បណ្តាញសង្គម

ឡាន​ទំនើប​បុក​គេ​កណ្តាល​អា​ធ្រា​ត បុក​ចូល​ហាង​លក់​កាមេរ៉ា​ទៀត​! ចាប់​មិន ទាន់​បាន​?

ភ្នំពេញ ៖ កាលពីវេលាម៉ោង០២និង០០នាទីយប់រំលងអធ្រាត្រឈានចូលថ្ងៃទី២៧ ខែមីនាឆ្នាំ២០១៨នេះ មានសេចក្តីរាយការណ៍មួយថាមានរថយន្តទំនើបមួយគ្រឿងម៉ាក ឆារ៉ូឡែនបានបើកបរយ៉ាងលឿននៅម្តុំហាងធីខេ(ទួលគោក) ដល់ផ្លូវបត់មិនបង្អង់ ក៏ជ្រុលទៅបុកប៉ះរថយន្តមួយគ្រឿងចតចោលហើយក៏រ៉េចង្កូតបុករឹម៉កកង់បី មួយទៀតមុននឹងបុកចូលហាងលក់កាមេរ៉ា បណ្តាលអោយមានខូចខាតទ្រព្យសម្បត្តិនៅចំណុចមុខផ្សារស៊ីខេ សង្កាត់បឹងកក់ទី១ ខណ្ឌទួលគោក។ អ្នកយកពត៌មានរស្មីកម្ពុជាបានរាយការណ៍មកថា មកទល់ព្រឹកនេះ សមត្ថកិច្ចមិនទាន់ស្វែងរកចាប់បានរថយន្តប្រណិត ដែលបង្កគ្រោះថ្នាក់បុកគេនោះនៅឡើយទេ ទោះទីនោះសំបូរកាំមេរ៉ាសុវត្ថិភាពក៏ដោយ។ សាក្សីនៅកន្លែងកើតហេតុបានឲ្យដឹងថា គេបានឃើញ រថយន្តទំនើបម៉ាក ឆារ៉ូឡែតមួយគ្រឿង តែមិនចាំស្លាកលេខឡើយ បានបើកយ៉ាងលឿនតាម បណ្តោយផ្លូវ៣១៥ ទិសដៅពីត្បូងទៅជើងលុះមកដល់ចំណុចកើតហេតុ រថយន្តនោះវាក់នឹងផ្លូវកោងបត់មិនទាន់ក៏បើកឡើងលើចិញ្ចើមផ្លូវ រួចបុករថយន្តម៉ាកតាកូម៉ាមួយគ្រឿងពណ៌ស្ករពាក់ស្លាកលេខ ភ្នំពេញ 2D-3597 ដែលម្ចាស់ចត ចោលពេលយប់បណ្តាលឲ្យខូចខាតទ្វារខាងឆ្វេងនិងបែកកង់មុខ។ រថយន្តនោះមិនទាន់អស់ល្បឿនទេ ក្រោយបុកលើកទីមួយក៏បន្តទៅបុករ៉ឺម៉កកង់បីចតនៅចិញ្ចើមផ្លូវទៀតឡើងខ្ទេច ហើយរថយន្តនោះក៏បានផ្លោងខ្ទាតចូលក្នុងហាងលក់កាមេរ៉ា បណ្តាលឲ្យទ្វាររ៉ូតនិងទ្វារកញ្ចក់បែកហាងបែកខ្ទេច។ ករណីនេះមិនមានអ្នករងរបួសនោះទេ។ក្រោយបុកបានសម្រេចលោកឡានទំនើបនោះ បានដាក់លេខថយក្រោយ រួចបត់ឡើងទៅផ្លូវ៥១៦ បើករត់បាត់ស្រមោលទាំងកណ្តាលរាត្រី គ្មានរំខានបងៗសមត្ថកិច្ចឡើយ។ នៅព្រឹកថ្ងៃទី២៧មីនានេះ ម្ចាស់ហាងលក់កាមេរ៉ាបានទៅដាក់ពាក្យបណ្តឹង ដើម្បីឲ្យសមត្ថកិច្ចស្រាវជ្រាវតាមចាប់លោករថយន្តនោះ ហើយរួមជាមួយរថយន្តមួយគ្រឿង និងរ៉ឺម៉កកង់បី។ ចាំមើលគេតាមរកឃើញលោកឡានទំនើបនោះឬអត់?៕

 

 

ឃាត់ខ្លួន​ជនសង្ស័យ​ម្នាក់​ករណី​រំលោភ​អនីតិជន​

ភ្នំពេញ ៖ កម្លាំងសមត្ថកិច្ចនគរបាលសង្កាត់ស្វាយប៉ាក បានឃាត់ខ្លួនជនសង្ស័យម្នាក់ ករណីរំលោភសេពសន្ធវៈលើអនីតិជន។ ហេតុការណ៍នេះ បានកើតឡើងនៅវេលាម៉ោង៩និង៤០នាទីយប់ ថ្ងសទី២៦ ខែមីនា ឆ្នាំ២០១៨ ត្រង់ចំណុចផ្ទះលេខ២៥២F ក្រុមទី៣ ភូមិស្វាយប៉ាក សង្កាត់ស្វាយប៉ាក។ ជនសង្ស័យដែលត្រូវឃាត់ខ្លួន ឈ្មោះ ម៉េងលី សេងអ៊ី ភេទប្រុស អាយុ២៧ឆ្នាំ ជនជាតិខ្មែរ មុខរបរជាងថតរូប មានទីលំនៅផ្ទះលេខ២៥២F ក្រុមទី៣ ភូមិស្វាយប៉ាក សង្កាត់ស្វាយប៉ាក។ ចំណែក ក្មេងស្រីរងគ្រោះ ឈ្មោះ ជ.ស.ន អាយុ១៣ឆ្នាំ មានទីលំនៅត្រង់ចំណុចកើតហេតុ មុខរបរបុគ្គលិក ក្រុមហ៊ុនឯកជន។ បើតាមការអះអាងពីមន្ដ្រីនគរបាលសង្កាត់ស្វាយប៉ាក បានឲ្យដឹងថា ជនសង្ស័យបានសារភាពថា ខ្លួនធ្លាប់រំលោបក្មងរងគ្រោះបានសំរេចចំនួន០៣ដង លើកចុងក្រោយនៅថ្ងៃទី២៥ ខែមីនា ឆ្នាំ២០១៨ វេលាម៉ោង១១យប់ នៅក្នុងផ្ទះរបស់ខ្លួនចំណុចកើតហេតុខាងលើ។ បច្ចុប្បន្ន សមត្ថកិច្ចនគរបាលសង្កាត់ស្វាយប៉ាក កំពុងសួរចម្លើយ និងបញ្ជូនខ្លួនតាមនីតិវិធី៕

ស្រវឹង​ខឹង​ប្រពន្ធ​បាញ់​២​គ្រាប់ ត្រូវ​សមត្ថកិច្ច​ឃាត់ខ្លួន​

មណ្ឌលគិរី : បុរសម្នាក់ ត្រូវបានកម្លាំងនគរបាលប៉ុស្ដិ៍រដ្ឋបាល ឃុំសុកសាន្ដ ស្រុកកោះញែក ឃាត់ខ្លួន ពីបទប្រើប្រាស់អាវុធខុសច្បាប់ បន្ទាប់ពីបុរសនេះ បានបាញ់កាំភ្លើងអាកា២គ្រាប់ឡើងលើ។ ហេតុការណ៍នេះ បានកើតឡើងនៅវេលាម៉ោង ១១និង៤០នាទីយប់ ថ្ងៃទី២៦ ខែមីនា ឆ្នាំ២០១៦ នៅចំណុចចំណុចភូមិក្លង់ឡែ ឃុំសុខសាន្ត ស្រុកកោះញែក។ តាមការអះអាងពីសមត្ថកិច្ចបានឲ្យដឹងថា បុរសដែលត្រូវឃាត់ខ្លួននេះ មានរហ័ស្សនាម ខ្វែន ៣ អាយុ៣៦ ឆ្នាំ ជនជាតិព្នង។ ប្រភពដដែលបានបន្ដទៀតថា ជនសង្ស័យសារភាពថា មកពីស្រវឹងហើយខឹងប្រពន្ធពេក ទើបបាញ់ឡើងលើ២គ្រាន់ តែពុំបានបណ្ដាលឲ្យមានអ្នករបួសនោះឡើយ៕

ឪពុក​-​កូន ជិះ​ម៉ូតូ​មកពី​ស៊ីការ​ត្រូវ​ក្រុមចោរស្ទាក់​បាញ់​ប្លន់​យក​ម៉ូតូ​ទៅ​បាត់​

ខេត្តកំពង់ធំ ៖ ក្រុមចោរ៣នាក់បានតាមស្ទាក់បាញ់ប្លន់ម៉ូតូពីឪពុកនិងកូនប្រុស ខណៈកំពុងជិះម៉ូតូតាមផ្លូវ ពេលត្រឡប់មកពីស៊ីការបណ្តាលឲ្យកូនប្រុសរងរបួសធ្ងន់។ ចំណែកម៉ូតូក៏ត្រូវចោរប្លន់យកទៅបាត់ថែមទៀត។ មន្ត្រីនគរបាលមូលដ្ឋានបានបញ្ជាក់ថា ករណីប្លន់ប្រដាប់អាវុធនេះ បានកើតឡើងកាលពីវេលាម៉ោង១៩ និង៣០យប់ នាថ្ងៃទី២៥ ខែមីនា ឆ្នាំ២០១៨ម្សិលមិញ នៅចំណុចអ្នកតាស្នាយ ចន្លោះភូមិគូរ នឹងភូមិខ្សាច់ល្អិត ស្ថិតនៅឃុំចុងដូង ស្រុកបារាយណ៍ ខេត្តកំពង់ធំ។ ជនរងគ្រោះមានឈ្មោះ ស៊ុន សេងហៀង ភេទប្រុស អាយុ២៩ឆ្នាំ (របួសធ្ងន់ចំភ្លៅឆ្វេង) មានទីលំនៅ ត្រពាំងស្វាយ ឃុំបល្ល័ង្គ ស្រុកបារាយណ៍ ខេត្តកំពង់ធំ ចំណែកឪពុកមានឈ្មោះ អ៊ុន គីម អាយុប្រហែល៦០ឆ្នាំ ត្រូវក្រុមចោរស្វាគមន៍៣ទៅ៤កំផ្លៀងទីលំភូមិ ឃុំជាមួយគ្នា។ តាមជនរងគ្រោះឈ្មោះ អ៊ុន គីម បានរៀបរាប់ឲ្យដឹងថា មុនពេលកើតហេតុគាត់ និងកូនប្រុសរបស់គាត់ បានជិះម៉ូតូចេញដំណើរពីផ្ទះទៅស៊ីការគេនៅភូមិគូរ លុះហូបការរួច គាត់ពីរនាក់កូនប្រុសគាត់ជិះម៉ូតូវិលត្រឡប់មកផ្ទះវិញ តែចៃដន្យមកដល់ចំណុចកើតហេតុខាងលើ ស្រាប់តែក្រុមចោរមួយក្រុមមានគ្នា៣នាក់ យកកាំភ្លើង AK មកភ្ជុងប្លន់យកម៉ូតូឌ្រីមសង់ C125 ពណ៌ខ្មៅស៊េរី២០១៧ ស្លាកលេខ2424។ ពេលយកម៉ូតូបានហើយ ក្រុមចោរបានគំរាមឲ្យដោះគ្រឿងអលង្ការទៀត ពេលនោះជនរងគ្រោះបានតដៃជាមួយក្រុមចោរ ហើយត្រូវក្រុមចោរ ក៏បាញ់ចំនួន២គ្រាប់១គ្រាប់ចំភ្លៅខាងស្តាំ ហើយធ្លាយគ្រាប់មកបៀមខាងឆ្វេងបណ្តាលឲ្យរបួសធ្ងន់ ១គ្រាប់ទៀតបាញ់ចំដី ៕

​ចិត្តធំ​មិនធម្មតា​!​នារី​ម្នាក់​សា​ហាយ​ស្មន់​ជាមួយ​ចិន​ចង់​ជួល​គេ​សម្លាប់​ប្ដី​ខ្លួនឯង​

បន្ទាយមានជ័យ៖ប្រភពព័ត៌មានបានឱ្យដឹងថា មានការភ្ញាក់ផ្អើលកាលពីព្រឹកថ្ងៃទី២១ មីនាឆ្នាំ២០១៨ ដោយបុរសជាប្តីបានប្តឹងសមត្ថកិច្ចឱ្យចុះទៅអន្តរាគមន៍នៅកន្លែងកើតហេតុភ្លាមៗ បន្ទាប់ពីគាត់រកប្រពន្ធឃើញតាមប្រព័ន្ធ GPS ក្រោយសង្ស័យជាយូរមកហើយថា បានផិតក្បត់ទៅលួចមានសហាយជាមួយបុរសជនជាតិចិន។ កន្លងមក ប្រពន្ធចេះតែបដិសេធប៉ុន្តែទីបំផុតក៏បានតាមរកប្រពន្ធតាមប្រព័ន្ធGPS ក៏ឃើញនាងតាមទូរស័ព្ទថា កំពុងនៅជាមួយជនជាតិចិននោះមែន ។ ហេតុការណ៍នេះ កើតឡើងស្ថិតនៅភូមិបាលិលេយ្យ១ សង្កាត់និងក្រុងប៉ោយប៉ែត។ ប្រភពដដែលបានបន្តថា ស្ត្រីជាប្រពន្ធមានអាយុ១៩ឆ្នាំ រស់នៅភូមិសាមគ្គីមានជ័យ សង្កាត់និងក្រុងប៉ោយប៉ែត។ ចំណែកបុរសជាប្តីឈ្មោះរ៉ូ អាយុជាង២០ឆ្នាំ មានទីលំនៅភូមិ និងសង្កាត់ផ្សារកណ្តាល ។ រីឯបុរសជនជាតិចិនដែលជាសង្ស័យថា ជាសហាយនោះនៅមិនទាន់ដឹងឈ្មោះនៅឡើយទេ ព្រោះត្រូវសមត្ថកិច្ចបានឃាត់ខ្លួននាំទៅអធិការដ្ឋានបាត់ ។ ប្រភពបន្តថា បើតាមបុរសជាប្តីបានប្រាប់ឱ្យដឹងថា ខ្លួននិងប្រពន្ធ បានរៀបការនឹងគ្នាដោយស្របច្បាប់កាលពីខែធ្នូ ឆ្នាំ២០១៦។ប៉ុន្តែរស់នៅជាមួយគ្នាបានមួយរយៈ នាងចេះតែលួចលាក់ចេញទៅក្រៅ ធ្វើឲ្យខ្លួនមានការសសង្ស័យ។ ក្រោយមក ខ្លួនបានតាមដានតាមប្រព័ន្ធ GPS ទើបដឹងថា នាងជាប្រពន្ធមានទំនាក់ទំនងជាមួជនជាតិចិននោះមែន រហូតខ្លួនខឹងក៏ទៅដាក់ពាក្យប្តឹង និងទាមទារបណ្តាការចំនួន៥.០០០ដុល្លារ។ តែនាងបដិសេធ ហើយព្រមឲ្យតែ១.១០០ដុល្លារ ។ មិនតែប៉ុណ្ណោះ បុរសជាប្តីចាប់បានសារទាក់ទងគ្នា ដែលប្រែតាមប្រព័ន្ធបកប្រែពីខ្មែរទៅចិន និងពីចិនទៅខ្មែរជាហូរហែ។ យ៉ាងណាក៏ដោយជុំវិញករណីនេះគេមិនទាន់អាចសាកសួរបំភ្លឺពីស្ត្រីជាប្រពន្ធបាននៅឡើយទេព្រោះនាងត្រូវសមត្ថកិច្ចនាំចេញទៅបាត់៕

​ភ្លើង​ឆេះ​ផ្ទះ​លក់​ឥ​វ៉ាន់​ពីរ​ខ្នង​អស់ទាំង​ស្រុង​មិនដឹង​មូលហេតុ​នៅ​ស្រុក​វើ​ន​សៃ​

រនគិរី៖អគ្គិភ័យបានលេបត្របាក់ផ្ទះលក់ឥវ៉ាន់ពីរខ្នងអស់ទាំងស្រុងមិនដឹងមូលហេតុដោយបំផ្លាញទ្រព្យសម្បត្តិសរុបប្រមាណជាងមួយម៉ឺនដុល្លារ។ហេតុការណ៍បានកើតឡើងនៅភូមិហ្វាំងឃុំប៉ុង់ស្រុកវើនសៃខេត្តរតនគិរីកាលពីថ្ងៃទី២១ខែមីនាឆ្នាំ២០១៨។ ប្រភពបានឱ្យដឹងថាករណីភ្លើងឆេះផ្ទះនេះអស់ពីរខ្នងទទឹង១០ម៉ែត្របណ្តោយ១២ម៉ែត្រជញ្ជាំងឈើប្រកដំបូលប្រូស៊ីម៉ងត៍មិនដឹងមូលហេតុដែលបណ្តាលឱ្យឆេះផ្ទះខាងលើនេះ។ម្ចាស់ផ្ទះឈ្មោះព្រៀនាអាយុ៣៨ឆ្នាំជនជាតិឡាវប្រពន្ធឈ្មោះកែវថងជនជាតិឡាវមានកូន៣នាក់ស្រី២ប្រុស់១ក្នុងបន្ទុក។ ប្រភពបានបន្តថាគាត់ជាម្ចាស់ផ្ទះនោះបានប្រាប់ថាមុនកើតហេតុលោកកំពុងជូសជុលម៉ាស៊ីននៅក្នុងផ្ទះ។ខណៈពេលនោះស្រាប់តែមានអណ្តាតភ្លើងឆេះចេញពីមុខផ្ទះយ៉ាងសន្ធោសន្ធៅពីឥវ៉ាន់ចាប់ហ៊ួយរបស់គាត់នោះតែម្តង។ពេលដែលប្រពន្ធនិងកូនរបស់គាត់កំពុងតែនៅដេកក្នុងផ្ទះនៅឡើយ។ ប្រភពដដែលបានបន្តថាឥវ៉ាន់ចាប់ហ៊ួយនិងឥវ៉ាន់ផ្សេងជាច្រើនទៀតបូករួមនិងផ្ទះសរុបប្រមាណជាង១ម៉ឺនដុល្លារ។តែមិនបង្កឲ្យមានរងគ្រោះដល់អាយុជីវិតមនុស្សឬរងរបួសនោះទេ៕

ម្សិលមិញ​បង្ក្រាប​គ្រឿងញៀន​១៦​ករណី ឃាត់ខ្លួន​មនុស្ស​៤១​នាក់​

រាជធានីភ្នំពេញ ៖ ក្នុងយុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី២១ ខែមីនា ឆ្នាំ២០១៨ ម្សិលមិញ កម្លាំងសមត្ថកិច្ចបានបង្ក្រាប១៦ករណី ឃាត់ខ្លួនមនុស្ស៤១នាក់។ ក្នុងនោះករណីជួញដូរគ្រឿងញៀន១០ករណី ឃាត់ខ្លួន២៣នាក់ និងករណីប្រើប្រាស់គ្រឿងញៀន៦ករណី ឃាត់ខ្លួន១៨នាក់៕

 

 

គ្មាន​អ្នកស្លាប់​ទេ មានតែ​អ្នករបួស​១០​នាក់​ក្នុង​គ្រោះថ្នាក់​ចរាចរណ៍​ម្សិលមិញ​

រាជធានីភ្នំពេញ ៖ នៅថ្ងៃទី២១ ខែមីនា ឆ្នាំ២០១៨ ម្សិលមិញមានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៤លើក មិនបណ្ដាលឲ្យមានមនុស្សស្លាប់ទេ មានតែរងរបួសធ្ងន់ចំនួន១០នាក់។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។ របាយការណ៍ដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង៤លើកនេះ បណ្ដាលឲ្យខូតខាតម៉ូតូចំនួន៥គ្រឿង, រថយន្ដតូច២គ្រឿង, រថយន្ដធុនធំ១គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមានល្បឿន, មិនគោរពសិទ្ធិ, មិនប្រកាន់ស្ដាំ និងបត់គ្រោះថ្នាក់៕

ឃាត់ខ្លួន​បុរស​ដែល​បង្ខំ​ប្រពន្ធ​ខ្លួន​ឱ្យ​យក​ឡា​ម​អារ​ប្រដាប់ភេទ

ភ្នំពេញ៖ ស្ដ្រីម្នាក់ត្រូវបានប្តីធ្វើទារុណកម្មផ្លូវភេទ ដោយបានបញ្ជាឱ្យនាងអារប្រដាប់ភេទ ឬយោនី និងថតជាវីដេអូពេលរួមរ័កម្ដងៗ ដោយសារតែទ្រាំនឹងអំពើអមនុស្សធម៌បែបនេះលែងបាន ក៏បានរត់ទៅប្ដឹងសមត្ថកិច្ចឱ្យចាប់ខ្លួនប្ដីរបស់គាត់ យកទៅចាត់ការតាមច្បាប់។ ជាក់ស្ដែងសមត្ថកិច្ចខណ្ឌពោធិ៍សែនជ័យបានឱ្យដឹងថា ក្រោមបញ្ជាផ្ទាល់ពីលោក ហែម ដារិទ្ធិ អភិបាលខណ្ឌពោធិ៍សែនជ័យ កងកម្លាំងសមត្ថកិច្ចបានរំដោះស្ត្រីរងគ្រោះ ចេញពីចំណុចជ្ទះជួលបន្ទប់លេខ៦ ក្នុងសង្កាត់ចោមចៅ២ ខណ្ឌពោធិ៍សែនជ័យ ផ្លូវ២០០៤ កាលពីថ្ងៃទី២០ខែមីនាឆ្នាំ២០១៨។ សមត្ថកិច្ចបានឱ្យដឹងថា៖ ស្ត្រីរងគ្រោះឈ្មោះ ឡាយ វិល័យ អាយុ៣០ឆ្នាំ និងប្តីជាជនសង្ស័យឈ្មោះ នឹម ឈីន អាយុ៣៦ឆ្នាំ បច្ចុប្បន្នស្នាក់នៅផ្ទះជួលភូមិកើតហេតុខាងលើ។ ស្ត្រីរងគ្រោះត្រូវបានសង្គ្រោះ មកកាន់ទីសុវត្ថិភាព នៅទីបញ្ជាការកងរាជអាវុធហត្ថខណ្ឌពោធិ៍សែនជ័យ។ ពាក់ព័ន្ធករណីខាងលើនេះ ស្ត្រីរងគ្រោះបាននិយាយថា “ដោយសារតែនាងស៊ូទ្រាំនឹងទង្វើយង់ឃ្នងរបស់ប្តីឥតខាន់ស្លាមិនបាន ពីព្រោះពីមួយថ្ងៃទៅមួយថ្ងៃនោះ ប្តីឃោរឃៅនេះបានបង្ខំនាងរួមរ័កម្តងៗ តែងតែថតជាវីដេអូឃ្លីបទុកក្នុងទូរស័ព្ទ ហើយពេលខ្លះបង្ខំឲ្យយកឡាមមកអារប្រដាប់ភេទ ឲ្យហូរឈាមទៀតផង”៕

តុលាការ​សម្រេច​ឃុំខ្លួន​ឃាតករ​ដែល​សម្លាប់​នារី​ម្នាក់​ញាត់​ចូល​ធុង​ទឹកកក​

ខេត្តកណ្ដាល ៖ ចៅក្រមស៊ើបសួរ និងជាអនុប្រធានសាលាដំបូងខេត្តកណ្ដាល លោក គឹម រ័ត្នណារិន នៅល្ងាចថ្ងៃទី២០ ខែមីនា ឆ្នាំ២០១៨ នេះ សម្រេចចេញដីកាឃុំខ្លួនឃាតករដែលសម្លាប់នារីម្នាក់ញាត់ចូលធុងទឹកកក ដាក់ពន្ធនាគារបណ្តោះអាសន្ន ដើម្បីរង់ចាំការស៊ើបសួរបន្តទៀត ។ ប្រភពពីតុលាការឲ្យដឹងថា ឃាតកររូបនេះឈ្មោះ សឿ សុខផេង អាយុ៣០ឆ្នាំ ត្រូវបានលោក ឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្ដាល ចោទប្រកាន់ពីបទ "ឃាតកម្មគិតទុកជាមុន" តាមមាត្រា២០០នៃក្រមព្រហ្មទណ្ឌ ដែលកំណត់ការផ្តន្ទាទោសដាក់ពន្ធនាគារអស់មួយជីវិត។ ចំណែកស្ត្រីរងគ្រោះ ដែលត្រូវគេកាប់ជាច្រើនកាំបិត ស្រាតញាត់ចូលក្លាស្សេក្នុងធុងទឹកកក ឈ្មោះ ឃឿន ធានី អាយុ២៩ឆ្នាំ ស្នាក់នៅ ភូមិក្រូចសើច ឃុំហានជ័យ ស្រុកកំពង់សៀម ខេត្តកំពង់ចាម។ គួរបញ្ជាក់ថា ជនសង្ស័យដែលជាឃាតកសម្លាប់ស្ដ្រីម្នាក់ ដោយកាប់ជាច្រើនកាំបិតឡើងសុះសាច់ ហើយញាត់ចូលក្នុងធុងទឹកកកយ៉ាងសាហាវព្រៃផ្សៃ រួចយកទៅទម្លាក់ចោលនៅជិតស្ពានព្រែកតាម៉ាក ស្រុកខ្សាច់កណ្ដាល ខេត្តកណ្ដាលនោះ ត្រូវកម្លាំងនគរបាលចាប់ខ្លួនបានហើយ នៅរសៀលថ្ងៃទី១៨ ខែមីនា ឆ្នាំ២០១៨ នៅខណ្ឌសែនសុខ រាជធានីភ្នំពេញ។ ករណីឃាតកម្មនេះ បង្កការភ្ញាក់ផ្អើលយ៉ាងខ្លាំង នៅរសៀលថ្ងៃទី១៦ ខែមីនា ឆ្នាំ២០១៨៕

សន្និសីទបង្ហាញមុខឃាតករ ​ទង្វើពិតជាព្រៃផ្សៃខ្លាំងហួសការស្មាន​

ខេត្តកណ្តាល ៖ សេចក្តីរាយការណ៍បឋមឱ្យដឹងថា នាព្រឹកថ្ងៃទី២០ មីនា នេះ ស្ថិតនៅស្នងការនគរបាលខេត្តកណ្តាល បានបើកសន្និសីទបង្ហាញមុខឃាតករសម្លាប់នារីម្នាក់រួចយកសពដាក់ក្នុងធុងទឹកកកពណ៌ទឹកក្រូចរួចយកទៅប្លុងចោល ក្នុងនោះក៏មានបង្ហាញវត្ថុតាងជាច្រើនផងដែរ ។ សន្និសីទនេះ មានការចូលរួមដឹកនាំដោយលោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល ។ លោកអ៊ាវ ចំរើន បានបញ្ជាក់ឱ្យដឹងដែរថា ជនដៃដល់ឈ្មោះសុផេងរូបនេះ បានប្រើល្បិចល្បួងនារីរងគ្រោះឱ្យមកផ្ទះរបស់ខ្លួន ដោយប្រាប់ថា នឹងលាបស្រាពន្លៃម៉ាស្សាស្បែកឱ្យនាង ។ លុះពេលនាងបានទៅដល់ផ្ទះរបស់ជនដៃដល់ ក៏បានដោះសម្លៀកបំពាក់ ដើម្បីម៉ាស្សាខ្លួនស្រាពន្លៃ រួចហើយជនរងគ្រោះក៏ចូលក្នុងបន្ទប់ទឹក ដើម្បីលាងជម្រះកាយ ពេលនោះជនដៃដល់ឈ្មោះ សុផេង ក៏បានដោតឌុយភ្លើងឱ្យឆក់ក្នុងបន្ទប់ទឹកតែម្តង ។ លោកបន្តថា ពេលនោះជនរងគ្រោះពេលកំពុងឆក់បានស្រែកហៅឱ្យឃាតករជួយ តែឈ្មោះសុផេង មិនបានជួយនោះទេ ក៏បានយកអង្រែថ្មវាយដំលើនារីរងគ្រោះបន្ថែមទៀត ។ លោកថា «សុផេង ជាអ្នកខាត់ឱ្យ ព្រោះអ្នកទាំង២ជាសង្សារនឹងគ្នា ។ ពេលខាត់ហើយ ត្រូវចូលបន្ទប់ទឹកលាង អញ្ចឹងពេលចូលបន្ទប់ទឹកទៅ ផេង ក៏ដោតឌុយភ្លើង ដើម្បីឲ្យខ្សែភ្លើងឆក់ ។ នៅក្នុងពេលដែលឆក់ ធានីក៏ដួល ដួលហើយស្រែកឲ្យសុផេងជួយ ។ អញ្ចឹងនៅពេលហ្នឹងផេង គាត់ក៏យកអង្រែថ្មវ៉ៃបន្ថែម វ៉ៃជើង វ៉ៃក្បាល អញ្ចឹងបានជាពេលយើងពិនិត្យទៅឃើញបាក់ថ្គាម ។ ក្រោយពីយកអង្រែវ៉ៃហើយ ឥតទាន់ស្លាប់ស្រួលបួលទេ គាត់ក៏យកកូនកាំបិតតូចចាក់បន្ថែម (លើទ្រូង) … ចាក់ហើយបាក់កូនកាំបិតរួចហើយ បានយកកាំបិតប៉័ងតោកាប់បន្ថែមទៀត» ។ រួចរាល់ក៏បិទបន្ទប់យកម៉ូតូទៅលក់នៅក្រោយបុរីកីឡាបាន១០៥០ដុល្លារ ។ លុយក្នុងកាបូបជនរងគ្រោះមានជាង៤០០ដុល្លារផ្សេងទៀត ។

​ស្រវឹងស្រា​បើករថយន្ដ​បុក​រថយន្ដ​មួយគ្រឿង​ទៀត​ព្យាយាម​បើក​រត់​តែ​ត្រូវគេ​ដេញ​ឃាត់​ជាប់​

រាជធានីភ្នំពេញ៖បុរសម្នាក់បើករថយន្ដតូយូតាតាកូម៉ាមួយគ្រឿងក្នុងស្ថានភាពស្រវឹងប្រើប្រាស់ល្បឿនលឿនមិនប្រយ័ត្នត្រង់ចំណុចផ្លូវបំបែកជាបួនជ្រុលបុករថយន្ដមួយគ្រឿងទៀតម៉ាកឡិចស៊ីសRX300ចំពីចំហៀងរថយន្ដបណ្ដាលឱ្យវិលមួយជុំដាច់កាឡេទៅមុខលែងរួច។ចំណែករថយន្ដបង្កព្យាយាមបើករត់ចេញពីកន្លែងកើតហេតុទាំងរថយន្ដខូចខាតខ្ទេចផ្នែកខាងមុខតែត្រូវប្រជាពលរដ្ឋនិងសមត្ថកិច្ចដេញចាប់ឃាត់បាន។ ហេតុការណ៍នេះបានកើតឡើងនៅវេលាម៉ោង១២និង១០នាទីរំលងអាធ្រាត្រឈានចូលថ្ងៃទី២០ខែមីនាឆ្នាំ២០១៨នៅចំណុចផ្លូវបំបែកជាបួនផ្លូវលេខ៤៣២កែងផ្លូវលេខ១០៥ ក្នុងសង្កាត់បឹងត្របែក ខណ្ឌចំកាមន រាជធានីភ្នំពេញ។ រថយន្ដបង្កម៉ាកTAKOMA បណ៍ទឹកប្រាក់ ពាក់ស្លាកលេខ ភ្នំពេញ2AL-3970 បើកបរដោយបុរសម្នាក់ស្ថិតក្នុងស្ថានភាពស្រវឹងជោកជាំ។ ចំណែករថយន្ដរងគ្រោះម៉ាកឡិចសីុសRX300 ពណ៌ប្រផេះ ពាក់ស្លាកលេខ ភ្នំពេញ2AR-7031 ជិះដោយបុរសនារីបីនាក់។ ក្រោយពីបង្កហេតុអ្នកបើករថយន្ដបង្កត្រូវបានសមត្ថកិច្ចឃាត់ខ្លួន។ចំណែករថយន្ដទាំងពីរគ្រឿងកម្លាំងជំនាញចុះធ្វើការវាស់វែងយកទៅរក្សាទុកនៅការិយាល័យចរាចរណ៍រាជធានីភ្នំពេញដើម្បីរងចាំដោះស្រាយនៅពេលក្រោយ៕

ឈាម​ស្រែក​ស្បែក​ហៅ​៖ ប៉ូលិស​ចាប់ខ្លួន​ឃាតករ​សម្លាប់​នារី​ម្នាក់​ដាក់​ក្នុង​ធុង​ទឹកកក​បាន​ហើយ​

ភ្នំពេញ៖ លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាល បានប្រាប់រស្មីកម្ពុជា ឲ្យដឹងថា ឃាតករសម្លាប់ស្ដ្រីម្នាក់ដាក់ចូលក្នុងធុងទឹកកក ត្រូវបានចាប់ខ្លួនបានហើយ នៅរសៀលថ្ងៃទី១៨ ខែមីនា ឆ្នាំ២០១៨ នៅខណ្ឌសែនសុខ។ ការចាប់ឃាត់ខ្លួន ជនសង្ស័យជាឃាតករ ធ្វើឡើងដោយសហការគ្នារវាងកម្លាំងនគរបាលខេត្តកណ្តាល និងកម្លាំងនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ។ បន្ទាប់ពីចាប់ខ្លួនឃាត់ សមត្ថកិច្ចបាននាំខ្លួនជនសង្ស័យ ទៅឆែកផ្ទះនៅភូមិបឹងឈូក សង្កាត់ទឹកថ្លា ខណ្ឌសែនសុខ។ សេចក្ដីរាយការណ៍ពីស្នងការដ្ឋាននគរបាលខេត្តកណ្ដាល បានឲ្យដឹងថា ជនសង្ស័យឈ្មោះ សឿ សុផេង ភេទប្រុស អាយុ ៣១ឆ្នាំ ស្នាក់នៅផ្ទះជួល ស្ថិតក្នុងភូមិស្លែងរលើង សង្កាត់អូរបែកក្អម ខណ្ឌសែនសុខ, ប្រពន្ធជនសង្ស័យមានឈ្មោះ ឌី អាយុ ២៥ឆ្នាំ និងប្អូនប្រុសជនសង្ស័យឈ្មោះ សឿ ចាន់អូន ក៏ត្រូវបានឃាត់ខ្លួនយកមកសាកសួរផងដែរ ។ កាលពីវេលាម៉ោង០២និង២៤នាទីរសៀល ថ្ងៃទី១៦ ខែមិនា កន្លងទៅនេះ នៅចំណុចគល់ស្ពានព្រែករូងទី២ ផ្នែកខាងលិចតាមបណ្តោយផ្លូវជាតិ លេខ៨ ក្នុងភូមិអន្លង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ប្រជាពលរដ្ឋអ្នកបើកម៉ូតូកង់បី បាន ប្រទះឃើញធុងទឹកកកពណ៌ក្រហម ចំណុះ២០០លីត្រមួយចាក់សោរ រួចក៏ បានរាយការណ៍ប្រាប់នគរបាលចរាចរណ៍ ដែលឈរនៅគោលដៅក្បែរនោះ។ ស្ត្រីរងគ្រោះឈ្មោះ យឿន ធានី អាយុ២៨ឆ្នាំ មានស្រុកកំណើតនៅភូមិក្រូចសើច ឃុំហាន់ជ័យ ស្រុកកំពង់សៀ ម ខេត្តកំពង់ចាម មានឪពុកឈ្មោះ យិន យឿន អាយុ៦៨ឆ្នាំ និងម្តាយឈ្មោះ ផល សៀន អាយុ៦៤ឆ្នាំ។ នាងទើបមកពីប្រទេសកូរ៉េបានមួយឆ្នាំ។ ក្រុមគ្រួសារបានអោយដឹងថា ទ្រព្យសម្បត្តិដែលនៅជាប់ហ្នឹងខ្លួ នរបស់នាងរួមមានម៉ូតZOOMERមួយគ្រឿង ខ្សែ ក ខ្សែជើង ខ្សែដៃ កងដៃ និងចិញ្ចៀនពេជ្រ ១វង់ផងដែរ។ សម្ភារៈដែលសមត្ថកិច្ចពិនិត្យឃើញក្នុងធុងទឹកកក រួមមាន សាកសពស្ត្រីរងគ្រោះ មួកសុវត្ថិភាព១ កាបូបដៃ១ក្នុងនោះមានស៊ីមទូរស័ព្ទ១ កាំបិតចិតបន្លែ ចុងស្រួចដងធ្វើពីឈើបាក់ផ្លែ១ អាវពណ៌លឿង១ ខ្សែភ្លើងមានឌុយដាក់ក្នុងថង់ប្លាស្ទិក១អា វទ្រនាប់ពណ៌ផ្កាឈូក១ ដបទឹកបរិសុទ្ធ១ រ៉ូបពណ៌ផ្កាឈូក១មានប្រឡាក់ឈាម កន្សែងពោះគោពណ៌ ស ឆ្នូត១ ម៉ាសពណ៌ខៀវ១ ស្បែកជើងស្រី១គូ និងស្បៃដុសខ្លួន១។ នៅលើមុខសាកសព និងស្មាខាងស្តាំ មានស្នាមបាញ់ស្ព្រាយ(ថ្នាំពណ៌ខ្មៅ ) មានស្នាមរបួសត្រង់គុម្ពត្រចៀកខាងស្តាំមុតរយះដល់ថ្ពាល់ ដាច់រយះសៀតថ្កាខាងស្តាំ រលាត់ស្បែកដើមដៃទាំងសងខាង មានស្នាមមុតនៅលើទ្រូងនិងលើពោះចំនួន ២០ កន្លែង ធ្លុះ៧ កន្លែង ឈាមហូរចេញពីមាត់ បាក់ឆ្អឹងចង្ការ របូតធ្មេញដាក់ខាងក្រោម របួសបបូរមាត់ខាងស្តាំ១កន្លែង របួសច្រមុះខាងស្តាំ១កន្លែង ស្នាមរោលខ្លោចរលាត់ស្បែកខាងក្រោយខ្នង ស្នា មរោលខ្លោចកំបះគូថ ទាំងសងខាង ស្នាមរោលខ្លោចរលាត់ស្បែកកំភួនជើងទាំងសងខាង ស្នាមជាំភ្លៅឆ្វេង១ កន្លែង និងរលាត់ស្បែកជង្គង់ខាងស្តាំ១កន្លែង៕

បង្ហាញមុខ​ជនបង្ក​ហិង្សា​ក្នុងករណី​គ្រោះថ្នាក់​ចរាចរណ៍ វាយ​លោក ស៊ុយ សារ៉េត

រាជធានីភ្នំពេញ ៖ ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ កាលពីរសៀលម្សិលមិញបានបង្ហាញមុខជនសង្ស័យចំនួន៣នាក់ដែលពាក់ព័ន្ធករណីហិង្សាដោយចេតនា វាយលោក បណ្ឌិត ស៊ុយ សារ៉េត ក្នុងករណីគ្រោះថ្នាក់ចរាចរបណ្តាលឲ្យរងរបួសធ្ងន់។ នាយការិយាល័យព្រហ្មទណ្ឌកម្រិតស្រាល លោកវរសេនីយ៍ឯក ប៊ុន សត្យា បានឲ្យដឹងថា ក្រុមជនសង្ស័យមានគ្នាចំនួន១១នាក់ ឃាត់ខ្លួនបានជនសង្ស័យបានចំនួន៣នាក់ រួមមានទី១.ឈ្មោះ អាន វិនទី ហៅទី ភេទប្រុស អាយុ២១ឆ្នាំ ជនជាតិខ្មែរ មុខរបរ ជាងទង ស្នាក់នៅសង្កាត់ផ្សារដេប៉ូទី១ ខណ្ឌទួលគោក។ ទី២.ឈ្មោះ យាត ទិត្យា ហៅយ៉ា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិត ប្រាកដ ស្នាក់នៅផ្ទះគ្មានលេខ ផ្លូវទី៧ សង្កាត់ទួលសង្កែទី១ ខណ្ឌឫស្សីកែវ ឃាត់ខ្លួននៅចំណុចភ្លើងស្តុបភោជនីយដ្ឋានឈូកទិព្វ សង្កាត់ផ្សារដេប៉ូទី១ ខណ្ឌទួលគោក និងជនសង្ស័យទី៣.ឈ្មោះ អាន ផល្លី ភេទប្រុស អាយុ៣១ឆ្នាំ ជនជាតិខ្មែរឥស្លាម មុខរបររត់រ៉ឺម៉កកង់៣ ស្នាក់នៅផ្ទះលេខ២៥៤១ ផ្លូវជាតិលេខ៥ សង្កាត់ច្រាំងចម្រេះទី២ ខណ្ឌឫស្សីកែវ ឃាត់ខ្លួនកាលពីថ្ងៃទី១៥ ខែមីនា ឆ្នាំ២០១៨ វេលាម៉ោង៧និង១០នាទី សមត្ថកិច្ចខេត្តកំពង់ធំឃាត់ខ្លួនៅចំណុចឃុំល្វា ស្រុកសន្ទុក ខេត្តកំពង់ធំ បញ្ជូនមកកាន់ការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ។ ចំណែកបក្ខពួកដែលនៅសេសសល់កម្លាំងជំនាញកំពុងដុតដៃដុតជើងស្វែងរកចាប់ខ្លួនយកមកផ្តន្ទាទោសតាមផ្លូវច្បាប់។ ចំពោះសម្ភារៈដកហូតរួមមានៈ ម៉ូតូ២គ្រឿង មួយគ្រឿងម៉ាកស៊ុយហ្សុយគីនិច ពណ៌សបិតពណ៌ក្រហម ពាក់ស្លាកលេខភ្នំពេញ 1GE-4674 និងមួយគ្រឿងទៀតម៉ាកហុងដា Beat ពណ៌ខៀវ សេរីឆ្នាំ២០១៧ ពាក់ស្លាកលេខ ភ្នំពេញ 1GQ-5211។ សូមជម្រាប់ថា កាលពីរសៀលថ្ងៃទី១១ ខែមីនា ឆ្នាំ២០១៨ ប្រជាពលរដ្ឋបានតាមដេញវាយប៉ុនប៉ងសម្លាប់លោកសាស្ត្រាចារ្យបណ្ឌិត ស៊ុយ សារ៉េត ហើយបានវាយកម្ទេចរថយន្តរបស់លោក ដោយចោទប្រកាន់ថា បានបើកបុករះសម្លាប់មនុស្ស២-៣នាក់ ពីផ្លូវក្នុងសង្កាត់ទួលសង្កែ ខណ្ឌឫស្សីកែវ រួចបើករត់គេចរហូតដល់ម្តុំពេទ្យលោកសង្ឃ ក្នុងខណ្ឌទួលគោក រាជធានីភ្នំពេញ ប៉ុន្តែសមត្ថកិច្ចបដិសេធថា មិនមានមនុស្សស្លាប់ឡើយ៕

ដើម​ចាន់​គី​រី «​ហៅ​ដើម​អំពិល​បារាំង​» ច្រើន​ដើម​ត្រូវ​ឈ្មួញ​នាំ​ចេញទៅ​វៀតណាម​តាម​ច្រករបៀង​សំរោង (​ចុង​ស្តី​)

ខេត្តស្វាយរៀង ៖ ជារៀងរាល់យប់ទំនិញគ្រប់ប្រភេទរួមនិងដើមចាន់គីរីផងដែរត្រូវបានឈ្មួញនាំចេញយ៉ាងសប្បាយរីករាយក្រៃលែងដោយពុំមានការហាមឃាត់រឺទប់ស្កាត់ពីសំណក់ស្ថាប័នជំនាញជាពិសេសនគរបាលនិងទាហានដែលឈរជើងការពារព្រំដែនសំរោង«ចុងស្តី»ដែលជាប់នឹងប្រទេសវៀតណាមនោះទេ។ តាមប្រភពពីប្រជាពលរដ្ឋរស់នៅតំបន់នោះបានឲ្យដឹងថា ជារៀងរាល់យប់មានរថយន្តស្ទើរគ្រប់ធុនឆ្លងកាត់សំដៅទៅកាន់ច្រករបៀងសំរោង«ចុងស្តី»ស្ថិតក្នុងភូមិពោធិ៍ឃុំមេ.ស.ថ្ងកស្រុកចន្ទ្រាខេត្តស្វាយរៀង។ ហើយនៅតំបន់ច្រករបៀងសំរោងឬហៅថាចុងស្តីនេះក៏មានឃ្លាំងជាច្រើនដែលគេសង់សម្រាប់ស្តុបអីវ៉ាន់និងមុខទំនិញផ្សេងៗជាពិសេសគឺបារី.អេតចាយ និងដើមចាន់គីរី (ដើមអំពិលបារាំង) ដែលមានដើមធំៗ។ ជាក់ស្តែងនៅរសៀលថ្ងៃទី១៨ខែមិនាឆ្នាំ២០១៨នេះក៏នៅមានដើមចាន់គីរីដែលបម្រុងនាំចេញទៅប្រទេសវៀតណាមតាមច្រករបៀងមួយនេះដោយយកទៅដាក់់នៅក្នុងតំបន់ ស ដែលត្រូវបានគេយកមកដាក់ទុកនៅវាលស្រែរង់់ចាំម្ចាស់់ថ្មីមកទទួលដឹកនាំយកទៅប្រទេសវៀតណាម។ ប្រភពខាងលើបានឱ្យដឹងទៀតថា បើទោះបីជាយ៉ាងណាក៏ដោយគេពុំដែលឃើញមានមន្ត្រីជំំនាញណាចុះមកត្រួតពិនិត្យរឺក៏ហាមឃាត់់ចំពោះការដឹឹកដើមឈើធំៗនាំទៅលក់នៅប្រទេសវៀតណាមម្តងណាឡើយ។ ពាក់ព័ន្ធករណីខាងលើនេះលោក ថាច់ រតនា ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀងបានប្រាប់ក្រុមអ្នកសារព័ត៍មានតាមទូរស័ព្ទ នៅរសៀលថ្ងៃទី១៨ ខែមិនាឆ្នាំ២០១៨នេះថា លោកពុំបានដឹងរឿងនេះទេពីមន្ត្រីជំនាញរបស់លោកដោយគ្មានអ្នករាយការណ៍ប្រាប់លោកទេហើយការដឹកឈើនាំចេញទៅក្រៅប្រទេសក៏ពុំមានច្បាប់ណាអោយនាំចេញនោះដែរ។ ហើយករណីខាងលើនេះលោកនិងចាត់មន្ត្រីជំនាញរបស់លោកចុះទៅពិនិត្យមើលព្រោះលោកពុំបានដឹងទេទើបតែខាងព័ត៌មានប្រាប់ទើបដឹងរឿងនេះ។ ចំពោះឈើទាំងអស់នោះយើងមិនអាចដឹងថា ម្ចាស់ឈើទាំងនោះជាអ្នកណានោះដែរហើយប្រជាពលរដ្ឋក៏រងចាំមើលថាតើមន្ត្រីជំនាញដែលមានការពាក់ព័ន្ធទាំងអស់នោះចុះមកពិនិត្យមើលឈើទាំងនោះរឺក៏មានវិធានការណ៍យ៉ាងណាចំពោះឈើទាំងអស់នោះទេ៕

ភ្លើង​ឆេះ​ផ្សារ​ច្បារអំពៅ រលត់​ទាំងស្រុង​ហើយ​

ភ្នំពេញ៖ គិតត្រឹមម៉ោង៣ រសៀលថ្ងៃទី១៦ ខែមីនា នេះ អគ្គិភ័យឆេះផ្សារច្បារអំពៅ រលត់ទាំងស្រុងហើយ។ របាយការណ៍បឋម បង្ហាញថា រថយន្តស្នងការនគរបាលរាជធានីភ្នំពេញ៣៨គ្រឿង រថយន្តអាវុធហត្ថរាជធានីភ្នំពេញ៥គ្រឿង រថយន្តខាងជ្រោយចង្វា៥គ្រឿង រថយន្តក្រសួងមហាផ្ទៃ ២គ្រឿង រថយន្តស្នងការខេត្តកណ្តាល២គ្រឿង និងរថយន្តស្រាបៀរកម្ពុជាមួយគ្រឿង សរុបរថយន្តប្រើប្រាស់ ២៣៥គ្រឿង។ អគ្គិភ័យ ឆេះបំផ្លាញតូប អស់ចំនួន ៦៥៨តូបក្នុងចំណោម ១៤៤៧តូប ។ ចំពោះមូលហេតុ អាជ្ញាធរកំពុងស្រាវជ្រាវនៅឡើយ៕

សព​ស្ត្រី​ម្នាក់ ត្រូវ​ឃាត​កកាប់​ចិញ្ច្រាំ​ដាក់ចូល​ធុង​ទឹកកក​

កណ្ដាល៖ សពស្ត្រីម្នាក់ត្រូវឃាតកកាប់ចិញ្ច្រាំឡើងសុះសាច់រួចញាត់ចូលក្នុងធុងទឹកកក ទម្លាក់ចោលនៅក្បែរស្ពានព្រែកតាម៉ាក ខេត្តកណ្តាល នៅរសៀលថ្ងៃទី១៦ ខែមីនា ឆ្នាំ២០១៨នេះ ។ មន្ត្រីជំនាញកំពុងពិនិត្យករណីនេះ៕

បុរស​ម្នាក់​ត្រូវគេ​ព្រួត​កាប់​ស្ទើរ​ដាច់​កញ្ចឹងក ខណៈ​ចូលរួម​ពិធី​ចូល​រោងការ​

ខេត្តព្រៃវែង ៖ ភ្នាក់ងារខេត្តព្រៃវែងរាយការណ៍ថា កាលពីយប់ថ្ងៃទី១៤ ខែមិនា ឆ្នាំ២០១៨នេះ មានមនុស្សមួយក្រុមបានព្រួតកាប់បុរសម្នាក់ស្ទើរតែកញ្ចឹងក នៅពេលមកចូលរួមកម្មវិធីមង្គលការមួយកន្លែង នៅភូមិអញ្ចាញ ឃុំ ក្របៅស្រុកកំចាយមារ ខេត្តព្រៃវែង កាលពី៨យប់ថ្ងៃទី១៤ខែមីនាឆ្នាំ២០១៨។ ជនរងគ្រោះឈ្មោះ ចេន ភា ភេទប្រុស អាយុ២៣ឆ្នាំ នៅភូមិកើតហេតុ បានរបួសកខាងក្រោយត្រចៀកឆ្វេង ដោយស្នាមកាប់ជាទម្ងន់ បច្ចុប្បន្នបានយកទៅព្យាបាលនៅមន្ទីរពេទ្យបង្អែក ស្រុកកំចាយមារ។ ចំណែកក្រុមជនសង្ស័យបានរត់គេចខ្លួនបាត់អស់ បន្ទាប់ពីធ្វើសកម្មភាពព្រួតកាប់បុរសរងគ្រោះ ។ បច្ចុប្បន្ន សមត្ថកិច្ចកំពុងតែស៊ើបអង្កេតស្វែងរកក្រុមជនសង្ស័យទាំងនោះ ដើម្បីកសាងសំណុំរឿងយកមកផ្តន្ទាទោសតាមច្បាប់ ៕

​បុរស​ម៉ាឡេស៊ី​ម្នាក់​ត្រូវ​ចាប់ខ្លួន​ករណី​ឆបោក​ប្រា​ក់ជាង​២​លាន​ដុល្លារ

ភ្នំពេញៈកម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃកាលពីថ្ងៃទី១៥ ខែមីនា ឆ្នាំ២០១៨បានចាប់ខ្លួន បុរសជនជាតិម៉ាឡេស៊ីម្នាក់ ពាក់ព័ន្ធករណីឆបោកប្រាក់ជាង២លានដុល្លារអាមេរិក ពីជនជាតិជប៉ុនចំនួន២៩នាក់ ក្រោមរូបភាពវិនិយោគខ្យល់ នៅខេត្តកំពត និងខេត្តកំពង់ស្ពឺរួចបញ្ជូនទៅតុលាការដើម្បីចាត់ការតាមច្បាប់។ រហូតមកដល់ព្រឹកថ្ងៃទី១៦ខែមីនានេះលោកស្រី ស៊ឺ វណ្ណនី ព្រះរាជអាជ្ញារងអមសាលាដំបូងរាជធានីភ្នំពេញ កំពុងសាកសួរជនសង្ស័យ ដោយមិនទាន់សម្រេចយ៉ាងណានៅឡើយទេ។បុរសជនជាតិម៉ាឡេស៊ី រូបនេះឈ្មោះ WOO KEE MUN ហៅ WOO CLEMENT អាយុ៤៦ឆ្នាំស្នាក់នៅផ្ទះលេខ១២/១១ផ្លូវ៥៩៨សង្កាត់ឃ្មួញខណ្ឌសែនសុខរាជធានីភ្នំពេញបានត្រូវសមត្ថកិច្ចឃាត់ខ្លួនតាមដីកាបញ្ជាឱ្យចូល របស់លោកស្រី ស៊ឺ វណ្ណនី ព្រះរាជអាជ្ញារងអមសាលាដំបូងរាជធានីភ្នំពេញនៅក្នុងភោជនីយដ្ឋានតាយម៉េង ក្នុងរាជធានីភ្នំពេញ។ សមត្ថកិច្ចបានបញ្ជាក់ថាកាលពីអំឡុងឆ្នាំ២០១៣-២០១៤ ជនសង្ស័យ បានទាក់ទងជនជាតិជប៉ុនចំនួន២៩នាក់ ដោយភូតថា ខ្លួនមានដីសម្រាប់ដាំម្រេច នៅឃុំត្រពាំងក្តារ ស្រុកដងទង់ ខេត្តកំពត, មានដីសម្រាប់ដាំដំឡូង និងដើមអាកាស្សា នៅឃុំក្រាំងដង្វាយ ស្រុកភ្នំស្រួច ខេត្តកំពង់ស្ពឺ និងមានដីសម្រាប់ដាំស្វាយ នៅខេត្តកំពង់ស្ពឺ។ តែតាមការពិត ពេលទទួលប្រាក់ពីជនរងគ្រោះរួចហើយ គឺគេចខ្លួនរហូត ពោលគ្មានដីសម្រាប់ការវិនិយោគទាំងនេះឡើយ។ ជនសង្ស័យបានប្រើប្រាស់លិខិតឆ្លងដែនចំនួន៤ ដើម្បីងាយស្រួលដើរហើរ និងប្រើរួបភាពឆបោក។ ក្រៅពីជនជាតិជប៉ុនខាងលើនេះ ក៏មានជនជាតិម៉ាឡេស៊ីនិងជនជាតិសឹង្ហបុរីប្រមាណ១០នាក់ទៀតដែលបានចាញ់បោកជនសង្ស័យរូបនេះ។តែពួកគេមិនទាន់មកដាក់ពាក្យបណ្តឹង។មន្ត្រីនគរបាលបានចាត់ទុកថានេះជារូបភាពបោកអន្តរជាតិមួយនិងបានធ្វើឲ្យក្រុមវិនិយោគិនអន្តរជាតិខ្លាចចំពោះការមករកស៊ីនៅក្នុងប្រទេសកម្ពុជាផងដែរ៕

​អគ្គិភ័យ​បាន​ត្របាក់​តូប​អស់​ជាច្រើន​តូប​នៅ​ផ្សារ​ច្បារអំពៅ​

ភ្នំពេញ៖អគ្គិភ័យឆាបឆេះតូបលក់ឥវ៉ាន់ជាច្រើនតូបយ៉ាងសន្ធោសន្ធៅនៅក្នុងផ្សាច្បារអំពៅបង្កការភ្ញាក់ផ្អើលដល់ប្រជាពលរដ្ឋនិងក្រុមអាជីវករទាំងកណ្ដាលអាធ្រាត្រនាំគ្នារាយការណ៍ទៅសមត្ថកិច្ចជួយអន្តរាគមន៍។ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង២៣និង៤០នាទី យប់ថ្ងៃទី១៥ ខែមីនា ឆ្នាំ២០១៨ នៅក្នុងផ្សាច្បារអំពៅ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ ប្រភពព័ត៌មានពីប្រជាពលរដ្ឋដែលនៅក្បែរកន្លែងកើតហេតុបានឱ្យដឹងថាអគ្គិភ័យនេះគឺផ្ដើមចេញតូបលក់អង្ករចេញជាអណ្ដាតភ្លើងយ៉ាងសន្ធោសន្ធៅរួចក៏រាលដាលដល់តូបផ្សេងៗទៀតតែម្ដង។ក្នុងករណីអគ្គិភ័យនេះដែរសមត្ថកិច្ចបានប្រើប្រាស់រថយន្ដពន្លត់អគ្គិភ័យជាច្រើនគ្រឿងដើម្បីជួយអន្តរាគមន៍បាញ់ពន្លត់។ សមត្ថកិច្ចក៏មិនទាន់បញ្ជាក់បានដែរថាអគ្គិភ័យនេះឆាបឆេះដោយសារមូលហេតុអ្វីឱ្យច្បាស់លាស់នោះទេ។ ក្រោយពីទទួលបានដំណឹងភ្លាមគេឃើញមានវត្តមានរបស់លោក នាយឩត្ដមសេនីយ៍ ជួន សុវណ្ណ អគ្គស្នងការងនគរបាលជាតិ និងជាអគ្គស្នងការាជធានីភ្នំពេញនិងលោកឃួងស្រេងអភិបាលនៃគណៈអភិបាលរាជធានីភ្នំពេញបានចុះមកដល់កន្លែងកើតហេតុផងដែរ៕

សាហាវ​ណាស់​អា​រក​សម្លាប់​ជាប់​ជាមួយ​គល់ឈើ នៅ​ខណ្ឌ​ពោធិ៍​សែន​ជ័យ​

ភ្នំពេញ៖ សពបុរសម្នាក់ស្លាប់ដោយត្រូវឃាតកអារកសម្លាប់ជាប់ជាមួយគល់ឈើ ក្នុងដីឡូតិ៍មួយកន្លែង ក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។ ពលរដ្ឋបានប្រទះឃើញសពនៅព្រឹកព្រលឹមថ្ងៃទី១៥ ខែមីនា នេះ ហើយមន្ត្រីជំនាញកំពុងពិនិត្យករណីនេះ៕