បណ្តាញសង្គម

សាហាវ​ណាស់​អា​រក​សម្លាប់​ជាប់​ជាមួយ​គល់ឈើ នៅ​ខណ្ឌ​ពោធិ៍​សែន​ជ័យ​

ភ្នំពេញ៖ សពបុរសម្នាក់ស្លាប់ដោយត្រូវឃាតកអារកសម្លាប់ជាប់ជាមួយគល់ឈើ ក្នុងដីឡូតិ៍មួយកន្លែង ក្នុងសង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។ ពលរដ្ឋបានប្រទះឃើញសពនៅព្រឹកព្រលឹមថ្ងៃទី១៥ ខែមីនា នេះ ហើយមន្ត្រីជំនាញកំពុងពិនិត្យករណីនេះ៕

ប៉ូលិស​ចាប់ខ្លួន​សន្តិសុខ​ខណ្ឌដូនពេញ​ពីរ​នាក់ រឿង​ប្រើ​ហិង្សា​លើ​លោក​សាស្ត្រាចារ្យ ស៊ុយ សារ៉េត​

(ភ្នំពេញ)៖ កម្លាំងសមត្ថកិច្ចព្រហ្មទណ្ឌ នៃស្នងការនគរបាលរាជធានីភ្នំពេញ បានចាប់ខ្លួនសន្តិសុខខណ្ឌដូនពេញ ចំនួន០២នាក់ កាលពីយប់ថ្ងៃទី១៣ ខែមីនា ឆ្នាំ២០១៨ ក្នុងរឿងព្រួតគ្នាប្រើហិង្សាលោកសាស្ត្រាចារ្យ ស៊ុយ សារ៉េត បង្រៀននៅសាកលវិទ្យាល័យកម្ពុជា កាលពីថ្ងៃទី១១ ខែមីនា កន្លងមកនេះ នៅក្រោយពេទ្យលោកសង្ឃ។ មន្ត្រីប៉ូលិសស្នងការនគរបាលរាជធានីភ្នំពេញ បានប្រាប់រស្មីកម្ពុជា នៅព្រឹកថ្ងៃទី១៤ ខែឲ្យដឹងថា សន្តិសុខខណ្ឌដូនពេញចំនួន០២នាក់ ដែលចាប់ខ្លួនមានឈ្មោះ ភាជ គឹមហាក់ ជាសន្តិសុខសណ្តាប់ធ្នាប់ខណ្ឌដូនពេញ និងម្នាក់ទៀតជាប្រជាការពារនៅសង្កាត់ស្រះចក។ សមត្ថកិច្ចជំនាញបានបញ្ជាក់ថា ជនសង្ស័យទាំងពីរនាក់នេះ គឺជាជនដៃដល់ដំបូងដែលបានបើកការវាយប្រហារដោយហិង្សាទៅលើលោកសាស្ត្រាចារ្យ ស៊ុយ សារ៉េត។ ហើយសមត្ថកិច្ចកំពុងតែតាមស្រាវជ្រាវរកជនសង្ស័យដែលពាក់ព័ន្ធជាបន្តទៀត ដើម្បីចាត់វិធានការតាមផ្លូវច្បាប់។ សូមបញ្ជាក់ថា តាមរយៈមេធាវី ឈី សម្បត្តិ នៅរសៀលថ្ងៃទី១៣ ខែមីនា បណ្តឹងបណ្ឌិត ស៊ុយ សារ៉េត បានដាក់ចូលដល់ស្នងការដ្ឋាននគរបាលរាជធានីភ្នំពេញ ហើយដោយប្តឹងជនពាក់ព័ន្ធទាំងអស់ដែលប្រព្រឹត្តអំពើហិង្សាក្នុងហេតុការណ៍គ្រោះថ្នាក់ចរាចរណ៍មួយ។ ក្នុងបណ្តឹងនេះ បណ្ឌិត ស៊ុយ សារ៉េត ស្នើសមត្ថកិច្ចស្វែងរកជនពាក់ព័ន្ធទាំងអស់ និងទាមទារសំណងជំងឺចិត្តចំនួន មួយពាន់ពីររយលានរៀល។ សូមរម្លឹកថា កាលពីរសៀលថ្ងៃទី១១ ខែមីនា ប្រជាពលរដ្ឋតាមដេញវាយប៉ុនប៉ងសម្លាប់អ្នកបើកបរ និងវាយកម្ទេចរថយន្តទំនើបមួយគ្រឿង ដែលពួកគេអះអាងថា បានបើកបុករះតាមផ្លូវពីម្តុំទួលសង្កែ ខណ្ឌទួលសង្កែ បើករត់គេចរហូតដល់ម្តុំពេទ្យលោកសង្ឃ ខណ្ឌទួលគោក៕

​រដ្ឋបាល​ព្រៃឈើ​កំពុង​មមាញឹក​បង្ក្រាប​ទ្វារ​បង្អួច​ខណៈ​ប៉េអឹម​ផ្ទៃ​ប្រទេស​វត្តមាន​ច្រើន​ ​

(មណ្ឌលគិរី)៖រថយន្តសាំយ៉ុងដឹកទ្វារបង្អួចដែលកែច្នៃរួចបីគ្រឿងត្រូវបានសង្កាត់និងរដ្ឋបាលព្រៃឈើស្រុកកែវសីមាចាប់ដាក់ស្នាក់ការជាបន្តបន្ទាប់ គ្រាដែលរថយន្តទាំងនោះដឹកចេញពី ខេត្តមណ្ឌលគិរី ឆ្ពោះទៅកាន់ក្រុងភ្នំពេញដើម្បីលក់បន្ត។ សកម្មភាពបង្ក្រាបនេះធ្វើឡើងចាប់ពីថ្ងៃទី១០ ខែមីនា រហូតដល់ថ្ងៃ១៣ ខែមីនា ឆ្នាំ២០១៨ នៅ តាមបណ្តោយផ្លូវជាតិលេខ៧៦ ក្នុងភូមិសាស្ត្រ ស្រុកកែវសីមា ខេត្តមណ្ឌលគិរី។ ប្រភពពីសមត្ថកិច្ចក្នុង ស្រុកកែវសីមា មិនលក្ខណមិនបញ្ចេញឈ្មោះបានប្រាប់ឱ្យដឹងថា នៅប៉ុន្មានថ្ងៃនេះដោយសារតែមាន វត្តមានកម្លាំងកងអាវុធហត្ថលើផ្ទៃប្រទេស ចុះបេសកកម្មបង្ក្រាបបទល្មើសព្រៃឈើក្នុងតំបន់ ខេត្តភាគឦសាន។ ក្នុង នោះក៏មាន ស្រុកកែវសីមា ដែរទាំងនាយសង្កាត់ នាយផ្នែករដ្ឋបាលព្រៃឈើកែវសីមា មានលោក ស្រ៊ុន ឈួន លោក ជុយ សឃាង ជាដើមបានមមាញឹកដេញចាប់រថយន្តសាំយ៉ុងដើម្បីឆែករកមើលបទល្មើស។ ប្រភពដដែលបន្តទៀតថា នៅបីថ្ងៃនេះឈើទ្វារបង្អួចដែលកែច្នៃសម្រេច ប្រមាណ៩០ភាគរយ ដែលដឹកបួន ដប់សន្លឹកៗក្នុងរថយន្តទាំងបីគ្រឿង ត្រូវលោកនាយសង្កាត់ និងលោកនាយផ្នែកក្របួចចូលស្នាក់ការ ផ្នែករដ្ឋបាល ព្រៃឈើជាបន្តបន្ទាប់។ ក៏ប៉ុន្តែនៅមិនទាន់ចាប់រថយន្តអាស្វិត អាហើមដឹកឈើធំៗបានមួយគ្រឿងនោះទេ។ ប្រភពពីឈ្មួញរកស៊ីឈើឯណោះវិញប្រាប់រស្មីកម្ពុជាឱ្យដឹងថា ឈើប្រណីតត្រូវគេកាប់អស់ហើយ នៅសល់តែកកោះសុក្រំជាដើមនោះទេដែលដឹករាល់ថ្ងៃ។នៅពេលដឹកតាមរយៈរថយន្តកាមេរីស្វិតឬរថយន្តបាឡែនហើមជាដើមដោយកាត់មុខរដ្ឋបាលព្រៃឈើនោះគឺត្រូវបង់ឱ្យលោកនាយសង្កាត់ឈ្មោះ ស្រ៊ុន ឈួន និងនាយផ្នែកឈ្មោះ ជុយ សុឃាង រួចរាល់ទើបអាចដឹកឈើចេញបានតែមិនអីចឹងទេចាប់បាត់ឥឡូវហើយ…។ ពាក់ព័ន្ធនិងការលើកឡើងពីប្រភពខាងលើលោកនាយផ្នែកនិងនាយសង្កាត់ទាំងពីរនាក់មិនលើកទូរស័ព្ទឆ្លើយឆ្លងសារអេឡិចត្រូនិចជាមួយរស្មីកម្ពុជានោះទេហើយចំនួនទ្វារបង្អួចដែលចាប់មានបរិមាណប៉ុន្មានក៏លោកមិនទាន់ប្រាប់នោះដែរនៅថ្ងៃ១៣ ខែមីនា ឆ្នាំ២០១៨ ។ សូមបញ្ជាក់ថា បន្ទាប់ពីមានការចុះផ្សាយពីបណ្តាញសារព័ត៌មាន ជាច្រើនពាក់ព័ន្ធ និងជំនួញឈើដ៏កក្រើក សារជាថ្មីលើទឹកដី ខេត្តមណ្ឌលគិរី ក្រចេះ និង រតនគិរី នោះនាយឧត្តមសេនីយ៍ផ្កាយមាសបួន នៃកងរាជអាវុធហត្ថ លើផ្ទៃប្រទេសបានបញ្ជូនកម្លាំងកងរាជអាវុធហត្ថលើផ្ទៃប្រទេសជាងមួយរយនាក់មកកាន់ខេត្តភាគឦសាននេះ។ កម្លាងកំពុងបង្ក្រាបឈើហ៊ុបឈើជ្រុងធំៗ បានរាប់រយម៉ែត្រគូបក្នុង ខេត្តក្រចេះ និងរតនគិរី។ ដោយឡែកសម្រាប់ ស្រុក កែវសីមា ខេត្តមណ្ឌលគិរី ត្រូវលោកនាយៗទាំងពីរបង្ក្រាបតែទ្វារបង្អួចដែលទុកប្រើប្រាស់ក្នុងស្រុកតែប៉ុណ្ណោះ៕

 

​បញ្ជូន​បុរស​តៃវ៉ាន់​ម្នាក់​ដែល​ស៊ីដាច់​ប្រាក់​អ្នកដទៃ​៥០​ម៉ឺន​ដុល្លារ​ទៅ​តុលាការ

(ភ្នំពេញ)៖បុរសជនជាតិតៃវ៉ាន់ម្នាក់ដែលស៊ីដាច់ប្រាក់អ្នកដទៃចំនួន៥០ម៉ឺនដុល្លារអាមេរិកតាមរូបភាពយកប្រាក់ដុល្លារដូរយកប្រាក់ចិនត្រូវសមត្ថកិច្ចនគរបាលព្រហ្មទណ្ឌក្រសូងមហាផ្ទៃបញ្ជូនទៅតុលាការកាលពីព្រឹកថ្ងៃទី១៣ខែមីនាដើម្បីចាត់ការតាមច្បាប់។ រហូតមកដល់ល្ងាចថ្ងៃដដែលលោកហ៊ឹងប៊ុនថនព្រះរាជអាជ្ញារងអមសាលាដំបូងរាជធានីភ្នំពេញបានសម្រេចចោទប្រកាន់ពីបទរំលោភលើទំនុកចិត្តរួចបញ្ជូនសំណុំរឿងនេះទៅឲ្យចៅក្រមស៊ើបសួរចាត់ការបន្តតាមនីតិវិធី។ បុរសជនជាតិតៃវ៉ាន់រូបនេះឈ្មោះហុងម៉ីឈុនអាយុ៣៣ឆ្នាំមុខរបរពាណិជ្ជករស្នាក់នៅអាផាតមិនរ៉ាតាណាក់ក្នុងខណ្ឌចំការមនរាជធានីភ្នំពេញបានត្រូវសមត្ថកិច្ចនគរបាលព្រហ្មទណ្ឌក្រសូងមហាផ្ទៃឃាត់ខ្លួនកាលពីថ្ងៃទី៩ខែមីនាតាមដីកាបញ្ជាឲ្យចូលខ្លួនរបស់លោកហ៊ឹងប៊ុនថនព្រះរាជអាជ្ញារងអមសាលាដំបូងរាជធានីភ្នំពេញ។ ប្រភពពីសមមត្ថកិច្ចបានឲ្យដឹងថាឈ្មោះហុងម៉ីឈុនមានទំនាក់ទំនងដូរប្រាក់ដុល្លារអាមេរិកដូរយកប្រាក់ចិនជាមួយឈ្មោះតាន់ហ៊ុយជីងជាយូរមកហើយដោយដូរម្តងៗចំនួន៣ម៉ឺនដុល្លារអាមេរិក។លុះដល់ថ្ងៃទី១៨ខែមករាឆ្នាំ២០១៨ឈ្មោះហុងម៉ីឈុនបានឲ្យឈ្មោះតាន់ហ៊ុយជីងដូរប្រាក់ចំនួន៥០ម៉ឺនដុល្លារដោយផ្ញើចូលគណនីនៅធនាគារចំនួន២នៅក្រុងភ្នំពេញ។ដោយមានការជឿជាក់ឈ្មោះតាន់ហ៊ុយជីងបានយកប្រាក់ចំនួន៥០ម៉ឺនដូរប្រាក់ចិនរួចផ្ញើចូលគណនីនោះ។ ប៉ុន្តែមិនឃើញឈ្មោះហុងម៉ីឈុនផ្ញើប្រាក់ចំនួន៥០ម៉ឺនដុល្លារមកវិញហើយចាប់ពីពេលនោះមកក៏គេចខ្លួនរហូតទើបឈ្មោះតាន់ហ៊ុយជីងសម្រេចចិត្តដាក់ពាក្យប្តឹងតែម្តង៕

ផ្ទះមួយ​ខ្នង និង​ទ្រព្យសម្បត្តិ​ត្រូវ​បាត់​បង់អស់​គ្មាន​សល់​តែមួយ​ប៉ព្រិចភ្នែក​

ខេត្តស្វាយរៀង ៖ ផ្ទះលក់ចាបហួយមួយខ្នងត្រូវអគ្គិភ័យឆាបឆេះយ៉ាងសន្ធោសន្ធៅផ្សែងហុយងឹតមេឃដោយសារតែចៅស្រីម្ចាស់ផ្ទះមានការធ្វេសប្រហែស យកដបសាំងចាក់សាំងចូលថង់ក្បែចង្ក្រានបាយ ដែលកំពុងមានរងើកភ្លើងបណ្ដាលឲ្យកំពប់ឆាបឆេះនិងរងរបួសរលាកជើងដៃតែសំណាងល្អមិនបាត់បង់ជីវិត។ ករណីនេះបានកើតឡើងកាលពីវេលាម៉ោង៦ និង៣០នាទីព្រឹក ថ្ងៃអង្គារ ១២រោច ខែផល្គុន ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៣ ខែមីនា ឆ្នាំ២០១៨ រស់នៅភូមិបែកចាន ឃុំរមាំងថ្កោល ស្រុក ស្វាយទាប ខេត្តស្វាយរៀង ។ បើតាមមន្ត្រីកងរាជអាវុធហត្ថស្រុកបានឲ្យដឹងថា ចំពោះម្ចាស់ផ្ទះរងគ្រោះមានឈ្មោះ នាង សេត ភេទស្រី អាយុ៦៦ ឆ្នាំ មុខរបរលក់ចាបហួយ រស់នៅភូមិ បែកចាន ឃុំ រមាំងថ្កោល ស្រុកស្វាយទាប ខេត្តស្វាយរៀង។ ហើយចៅស្រីដែលរងរបួសរលាកភ្លើងជើងទាំងសងខាងមានឈ្មោះ អោប ស្រីពេជ្រ អាយុ ១៣ឆ្នាំ និយាយទាំងទឹកភ្នែកថា៖មុនកើតហេតុគាត់បានដាំបាយហូបរាល់ព្រឹក ប៉ុន្តែមានភ្ញៀវមកទិញសាំងទើបគាត់បានហៅចៅស្រី អោប ស្រីពេជ្រ មកចាក់សាំង រំលែកចូលក្នុងថង់ ខណៈនោះ ស្រាប់តែកំពប់ខ្ចាយទៅ និងចង្ក្រានបាយ ដែលកំពុងមានរងើកភ្លើងបណ្ដាលឲ្យឆាបឆេះឡើង បង្កការភ្ញាក់ផ្អើលដល់អ្នកភូមិនាំគ្នាជួយពន្លត់ខ្វែងដៃខ្វែងជើង និងរាយការណ៍មកសមត្ថកិច្ចុមូលដ្ឋានជួយអន្តរាគមន៍ ប៉ុន្តែអកុសលដោយភ្លើងឆេះពេញក្រមុំមិនអាចគ្រប់គ្រងស្ថានការណ៍បាននោះទេ។ ចំពោះទ្រព្យសម្បត្តិដែលខំរកក្នុងក្រុមគ្រួសារគ្មានសេសសល់អ្វីទៀតទេ ដោយនៅសល់តែអាវខោពាក់ជាប់ខ្លួនប៉ុណ្ណោះស្ទើរមិនជឿ និងភ្នែកតែមួយប៉ប្រិចភ្នែកសោះទ្រព្យសម្បត្តិ ដែលខំសន្សំរជាច្រើនឆ្នាំទាំងប៉ុន្មានរលាយគ្មានសល់។ប្រភពម្ចាចាចម្ចាសផ្ទះបានបន្ត ទៀតថា៖ទ្រព្យ សម្បត្តិខូចខាត ម៉ូតូ២គ្រឿងម៉ាក់វ៉េវ, កង់ ២គ្រឿង, ស្រាបៀច្រើនប្រភេទ៦០ កេះ, សាំង២កាន និង ម៉ាស៊ូត២កាន, មាស៧ជី៥ហ៊ុន និងលុយខ្មែរ២លានរៀល,លុយដុល្លារ២០០ដុល្លារ និងគ្រឿងចាប់ហួយមួយចំនួនធំ ។ផ្ទះដែលត្រូវអគ្គិភ័យឆាបឆេះនេះគឺមានទំហំទទឹងប្រវែង៤គុណ និងបណ្ដោយ១២ម៉ែត្រសង់ធ្វើអំពីឈើ ជញ្ជាំងស័ង្កសី ដំបូលប្រ៊ក់ស័ង្កសីខូចខាតស្ទើរទាំងស្រុង៕

ជនរងគ្រោះ​លោក ស៊ុយ សារ៉េត ដាក់ពាក្យ​ប្តឹង​ជនដៃដល់ ​និង​ទារ​សំណង​

រាជធានីភ្នំពេញ ៖ ជនរងគ្រោះលោក ស៊ុយ សារ៉េត តាមរយៈមេធាវីលោក ឈី សម្បត្តិ បានដាក់ពាក្យប្តឹងទៅស្នងការដ្ឋាននគរបាលរាជធានីភ្នំពេញ ហើយ ដោយប្តឹងជនពាក់ព័ន្ធទាំងអស់ដែលប្រព្រឹត្តអំពើហិង្សាវាយដុំប៉ុនប៉ងសម្លាប់លោក ក្នុងហេតុការណ៍គ្រោះថ្នាក់ចរាចរណ៍មួយកាលពីរសៀលថ្ងៃទី១១ ខែមិនា ឆ្នាំ២០១៨ ។ យោងតាមពាក្យបណ្តឹងនោះលោក ស៊ុយ សារ៉េត ស្នើសមត្ថកិច្ចស្វែងរកជនពាក់ព័ន្ធទាំងអស់ និង ទាមទារសំណងជំងឺចិត្តដល់ទៅមួយពាន់ពីររយលានរៀល ខណពេលនេះរូបលោកកំពុងសង្គ្រោះបន្ទាន់នៅក្នុងមន្ទីរពេទ្យមួយនៅប្រទេសវៀតណាម ៕

បញ្ជូន​អ្នក​ចែកចាយ​គ្រឿងញៀន​ម្នាក់ រួម​និង​ម៉ា​ទឹកកក​ជាង​១​ក្រាម ទៅ​តុលាការ​

(បាត់ដំបង)៖ កម្លាំងជំនាញនគរបាលប្រឆាំងគ្រឿងញៀនខេត្ត កាលពីរសៀលថ្ងៃទី១២ខែមីនាឆ្នាំ២០១៨ បានបញ្ជូនអ្នកចែកចាយគ្រឿងញៀនម្នាក់ រួមនិងម៉ាទឹកកកជាង១ក្រាមទៅតុលាការ ក្រោយពេលប៉ូលិសស្រុកថ្មគោលឃាត់ខ្លួនបានកាលពីព្រឹកថ្ងៃទី១១ខែមីនាឆ្នាំ២០១៨ នៅចំណុចវត្តសុវណ្ណបុប្ផារាមថ្មគោល ក្នុងភូមិថ្មគោល ឃុំតាពូង ស្រុកថ្មគោល ខេត្តបាត់ដំបង។ លោក ចេង សុវត្ថា នាយផ្នែកព្រហ្មទណ្ឌស្រុកថ្មគោល បានឲ្យដឹងថា ជនសង្ស័យម្នាក់ឈ្មោះ រិន ប៊ុនថា ភេទប្រុស អាយុ២៨ឆ្នាំ រស់នៅភូមិកាប់គោ សង្កាត់អូរចារ ក្រុងបាត់ដំបង។ ក្នុងកិច្ចប្រតិបត្តិការសមត្ថកិច្ចយើងបានដកហូតបានវត្ថុតាង ចាប់យកបានរួមមានម្សៅក្រាមពណ៌សស្រអាប់ច្រកក្នុងថង់ផ្លាស្ទិកពណ៌ សថ្លា១កូនថង់ ទម្ងន់១.១៨ក្រាម , ទូរស័ព្ទ០១គ្រឿង, ដែកកេះ០១, ម៉ូតូ០១គ្រឿងម៉ាកវីវ៉ា(ចាស់)។ បច្ចុប្បន្នជនសង្ស័យរួម និងវត្ថុតាង ត្រូវកម្លាំងជំនាញបញ្ជូនទៅសាលាដំបូងខេត្ត ដើម្បីចាត់ការតាមច្បាប់៕

រថយន្ត​មួយគ្រឿង​បើក​បុក​រទេះ​អ្នកលក់​ភេសជ្ជៈ បណ្ដាល​ឲ្យ​មនុស្ស​បីនាក់​រងរបួស​ធ្ងន់​

(កំពង់ស្ពឺ)៖ ករណីគ្រោះថ្នាក់ចរាចរណ៍ដោយរថយន្តមួយបើកជែងគ្នា រេចង្កូតជ្រុលទៅបុករទេះអ្នកលក់ភេសជ្ជៈ បណ្ដាលឲ្យមនុស្សបីនាក់រងរបួសធ្ងន់។ ហេតុការណ៍កើតឡើងនៅលើផ្លូវជាតិ ១៤៤០ស្តិតក្នុងភូមិថ្មី សង្កាត់រការធំ ក្រុងច្បារមន ខេត្តកំពង់ស្ពឺ កាលពីវេលាម៉ោង៩និង២៥នាទី ព្រឹកថ្ងៃទី១២ ខែមីនា ឆ្នាំ២០១៨។ សាក្សីដែលបានឃើញហេតុការណ៍បានឲ្យដឹងថាមុនពេលកើតហេតុគេឃើញរថយន្តមួយគ្រឿងម៉ាកកូរ៉េពាក់ស្លាកលេខ ភ្នំពេញ 2Y-2840អ្នកបើកបរមិនស្គាល់ឈ្មោះ បើកបរពីត្បួងទៅជើង លុះដល់ចំណុចខាងលើបានជែងជាមួយរថយន្តមួយគ្រឿងទៀតក៍រេចង្កូតជ្រុលទៅបុកជាមួយរទេះលក់ភេសជ្ជះដែលឈប់លក់អែបនៅខាងចិញ្ចើមផ្លូវពេញទំហឹងបណ្តោលឲ្យមនុស្សបីនាក់រងរបួសធ្ងន់មាន ១.ឈ្មោះជា លៀមភេទប្រុសអាយុ ៧៣ ជាជនជាតិវៀតណាម(របួសធ្ងន់) ២-ឈ្មោះ លីសម្បត្តិវតី ភេទស្រីអាយុ១២ឆ្នាំរស់នៅភូមិសំណង់រការធំ (របួសធ្ងន់) ៣.ឈ្មោះ ខែមសុខ ម៉េងហុង ភេទប្រុស អាយុ០៩ឆ្នាំ រស់នៅភូមិបុរីកម្មករ ច្បារមន(របួសធ្ងន់)។ ក្រោយពីកើតហេតុអ្នកបើករថយន្តបង្កបានចុះរតគេចខ្លួនអ្នករងរបួសត្រូវគេដឹកយកទៅមន្ទីពេទ្យបង្អែកខេត្តចំណែករថយន្តត្រូវបានជំនាញយកមករក្សាទុកអធិការដ្ឋាននគរបាលខេត្តរងចាំដោះស្រាយ ជាក្រោយ៕

ភ្នក់ភ្លើង​គោ​រាលដាល​ឆេះ​ផ្ទះមួយ​ខ្នង​នៅ​កំពង់ធំ​

(កំពង់ធំ) ៖ភ្នក់ភ្លើងគោបានរាលដាលឆេះពំនូកចំបើងហើយបន្តឆេះផ្ទះមួយខ្នងទាំងស្រុង កាលពីយប់ថ្ងៃទី១២ ខែមីនា នៅភូមិទ្រៀល ឃុំទ្រៀល ស្រុកបារាយណ៍។ អាជ្ញាធរ អះអាងថា ផ្ទះនេះទំហំ៧ម៉ែត្រគុណនឹង១១ម៉ែត្រធ្វើពីឈើ លើប្រក់ក្បឿងផ្នែកក្រោមរៀបឥដ្ឋ ម្ចាស់ផ្ទះ ឈ្មោះ ទឹម ឡូត ភេទប្រុស អាយុ៤៦ឆ្នាំនិង ប្រពន្ធឈ្មោះ ឈាង ឡន អាយុ៤១ឆ្នាំ រស់នៅភូមិទ្រៀល ឃុំទ្រៀលស្រុកបារាយណ៍។ ផ្ទះនេះឆេះអស់ទាំងស្រុង ឆេះជង្រុកស្រូវទំហំ៤គុណនឹង៤ និងសំភារៈប្រើប្រាស់ប្រចាំថ្ងៃអស់ទាំងស្រុង។ មូលហេតុនៃការឆេះគឺ ផ្តើមចេញពីភ្នកភ្លើងគោរួចរាលឆេះពំនូកចំបើង រាលឆេះផ្ទះតែម្តង។ ការចេញអន្តរាគមន៍មិនទាន់ ដោយសារមកការផ្តល់ព័ត៌មានយឺតដោយពួកគាត់ព្យាយាមពន្លត់ខ្លួនឯង៕

តាម​ពាក្យសន្យា​! លោក ពេជ្រ ស្រស់ នឹង​អុជ​ធូប​មួយថ្ងៃ​ម្តង​គ្រប់​មួយឆ្នាំ​

រាជធានីភ្នំពេញ ៖ លោក ពេជ្រ ស្រស់ ប្រធានគណបក្សយុវជនកម្ពុជា ធ្លាប់បានសន្យាថា ប្រសិន បើលោកឧកញ៉ា ឌួង ឆាយ យល់ព្រមដកពាក្យបណ្តឹងឈប់ប្តឹងកូនឈ្នួលរបស់លោក ដែលរងការចោទថា បានធ្វើទុក្ខបុកម្នេញកូនរបស់លោកឧកញ៉ា ហើយត្រូវតុលាការចាប់ឃុំខ្លួននោះ លោកនឹងអុជធូបមួយថ្ងៃ មួយដងឲ្យគ្រប់មួយឆ្នាំ ដើម្បីបួងសួងដល់វត្ថុសក័សិទ្ធិក្នុងលោកឲ្យតាមថែរក្សាលោកឧកញ៉ា ឌួង ឆាយ ។ ឥឡូវនេះលោក ពេជ្រ ស្រស់ បានលើកឡើងថា លោកនឹងធ្វើតាមកិច្ចសន្យាខាងលើ នេះ ។ លោក ពេជ្រ ស្រស់ បានសរសេរនៅលើបណ្តាញព័ត៌មានសង្គមផ្ទាល់ខ្លួនថា ៖ « ខ្ញុំ ពេជ្រ ស្រស់ សូមអបអរសាទរ ចំពោះលោកឧកញ្ញា ឌួង ឆាយ ដែលបានបំពេញនូវទានបារមីដែលជាទានកើតឡើងដោយកម្រ ដោយលោកឧកញ្ញាបានប្រកាសដកពាក្យបណ្តឹងដែលប្តឹងកូនឈ្នួលរបស់លោកឧកញ្ញា ហើយលោកឧកញ្ញាក៏មានគម្រោងស្នើរដល់តុលាការឲ្យលើកលែងទោសដល់នាងទៀតផង ។ លោក ពេជ្រ ស្រស់ បានបញ្ជាក់បន្ថែមថា ខ្ញុំ ពេជ្រ ស្រស់ក៏មិនភ្លេចពាក្យសន្យារបស់ ខ្លួនផងដែរដោយខ្ញុំនឹង អុជធូបមួយថ្ងៃ១ដងឲ្យគ្រប់១ឆ្នាំ ដើម្បីបួងសួងដល់វត្ថុស័ក សិទ្ធិក្នុងលោកឲ្យ ជួយតាមថែរក្សាដល់កូនលោកឧកញ្ញាទាំងពីរឲ្យមានសេចក្តីសុខ និងសុខភាពល្អបរិបូណ៌ពេញមួយជីវិត ហើយខ្ញុំ ពេជ្រ ស្រស់ នឹងអនុវត្តនូវពាក្យសន្យារបស់ខ្ញុំ នៅពេល តុលាការសំរេចដោះលែងកូនឈ្នួលរបស់លោកឧកញ្ញាជាស្ថាពរ៕

អាណោចអាធ័ម​ណាស់​! បុរសអ្នកលក់​ត្រី​ម្នាក់​ត្រូវ​ដើមឈើ​រលំ​សង្កត់​ស្លាប់​ភ្លាមៗ​

ខេត្តឧត្តរមានជ័យ ៖ បុរសអ្នកលក់ម្នាក់ត្រូវដើមឈើបាក់រលំសង្កត់ស្លាប់ភ្លាមៗនៅនឹងកន្លែងកើតហេតុ ខណៈកំពុងជិះម៉ូតូដឹកត្រីលក់តាមស្រុកស្រែចំការ ដែលករណីនេះកើតឡើងកាលពីម៉ោង៩ និង៣០នាទីព្រឹកម្សិលមិញនៅតាមផ្លូវលំមួយខ្សែ ស្ថិតក្នុងភូមិត្រពាំងធំ ឃុំលំទង ស្រុកអន្លង់វែង ខេត្តឧត្តរមានជ័យ ។ ជនរងគ្រោះដែលដើមឈើរលំសង្កត់ពីលើឈ្មោះ ស៊ីម ផ្លោក ភេទប្រុស អាយុ២៦ឆ្នាំ រស់នៅភូមិអណ្ដូងចាន់ ឃុំស្រែណូយ ស្រុកវ៉ារិន ខេត្តសៀម ។ តាមព័ត៌មាននៅកន្លែងកើតហេតុបានឲ្យដឹងថា ជនរងគ្រោះតែងតែជិះម៉ូតូដឹកត្រីលក់ឱ្យអ្នកភូមិទិញហូបជារៀងរាល់ថ្ងៃ ហើយនៅក្នុងថ្ងៃកើតហេតុនេះមានដើមឈើធំមួយដើមភ្លើងព្រៃកំពុងឆេះគល់ ស្រាប់តែដាច់ត្រូវដួលរលំស្របពេលជនរងគ្រោះជិះម៉ូតូទៅដល់ក៏បណ្តាលឱ្យសង្កត់ទាំងមនុស្ស និងម៉ូតូស្លាប់ភ្លាមៗនៅនឹងកន្លែងកើតហេតុ។ ប៉ូលិសស្រុកអន្លង់វែងបានឱ្យដឹងថា ក្រោយពីពិនិត្យឃើញថា ជនរងគ្រោះពិតជាស្លាប់ដោយសារតែដើមឈើរលំសង្កត់ពិតប្រាកដមែន ហើយសមត្ថកិច្ចបានប្រគល់សាកសព្វទៅឱ្យក្រុមគ្រួសារធ្វើបុណ្យទៅតាមប្រពៃណី៕

កំពូល​មេចោរ​ប្លន់​ប្រដាប់អាវុធ​ដ៏​ល្បី​ម្នាក់​ត្រូវ​សមត្ថកិច្ច​ចាប់ខ្លួន​

រាជធានីភ្នំពេញ ៖ កាលពីរសៀលម្សិលមិញកម្លាំងនគរបាលខេត្តព្រៃវែង សហការជាមួយនគរបាលរាជធានីភ្នំពេញ បានចាប់ខ្លួន មេចោរប្លន់ប្រដាប់អាវុធដ៏ល្បីម្នាក់ប្រចាំខេត្តព្រៃវែង ខណៈដែលការចាប់ខ្លួននោះធ្វើឡើង នៅចំណុចភូមិស្លែងរលើង សង្កាត់សែនសុខ ខណ្ឌសែនសុខ រាជធានីភ្នំពេញ បន្ទាប់មេចោរប្លន់រូបនេះរត់គេចខ្លួនចេញពីខេត្តព្រៃវែងរយៈពេល៩ឆ្នាំមកហើយ។ មេចោរប្លន់ប្រដាប់អាវុធរូបនោះ មានឈ្មោះ ស៊ូ ម៉ៅ ភេទប្រុសអាយុ៣៨ឆ្នាំ ស្រុកកំណើត នៅភូមិប្រស្តេច ឃុំចាម ស្រុកកំពង់ត្របែក ខេត្តព្រៃវែង ប្រព្រឹត្តប្លន់នៅថ្ងៃទី២១ ខែមេសា ឆ្នាំ២០០៩ ចំនុចភូមិក្រាំងលាវ ឃុំចាម ស្រុកកំពង់ត្របែក ក្រោយធ្វើសកម្មភាពរួច ជនល្មើស និងប្រពន្ធ កូន បានគេចខ្លួនបាត់ពីមូលដ្ឋាន៕

​រថយន្ត​ដឹក​សំរាម​ពេល​បើកបរ​ដាច់​ហ្វ្រាំង​ជ្រុល​ទៅបុក​រ៉ឺម៉ក​លក់​បបរ​និង​ខឿន​ពុះ​ចែក​ទ្រូងផ្លូវ​

(ភ្នំពេញ)៖រថយន្តដឹកសំរាមរបស់ក្រុមហ៊ុនស៊ិនទ្រីបានដាច់ហ្វ្រាំងបានជ្រុលបុករ៉ឺម៉កលក់បបរនិងបន្តទៅបុកខឿនពុះចែកទ្រូងផ្លូវបណ្តាលឱ្យខូចខាតនូវស្លាកសញ្ញាចរាចរណ៍ទើបរថយន្តបង្កទៅមុខលែងរួច។ហេតុការណ៍នេះបានកើតឡើងនៅតាមបណ្តោយផ្លូវ២១៧ក្នុងភូមិឬស្សីសង្កាត់ស្ទឹងមានជ័យ៣ខណ្ឌមានជ័យរាជធានីភ្នំពេញកាលពីព្រឹកថ្ងៃទី១១ខែមិនាឆ្នាំ២០១៨។ ម្ចាស់រ៉ឺម៉កលក់បបរមានឈ្មោះសំស៊ីមភេទប្រុសអាយុ៣១ឆ្នាំមុខរបរលក់បបរស្នាក់នៅសង្កាត់ស្ទឹងមានជ័យ២បានឱ្យដឹងថាមុនពេលហេតុរូបគាត់បានបើករ៉ឺម៉កបម្រុងនិងឆ្លងផ្លូវព្រោះភ្លើងស្តុបព័ត៌ខៀវ។ស្រាប់តែរថយន្តស៊ិនទ្រីត្រូវឈប់ស្តុបព្រោះភ្លើងព័ត៌ក្រហមតែមិនឈប់ស្រាប់តែមកបុករ៉ឺម៉កគាត់ហើយក៏ជាសំណាងល្អដែលរូបគាត់លោតចេញទាន់។ពេលដែលបុកប៉ះរ៉ឺម៉ករួចរថយន្តក៏ជ្រុលទៅបុកខឿនពុះចែកទ្រូងផ្លូវបណ្តាលឱ្យខូចខាតបង្គោលស្លាកសញ្ញាចរាចរណ៍ទៀតទើបរថយន្តគឿងទៅមុខលែងរួចតែម្តង។ ក្រោយកើតហេតុសមត្ថកិច្ចចរាចរណ៍បានចុះមកធ្វើការត្រួតពិនិត្យនិងយករថយន្តបង្កទៅថែរក្សាទុកនៅចរាចរណ៍ជើងគោករាជធានីភ្នំពេញធ្វើការដោះស្រាយគ្នានៅពេលក្រោយ។តៃកុងរថយន្តបង្កមានឈ្មោអ៊ុនសានភេទប្រុសមានអាយុ៣០ឆ្នាំស្នាក់នៅភូមិម័លសង្កាត់ដង្កោខណ្ឌដង្កោរាជធានីភ្នំពេញ៕

ប្រជាពលរដ្ឋ​ដេញ​វាយកម្ទេច​រថយន្ត​មួយគ្រឿង​ចំណែក​ម្ចាស់​រងរបួស​ធ្ងន់​បន្ទាប់​ពី​បង្ក​គ្រោះថ្នាក់​ចរាចរ​ណ៍ហើយ​បើក​រត់​

(ភ្នំពេញ)៖ បុរសជនជាតិចិនម្នាក់បើកបររថយន្តម៉ាក ហ្គិច ក្នុងល្បឿនលឿនហើយបុករះជាច្រើនកន្លែងបណ្តាលអោយមានបងប្អូនជាពលរដ្ឋរងរបួសជាច្រើននាក់ ចាប់ពីចំណុចម្ដុំវត្តទួល ក្នុងសង្កាត់ទួលសង្កែ ខណ្ឌឬស្សីកែវ រហូតឃាត់បាននៅចំណុចផ្លូវ២៦៥ កែងផ្លូវ១៥៦ ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ តាមប្រភពប្រជាពលរដ្ឋដែលបានដេញតាមរថយន្តបង្ក បានអោយដឹងថាមុនពេលកើតហេតុ ជនបង្កបានបើករថយន្តរបស់ខ្លួនម៉ាក ហ្គិច ពណ៌ខ្មៅ ពាក់ស្លាកលេខភ្នំពេញ 2AP-9719 បានបុករះកន្លែងបូមកង់ម៉ូតូឡាន បណ្ដាលអោយមានអ្នករងរបួសធ្ងន់២នាក់ ពេលបងប្អូនជាពលរដ្ឋឃើញហេតុការបាននាំគ្នាដេញតាមឃាត់រថយន្តបង្កតែម្ចាស់រថយន្តបង្កមិនបានឈប់នោះទេបានព្យាយាមបើកគេច រត់ពេញរាជធានីភ្នំពេញ ដោយបើករត់ជុំវិញរង្វង់មូលវត្តភ្នំ ក្រឡឹកផ្សារធំថ្មី ឡើងមកស្តុបណានជីង សំដៅមកស្តុបនាងគង្ហីង បានបុករះប្រជាពលរដ្ឋធ្វើដំណើរជាហូរហែ រហូតដល់ចំណុចផ្លូវ២៦៥កែងផ្លូវ១៥៦ ទើបរថយន្តបែកកង់ទៅមុខលែងរួចត្រូវបានប្រជាពលរដ្ឋ វាយកំទេចរថយន្តនិងម្ចាស់រថយន្តបណ្ដាលអោយរងរបួសធ្ងន់ ខណៈនោះកម្លាំងសមត្ថកិច្ចបានចុះជួយអន្តរាគមន៍ និងទាក់ទងរថយន្តសង្គ្រោះបន្ទាន់យកទៅមន្ទីរពេទ្យ ភ្លាមៗតែម្ដង។ ពាកព័ន្ធករណីចរាចរណ៍នេះ ដែរ លោក ទៀង ច័ន្ទសា អធិការនៃអធិការដ្ឋាននគរបាលខណ្ឌឬស្សីកែវបានអោយដឹងថាករណីដែលប្រជាពលរដ្ឋថា មានបុរសជនជាតិចិន បើករថយន្តបុករះនៅម្ដុំវត្តទួលបណ្ដាលអោយប្រជាពលរដ្ឋស្លាប់ចំនួន២នាក់នោះគឺពុំមានដូចការលើកឡើងនោះឡើយ។ បច្ចុប្បន្នជនបង្កត្រូវបានសម្រាកព្យាបាលនៅមន្ទីរពេទ្យឯកជនចំណែករថយន្តត្រូវបានសមត្ថកិច្ចនាំយកទៅរក្សាទុកដើម្បីរកចាំការការដោះស្រាយនៅពេលក្រោយ៕

7. ការងារ​លើក​វត្ថុ​ធ្ងន់ៗ ជា​រឿង​គ្រោះថ្នាក់​ខ្លាំង។ ហាម​ប្រឹង​តោងឡើង​កាំជណ្តើរ។ ព្យាយាម​ចៀសវាង​រាល់​សកម្មភាព​ខាងលើ​នេះ​ក្នុង​ពេល​អ្នក​កំពុង​មាន​ផ្ទៃពោះ។ ប៉ុន្តែ​ប្រសិនបើ​គ្មាន​អ្នក​ជួយ​ដល់​អ្នក​ទេ ត្រូវ​ផ្តល់​ការប្រុងប្រយ័ត្ន​ជាចម្បង៕

(ភ្នំពេញ)៖ សម្រាប់អាជ្ញាធររាជធានីភ្នំពេញ បានចេញប្រតិបត្តិការលើការងារនេះយ៉ាងសកម្ម និងម៉ឺងម៉ាត់ ដោយគិតមកដល់ចុងសប្ដាហ៍កន្លងទៅនេះ រដ្ឋបាលរាជធានីភ្នំពេញ បានត្រួតពិនិត្យ និងចាប់រថយន្តតទ្រុងខុសលក្ខណៈបច្ចេកទេសបានជាង៦០០០គ្រឿងហើយ ដោយអនុត្តតាមបទបញ្ជាដ៏ខ្ពង់ខ្ពស់របស់សម្តេចតេជោ ហ៊ុន សែន ក្នុងការចុះត្រួតពិនិត្យ និងចាប់រថយន្តតទ្រុងខុសលក្ខណៈបច្ចេកទេសកន្លងមកនោះ។ ពាក់ព័ន្ធការងារនេះលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានឲ្យដឹងនៅល្ងាចថ្ងៃទី១១ ខែមីនានេះថា អនុត្តតាមបទបញ្ជាដ៏ខ្ពង់ខ្ពស់របស់សម្តេចតេជោ ហ៊ុន សែន គណៈបញ្ជាការឯកភាពរាជធានីភ្នំពេញ បានបញ្ជាដល់សមត្ថកិច្ចចម្រុះរួមមាន ស្នងការនគរបាលរាជធានីភ្នំពេញ បញ្ជាការរាជអាវុធរាជធានីភ្នំពេញ រដ្ឋបាលខណ្ឌទាំង១២ និងមន្ទីរសាធារណការ និងដឹកជញ្ជូនរាជធានីភ្នំពេញ ចុះត្រួតពិនិត្យចាប់រថយន្តតទ្រុងខុសលក្ខណៈបច្ចេកទេស នៅតាមទីតាំងគោលដៅជាច្រើនកន្លែង នៅក្នុងរាជធានីភ្នំពេញ។ ជាលទ្ធផលប្រតិបត្តិការគិតមកដល់ចុងសប្ដាហ៍កន្លងមកនេះ កម្លាំងចម្រុះបានត្រួតពិនិត្យរថយន្តធុនធ្ងន់សរុបចំនួន៦០២២គ្រឿង ក្នុងនោះ មានរថយន្តតទ្រុងខុសលក្ខណៈបច្ចេកទេសចំនួន ១៩៥គ្រឿង។ លោកបានបញ្ជាក់ថា ក្នុងចំណោមរថយន្តឃាត់ទុក ដើម្បីត្រួតពិនិត្យទាំង៦០២២គ្រឿងនោះ ក៏មានរថយន្តល្មើសច្បាប់ចរាចរ រថយន្តគ្មានឯកសារ ត្រឹមត្រូវតាមច្បាប់មួយចំនួនផងដែរ។ ប៉ុន្តែទោះបីជាយ៉ាងណាក្តីរថយន្តទាំងនោះ រដ្ឋបាលរាជធានីមិនបានឃាត់ទុកនោះទេ គឺបានណែនាំឱ្យពួកគាត់ទៅបំពេញបែបបទឱ្យបានស្របច្បាប់ ត្រឹមមុននឹងការធ្វើអាជីវកម្មបន្តទៀត។ ដោយឡែកសម្រាប់រថយន្តដែលតទ្រុងខុសលក្ខណៈបច្ចេកទេសចំនួន ១៩៥គ្រឿងនោះ រដ្ឋបាលរាជធានីបានឃាត់ទុក និងបានកាត់ទ្រុងដែលតលើសចោលតែម្តង។ បញ្ជាក់ផងដែរថា ក្នុងឆ្នាំ២០១៧កន្លងមកនេះ រាជរដ្ឋាភិបាលបានត្រួតពិនិត្យរថយន្តធ្វើចរាចរណ៍ចំនួន ៩២៣.៦៥៧គ្រឿង ក្នុងនោះ រថយន្ត ២.៩៥៣គ្រឿង ដឹកលើសទម្ងន់ចាប់ពី ៤តោន រហូតដល់ ៤៣តោន និងបានផាកពិន័យជាទឹកប្រាក់ចំនួន ៥.៧៧៨.៨២០.០០០រៀលផងដែរ។ គួររំលឹកថា៖ សម្តេចតេជោ ហ៊ុន សែន បានដាក់ឱសានវាទឱ្យអាជ្ញាធរ គ្រប់លំដាប់ថ្នាក់ចាប់ពីម៉ោង០០យប់ថ្ងៃទី៩កុម្ភៈតទៅ គឺគ្មានវត្តមានឡាន តទ្រុង លើដងផ្លូវទៀតឡើយ។ បើមាននៅតំបន់ណា ភូមិសាស្ត្រណា ចៅហ្វាយខេត្ត និងក្រុងនោះ ជាអ្នកទទួលខុសត្រូវ។ បើនរណាមកតវ៉ាឬអ្នកកាង ទោះជាឋានៈណាក៏ដោយ ក៏ធ្លាក់បុណ្យស័ក្តិទាំងអស់ និងបញ្ចូលព្រៃសតែម្តង៕

ម្សិលមិញ​បង្ក្រាប​គ្រឿងញៀន​១៩​ករណី ឃាត់ខ្លួន​មនុស្ស​២៤​នាក់​

រាជធានីភ្នំពេញ ៖ ក្នុងយុទ្ធនាការប្រយុទ្ធប្រឆាំង គ្រឿងញៀនខុសច្បាប់ទូទាំងប្រទេស សម្រាប់ថ្ងៃទី១១ ខែមីនា ឆ្នាំ២០១៨ ម្សិលមិញ កម្លាំងសមត្ថកិច្ចបានបង្ក្រាប១៩ករណី ឃាត់ខ្លួនមនុស្ស២៤នាក់ (ស្រី៣នាក់)។ ក្នុងនោះករណីជួញដូរគ្រឿងញៀន១៤ករណី ឃាត់ខ្លួន១៧នាក់ (ស្រី៣នាក់) និងករណីប្រើប្រាស់គ្រឿងញៀន៥ករណី ឃាត់ខ្លួន៧នាក់៕

ទីបំផុត​លោក ស៊ី ជិន​ពីង អាច​កាន់អំណាច​ប្រធានាធិបតី​ចិន​អស់​មួយជីវិត

ប៉េកាំង ៖ កាលពីម្សិលមិញសភាប្រជាជនចិនបានសម្រេចចិត្តបោះឆ្នោតគាំទ្រការធ្វើវិសោធនកម្មរដ្ឋធម្មនុញ្ញ ស្ដីពីការកំណត់អណត្តិប្រធានាធិបតី ដែលនេះបានបើកផ្លូវឱ្យប្រធានាធិបតីចិន លោក ស៊ី ជិនពីង អាចបន្តកាន់អំណាចអស់មួយជីវិត។ នេះបើតាមការចេញផ្សាយដោយទីភ្នាក់ងារសារព័ត៌មានចិនស៊ីនហួរ។ ការបោះឆ្នោតធ្វើវិសោធនកម្មរដ្ឋធម្មនុញនេះ ធ្វើឡើងនៅអំឡុងកិច្ចប្រជុំពេញអង្គលើកទី០៣ នៃសម័យប្រជុំលើកទី០១ របស់ សភាប្រជាជនចិននិតិកាលទី១៣ នៅឯវិមានប្រជាជនចិន ក្នុងទីក្រុងប៉េកាំង។ ការបោះឆ្នោតនេះទៀតសោត មិនមានភាពលំបាកអ្វីនោះទេ ហើយវាក៏មិនមែនជារឿងអ្វីភ្ញាក់ផ្អើលអ្វីនោះដែរ ដោយហេតុថា គេរំពឹងទុកជាមុនរួចទៅហើយថា សភាប្រជាជន នឹងបោះឆ្នោតគាំទ្រលើលុបចោលអាណត្តិប្រធានាធិបតីតាមការ ស្នើសុំរបស់គណបក្សកុម្មុយនីស្ដចិន។ យោងតាមរដ្ឋធម្មនុញ្ញចិនចាប់តាំងពីឆ្នាំ១៩៩០ ប្រធានាធិបតីអាចកាន់អំណាចបានត្រឹមពីរអណត្តិតែប៉ុណ្ណោះ។ ប៉ុន្តែលោកស៊ីបានស្នើឱ្យកែប្រែដោយជោគជ័យ នូវប្រពៃណីមួយកាន់អំណាចមួយនេះ នៅក្នុងសមាជបក្សកុម្មុយនិស្ដចិន កាលពីខែតុលា ហើយមិនតែប៉ុណ្ណោះ លោកថែមទាំងពង្រឹងអំណាចរបស់លោកកាន់តែធំ តាមរយៈយុទ្ធនាការប្រឆាំងនឹងអំពើពុករលួយក៏ដូចជា ការបញ្ចូលទ្រឹស្ដី និងគំនិតយោបាយរបស់លោកទៅក្នុងរដ្ឋធម្មនុញ្ញចិនទៀតផង។ ជាក់ស្ដែង ក្នុងចំណោមអ្នកបោះឆ្នោត ២,៩៦៤នាក់ មានពីរនាក់បោះឆ្នោតជំទាស់ និងបីនាក់ អនុប្បវាទ៕

ស្លាប់​៥​នាក់ និង​របួស​៧​នាក់ ក្នុង​គ្រោះថ្នាក់​ចរាចរណ៍​ទូទាំងប្រទេស​ម្សិលមិញ

រាជធានីភ្នំពេញ ៖ នៅថ្ងៃទី១១ ខែមីនា ឆ្នាំ២០១៨ម្សិលមិញ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៥លើក បណ្ដាលឲ្យមនុស្សស្លាប់៥នាក់ របួសស្រាល០២នាក់ និងរបួសធ្ងន់៥នាក់។ នេះបើយោងតាមរបាយការណ៍នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។ របាយការណ៍ដដែលបញ្ជាក់ថា នៅក្នុងហេតុការណ៍ គ្រោះថ្នាក់ចរាចរណ៍ទាំង៥លើកនេះ បណ្ដាលឲ្យខូតខាតម៉ូតូចំនួន៦គ្រឿង, រថយន្ដតូច៣គ្រឿង, យានផ្សេងៗ២គ្រឿង។ មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមានល្បឿន, មិនគោរពសិទ្ធិ មិនប្រកាន់ស្តាំ៕

accounts facebook ឈ្មោះ កូនខ្លា តូច បានបង្ហោះរូបភាពទារកមានក្បាល២ ខ្លួនមួយ និងបានសរសេរយ៉ាងដូចច្នេះថា ៖

យោងតាម accounts facebook ឈ្មោះ កូនខ្លា តូច បានបង្ហោះរូបភាពទារកមានក្បាល២ ខ្លួនមួយ និងបានសរសេរយ៉ាងដូចច្នេះថា ៖
ទារកភ្លោះនេះគេបានស្លាប់ហើយ គ្នាទើបចាប់កំណើតបានតែ ៥ ថ្ងៃប៉ុណ្ណោះ ឥលូវពេលនេះពួកគេបានលាពិភពលោកត្រលប់ទៅវិញហើយ
៚មីង សុំអោយជាតិក្រោយ
ក្មួយកើតមកមានរូបកាយពេញលក្ខណះល្អដូចគេផងណា បើកើតជាកូនភ្លោះទៀត សុំអោយចែកដាច់ពីគ្នា កុំអោយជាប់គ្នាបែបនេះទៀត សុំអោយក្មួយទៅអោយបានសុខផងចុះ អាណិតណាស់

សៀមរាប៖ នៅវេលាម៉ោង១០និង៣០ព្រឹក ថ្ងៃទី៧ខែមិនាឆ្នាំ២០១៨ ទារិកាអភ័ព្វ កើតមកមានខ្លួនមួយក្បាល២ បេះដូងមាន ៦ថត ត្រូវបានក្រុមគ្រូពេទ្យ យកចិត្តទុកដាក់ ជួយសង្គ្រោះវះកាត់ បានទាន់ពេលវេលា ទាំងម្តាយ និង កូន រយៈពេល៥ថ្ងៃ ឥឡូវទារិកាបានស្លាប់បាត់ទៅវិញហើយ នៅក្នុង មន្ទីរពេទ្យគន្ធ បុប្ផាសៀមរាប។

ក្រោយពីស្លាប់ត្រូវបានប្អូនស្រីបង្កើត បី ដឹកតាមរថយន្តសង្គ្រោះរបស់មន្ទីរពេទ្យគន្ធបុប្ផាយកទៅកប់នៅក្នុងវត្តគោកចក ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប។ចំណែកម្តាយ ត្រូវបាន ក្រុមគ្រូពេទ្យ ហាមមិនទាន់ឱ្យចេញពីពេទ្យដោយសារ សុខភាព មានសភាពទន់ខ្សោយនៅឡើយ។

ទារិកា ដែលកើតមក ចម្លែកខុសប្រក្រតី នោះ មានខ្លួនមួយក្បាល២ បេះដូងមាន ៦ថត បានកើតនាយប់ថ្ងៃសៅរ៍ទី០៣ខែមិនាឆ្នាំ២០១៨ ស្ថិតនៅក្នុងមន្ទីរពេទ្យគន្ធបុប្ផាសៀមរាប ក្នុងភូមិត្រពាំងសេះ សង្កាត់គោកចក ក្រុង/ខេត្តសៀមរាប ត្រូវបានស្លាប់បាត់បង់ជីវិត នៅក្នុងស្ថានភាពដ៏លំបាក។

ប្អូនស្រីបង្កើត ខាងស្រី ឈ្មោះ កេត ម៉ា ឡៃ អាយុ២៩ឆ្នាំ មានមុខរបរ បុគ្គលិកកាស៊ីណូ ប៉ោយប៉ែត ដែលមានស្រុកកំណើតនៅភូមិដំណាក់លួង ឃុំវត្តគរ ស្រុកបាត់ដំបង ខេត្តបាត់ដំបង បានប្រាប់តាមទូរស័ព្ទនៅរសៀលថ្ងៃទី០៧ខែមិនាឆ្នាំ២០១៨នេះថា មុនក្មួយស្រី ដ៏អភ័ព្វ របស់នាងខ្ញុំ បានស្លាប់ បាត់ទៅវិញ នោះ គឺ រូបនាងជាអ្នកមើលផ្ទាល់ដៃ ហើយបានដាក់ទឹកដោះគោ ឱ្យវា បៅ ខណៈពេលនោះ រូបនាងខ្ញុំ ឃើញ បេះដូងវាដើរញាប់ ខុសពីប្រក្រតី ដែលនៅជាប់នឹងឧកស៊ីសែន ក៏ដើរទៅប្រាប់ពេទ្យ ពេលនោះ ពេទ្យក៏មកមើល ក៏ឃើញដូចនាងខ្ញុំបានរៀបរាប់ប្រាប់មែន ប៉ុន្តែពេលនោះគ្រូពេទ្យ មិនទាន់ឱ្យខ្ញុំ ប្រាប់ម្តាយ ឱ្យដឹងនោះទេ ព្រោះគាត់មានសភាពទន់ខ្សោយនៅឡើយ។ប្អូនស្រី បានរៀបរាប់បន្តថា ឪពុករបស់ទារិការនេះ មាន ឈ្មោះ កាំ សារី អាយុ៣៨ឆ្នាំ អតីត អ្នកបកប្រែភាសា ចិន និង

ម្តាយទារិកា មាន ឈ្មោះ កេត ម៉ាលី អាយុ៣១ឆ្នាំ មានទីលំនៅ នៅភូមិដំណាក់លួង ឃុំវត្តគរ ស្រុកបាត់ដំបង ខេត្តបាត់ដំបង ហើយកូនដែលកើតក្បាល២នោះមក ជិត៤គីឡូក្រាម ដែលជាកូនស្រី ទី៤ ។

ក្នុងស្ថានភាពបែបនេះ ត្រូវបានម្តាយ ក្មេងស្រី អភ័យ និង ប្អូន ស្រី បង្កើត កំពុងអំពាវ នាវ សុំរកជំនួយពីសប្បុរសជនទាំងក្នុង និងក្រៅប្រទេស ព្រោះស្ថានភាពក្នុងក្រុមគ្រួសារ ក្រី ក្រ ហើយ ឪពុក របស់ក្មេងនោះ កំពុងស្ថិតនៅក្នុងស្ថានភាព ប្រសៃប្រសាទ ទៀតផង៕

កម្លាំង​សមត្ថកិច្ច​ចម្រុះ​ចុះបង្ក្រាប​បទល្មើស​នេសាទ នៅ​ ​ក្នុងភូមិ​សាស្ត្រ​ស្រុក​កំពង់លែង​

(កំពង់ឆ្នាំង)៖ កម្លាំងផ្នែករដ្ឋបាលជលផលផ្សារឆ្នាំង សង្កាត់រដ្ឋបាលជលផលកំពង់លែង និង កម្លាំងគណៈបញ្ជាការឯកភាពស្រុក បានចុះបង្ក្រាបបទល្មើសនេសាទរបាំងសាច់ អួអួននៅចំណុចវាលភក់ ភូមិស្លត ឃុំ ផ្លូវទូក ស្រុកកំពង់លែង។

លោក សោម ភិរុណ នាយខណ្ឌរដ្ឋបាលជលផលកំពង់ឆ្នាំងបានឲ្យដឹងថា ក្នុងរយៈពេលពេញមួយថ្ងៃ កម្លាំងចម្រុះសម្រេចធ្វើការរុះរើ របាំងសាច់អួនចំនួន៥កន្លែង ប្រវែង៦៥០ម៉ែត្រ លូសាច់អួនចំនួន ៥មាត់ បង្គោលចំនួន៣០០ដើម និងចាក់លែងកូនត្រីចម្រុះទៅក្នុងដែនទឹកធម្មជាតិវិញ ចំនួន២០គីឡូក្រាម៕

ឃាត់ខ្លួន​ជនសង្ស័យ​ម្នាក់​ករណី​បង្ក​ហិង្សា​ដោយ​ចេតនា​នៅ​ស្រុក​ឧដុង្គ​

(កំពង់ស្ពឺ)៖ កម្លាំងនគរបាលបានឃាត់ខ្លួនជនសង្ស័យម្នាក់ ករណីបង្កហិង្សាដោយចេតនា បណ្ដាលឲ្យយុវជនម្នាក់រងរបួសធ្ងន់។ ហេតុការណ៍កើតឡើងនៅចំណុចភូមិច្រេស ឃុំជើងរាស់ ស្រុកឧដុង្គ ខេត្តកំពង់ស្ពឺ កាលពីវេលាម៉ោង២រសៀលថ្ងៃទី៦ ខែមីនា ឆ្នាំ២០១៨។

មន្ត្រីនគរបាលបានឲ្យដឹងថា ជនសង្ស័យដែលឃាត់ខ្លួនឈ្មោះ សែន គង់ ហៅបិត ភេទប្រុស អាយុ៣៥ឆ្នាំ រស់នៅភូមិឃុំកើតហេតុខាង។

ប្រភពដដែលបន្តថា មុនពេលកើតហេតុជនសង្ស័យបានទាស់ពាក្យសម្តីជាមួយជនរងគ្រោះឈ្មោះ អុយ សំណាង អាយុ២៥ឆ្នាំ រស់នៅភូមិជាមួយគ្នាលុះទាស់ពាក្យសម្តីកាន់តែខ្លាំង ជនសង្ស័យបានយកដំបងជ្រុងប្រវែង៦០សង់ទីមែត្រ មានដែកគោល វៃលើជនរងគ្រោះបណ្ដាលឲ្យចំក្បាលខាងលើផ្នែកខាងឆ្វេង ដេ៥ធ្នេរ និងវៃចំសាច់ដុំដៃខាងឆ្វេងស្មាខាងស្តាំរងរបួសធ្ងន់។

ក្រោយពីកើតហេតុជនរងគ្រោះត្រូវក្រុមគ្រួសារដឹកយកទៅព្យាបាលនៅមន្ទីរពេទ្យ ចំណែកជនសង្ស័យត្រូវបានកម្លាំងជំនាញឃាត់ខ្លួនបានភ្លាមៗ និងនាំមកកាន់អធិការដ្ឋាននគរបាលស្រុក ដើម្បីសាកសួរ និងកសាងសំណុំរឿងចាត់ការតាមនិតិវិធី៕