពីមានសេចក្តីរាយការណ៍ថា  មានក្រុមក្មេងទំនើងចំនួន២ក្រុម បានធ្វើសកម្មភាពគប់កញ្ចក់ឡានពេលយប់នៅចំណុចផ្លូវរថភ្លើង ស្ថិតក្នុងភូមិសាលាដែង ឃុំប្ញស្សីក្រោក ស្រុកមង្គលបូរី  លោកឧត្តមសេនីយ៍ទោអាត់ ខែម ស្នងការនគរបាលខេត្ត បន្ទាយមានជ័យ បានដាក់បទបញ្ជាយ៉ាងម៉ឺងម៉ាត់ ដល់កម្លាំងនគរបាលនៃអធិការដ្ឋានស្រុកមង្គលបូរី ធ្វើការស្រាវជ្រាវចាប់ក្រុមក្មេងទំនើងទាំងនោះមកផ្តន្ទាទោស បានជាបន្តបន្ទាប់ចំនួន៤នាក់ និងបន្តស្រាវជ្រាវស្វែងរកចាប់ខ្លួនបក្សពួកគេផ្សេងទៀត  ដោយមិនទុកឲ្យពួកគេបង្កព្យុះធ្វើភ្លៀងតទៅទៀតឡើយ។

លោកវរសេនីយ៍ឯក ស៊ិន  ណារ៉ាក់ អធិការនគរបាលខេត្ត បន្ទាយមានជ័យ បានឲ្យដឹងថា៖នៅវេលាប៉ោង១០យប់ថ្ងៃទី០៤ខែតុលាឆ្នាំ២០១៨ មានករណីក្រុមក្មេងទំនើង ចំនួន២ ក្រុម បានធ្វើសកម្មភាព យកដុំថ្មគប់ទៅលើរថយន្តដែលកំពុងធ្វើដំណើរតាមផ្លូវជាតិលេខ៥ ត្រង់ចំណុចផ្លូវរថភ្លើង  ស្ថិតក្នុងភូមិ សាលាដែង ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ ។ក្រោយពីមានសកម្មភាពដ៏ព្រហើននេះ លោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ បានដាក់បទបញ្ជាឲ្យកម្លាំង នគរបាលស្រុកមង្គលបូរី ធ្វើការស្រាវជ្រាវ និងឈានដល់ការបង្រ្កាបក្រុមក្មេងទំនើងទាំង២ក្រុមបានចំនួន ៤នាក់ ក្នុងចំណោមបក្សពួកគេ១០នាក់ ។ក្មេងទំនើងក្រុមទី១ ដែលចាប់ឃាត់ខ្លួនបាន មានឈ្មោះ ១/-ហេង ឈីត ភេទប្រុសអាយុ១៧ឆ្នាំ ,២/-អឿង សំណាង ភេទប្រុសអាយុ១៧ឆ្នាំ ទាំង២នាក់មានទីលំនៅ ភូមិកោះកែវ ឃុំប្ញស្សីក្រោក ស្រុកមង្គលបូរី,៣/- ឈ្មោះ ដែន ដានិច ភេទប្រុសអាយុ១៨ឆ្នាំ នៅភូមិសាលាដែង ឃុំប្ញស្សីក្រោក ស្រុកមង្គលបូរីនិងក្មេងទំនើង ក្រុមទី២ មានឈ្មោះសំ ប៊ុនលឹក ភេទប្រុសអាយុ១៥ឆ្នាំ នៅភូមិកោះកែវ ឃុំប្ញស្សីក្រោក ស្រុកមង្គលបូរី។

លោកអធិការក៏បានបញ្ជាក់ថា៖ តាមចម្លើយសារភាពរបស់ ឈ្មោះ ហេង  ឈីត បាននិយាយថា ហេតុដែលពួកគេនាំគ្នាគប់រថយន្តកំពុងធ្វើដំណើរនេះ គឺដោយសារតែ អ្នកបើកបររថយន្តលើផ្លូវជាតិលេខ៥ ឈ្លើយៗពេក  ក្រោយពីពួកគេគប់នៅកន្លែងផ្លូវរថភ្លើងហើយ ក៏បាននាំគ្នាជិៈម៉ូតូ ទៅគប់រថយន្តដែលឈប់ចតនៅមុខផ្ទះមេភូមិសាលាដែងទៀត រួចបាននាំគ្នាគេចខ្លួន ។

លោកវរសេនីយ៍ឯក ខែម សុភ័ណ នាយការិយាល័យ នគរបាលព្រហ្មទណ្ឌកំរិតស្រាលបានបញ្ជាក់ ថា៖ក្មេងទំនើង៣នាក់ មានឈ្មោះហេង ឈីត,ឈ្មោះ ដែន ដានិចនិងឈ្មោះសំ ប៊ុនលឹក កម្លាំងការិយាល័យជំនាញ បានបញ្ជូនខ្លួនទៅសាលាដំបូងខេត្ត កាលពីថ្ងៃទី១២ខែតុលាឆ្នាំ២០១៨ នោះ ដោយឡែក ឈ្មោះ អឿង សំណាង ដែលឃាត់ក្រោយនេះ ត្រូវបានបញ្ជូនខ្លួនទៅសាលាដំបូងខេត្តនៅថ្ងៃទី១៣ខែតុលាឆ្នាំ២០១៨នេះ ផងដែរ។ ចំពោះបក្សពួកផ្សេងទៀតកំពុងគេចខ្លួន សមត្ថកិច្ច បន្តស្រាវជ្រាវ ចាប់ឃាត់ខ្លួន ដោយមិនទុកឲ្យគេគេធ្វើព្យុះ ធ្វើភ្លៀងតាមទំនើងចិត្តនោះឡើយ៕


 

បុរសម្នាក់ផឹកស្រាជាប្រចាំ កើតខ្សល់គ ដួលស្លាប់ម្នាក់ឯង

(ខេត្តបន្ទាយមានជ័យ)៖បុរសម្នាក់ដែលគេស្គាល់ឈ្មោះនួន រិន ភេទប្រុស អាយុ៥០ឆ្នាំនៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ បានផឹកស្រាស្រវឹងជាប្រចាំរយៈពេលជាច្រើនថ្ងៃដាច់បាយដាច់ទឹកកើតខ្យល់គរដួលស្លាប់។ហេតុការណ៍បង្កឲ្យមានការភ្ញាក់ផ្អើលនេះ បានកើតឡើងនៅចន្លោះម៉ោង៨ទៅម៉ោង១១ព្រឹកថ្ងៃទី១៣ខែតុលាឆ្នាំ២០១៨។ចំណែកឯប្រពន្ធបានរត់ចេញពីផ្ទះរយៈពេលចំនួន១៥ថ្ងៃមកហើយដោយទៅរស់នៅជាមួយបងប្អូននៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ដោយសារតែប្ដីខាងលើតែងតែវាយធ្វើបាប។ នេះបើតាមការឲ្យដឹងពីលោកវរសេនីយ៍ឯក មាស ប្ញទ្ធី អធិការនគរ បាល ស្រុកព្រះនេត្រព្រះ បានប្រាប់ឲ្យដឹងនៅថ្ងៃទី១៤ខែតុលាឆ្នាំ២០១៨ ។                                  

លោកអធិការបានបញ្ជាក់ប្រាប់ទៀតថា៖ បើឆ្លងតាមការបំភ្លឺរបស់ឈ្មោះភន់ ដៀប ភេទស្រី អាយុ៤២ឆ្នាំ ដែលនៅភូមិជាមួយបានបញ្ជាក់ប្រាប់សមត្ថកិច្ចថា៖ នៅថ្ងៃទី១៣-១០-២០១៨វេលាម៉ោង០៧ព្រឹក គាត់បានជិះកងចេញពីផ្ទះបំរ៉ុងទៅផ្សារស្រុកក្រឡាញ់ ខេត្តសៀមរាប  ពេលជិះមកដល់មុខផ្ទះជនរងគ្រោះបានឃើញជនរងគ្រោះដេកផ្ងារនៅនិងដីមុខផ្ទះក្នុងរបងដោយលឺសំលេងធ្ងរ  ពេលគាត់ក៏បានជិះកងទៅប្រាប់ឈ្មោះស៊ិន ហឿម ភេទប្រុស អាយុ៥៣ឆ្នាំនៅភូមិជាមួយថា  អោយទៅជួយមើលឈ្មោះ នួន រិនផង ក្រោយពីប្រាប់រួចក៏ជិះកងទៅផ្សារស្រុកក្រឡាញ់បាត់ លុះដល់វេលាម៉ោង១១ថ្ងៃដដែលខ្លួនបានជិះកង់ត្រឡប់មកដល់មុខផ្ទះជនរងគ្រោះ   ក៏បានឈប់មើលដោយហៅក្មេងប្រុស-ស្រី២-៣នាក់មកឈរមើលពីក្រៅរបងផងឃើញជនរងគ្រោះដេកហាមាត់ខ្លួនក៏បានអោយក្មេងចូលទៅមើលឲ្យជិត ក្មេងដែលទៅមើលបានប្រាប់ថាជនរងគ្រោះបានស្លាប់បាត់ហើយ  លឺដូច្នេះគាត់ក៏បានដើរទៅប្រាប់មេភូមិថាឈ្មោះ  រិនស្លាប់បាត់ហើយ។   

លោកវរសេនីយ៍ឯក មាសប្ញទ្ធី បានបន្តថា៖បន្ទាប់ពីទទួលបានព័ត៌មាន   លោកបានបង្កើតជាក្រុមគណៈកម្មាការដោយចាត់តាំងកម្លាំងជំនាញផ្នែកបច្ចេកទេសវិទ្យាសាស្ត្រ និងកម្លាំងនគរបាលប៉ុស្តិ៍ឃុំប្រា  សាទ សហការជាមួយគ្រូពេទ្យឃុំ និងអាជ្ញាធរមូលដ្ឋាន ធ្វើការត្រួតពិនិត្យលើខ្លួនប្រាណសពពុំមានស្លាកស្នាមអ្វីគូរអោយកត់សំគាល់ទេ។ តាមការសន្និដ្ឋាន របស់ក្រុមគណៈកម្មការ ចំពោះការស្លាប់របស់ឈ្មោះនួន រិន ភេទប្រុស អាយុ៥០ឆ្នាំនៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ អាចស្លាប់ដោយសារខ្យល់គរដួលស្លាប់ ពិតប្រាកដមែន ពុំមានពាក់ព័ន្ធនឹងករណីឃាតកម្មអ្វីឡើយ  ព្រោះជនរងគ្រោះផឹកស្រាស្រវឹងជាប្រចាំដាច់បាយដាច់ទឹកបណ្តាលឲ្យកើតខ្សល់គស្លាប់នៅនឹងផ្ទះម្នាក់ឯងដោយគ្មានអ្នកជួយ ៕


បុរសម្នាក់ផឹកស្រាជាប្រចាំ កើតខ្សល់គ ដួលស្លាប់ម្នាក់ឯង

(ខេត្តបន្ទាយមានជ័យ)៖បុរសម្នាក់ដែលគេស្គាល់ឈ្មោះនួន រិន ភេទប្រុស អាយុ៥០ឆ្នាំនៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ បានផឹកស្រាស្រវឹងជាប្រចាំរយៈពេលជាច្រើនថ្ងៃដាច់បាយដាច់ទឹកកើតខ្យល់គរដួលស្លាប់។ហេតុការណ៍បង្កឲ្យមានការភ្ញាក់ផ្អើលនេះ បានកើតឡើងនៅចន្លោះម៉ោង៨ទៅម៉ោង១១ព្រឹកថ្ងៃទី១៣ខែតុលាឆ្នាំ២០១៨។ចំណែកឯប្រពន្ធបានរត់ចេញពីផ្ទះរយៈពេលចំនួន១៥ថ្ងៃមកហើយដោយទៅរស់នៅជាមួយបងប្អូននៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ដោយសារតែប្ដីខាងលើតែងតែវាយធ្វើបាប។ នេះបើតាមការឲ្យដឹងពីលោកវរសេនីយ៍ឯក មាស ប្ញទ្ធី អធិការនគរ បាល ស្រុកព្រះនេត្រព្រះ បានប្រាប់ឲ្យដឹងនៅថ្ងៃទី១៤ខែតុលាឆ្នាំ២០១៨ ។                                  

លោកអធិការបានបញ្ជាក់ប្រាប់ទៀតថា៖ បើឆ្លងតាមការបំភ្លឺរបស់ឈ្មោះភន់ ដៀប ភេទស្រី អាយុ៤២ឆ្នាំ ដែលនៅភូមិជាមួយបានបញ្ជាក់ប្រាប់សមត្ថកិច្ចថា៖ នៅថ្ងៃទី១៣-១០-២០១៨វេលាម៉ោង០៧ព្រឹក គាត់បានជិះកងចេញពីផ្ទះបំរ៉ុងទៅផ្សារស្រុកក្រឡាញ់ ខេត្តសៀមរាប  ពេលជិះមកដល់មុខផ្ទះជនរងគ្រោះបានឃើញជនរងគ្រោះដេកផ្ងារនៅនិងដីមុខផ្ទះក្នុងរបងដោយលឺសំលេងធ្ងរ  ពេលគាត់ក៏បានជិះកងទៅប្រាប់ឈ្មោះស៊ិន ហឿម ភេទប្រុស អាយុ៥៣ឆ្នាំនៅភូមិជាមួយថា  អោយទៅជួយមើលឈ្មោះ នួន រិនផង ក្រោយពីប្រាប់រួចក៏ជិះកងទៅផ្សារស្រុកក្រឡាញ់បាត់ លុះដល់វេលាម៉ោង១១ថ្ងៃដដែលខ្លួនបានជិះកង់ត្រឡប់មកដល់មុខផ្ទះជនរងគ្រោះ   ក៏បានឈប់មើលដោយហៅក្មេងប្រុស-ស្រី២-៣នាក់មកឈរមើលពីក្រៅរបងផងឃើញជនរងគ្រោះដេកហាមាត់ខ្លួនក៏បានអោយក្មេងចូលទៅមើលឲ្យជិត ក្មេងដែលទៅមើលបានប្រាប់ថាជនរងគ្រោះបានស្លាប់បាត់ហើយ  លឺដូច្នេះគាត់ក៏បានដើរទៅប្រាប់មេភូមិថាឈ្មោះ  រិនស្លាប់បាត់ហើយ។   

លោកវរសេនីយ៍ឯក មាសប្ញទ្ធី បានបន្តថា៖បន្ទាប់ពីទទួលបានព័ត៌មាន   លោកបានបង្កើតជាក្រុមគណៈកម្មាការដោយចាត់តាំងកម្លាំងជំនាញផ្នែកបច្ចេកទេសវិទ្យាសាស្ត្រ និងកម្លាំងនគរបាលប៉ុស្តិ៍ឃុំប្រា  សាទ សហការជាមួយគ្រូពេទ្យឃុំ និងអាជ្ញាធរមូលដ្ឋាន ធ្វើការត្រួតពិនិត្យលើខ្លួនប្រាណសពពុំមានស្លាកស្នាមអ្វីគូរអោយកត់សំគាល់ទេ។ តាមការសន្និដ្ឋាន របស់ក្រុមគណៈកម្មការ ចំពោះការស្លាប់របស់ឈ្មោះនួន រិន ភេទប្រុស អាយុ៥០ឆ្នាំនៅភូមិកំព្រាម ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ អាចស្លាប់ដោយសារខ្យល់គរដួលស្លាប់ ពិតប្រាកដមែន ពុំមានពាក់ព័ន្ធនឹងករណីឃាតកម្មអ្វីឡើយ  ព្រោះជនរងគ្រោះផឹកស្រាស្រវឹងជាប្រចាំដាច់បាយដាច់ទឹកបណ្តាលឲ្យកើតខ្សល់គស្លាប់នៅនឹងផ្ទះម្នាក់ឯងដោយគ្មានអ្នកជួយ ៕


ទឹកខៀវដែលកំពុងតែល្បីនៅស្រុកស្វាយចេក​ បានឆក់យកជីវិតក្មេងអាយុ១៣ឆ្នាំម្នាក់​ រករយៈពេល​ជាង១យប់ទើបប្រទះឃើញសព

បន្ទាយមានជ័យ ៖ គួរឲ្យអាសូរជាប៉ុនពេក ក្មេងប្រុស អាយុ១៣ឆ្នាំម្នាក់ បានលង់ទឹកខៀវស្លាប់ ជាងមួយយប់ទើបរកសាកសពឃើញ ខណៈដែលរូបគេ រួមមិត្តភ័ក្ដិ៤នាក់ទៀតបាននាំគ្នាលេងទឹក ។ ហេតុកាណ៍នេះបានកើតឡើងនៅវេលាម៉ោង១២.៣០នាទីនៅថ្ងៃទី០៤ ខែតុលា ស្ថិតនៅភូមិចក់ពួក ឃុំស្លក្រាម ស្រុកស្វាយចេក បន្ទាយមានជ័យ និងបានរកឃើញសាកសពនៅព្រឹកថ្ងៃទី ០៥ ខែតុលា ឆ្នាំ២០១៨ ។ 

យោងតាមប្រភពពីកន្លែងកើតហេតុបានឲ្យដឹងថា ៖ នៅវេលាថ្ងៃត្រង់ម៉ោង១២.៣០នាទី ថ្ងៃទី០៤ ខែតុលា គេឃើញមានក្មេងចំនួន៥នាក់ ក្នុងនោះមានជនរងគ្រោះម្នាក់ដែល បាននាំគ្នាទៅលេងទឹកខៀវដែលមានជំរៅជាង១៤ម៉ែត្រ ត្រង់ចំណុចក្រុមហ៊ុនចិនកាយយកថ្មនៅចំនុចភូមិសាស្រ្តខាងលើ ។ ក្នុងចំណោមក្មេងទាំង៥នាក់ ៖ ១. ឈ្មោះ ប្រាក់ សេវ៉ា ប្រុស ១៣ ឆ្នាំ បានលង់ទឹកស្លាប់ ដែលមានឪពុកឈ្មោះ ដន ប្រាក់ អាយុ ៣៨ឆ្នាំ និងម្តាយឈ្មោះ សូ សៀម អាយុ ៣៣ ឆ្នាំ។ ២.ឈ្មោះឈិត វិឆៃ ប្រុស១២ ឆ្នាំ ។ ៣.ឈ្មោះ ជិន សុចាន់ចាវ ប្រុស ១៤ ឆ្នាំ ។ ៤. ឈ្មោះ សឿន ឡុង ប្រុស ១៣ ឆ្នាំ ។ ៥. ឈ្មោះ ធិ ភ្នំ  ប្រុស  ១៦ ឆ្នាំ ។  ពួកគេទាំង៥នាក់ជាមិត្តភ័ក្តិនិងគ្នា ជាមួយជនរងគ្រោះ រស់នៅភូមិ-ឃុំជាមួយគ្នា ។ ខណៈពេលនោះពួកគេបាននាំលោតលែងទាំងអស់គ្នាប៉ុន្តែស្រាប់តែឈ្មោះប្រាក់ សេវ៉ា មិនឃើញផុសមកវិញទេ ទើបបង្កឲ្យមានការភ្ញាក់ផ្អើលដល់ប្រជាពលរដ្ឋ នាំគ្នាចុះរាវរកតែរកមិនឃើញ លុះនៅព្រឹកថ្ងៃទី០៥ ខែតុលា ក៏បានចុះរាវរកបន្ត ដោយមានការចូលរួមពីកងកម្លាំងទាហានដែលឈរជើងនៅតំបន់នោះក៏បានប្រទះឃើញសពតែម្តង ។ 

ក្រោយពីបានរកសព សមត្ថកិច្ចបានចុះទៅដល់កន្លែងកើតហេតុ បានធ្វើកោសលវិច្ឆ័យ និងបានសន្និដ្ឋានថា ក្មេងប្រុសរងគ្រោះពិតជាបានស្លាប់ដោយសារលង់ទឹកពិតប្រាកដមែន រួចក៏បានប្រគល់សពជូនក្រុមគ្រួសារដើម្បីចាត់ចែងធ្វើបុណ្យតាមប្រពៃណី ៕ អត្ថបទ ៖ រឿង ចន្ទ្រា


 

នគរបាលប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ បង្ក្រាបជនសង្ស័យប្រុសស្រី៣០នាក់ ពាក់ព័ន្ធគ្រឿងញៀន ដកហូតថ្នាំញៀន៦០កញ្ចប់

(ភ្នំពេញ)៖ ថ្នាំញៀនប្រភេទមេតំហ្វេតាមីនហៅ ម៉ាទឹកកក ចំនួន៦០កញ្ចប់តូចធំ រួមនិងជនសង្ស័យប្រុសស្រី៣០នាក់ ត្រូវបានកម្លាំងនគរបាលប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញឃាត់ខ្លួន នៅថ្ងៃទី០៤ ខែតុលា ឆ្នាំ២០១៨។

ដោយបានការចង្អុលបង្ហាញ និងដឹកនាំរបស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ, ផែនប្រឆាំងបទល្មើស នៃស្នងការដ្ឋាននគរបាលរាជធានីភ្នំពេញ ដែលដឹកនាំដោយលោកឧត្តមសេនីយ៍ត្រី ព្រុំ សន្ធរ បានជំរុញ កម្លាំងសមត្ថកិច្ចជំនាញចម្រុះខណ្ឌ និងការិយាល័យជំនាញ ឲ្យខិតខំលើការងារស្រាវជ្រាវ និងបង្ក្រាបបទល្មើសគ្រឿងញៀន ក្នុងរាជធានីភ្នំពេញជាលទ្ធផល នៅថ្ងៃទី០៤ ខែតុលា ឆ្នាំ២០១៨នេះ បង្ក្រាបបាន១៥ករណីឃាត់ខ្លួនជនសង្ស័យប្រុសស្រីចំនួន៣០នាក់ ដកហូតវត្ថុតាងថ្នាំញៀនប្រភេទម៉ាទឹកកកចំនួន៦០កញ្ចប់តូចធំ។

* ករណីជួញដូរគ្រឿងញៀន១២ករណី ឃាត់ខ្លួន ២៣នាក់ ស្រី ០១នាក់
* ករណីប្រើប្រាស់គ្រឿងញៀន៣ករណី ឃាត់ខ្លួន៧នាក់

បង្ក្រាបនៅតាមភូមិសាស្ត្រផ្សេងៗគ្នារួមមាន៖

១៖ ខណ្ឌសែនសុខ ១ករណី ឃាត់ខ្លួន២នាក់ ករណីប្រើប្រាស់
២៖ ខណ្ឌដូនពេញ ១ករណី ឃាត់ខ្លួនម្នាក់ ករណីរក្សាទុកដកហូតថ្នាំ៣កញ្ចប់តូច
៣៖ ខណ្ឌទួលគោក ១ករណី ឃាត់ខ្លួន២នាក់ ករណីរក្សាទុកដកហូតថ្នាំ១កញ្ចប់តូច
៤៖ ខណ្ឌប្ញស្សីកែវ ៤ករណី ឃាត់ខ្លួន៨នាក់ ករណីរក្សាទុកប្រើប្រាស់ដកហូតថ្នាំ ២៦កញ្ចប់តូច
៥៖ ខណ្ឌជ្រោយចង្វារ ៤ករណី ឃាត់ខ្លួន៩នាក់ ករណីរក្សាទុកដកហូតថ្នាំ៤កញ្ចប់តូច
៦៖ ខណ្ឌមានជ័យ១ករណី ឃាត់ខ្លួន១នាក់ ករណីរក្សាទុកដកហូតថ្នាំ៦កញ្ចប់តូច
៧៖ ខណ្ឌពោធិ៍សែនជ័យ ១ករណី ឃាត់ខ្លួន៤នាក់ ករណីប្រើប្រាស់
៨៖ ខណ្ឌដង្កោ ១ករណី ឃាត់ខ្លួន១នាក់ ករណីរក្សាទុកដកហូតថ្នាំ១កញ្ចប់តូច
៩៖ ការិយាល័យគ្រឿងញៀន១ករណី ឃាត់ខ្លួន៣នាក់ ករណីជួញដូរ ដកហូតថ្នាំ១៩កញ្ចប់តូច

ករណីខាងលើត្រូវបានសមត្ថកិច្ចជំនាញ រៀបចំក៏សាងសំណុំរឿងបញ្ជូន ទៅតុលាការតាមនីតិវិធី៕

 
 

ចាប់បាន​មេខ្លោងង​ពាក់ព័ន្ធ​ករណី​ជួញដូរ​អាវុធ​ប្រឆាំង​​រដ្ឋាភិបាល

រាជធានីភ្នំពេញ ៖ អ្នកនាំពាក្យក្រសួងមហាផ្ទៃ នាយឧត្តមសេនីយ៍ ខៀវ សុភ័គ បានថ្លែងបា្រប់អ្នកសារព័ត៌មានថា ប៉ូលិសបានចាប់ខ្លួនមេខ្លោងជួញដូរអាវុធក្នុងបំណងបះបោរប្រឆាំងនឹងរាជរដ្ឋាភិបាលកម្ពុជា កាលពីរសៀលថ្ងៃទី០២ ខែតុលា ឆ្នាំ២០១៨ នៅខេត្តព្រះវិហារ។ មេខ្លោងរូបនោះមានឈ្មោះ ប្តិន្តិ៍ ថងឌី ហៅក្រូច អាយុ៤៤ឆ្នាំ។

កម្លាំងសមត្ថកិច្ចរបស់អគ្គស្នងការដ្ឋាននគរបាលជាតិ ក៏បានរឹបអូសវត្ថុតាងផងដែរ រួមមាន ៖ អាវុធ២ដើម(ខ្លី០១ដើម វែង០១ដើម), គ្រឿងផ្ទុះ និងសារធាតុផ្សំគ្រឿងផ្ទុះមួយចំនួន។ ជនសង្ស័យ និងវត្ថុតាង ត្រូវបានបញ្ជូនទៅកាន់អគ្គស្នងការដ្ឋាននគរបាលជាតិ រាជធានីភ្នំពេញ ដើម្បីចាត់ការតាមនីតិវិធី។

ពាក់ព័ន្ធនឹងរឿងខាងលើនេះដែរ អយ្យការអមសាលាដំបូងរាជធានីភ្នំពេញ កាលពីថ្ងៃទី១ ខែតុលា ឆ្នាំ២០១៨ បានសម្រេចចោទប្រកាន់មនុស្ស ០៨នាក់ ពីបទរៀបចំចាត់តាំងក្រុមជនប្រដាប់អាវុធ សន្និធិអាវុធ និងគ្រឿងផ្ទុះដោយគ្មានការអនុញ្ញាត និងពីបទចូលរួមក្នុងក្រុមជនប្រដាប់អាវុធ តាមមាត្រា៤៨៥ មាត្រា ៤៨៦ និងមាត្រា៤៨៨ នៃក្រមព្រហ្មទណ្ឌ។

ជនត្រូវចោទទាំង៨នាក់រួមមាន ៖ ១. ឈ្មោះ សៀង វណ្ណឌឿន ២.ឈ្មោះ វ៉ន ឡេង ៣.ឈ្មោះ វ៉ន សាវណ្ណ ៤.ឈ្មោះ ថន សាម៉េត ៥.ឈ្មោះ ហេង ហៃ (ស្រី) ៦.ឈ្មោះ ណុប វ៉ុន ៧.ឈ្មោះ សាន សៅរី និង៨.ឈ្មោះ ប៉ែន ប៊ុនធឿន៕

 

 

ឪពុកកំពុងតែរាស់ដីស្រែព្រូសស្រូវ ២នាក់បងប្អូនលេងទឹកប្រឡាយស្លាប់ទាំង២

បន្ទាយមានជ័យ ៖ គួរឲ្យសង្វេគខ្លាំងណាស់ ដែលឪពុកម្តាយត្រូវតែមានការប្រុងប្រយ័ត្នខ្ពស់ មិនត្រូវបណ្តែតបណ្តោយ ឲ្យកូន ចៅ លេងទឹកដោយគ្មានមនុស្សចាស់ទៅជាមួយនោះឡើយ។ជាក់ស្តែងកុមារា២នាក់បងប្អូន ឪពុកកំពុងតែរាស់ដីស្រែព្រូសស្រូវ ២នាក់បងប្អូនលេងទឹកប្រឡាយស្លាប់ទាំង២ ។ហេតុការបង្កឲ្យមានការភ្ញាក់ផ្អើលនេះ បានកើតឡើង នៅថ្ងៃទី០១.១០.២០១៨វេលាម៉ោង៥និង៣០នាទីល្ងាច នៅត្រង់ចំណុចបឹងមាឃនៅខាងត្បូងភូមិគោកបល្លង្គ័ឃុំគោកបល្លង្គ័ ស្រុកមង្គលបូរី ខេត្តបន្ទាយមានជ័យ ចំងាយពីភូមិ៥០០ម៉ែត្រ ។

លោកវរសេនីយ៍ឯកស៊ិន  ណារ៉ាក់ អធិការនគរបាលស្រុកមង្គលបូរី បានឲ្យដឹងថា៖កុមារាជាបង ឈ្មោះកោះ លាងភេទប្រុសអាយុ០៧ឆ្នាំនិងកុមារាជាប្អូនឈ្មោះ កោះ ឡាង ភេទប្រុសអាយុ០៤ឆ្នាំ ដែលមាន ឪពុកឈ្មោះ កើត នី អាយុ៣៩ឆ្នាំ ម្តាយឈ្មោះ យី ស៉ីឡុង អាយុ៣១ ឆ្នាំ នៅភូមិគោកបល្លង្គ័ឃុំគោកបល្លង្គ័ ស្រុកមង្គលបូរី ខេត្តបន្ទាយមានជ័យ។

លោកអធិការបានបញ្ជាក់ថា៖មុនពេលកើតហេតុ តាមការសាកសួរព័ត៌មានពីឪពុកបាននិយាយថា កូនប្រុសរបស់គាត់ទាំង២នាក់ បានទៅតាមគាត់ភ្ជួររាស់ដីស្រែ ដើម្បីព្រូសស្រូវ  ពេលកំពុងតែភ្ជួររាស់ ភ្លេចខ្លួនមួយភ្លេតក៏ស្រាប់តែបាត់ពួកគេទាំង២នាក់ ដោយមិនដឹងទៅណា ហើយគាត់ក៏ដើររកមើលកូនតាមប្រឡាយ ស្រាប់តែប្រទះឃើញកូនគាត់លង់ទឹកស្លាប់ទាំង២នាក់ មិនដឹងពីពេលណានោះទេ។

ជាមួយគ្នានោះដែរ លោកអធិការបានអំពាវនាវទៅដល់អាណាព្យាបាល ក៏ដូចជាឪពុកម្តាយទាំងអស់ សូមមេត្តាមានការប្រុងប្រយ័ត្នចំពោះកូន ចៅតូចៗ កុំឲ្យមានការឆ្វេសប្រហែស ខណៈពេលនេះគឺជា រដូវទឹកឡើង កុំឲ្យក្មេងលេងទឹកដោយគ្មានមនុស្សនៅក្បែរដែលនាំឲ្យមានគ្រោះថ្នាក់។ បច្ចុប្បន្ននេះសពក្មេងប្រុស២នាក់បងប្អូនត្រូវបានឪពុកម្តាយរៀបចំធ្វើបុណ្យតាមប្រពៃណីទាំងក្តីសោកសង្រែងនិងអាឡោះអាល័យជាទីបំផុតុ៕


បង្ហាញមុខឃាតករវាយសម្លាប់ប្រពន្ធទី៣ ក៏ព្រោះតែភ្លើងប្រចណ្ឌ

(បន្ទាយមានជ័យ)នគរបាលជំនាញការិយាល័យ ព្រហ្មទណ្ឌកំរិតធ្ងន់បង្ហាញមុខឃាតករវាយសម្លាប់ប្រពន្ធទី៣ របស់ខ្លួនក៏ព្រោះតែភ្លើងប្រចណ្ឌ ទៅតុលាការខេត្តបន្ទាយមានជ័យ នៅថ្ងៃទី៣០ខែកញ្ញាឆ្នាំ២០១៨នេះហើយ។លោកវរសេនីយ៍ទោភឿង  ម៉ាន់សឹង្ហ នាយការិយាល័យ នគរបាលព្រហ្មទណ្ឌកំរិតធ្ងន់បានឲ្យដឹងថា៖ជនសង្ស័យជាប្តី ឈ្មោះ ទុង  ថា អាយុ៤៦ឆ្នាំ ,ចំណែកស្ត្រីរងគ្រោះជាប្រពន្ធឈ្មោះធ្លោក ថាញ់ អាយុ៤៣ឆ្នាំ គ្រួសារនេះ រស់នៅភូមិត្រសេកជ្រុំ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ក្រោយពីធ្វើសកម្មភាពវាយសម្លាប់ប្រពន្ធរួមជនសង្ស័យជាប្តី បានរត់គេចខ្លួនទៅលាក់ខ្លួននៅក្នុងភូមិសាស្ត្រ ស្រុកក្រវ៉ាញ ខេត្តពោធិសាត់ ។ លោកនាយការិយាល័យបានបញ្ជាក់ថា៖ក្រោយពីទទួលបាននូវព័ត៌មានពីករណីឃាតកម្មនេះ លោកឧត្តមសេនីយ៍ទោអាត់ ខែម ស្នងការនគរបាលខេត្ត បន្ទាយមានជ័យ បានដាក់ចេញនូវបទបញ្ជាតាមប្រម៉ាញ់ចាប់យកជនល្មើសមកផ្តន្ទាទោសឲ្យខាងតែបាន កម្លាំងនគរបាលជំនាញព្រហ្មទណ្ឌ និងកម្លាំងនគរបាលនៃអធិរដ្ឋានស្រុកម៉ាឡៃ ដឹកនាំបញ្ជាដោយលោកឧត្តមសេនីយ៍ត្រីសិទ្ធ  ឡោះ ស្នងការរងទទួលផែននគរបាលព្រហ្មទណ្ឌ និងមានការសម្របសម្រួលពន្លាតដែនដីពីលោក មាស ច័ន្ទពិសិដ្ឋ ព្រះរាជអាជ្ញា អមសាលាដំបូងខេត្ត កម្លាំងជំនាញនិងកម្លាំងនគរបាលស្រុកម៉ាឡៃ បានសហការជាមួយកម្លាំងនគរបាលខេត្តពោធិសាត់ បង្រ្កាបចាប់ឃាត់ខ្លួនជនសង្ស័យនៅវេលាម៉ោង៧យប់នាថ្ងៃទី២៨ខែកញ្ញា ឆ្នាំ២០១៨នោះផងដែរ។

លោកវរសេនីយ៍ទោ ភឿង  ម៉ាន់សឹង្ហ នាយការិយាល័យនគរបាលព្រហ្មទណ្ឌកំរិតធ្ងន់ បានបញ្ជាក់ថា៖គ្រួសារនេះ គឺគ្មានកូនទេ ហើយប្តីប្រពន្ធ២នាក់នេះ គឺជាមនុស្សញៀនស្រា ពេលប្តីស្រវឹងស្រា តែងតែប្រើអំពើហឹង្សាវាយដំ ទៅលើប្រពន្ធជាក់ស្តែងកាលពីថ្ងៃទី២៤ខែកញ្ញាឆ្នាំ២០១៨ បុរសជាប្តីបានស្រវឹងស្រា ហើយយកភ្លើងបារីអុជសាច់ភ្លៅប្រពន្ធ វាយមុខប្រពន្ធនបណ្តាលឲ្យភ្នែក ជាំមុខ ពេលសមត្ថកិច្ចទៅនាំស្ត្រីជាប្រពន្ធលាក់លៀមជាមួយសមត្ថកិច្ច ។ លុះយប់កើតហេតុយប់ថ្ងៃទី២៧ ខែកញ្ញាឆ្នាំ២០១៨  ប្តីប្រពន្ធ ស្រវឹងស្រា ក៏មានការឈ្លោះប្រកែកគ្នាតែដោយរឿងដដែលគ្មានអ្នកគេចាប់អារកម្ម ។លុះដល់វេលាម៉ោង៤ទាបភ្លឺ ថ្ងៃទី២៨ខែកញ្ញាឆ្នាំ២០១៨ ទើបដឹងថា៖ស្ត្រីជាប្រពន្ធស្លាប់ បាត់ប្តីក៏មានការភ្ញាក់ផ្អើល។

ជាមួយគ្នានោះដែរ ជនសង្ស័យជាប្តីក៏បានសារភាពថា៖នៅវេលាម៉ោង៤ទាបភ្លឺថ្ងៃទី២៨ខែកញ្ញាឆ្នាំ២០១៨ ខ្លួនបានវាយសម្លាប់ប្រពន្ធទី៣របស់ខ្លួនមែន ក៏ព្រោះតែភ្លើងប្រចណ្ឌ ជាមួយនឹងអ្នកជិតខាង ហើយពេលខ្លួនហៅប្រពន្ធមកដេកជាមួយប្រពន្ធរបស់ខ្លួនមិនព្រម ក៏រឿងខឹងយកញញួរមកវាយដើមទ្រូងនិងយកខ្នើយខ្ទប់ច្រមុះ ក្រោយពេលនាងស្លាប់ក៏រត់គេខ្លួន ទៅផ្ទះអ៊ុ នៅភូមិអូរប្ញស្សី ឃុំបាក់ជញ្ចៀន ស្រុកក្រវ៉ាញ ខេត្តពោធិសាត់ ក៏ត្រូវបានសមត្ថកិច្ចចាប់ឃាត់ខ្លួនបានតែម្តង។ចំពោះរឿងដែលចោទថា៖ធ្លាប់សម្លាប់មនុស្សនៅខេត្តព្រៃវែងកាលពីអំឡុងឆ្នាំ១៩៩៤នោះ គឺមិនមែនទេ គឺមិត្តភក្រ្តម្នាក់ទៀតជាអ្នកសម្លាប់ គ្រាន់តែករណីនោះបានកើតឡើងនៅផ្ទះរបស់គេ ដោយជម្លោះពេលផឹកស៊ីរវាងមិត្តនិងមិត្តរបស់គេ។តាំងពីនោះមកដោយភ័យខ្លាចមានរឿងរាវដែរគេក៏រត់គេចខ្លួនមកស្រុកម៉ាឡៃ ដែលមានរយៈ២០ឆ្នាំជាងហើយដែរ៕

ចាប់ខ្លួនជនជាតិ​ចិន​ម្នាក់​ ​តាម​សំណើរបស់​សមត្ថកិច្ច​​ប្រទេស​ចិន​

រាជធានីភ្នំពេញ ៖ នគរបាលអន្តោប្រវេសន៍ឃាត់ខ្លួនជនជាតិចិនម្នាក់តាមសំណើពីសមត្ថកិច្ចរបស់ប្រទេសចិន។ ជនបរទេសខាងលើត្រូវនគរបាលឃាត់ខ្លួននៅថ្ងៃចន្ទ ៧រោច ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែតុលា ឆ្នាំ២០១៨ វេលាម៉ោង១៧ និង០៥នាទី ស្ថិតនៅក្បែរគល់ស្ពានជ្រោយចង្វា សង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

លោកវរសេនីយ៍ទោ ជា ចិត្រា ជានាយការិយាល័យស៊ើបអង្កេត និងអនុវត្តនីតិវិធីរាជធានីភ្នំពេញបានឱ្យដឹងថា ជនជាតិចិនខាងលើឈ្មោះ SUO KANG ភេទប្រុស អាយុ២៦ឆ្នាំ កាន់លិខិតឆ្លងដែនលេខ EB3908325។

លោកបន្តថា ក្នុងប្រតិបត្តិការខាងលើកម្លាំងរាជធានីភ្នំពេញសហការជាមួយនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ និងកម្លាំងសមត្ថកិច្ចមូលដ្ឋាន ខណ្ឌជ្រោយចង្វារ សម្របសម្រួលផ្លូវច្បាប់ដោយលោក សៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនិងលោក លឹម ស៊ាងហៃ ក្រឡាបញ្ជី។

បច្ចុប្បន្នជនជាតិចិនបានបញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់៕(ប្រភពអគ្គស្នងការនគរបាលជាតិ)

 acebook

ក្នុងខែកញ្ញាគ្រោះថ្នាក់ចរាចរណ៍សម្លាប់មនុស្ស១៣១នាក់ របួស៣៣២នាក់

រាជធានីភ្នំពេញ ៖ យោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិឲ្យដឹងថា ក្នុងខែកញ្ញា ឆ្នាំ២០១៨ គ្រោះថ្នាក់ចរាចរណ៍ទូទាំងប្រទេសកើតឡើងចំនួន២៥០លើក សម្លាប់មនុស្ស១៣១នាក់ និង៣៣២នាក់ផ្សេងទៀតរបួស

របាយការណ៍ដដែលបញ្ជាក់ថា នៅក្នុងខែកញ្ញា ឆ្នាំ២០១៨ គ្រោះថ្នាក់ចរាចរណ៍បានកើតឡើងចំនួន២៥០លើក ថយចុះ២លើកបើប្រៀបធៀបនឹងរយៈពេលដូចគ្នាក្នុងខែសីហា ឆ្នាំ២០១៨ ស្លាប់មនុស្ស១៣១នាក់ (ស្រី១២នាក់) កើនឡើ១១នាក់ របួសធ្ងន់២៥១នាក់កើនឡើង៦នាក់  និង៨១នាក់របួសស្រាលថយចុះ៣១នាក់។

របាយការណ៍ខាងលើបន្ថែមទៀតថា មូលហេតុដែលកើតគ្រោះថ្នាក់ចរាចរណ៍ច្រើនជាងគេ បើកល្បឿនលឿន៩៧លើក មិនគោរពសិទ្ធិ ៥០លើក មិនប្រកាសន់ស្តាំ៣៣លើក បត់គ្រោះថ្នាក់ ២៧លើក ប្រជែង២៤លើក ស្រវឹង១១លើក កត្តាយានយន្ត៦លើក និងងងុយដេក២លើក៕

 

ស្លាប់៦​នាក់ របួស​៦​នាក់ក្នុងគ្រោះថ្នាក់​ចរាចរណ៍ទូទាំងប្រទេសម្សិលមិញ

រាជធានីភ្នំពេញ ៖ នៅថ្ងៃទី២៦ ខែកញ្ញា ឆ្នាំ២០១៨ម្សិលមិញ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៩លើក(យប់៣លើក) បណ្តាលឲ្យមនុស្សស្លាប់ ៦នាក់ របួសធ្ងន់ ៣នាក់ របួសស្រាល ៣នាក់(ស្រី) មិនពាក់មួកសុវត្ថិភាពពេលគ្រោះថ្នាក់ ៦នាក់ (យប់១នាក់)។ នេះបើយោងតាមរបាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ។

របាយការណ៍ដដែលបន្តថា នៅក្នុងករណីគ្រោះថ្នាក់ចរាចរណ៍ទាំង ៩លើកនេះ បានបង្កឲ្យមានការខូចខាតយានយន្តសរុប ១៦គ្រឿង ក្នុងនោះមានម៉ូតូ ៨គ្រឿង រថយន្តធុនតូច ៤គ្រឿង រថយន្តធំ ៤គ្រឿង ហើយមូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្បឿន ៤លើក(ស្លាប់៣នាក់), ប្រជែង ៣លើក(ស្លាប់២នាក់), មិនប្រកាន់ស្តាំ ១លើក(ស្លាប់១នាក់) និងមិនគោរពសិទ្ធិ ១លើក ។

របាយការណ៍ខាងលើបញ្ជាក់ថា គ្រោះថ្នាក់នៅលើដងផ្លូវ រួមមាន ផ្លូវជាតិ ៥លើក ផ្លូវខេត្ត ៣លើក ផ្លូវលំ ១លើក ។ ដោយឡែក យានយន្តដែលបង្កហេតុ រួមមាន ម៉ូតូ ៥លើក រថយន្តតូច ១លើក រថយន្តធំ ៣លើក ។ ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ភ្នំពេញ ២លើក ស្លាប់១នាក់របួស១នាក់, ព្រះសីហនុ ២លើក ស្លាប់១នាក់ របួស៣នាក់(ស្រី), ស្វាយរៀង ២លើក ស្លាប់១នាក់ របួស១នាក់, បាត់ដំបង ២លើក ស្លាប់១នាក់ របួស១នាក់, ព្រះវិហារ ១លើក ស្លាប់១នាក់ និងខេត្តប៉ៃលិន ១លើក ស្លាប់១នាក់ ។

របាយការណ៍គ្រោះថ្នាក់ចរាចរណ៍ផ្លូវគោករយៈពេល២៦ថ្ងៃ គិតចាប់ពីថ្ងៃទី១-២៦ ខែកញ្ញា ឆ្នាំ២០១៨ កើតឡើងចំនួន ២១១លើក បណ្តាលឲ្យមនុស្សស្លាប់ ១០៥នាក់ របួសសរុប ២៧៤នាក់ របួសធ្ងន់ ២០៤នាក់ របួសស្រាល ៧០នាក់ ៕

ឆ្លង​ចរន្ត​អគ្គិសនី​ឆេះ​ ការិយាល័យក្រុមហ៊ុន Opennet នៅខណ្ឌចំការមន (Video inside)

(ភ្នំពេញ)៖ ផ្ទះវីឡាមួយកន្លែង ដែលជាការិយាល័យក្រុមហ៊ុនផ្តល់សេវាអ៊ីនធើណេត Opennet ត្រូវបានឆេះ បន្ទាប់ពីឆ្លងចរន្តអគ្គិសនី បង្កឲ្យមានការផ្ញាក់ផ្អើលយ៉ាងខ្លាំង នៅតាមបណ្ដោយផ្លូវលេខ៣០៦ ស្ថិតក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ នៅម៉ោងជាង១១យប់ ថ្ងៃទី២៦ ខែកញ្ញា ឆ្នាំ២០១៨។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឮសំលេងផ្ទុះ នៅជិតរបងក្រុមហ៊ុន Opennet បន្ទាប់ពីសំលេងផ្ទុះមិនបានប៉ុន្មាននាទីផង មានអណ្តាតភ្លើងយ៉ាងខ្លាំងចាប់ឆេះតែម្តង ហើយក៏បានឃើញកម្លាំងបង្ការ និងពន្លត់អគ្គិភ័យ បានចេញជួយសង្រ្គោះ រហូតដល់ម៉ោងជិត២រំលងអាធ្រាត្រ ឈានចូលថ្ងៃទី២៧ ខែកញ្ញា ឆ្នាំ២០១៨ ទើបអគ្គិភ័យរលត់ទាំងស្រុង។

គួរបញ្ជាក់ផងដែរថា សមត្ថកិច្ចប្រើប្រាស់រថយន្តពន្លត់អគ្គិភ័យជាច្រើនគ្រឿង ជួយអន្តរាគមន៍បាញ់ពន្លត់ភ្លាមៗ ទើបអាចទប់ស្កាត់នៃការឆេះមិនឲ្យរាលដាលទៅផ្ទះផ្សេងទៀត។ ហេតុការណ៍នេះមិនបណ្តាលឲ្យមាននរណាម្នាក់រងរបួសឡើយ គឺគ្រាន់តែខូចខាតសម្ភារៈមួយចំនួនតែប៉ុណ្ណោះ៕

 

 

 

 

តំបន់មួយចំនួនក្នុងក្រុងបាត់ដំបងរងការជន់លិចដោយទឹកភ្លៀង

ខេត្តបាត់ដំបង ៖ យោងតាមក្រសួងធនធានទឹកបានឲ្យដឹងថា ភ្លៀងមួយមេធំនៅក្នុងភូមិសាស្ត្រក្រុងបាត់ដំបង ដែលបានចាប់ធ្លាក់តាំងពីវេលាល្ងាចម៉ោងប្រមាណ ១៧:០០ នាទី រហូតមកដល់យប់ម៉ោង ២០:០០ នាទី ថ្ងៃទី២៤ ខែកញ្ញា ឆ្នាំ២០១៨ នេះ ក្នុងកម្រិត ៥២,៨ មមបានបង្កឲ្យតំបន់មួយចំនួនក្នុងក្រុងរងការជន់លិចដោយទឹកភ្លៀង ។

ក្រសួងបន្តថា បណ្តាស្រុកមួយចំនួនទៀត មានដូចជា ស្រុកថ្មគោល ស្រុកបាណន់ ស្រុករតនមណ្ឌល និងស្រុកមោងឫស្សី ក៏ទទួលបានរបាយទឹកភ្លៀងក្នុងកម្រិតពីតិចទៅខ្លាំងផងដែរ៕