បណ្តាញសង្គម

ត្រៀមរដូវកាលថ្មី ៖ ព្រះខ័ន​រាជ​ស្វាយរៀង ចុះកិច្ចសន្យា​នាំយក​អតីត​ខ្សែការពារកណ្តាល Stoke City

បាល់ទាត់ ៖ ក្លិបព្រះខ័នរាជស្វាយរៀង បានចុះកិច្ចសន្យាជាមួយខ្សែការពារកណ្តាល Harvey Read សញ្ជាតិអង់គ្លេស និងកាន់លិខិតឆ្លងដែនអូស្ត្រាលី ធ្លាប់ជាយុវជនថ្នាលក្លិប Southampton និង Stoke City។ នេះបើយោងតាមផេកផ្លូវការរបស់ក្លិបព្រះខ័នរាជស្វាយរៀង។

Harvey វ័យ២០ឆ្នាំ បានចាប់ផ្តើមអាជីពដំបូងហ្វឹកហាត់បាល់ទាត់ដំបូងជាមួយយុវជនថ្នាល់របស់ក្លិប Southampton និងបានធ្វើការផ្លាស់ប្តូរក្លិបបន្ទាប់ពីទទួលបានការចាប់អារម្មណ៍ពី Stoke City FC និងបានរួមរស់មួយរដូវកាល២០១៧ពេញជាមួយ Stoke City FC ដោយបង្ហាញខ្លួនបានចំនួន១៩លើក រកបាន១គ្រាប់ ក្នុងពានរង្វាន់ U18 Premier League និង Primier League 2 ចំនួន២លើក។

ចូលមកដល់រដូវកាល២០១៨ ក៏បានសម្រេចផ្លាស់ចេញទៅលេងអោយក្លិប Heidelberg United នៃលីគលំដាប់ទី២អូស្ត្រាលី៕